البنت (لأ) الولد (ايه),, << محور نقاش

[نوسهـ]

مرحبــآآ صبآآيآآآ اخباااركوووم ..؟ عآملين ايه ..؟؟
ان شاء الله كويسسين ..!!

شسمه ذا اي جا ب بالي هالموضووووع (انا لأ اخوي ايه)o

كثير م العوايل البنت لا الولد ايه حلال ع الولد حرام ع البنت:i121
<< ابي اجطل هالنووع م النااس واقتلهم وش تسذا الناس وصلوو ل القمرر ماتوو اللي يسوون تسذا عنصريه م ناحيه هذا ولد وذي بنت مر يمصع تسبد اللي مانب قايله


مثل: الولد يطلع مع خوياه والبنت لأ تطلع مع امه ولا بعد ماتطلع احسن ض1

الولد عادي ناظر اشياء مب حلوه مسلسلات تركيه مثلا والبنت لا عيب وحرام ولا الولد حلال:eek5


ابي رايكم حوووول هالفئه م المجتمع البنت لا والولد ايه

رايك شنو تأيدين ام تعارضين وشنو الاسباب ل كل اجابه..؟
انتي مستقبلا بتكونين كذا؟:bad
عندك مثل هالحــــآآله ..؟؟

وكل وحده تجيب شنو اللي ع الولد ايه والبنت لأ ....


بحفظ الله:


برب ابنتحر:eek512​

 

[شوق ~]

الولد: يمه
الأم: تدلل
الولد: أبي قهوة أبطلع
الأم: من عيوني

الولد: يمه
الأم: عيون أمك
الولد: أبي معكرونه حمراء
الأم: تامر أمر

البنت: ماما
الأم: روحي غسلي الصحون
....
....
....
....

( تم حذف ماتبقى مراعاة لمشاعر البنات ) ض1

الولد عادي ناظر اشياء مب حلوه مسلسلات تركيه مثلا والبنت لا عيب وحرام ولا الولد حلال:eek5​

أما هذا ياروحي موعيب وبس هذا حرام على البنت والولد ​

عندك مثل هالحــــآآله ..؟؟​

عندي بس بالمعقول
وراضية لأن سمة البنت حياؤها
(h)​

​

 

[برداويه وبس]

الولد: يمه
الأم: تدلل
الولد: أبي قهوة أبطلع
الأم: من عيوني

الولد: يمه
الأم: عيون أمك
الولد: أبي معكرونه حمراء
الأم: تامر أمر

البنت: ماما
الأم: روحي غسلي الصحون
....
....
....
....

( تم حذف ماتبقى مراعاة لمشاعر البنات ) ض1



هههههههههههههههههههههههههه الله ياخذ ابليسك قولي آآآآآآآآآآمين



والله انك خطيره
ياحياتي يالبنت قبل ماتقول الطلب نطتبه الوالده :d
لا بعد ياليت الولد يستاهل لو تقوله امه رحبي لفلانه قااال: عفوا صديقي بالطريق
والبنت مكرووووفه كرف تغسل وتكنس وتطبخ وووووووووو ولا كانه تسوي شيo


ظلم !:i125

حبيبتي (h) مشكوووره ع الموووضووع (f)​

 

[نوسهـ]

اني راحله هههههههه عليتس امثله خوقاقيه

حطيت هالموضوع يوم قلت ل صديقتي خلينا نطلع ل النخيل قالت اخوي يعيي <<< وهو مايجي الا بانصاص الليالي ولا ع البنت عيب مايصلح وحرام <<< واجي يجي ببالي الموضوع قلت اهذر عن بنات جنسي ذذ << دلاخه تايم



بريداااويه نوووووووووووووورتي ي بعدي:41 اي اي مواعين فقط لاغير:eek5

 

[شوق ~]

بريداويّة ق1

مداخلة أُخرى :d

عذراً للتدخّل فالنخيل للحاجة وليس لأجتماع الصديقات

إلا إذا كنتم في قسم الترفية فأنصحكِ نصيحة الأخت:
إبتعدي عن الأماكن العامة

: 12
​

 

