بريدة






عـودة للخلف بريدة ستي » بريدة ستي » ســاحـة مــفــتــوحـــة » هل اصبح الزواج كابوساً

ســاحـة مــفــتــوحـــة المواضيع الجادة ، والنقاشات الهادفة -- يمنع المنقول

موضوع مغلق
 
أدوات الموضوع طريقة العرض
قديم(ـة) 19-05-2012, 03:47 PM   #15
عبدالله السديس
عـضـو
 
تاريخ التسجيل: Apr 2012
البلد: المملكة العربية السعودية - الرياض
المشاركات: 9
موضوعك غاااية من الروعة بسسسس وين اللي يفهم
عبدالله السديس غير متصل  
قديم(ـة) 19-05-2012, 04:09 PM   #16
ـالتُفاحة الورديّة
مميّزة
 
صورة ـالتُفاحة الورديّة الرمزية
 
تاريخ التسجيل: May 2010
البلد: ...............
المشاركات: 4,855

الأوسمة

اقتباس
هل معقولة المرأة تسوي كذا واكثر

حتى حنا نتساءل نقول معقولة الرجال يسوون كذا وأكثر

كلام أصدقاءك هذا أسكبه بالبحر لا يوجد فيه من الصحة مثقال ذرة
__________________
لاتعود نفسك أن يرق قلبك إلئ شيء أعظم من القرآن , المغامسي
ـالتُفاحة الورديّة غير متصل  
قديم(ـة) 19-05-2012, 10:21 PM   #17
مستقبل ماضي
عـضـو
 
تاريخ التسجيل: May 2012
البلد: القصيم
المشاركات: 61
اقتباس
المشاركة الأساسية كتبها من الجماعة
ههههه
موضوع لم يأتي بجديد
ولكنك من هول ماترى و تسمع استنكرت الواقع فكتبت و كأن اخبار الحياة الزوجية اول مرة تصلك
ليس عندي ما اقوله سوى ان معلومتك عن الارتباط من زوجة ليس لها اخوات خاطئة
لأن المشكلة ليست في الاخوات فقط
وانما منتديات النت هي الممول الوحيد لأنتاج مثل هذه النوعية من النساء
و اليك منتدانا هذا وهو اقرب مثل
يوجد لدينا اناث اعتقد ان مايجري في عروقهن ليس دم
وانما موية نار تريد ان تحرق كل ما تبقى لدى بناتنا من احترام و تقدير للطرف الاخر
عالم النت اصبح وسيلة تواصل بين امرأة غير طبيعية مع امرأة سليمة الطبع
لكن الشيء الوحيد الذي احمد الله عليه و اشكره بهذا الخصوص
هو انني متزوج قبل خروج هذا التسونامي النسائي المخيف  

ما نفقد هالضحكة
هو لم ياتي بجديد لكن القنابل الهيروشيمية لم يسلم منها رجل
ماطرحته هو ليس من هول ما ارى واسمع لكن الامر فشا كثيراً
افهم من ردك انك تايدني ما عدا نقطة واحدة ..!
مع اني متاكد لو احط تصويت للشباب اللي مالهم فترة معرسين راح يايدون موضوعي وبقوة
ويمكن يدعموني بوثائق ...
بالنسبة للنقطة اللي تحدثت عنها ربما صحيحة او عكس ذلك
مع ان النت ممول قوي الا ان البنت لا تتوانى بفعله
يا بختك راح علينا وقت الاولين ... اما الحين غرقنا قبل ما نغرق
مستقبل ماضي غير متصل  
قديم(ـة) 19-05-2012, 10:40 PM   #18
مستقبل ماضي
عـضـو
 
تاريخ التسجيل: May 2012
البلد: القصيم
المشاركات: 61
اقتباس
المشاركة الأساسية كتبها bsoma
وعليكم السلام ورحمه الله وبركاته


موضوع يستحق النقاش ل بعض الناس اللي يشوفونه ب المنظور هذا مثلك


ب كلمتك هذي اخوي رجاء لا تعم

وثاني شي
طلعت من النقاش ب اشيياء سلبيه والله لو دورت ع الايجابي بتحصل كثير
لو كملت نقاشك اكثر مو معقول انت والاشخاص اللي سالتهم بس تقولون كذا
من كل الشباب

وترا اذا انت شايفنا كذا احنا بعد نشوف فيكم كثير وخصوصآ
اللي صاير الفتره هذي واشوفه ب مجتمعي تعدد الزواجات عشان يفرض
رجولته لا اكثر بس لما نشوف مثل كذا معقوله بروح واناقش وابحث ع سلبيات
واعقد الامور اكيد لا

ولا اتوقع فيه انسانه تعبث بهيبه رجل اذا مو مقصر ف حقها

وكويس انك ب الاخير ذكرت انو فيه جزء من الزوجات تمام
و شغله بسيطه حاول تشوف الموضوع من ناحيه ابيض

وربنا يسهل واسفه ع الاطاله

يا بسمة منظور ما طرحت يراه الكثير من الشباب حتى الامهات ..! واسالي
اما بالنسبة للخصوص دون التعميم فالكثير اذا طغى ضًم القليل معه .!
ولست ممن يقول المرأة كلها سيئة مع زوجها لكن الحقيقة ان سيئاتها طوام
اما حنا ابو سروال وفنيلة مهنا اطيب منا بس وين اللي تفهم >> تراي امزح عاد يالله الحق عليكم من السب لنا قصدي المدح
بالنسبة للشباب فيهم سلبيات كثيرة لكن الطوام بعدد الاصابع وفي المقابل الطوام بعدد شعر ثور جيراننا
اما من ناحية ابيض انا اوقول رمادي ينفع معي بس لا يتحول اسود بعدين اصير خروف كبير كبر الجبل
شكراً
مستقبل ماضي غير متصل  
قديم(ـة) 20-05-2012, 02:57 AM   #19
مستقبل ماضي
عـضـو
 
تاريخ التسجيل: May 2012
البلد: القصيم
المشاركات: 61
اقتباس
المشاركة الأساسية كتبها تميمي عنقري
السلام عليكم
والله كلامك معظمه صحيح وخاصه انه مسترجلات البعض وليس الكل .

الشي الثاني الوضع تغير الحين بعد الانتر نت والبلاك والجهزه الحديثه البنات تغيرن والله الاغلب .

والشي الثالث بعد بعض الرجال يسوي نفسه انا الرجل الي اذا قلت كلمه خلاص لاتتكلمين وانا الرجل المسموعه كلمتي ولا تناقشه زوجته ولا شي ويعني نظامه قديم المراه لها حق وانت لك حق

واخيرا

( التفاهم بين الزوجين = حياة سعيده بعد توفيق الله)

وشكرا اخوي على الموضوع

انا داري ان هالموضوع اذا ماصار كله صار معظمه لانه امر واقع يجسد ما نراه .!
ولاشك ان الوسائل الحديثة ايدي عاملة في تعنترهن رغم القوامة بيد الرجل
والرجال فيهم اخطاء وعندهم نظرة مدري وش تبي الا وهي خلك من اول ليلة ما عندك لف ولا دوران عشان تهابك تقل بياخذها اسبوع ...!
والمشاكل موجودة والتفاهم لا بد منه....
الشكر لك يالتميمي
مستقبل ماضي غير متصل  
قديم(ـة) 20-05-2012, 03:10 AM   #20
مستقبل ماضي
عـضـو
 
تاريخ التسجيل: May 2012
البلد: القصيم
المشاركات: 61
اقتباس
المشاركة الأساسية كتبها قائد المجد
اخي
التعميم لايجوز بارك الله فيك
انت قم باختيار الفتاة الصالحه (اظفر بذات الدين تربت يداك)وهن كثر ولله الحمد
ولن يخيب الله املك
تقبل مروري...

التعميم التعميم التعميم ...!
100 طالب 99 رسبوا ..الكلام المفروض يوجه للي نجح والا اللي رسبوا
ثم نجي بعدها نقول ليش ناظرتوا الـ99 وخليتوا هالواحد ..! ونقول لا تعمم
الله يرزقنا الزوجة الصالحة اللي تعيننا ع طاعته
شكرا لمرورك
مستقبل ماضي غير متصل  
قديم(ـة) 20-05-2012, 03:23 AM   #21
مستقبل ماضي
عـضـو
 