[فوز]

كأنك لمستي على بعض الجرح ,,,,,,, $عندي اضافه $ في مجتمعنا اشياء الى الان مافهمت منها شي مثل 1-الشغل للبنت مو للولد 2- الولد عيبه بجيبه 3- المشورة للولد اكثر من البنت مع ان مشورة الولد دائما تؤخذ سواء صواب او خطأ 4- خطأ الولد يغفر اما البنت لا مهما كان ويكرر اذا جاء طاري لمثله 5- على البنت احترام الولد مهما كان بينما الولد حر في جميع تصرفاته حتى مع قلة الاحترام والادب الى الان مافهمت هذه الاشياء ويمكن اضافة عليها لمن ارادت...... شكرا عا الموضوع

 

[فراااغ]

ليش انحط رسنا براس العيال هذا حكم الله هو الي خلى النفس البشرية تفضل العيال واكبر دليل انتي لو انك اموم كان تمنيتي العيال على البنات البنات بختصار تعب تعب تعب حتى هي نفسها تتعب من عمرها

 

[ـالتُفاحة الورديّة]

اتركي شغل البيت

لكن عند النقاش لو نتناقش وصلت لحد الهواش قالوا لك اسكتي عيب الولد مايحارش ( ما يقاشر )
وهو المخطي

مرة صار لي موقف يمكن قبل 3 سنوات عقبه تبت توووبة يبداء لقال لي شي اقول صح عليك لو هو خطأ ولا أحارشه والمشكلة أصغر من :d

جيت أغسل الحوش وهو واقف بطريقي اقول أبعد ولا أبعد وجي وأرشه بالماء قاااام واخذ ( اللي )
ورشن واضربن مع كتفي بغيت اصيح من وجعه أعرفن ماكملت غسيل الحوش وعقبه أخذته قاااعدة ماقوله شي :d​

 

[*سوارة ذهب*]

أولاً حبيبتي نوسهـ بالنسبة للطلعات أهلك إذا منعوك تراهم يخافون عليك.
لكن اللي يقهر إذا قالوا الولد عيبه بجيبه حتى بعضهم يسوي شيء حراااااام ويقلون هذا الكلام ياناس هذا
حراااام البنت والولد فيه سواء.:eek5

ليش انحط رسنا براس العيال هذا حكم الله هو الي خلى النفس البشرية تفضل العيال واكبر دليل انتي لو انك اموم كان تمنيتي العيال على البنات البنات بختصار تعب تعب تعب حتى هي نفسها تتعب من عمرها

لا ياعمري من اللي يقول إنه الأمهات كلهم يتمنون العيال على البناتo أنا أعرف أمهات عندهم بنات
ويتمنون بنات زيادة لأنهم شافوا الأدب والهدوء والخدمة من البنت لاخلا ولا عدم من البنياااات

 

[نوسهـ]

لا اهلي الحمد لله ماقالو شي عن الطلعات ماطلع الا والماما وياي
بس صديقتي اخوهن عيا واجي انقهر طيب خل امك تروح معه ولا اختك وش كذا

 

[نوسهـ]

كأنك لمستي على بعض الجرح ,,,,,,, $عندي اضافه $ في مجتمعنا اشياء الى الان مافهمت منها شي مثل 1-الشغل للبنت مو للولد 2- الولد عيبه بجيبه 3- المشورة للولد اكثر من البنت مع ان مشورة الولد دائما تؤخذ سواء صواب او خطأ 4- خطأ الولد يغفر اما البنت لا مهما كان ويكرر اذا جاء طاري لمثله <<ابصصيح:eek5 5- على البنت احترام الولد مهما كان بينما الولد حر في جميع تصرفاته حتى مع قلة الاحترام والادب الى الان مافهمت هذه الاشياء ويمكن اضافة عليها لمن ارادت...... شكرا عا الموضوع

اي الشغل للبنت اوب للولد
ولاقلنا الرسسول يسساعد زوجاتهم او خيركم خيركم ل اهله قالو : هذا الرسسول مب حنا مالت عليهم