تاريخ التسجيل: May 2012
البلد: القصيم
المشاركات: 61
اقتباس
المشاركة الأساسية كتبها المفارق
اولا يابعدي الاطباع تغيرت مهب بس النساء حتى الرجال المشكلة ان اهلنا اول كانوا عايشين حياة بسيطه ومتفاهمين
ومشاكلهم يحلونها بكل سهوله اما الحين البنت اول مايصير مشكلة طارت لاهله تشتكي وتبكي وماعنده قدرة على مواجه مشاكلها مع زوجها والادهى والامر تسمع كلام اللي حولها من خوات وصديقات حتى لو ما عندهن خبره بالحياة الزوجية وبالنهاية هي اللي تخسر والنتيجة الطلاق واللي منتشر الحين عند الزوجات كثرة العناد وصعوبة تقبل توجيهات الزوج الا من رحم ربي انا في كلامي هذا لا اعمم ولكن هذا اصبح منتشر بالمجتمع الحين انا اقول لازم الازواج سوا الرجل او المراة انهم يثقفون انفسهم في حلول المشاكل وعدم التسرع في اتخاذ القرارات والغيره عند البنت لازم تصير بحدود ماتصير غيرتها جحيم على زوجها وتصير البيت نار على الزوج بدل ما تكون سكن واستقرار واسف على الاطاله وشكرا

شوف يالمفارق انا اعي ما اقول
لما اتكلم ببني هالوقت ليس اننا لم نتغير وكل المشاكل من الطرف الاخر
فواقعنا مؤسف لكلا الطرفين
لكن ما اعنيه الحال بالنسبة لبنات هالوقت اصبح لا يطاق في اغلب المعايير .!!
الثقافة مطلب لحل المشاكل
شكراُ لاثرائك
مستقبل ماضي غير متصل  
قديم(ـة) 20-05-2012, 03:43 AM   #22
مستقبل ماضي
عـضـو
 
تاريخ التسجيل: May 2012
البلد: القصيم
المشاركات: 61
اقتباس
المشاركة الأساسية كتبها دُرر مضيئة


مثل مالشباب خايفين وكارهين ومترددين من الزواج


لمعلوميك


أكثر أغلب ,,البنات أخذات فكرة سيئة عن الزواج



السبب


ببساطة لأن ماعاد فية رجـــــــــــال بالوقت الاقلة !

.. لو كان رجال ماطاع زوجتة بكل شي واستقوت علية وصارت بيته جحيم مثل ماقلت >>هذا مهكاكة !!




لولا نظرة المجتمع الي عايشين فية


ماتزوجنا طول عمرنا





بالنسبة ان عدد كبير من البنات آخذات فكرة سيئة عن الزواج
بسبب ما عاد فيه رجال بهالوقت هذا ذر الرماد في العيون .!! لكن الموضوع له مفعولة
وبالنسبة للرجل مهكاكة لانه وقع في كمين لا يرحم ...
مستقبل ماضي غير متصل  
قديم(ـة) 20-05-2012, 05:25 AM   #23
loquacious
أمنية
 
صورة loquacious الرمزية
 
تاريخ التسجيل: Jun 2009
البلد: الرياض , وفيها بدايتي ونهايتي
المشاركات: 2,545

الأوسمة

الزبده ايش صار كابوس والاجاثوووووم.. ! نتزوج وإلا لا ههههههههههههههه
مامليتوا من هالإتهامات , كل واحد يرمي بلاويه ع الثاني : /
شكلي بصير بويه وارتاح : #
__________________
كيف السبيل إلى وصالك دُلني .. يامن هواه أعزّه وأذلني ...
loquacious غير متصل  
قديم(ـة) 20-05-2012, 06:38 AM   #24
نجدية حرة
عـضـو
 
صورة نجدية حرة الرمزية
 
تاريخ التسجيل: Apr 2009
البلد: اتمنى ان انتمي للمدينة الفاضلة
المشاركات: 629
اجل نسبة البنات المذكورات 99.9 بالميه!!
يعني تبي تقنعنا ان عندك مصداقية مثل دعاية ديتول يالظالم هههههههههه

يااخي اذا كان زميلك نصحك ما تأخذ بنت لها خوات انا انصح البنات ما يأخذون رجل له أصدقاء
عليهم ان يختارون مابين رجل منبوذ او رجل عاقل منصف؟!

يااخي قليلا من الانصاف والتعقل!
فليس كل مايقال يحكي واقع!
ولا تكن سوداويا متشائما! وأنصحك ان تبتعد عن الأصدقاء السلبيين..
وتعلم كيف تتعامل مع الحياة بإيجابية وتفاؤل بعيدا عن قال فلان وقال علان..

وانتم يا الرجال تراكم اكثر من الحريم تشكي>>قلبت داوود الشريان ههههه
جد والله مو مضيعكم الا التشكي والحش..
انتبهو تراه بدايه للانهيار
سكرو آذانكم وعيشو تجاربكم الخاصة فقط وابحثوا لها عن حلول بدون تدخلات سلبيه تسعدو..
نجدية حرة غير متصل  
قديم(ـة) 20-05-2012, 07:17 AM   #25
مستقبل ماضي
عـضـو
 
تاريخ التسجيل: May 2012
البلد: القصيم
المشاركات: 61
اقتباس
المشاركة الأساسية كتبها Qassime
ههههههه اشوى اني قاضي ولا تسان اصدق اللي انت تقوله ..

اخي العزيز حتسيك مهوب لم قلم ابببد .. بالعكس الحريم مامثلهن ويهبلن بس انت اعرف مدخاله وتقضي كل الأمـور

الا تسانك ضعيف شخصيه ولك عليك .. ما انصحك بالعرس .. المرأه لينه ومتفاهمه وسنعه بس ادخل عليه مدخالن حسن وعامله بلطف ولاتقصر عليه ..

ومثل ماقال الأولين .. قبل تضمه اسأل عن أمه

الحمد لله اعرف كثير من ربعي متزوجين ومبسوطين وحيآتهم زي اللوز .. ولا أحد بهم أشتكى ولا كل ولا مل

اللي قالك لاتعرس الا 35 ذا مايبيلك الخير .. من وجهة نظري افضل عمر لزواج الرجل هو مابين 25 الى 28 يكون حزته الرجل واعي ويدري وش السالفه ..

واذا انك تبي تتزوج ولا تبيه تشري ملابس ولا تروح ولا تجي .. انصحك لاتعرس وخلك بأستراحك .. المرأه مثلك تبي تروح وتبي تجي وتنحشر من البيت ووده تغير جو وتبي تسافر وتبي تصير مثل العالم .. عاد انت زبط امورك وتبي تزبط حياتك ان شاء الله ..

موفق



+ 1


قاضي يرد ع موضوعي ولا يضحك بعد كذا ما اقوى
كل كلامي غلط يمكن اكلم ناس من زحل والا اللي يتشكون من عطارد
والا جلست مع بنات من الماضي الجميل
متاكد بل ابصم برجولي ان حتسيي ما عليه غبار والمطر لاسب الى بكرا
ومثل ما قلت .. اللي ما مثلهن قليل جدا في هالزمن والباقي انتبه لا ياكلنك وانت مبقق عييناتك
وهي ليست مسالة ضعف شخصية بقدر انها لا ترحم زوجها .. وهذا مشاهد
انت ما جلست مع خواتك او قريباتك وشفت فنون الانتقام او سمعت !..
اما المرآة لينة وسنعه انشهد ومهنا ارق منه وقوتها بضعفها وسلاحها دموعها
واحن من الام واحساسها ابعد ما يكون ودايم ترضي زوجها واذا زعل كن جبال الدنيا عليها
ياخي انتم باي كوكب اللي يشوفكم يقول انا ساكن بالبر 40 سنة ثم حطون بكرتون وفجاة حطون بالرياض عند خريص بلازا والا في بريدة عند العثيم
بالله عليك حتسيي مو ب يم قلم انا اقول كله يم القلم بس انت يمكن وفق الله واخذت وحده نادره ويمكن لا تخاف توريك نجوم القايلة قمت تمدح
ترا فيه من الجماعة مستانسين بزواجهم حتى لا اكون مجحف لكن مع الكم الهائل في العكس اصبح لا اثر لهم
اما بالنسبة يالغالي انه اذا تبي تتزوج ولا ودك تشريله ولا توديها ولا تسافر بها بالطبع الاستراحة زينة وتخب
اعتقد موضوعي واضح وضوح الشمس في رابعة النهار
انا من الحين اقولك ابوديها واجيبها واسافر بها واعطيها عيوني الزرق واطبخ لها بس مو كل يوم وخليها تسوق بعد
المقصد واضح يالقاضي
اعذب تحية
مستقبل ماضي غير متصل  
قديم(ـة) 20-05-2012, 07:18 AM   #26
مستقبل ماضي
عـضـو
 