ي ختي بدو الخلق يرجعون ل الجااهليه الاحظ الولد مقدس

نورتي فووووز

 

[نوسهـ]

ليش انحط رسنا براس العيال هذا حكم الله هو الي خلى النفس البشرية تفضل العيال واكبر دليل انتي لو انك اموم كان تمنيتي العيال على البنات البنات بختصار تعب تعب تعب حتى هي نفسها تتعب من عمرها

وليش مانحطه؟؟
يختي الاسلام ساوا ب التعامل مب لاجاتس البزر مراهق قالو:ايه مراهقه اصبرو عليه يقطع شوشتس ويلفعتس ويصبخبتس الجدار ولابدت البنت ي عمري ماعنده الا اللسسان قالو:مراهق مراهق يكبر ويعقل بس البنت ماتنسى هو راح ينسى اللي سواه بس تظل ب الذاكره:bad
وبعد كل ذا تطلع هي الغلطانه والمفروض لاقال:الشمس تطلع غرب تقول ايه غرب مب شرق

 

[نوسهـ]

اتركي شغل البيت

لكن عند النقاش لو نتناقش وصلت لحد الهواش قالوا لك اسكتي عيب الولد مايحارش ( ما يقاشر )
وهو المخطي

<<<ي كثثثره

مرة صار لي موقف يمكن قبل 3 سنوات عقبه تبت توووبة يبداء لقال لي شي اقول صح عليك لو هو خطأ ولا أحارشه والمشكلة أصغر من :d

جيت أغسل الحوش وهو واقف بطريقي اقول أبعد ولا أبعد وجي وأرشه بالماء قاااام واخذ ( اللي )
ورشن واضربن مع كتفي بغيت اصيح من وجعه أعرفن ماكملت غسيل الحوش وعقبه أخذته قاااعدة ماقوله شي :d​

الله يكون بعون هالمبزره متى يكبرون يعقلون


نورتي قلبووو

 

[فراااغ]

انا اسفة يمكن ردي السابق استثار الكثير من كن ولكن هذا الوقع فانا انظر الى الامور با عقلنية يعني فائدة الولد اكثر من البنت
يعني البنت تكل وتشرب وتنام معاك ولو تمنين خدمه برى ماتقدر تسويها
اما الولد بغيت مستشفى بغيت يخلص شغل معاملة ماراح الجى الا له
اما طبخ البنت وغسيلها الكل بغنى عنة الخدامة تسوي هذا
لبنك وهو البنك ما تفتحين احساب بسمك الا ببطاقة اخوك ولا ولي امرك صح
الاسعاف والله ماتدخلينها الا بولى الامر لو جيتي مع السواق اطردوك
اسفة بس هذا اللي اشوف حالين من الواقع اكيد انة مو معجبني بس عصب راح اتقبل

 

[فراااغ]

أولاً حبيبتي نوسهـ بالنسبة للطلعات أهلك إذا منعوك تراهم يخافون عليك.
لكن اللي يقهر إذا قالوا الولد عيبه بجيبه حتى بعضهم يسوي شيء حراااااام ويقلون هذا الكلام ياناس هذا
حراااام البنت والولد فيه سواء.:eek5

لا ياعمري من اللي يقول إنه الأمهات كلهم يتمنون العيال على البناتo أنا أعرف أمهات عندهم بنات
ويتمنون بنات زيادة لأنهم شاذا ازعجك ردي فوا الأدب والهدوء والخدمة من البنت لاخلا ولا عدم من البنياااات

انا اسفة اسوار اذ ازعجك ردي بس شكلك مو متزوجة علشان كذا انتي مندفعة كثير للبنات(الله يخليك لهم)
واحس بعد انك عايشة في عصر افلاطون

 

[هايين]

عاد انا ضد البنات هالايام
روحه وجيه بالاسواق وبيوت صديقاتهن
البنت قرارها في بيتها افضل لها
انتن تروحن مع اهلكن مع خوالكن وعمامكم
وتشوفن صديقاتكن بالمدرسه
واذا افترقتن الله يساعد الي تروح