تاريخ التسجيل: May 2012
البلد: القصيم
المشاركات: 61
اقتباس
المشاركة الأساسية كتبها scorbin

كلام سليم المهم فتاه صالحه

الله يرزقنا اللي تعيننا ع طاعته
مستقبل ماضي غير متصل  
قديم(ـة) 20-05-2012, 07:23 AM   #27
مستقبل ماضي
عـضـو
 
تاريخ التسجيل: May 2012
البلد: القصيم
المشاركات: 61
اقتباس
المشاركة الأساسية كتبها ❤.. Ťạġħřęęḋ
احسن شي بالحياة ان المشاكل بس تجي منا..
<< حطو تحت بس عشر خطوط

بس عشر يالبخيلة
تراه خط قولي مالا نهاية من الخطوط
مستقبل ماضي غير متصل  
قديم(ـة) 20-05-2012, 07:54 AM   #28
مستقبل ماضي
عـضـو
 
تاريخ التسجيل: May 2012
البلد: القصيم
المشاركات: 61
اقتباس
المشاركة الأساسية كتبها حربي عابر دربي
لن تصدق احصائياتك ولو دعمتها بالبحوث المفصلة

والسبب هو ان مثل هذه الامور متشابكة ولن يقع اللوم غالباً على طرف دون الطرف الاخر

معروف ان الرجولة توقف كثيراً من هذه الترهات التي تستوردها بعض النساء من الخارج

وكذلك الحلم والاناة ( فاذا كره منها خلق رضي وقبل بخلق اخر جميل )

نصيحة لوجه الله

آغلب النساء تكذب وكذلك يقول آشباه الرجال بحجة ( لانطق بعين - والناس ماتجيب خير ) لكن لايعلمون بانهم يكفرون نعم الله عليهم مما وهبهم الله من الرخآء والسعادة ( فلو قال الحمد لله لحمد الله و خرج من الشرح والتشريح )

الكثير من الازواج ( ذكور - اناث ) يعيشون في دوآمة الوهم وطلب المستحيل ) فهم ولاشك يعيشون انفصام الشخصية

الرجال يعاشرون نسائهم بالمعروف فاذا اعوجت حاول اصلاح الاعوجاج بالمعروف والكلمة الطيبة والسبل الشرعية المحمودة )

فاذا لم تعتدل ولم ترتدع طلقها وسئل الله ان يبدله الله خيراً منها . وهذا مربط الفرس ياصاحبي

اسئل الله لكل زوجين من المسلمين التوفيق والتوافق والحياة الاسرية الهادئة

نسيت اقولك

اغلب الشباب اذا اراد الزواج قال لــ أمه ابي واحدة زينه ( يقصد ان شكلها حلو - ) وهذا من حقه لكن يهمل باقي اسباب القبول والتوافق في حياة الزوجية وهي الدين والخلق والمنبت الطيب ( اهل الزوجة ) وبعض الامور الثآنوية

آبد ماعليك دور بنت الحلال ونزل موضوع بقسم المناسبات وآعزمنا وابشر بآلعنية ( خروف ) ههههههه

يا حربي صدقني والا تبي تندم
كلامي واضح والمقصد كذلك ..!
تقول اللوم ع الطرفين انا معاك ...
لكن بنات هالوقت طايشات عقولهن تراي ما اعمم عاد ابحل بكم
فيه واحد يقول قبل ما اتزوج كل ما شفت رجل وامرته عند الاشارة اقول ياحظهم عايشين احسن عيشة وبعد الزواج كل ما شفت رجل وامرته قلت الله يعينك عليها
ومرة كنت عند اشارة معي خالتي وفيه جيب لكزس قدامي معاه مرته قلت جيب تسنه بيت دبلكس يمشي من الراحة و ع يمينه حبيبة العمر وبدون تفكير ردة خالتي قالت وش دراك تلقاها دابلتن تسبده والجيب ما تهنابه
عاد بديت اوسوس اي وحدة تمشي اقول شيطان يمشي بيننا

اختيار الزوجة مهم والجمال جمال الروح والا وجهها ابمل منه
دعواتك لنا ببنت الحلال والخروف لاحقين عليه
مستقبل ماضي غير متصل  
موضوع مغلق

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 09:53 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)