...
وعن الولد يشخص على اخته كسر لا المخطي يعاقب ولد ولا بنت
ولا اخليه يتشبب على ابنيتي
ولا تخدمه الا بالمعقول
يعني على دربها تجيب كاس ماء


والله يصلح الولد والبنت
..​

 

[((قرعيطـــه))]

خخلونن سسسآكته وآلله ي آن آنطلقت لآآبتل آهذر ..>وآككبر شرهته :$

 

[نوسهـ]

هايين;:f:

عاد انا ضد البنات هالايام >>؟؟؟:d:i125

روحه وجيه بالاسواق وبيوت صديقاتهن :i125

وليه مانروح ومانجي ب بيوت صديقاتنا؟؟؟لايكون عيب وحرام بعد؟؟

البنت قرارها في بيتها افضل لها انتن تروحن مع اهلكن مع خوالكن وعمامكم [وتشوفن صديقاتكن بالمدرسه:i125:i125

<< نعم :41البنت قرارها ب بيتها ومالها الا طلعتين من بيت اهلها ل بيت زوجها و م بيت زوجها ل المقبره ولا تطلع مع صديقاتها مايصلح تستانس لااعرست تستانس :42همن لاعرست جاه رجل اشد واشد :eek5همن عاد نقول ب الجنه ان شاء الله وهكذا....الخ

واذا افترقتن الله يساعد الي تروح
وعن الولد يشخص على اخته كسر لا المخطي يعاقب ولد ولا بنت ولا اخليه يتشبب على ابنيتي ولا تخدمه الا بالمعقول يعني على دربها تجيب كاس ماء

<< نورتي ي الطعمه بس تقل انتس دقرشتي ب ضغطي شوي

 

[حلمي شموخ]

السلام عليكم ورحمة الله و بركااته ..

اخختي بالنسسبة لمثالك الاول .. المعااصي والطااعات افعال شخصية لن تنففعك امك ولا ابووك فيها ..

وبفكر الوالدين كون الابن او البنت تطلع برا البيت ان التفكير ربما ينحرف وتحدث كاارثه ..
وكما ذكرت الذنوب والمعااصي مرجع شخصي .. ولكن فيه شئ اسمه عادات وتقاليد يجب احترامها والالتزاام بها ..

وكوون الابن يقع في كاارثه لن تضره بشئ بامر الدنيا فهو لن يفقد عزا ولا شرفا ولن يعلم به احد ولكن الله سبحانه وتعالى هو من سيجازيه بالاخرة اذا كان الامر مستورا وان علم فهناك حدود ستقام عليه ..

اما الفتاه فهي مفضوحة مفضوحة لا محاله والعياذ بالله ستفقد عزا وربما تحمل فوق اوزارها وذنوبها شيئا عظيما بريئا وهو جنينها المسكين الذي لاذنب له ..

واما بالنسبة للافلام والخرابيط ذولي فان الام والاب ينهونها عن الكل بدون تفرقه ويؤدون الواجب ولكن الشااب لايتاثر وسينفذ ما براسه وسيراها بعلمهم او بدونه .. اما الفتااه فان ذاتها حسااس رقيق يعمل ما يؤمر به ..


اسفه على الاطاله اختي الكريمه ولكن ليكون في ذتنك ان المراه والرجل لافرق بينهما عند الله من نايحه التقرب اليه فكلاهما مامور بالعبادة ..

دمتي بود وحفظ الرحمن

 

[Mays]

سلآم
حبيبتي نوسهـ موضوعك جذبني

" الولد يشوف مسلسلات تركية !" + " والبنت عيب وحرام "
ياحبيبتي مو هذا الشيء اللي يتركز عليه
اصلاً بنت او ولد عيب وحرام مسلسلات تركية هندية مصرية !!!
وليه كل شيء عيب وحرام !!
احمدي ربك انوه فيه عندك اشياء كثيرة فيه احد ماعنده مثلها !!!

ميس