بريدة






عـودة للخلف بريدة ستي » بريدة ستي » أخـــبـــار بــريــــدة » بيــن دس و زس الطاسه ضايعة " معاناة طلاب السنة التحضيرية"

أخـــبـــار بــريــــدة كل ما يهم مدينة بريدة

موضوع مغلق
 
أدوات الموضوع طريقة العرض
قديم(ـة) 18-10-2010, 05:25 PM   #1
صرخة ملك
عـضـو
 
تاريخ التسجيل: Apr 2008
البلد: daeesh city
المشاركات: 222
بيــن دس و زس الطاسه ضايعة " معاناة طلاب السنة التحضيرية"

بسم الله الرحمن الرحيم


ياهلا ومسهلآ بالجميع بيــن الطاسه ضايعة " معاناة

اسأل الله ان تكونون مبسوطين ولا يوريكم كل مكروه وتحضيريهـ بالمليداء !!

السنة التحضيرية هي مرحلة تحضر الطالب المجتاز لها بحيث تكون عندهـ

الخبرة الكافية والمعرفة التامهـ بكيفية وطريقة الكليات المستهدفه

حيث انهم ما قصروا معنا

وفرو لنا كل الحاجات الضرورية لراحة الطالب وتوفير الجو المناسب حتى يستطيع
ان يدرس بشكل ممتاز كل هذا كلامياً

لكن في الواقع
عكس ذلك تماما

ابشرح لكم اللي صار بالتفصيل

اول يوم

حفل استقبال الطلاب حتى الساعهـ 11 وقالوا لنا فيه اختبار

اول يوم اختبار 100 سؤال وكلها باللغة الأنجليزية !!

القاعات لما دخلناها كنا ننتظر تكون واسعه ومميزه ومكيفة لاكن تفاجأنا

63 طالب بكل قاعه !!

المكيفات ما شغلت !!

الدكاتره متنرفزين ما ادري ليش !!

عدا اليوم الأول

تواصلت المعاناة

حتى امر الله احدهم وشغل الغبار اقصد المكيف

ثم بددأت سالفة الكتب

قالوا لنا اول شيء وقعوا اننا بنخصم من المكافأة وقعنا قالوا بكرى تستلمونها

جا بكرى ماشفنا شيء يوم يومين ثلاثه اسبوع

بعد 8 ايام سلمونا الكتب لكن ناقصهـ

والدكاتره ما زالوا متنرفزين

المصري يتكلم الانقلش بلهجته

وابو خلق يعلمنا رايتنق اردو مو انقلش بيــن الطاسه ضايعة " معاناة

قسم بالله ينرفزون الواحد

الى متى وحنا بالحاله هذي

يعني يبون الناس تهج ولا وشلون

قسم بالله واحد يحلف يقول انها مقصودهـ !!

غريب امرك جامعة القصيم !!
المصدر: بريدة ستي

__________________
تخيل كم كلمة تقولها

تعب ملائكة الرحمن

والله ما تآخذ منك الا ثواني

قولها وانت مطمئن بها


اللهم لك الحمد كما ينبغي لجلال وجهك وعظيم سلطانك
صرخة ملك غير متصل  


قديم(ـة) 18-10-2010, 05:36 PM   #2
المدلهم
عـضـو
 
صورة المدلهم الرمزية
 
تاريخ التسجيل: Feb 2010
البلد: بريدة سيتي
المشاركات: 532




الله يعينكم
__________________
.
..
...
....
لاإلـــــه إلا الله
....
...
..
.
المدلهم غير متصل  
قديم(ـة) 18-10-2010, 05:43 PM   #3
ماسية العود
عـضـو
 
صورة ماسية العود الرمزية
 
تاريخ التسجيل: Mar 2009
البلد: حيثُ مت"ــآآآآآهات السطـــور!!..
المشاركات: 102
الله يكون بعونك يارب جامعة خايسه وخدمات خايسه وطريق خايس وناس تكد عليك ..
كل شي يهون كل ماتذكرت زميلاتي ..
شوفوإستهتار جامعتنا >>حسافه اسم الجامعه يطلق عليه
زميلاتي امس راحو يطلعون البطاقه الجامعيه قالو لهن انتن ترم ثاني قالن وشلون حنا طالع لنا ترم أول قالت ايه تلخبط بسيط من الجهاز وطلعك ترم اول مابقى شي ونتم شهر والبنات يداومن بيوم وليله يصيرن ترم الثاني من المسؤول >>جهاز الكمبيوتر ماخذينه عذر

الله يوفقك ويوفقنا ويسهل علينا
ماسية العود غير متصل  
قديم(ـة) 18-10-2010, 06:12 PM   #4
reem!
عـضـو
 
تاريخ التسجيل: Oct 2010
البلد: بريده
المشاركات: 18
الله يخرجنا منه بس
reem! غير متصل  
قديم(ـة) 18-10-2010, 06:33 PM   #5
أمير القوافي
عـضـو
 
تاريخ التسجيل: Jan 2009
المشاركات: 576
تدري وش المــشكله..!
ان الدولــه مآقصرت تضخ اموآآل سنويــه للرآحــه لاكن السؤآآل مين اللي يلــعبـهن..!
__
تح ـضريه بالاصــح تخكيليهــ...((الله يع ـين كل وآحد دخ ـل التح ـضريــه))
أمير القوافي غير متصل  
قديم(ـة) 18-10-2010, 07:40 PM   #6
ابو دعاس
عـضـو
 
تاريخ التسجيل: Sep 2010
البلد: في دار عزي في ضواحي بريده
المشاركات: 67
اكيد مقصوده يبغون يحطمونكم من اول الترم يدرون إنكم تعودتو على العطله
أنت بس شف خطاب العميد للطلاب المستجدين اللي كله إحباط وترهيب فيها
وبعده إختبار تحطيمي اول الترم على العموم الله يعينكم عليها بتخرجكم موسوسين
__________________
[FLASH="http://im9.gulfup.com/2011-08-27/1314449904433.swf"]width=732 height=183 t=0[/FLASH]
ابو دعاس غير متصل  
قديم(ـة) 18-10-2010, 07:57 PM   #7
عـــلـــي
عـضـو
 
صورة عـــلـــي الرمزية
 
تاريخ التسجيل: Sep 2010
البلد: بريده
المشاركات: 125
صدقت انا بالسنه التحضيريه يكرفوننا كرف مهمو صاحي
بس ابو خلق على قولتك ابرك من الاردنين بالف مره
__________________
لا الاه الا الله
عـــلـــي غير متصل  
قديم(ـة) 18-10-2010, 09:03 PM   #8
د.غمارة
عـضـو
 
تاريخ التسجيل: Jul 2010
البلد: إيـجـار فـي الدنـيا الـفـانـيـة
المشاركات: 258
أصـلا هـذا هو الهـدف من التـحضيريـة !

أنا يـوم أدرس به أول ما بدينا 1400 طالب .. ومع بداية الترم الثاني راح نصف العدد !!

و بنهاية الترم الثاني ما خصصوا إلا 400 طالب !!

بعدين الباكستانيـين أرحم من الأردنيـين والمصاريـة ..

يجـيك أبو خـلـق يشـرح بذمـة .. ويضيق صدره إذا شاف الطالـب ما فهم ..

وبالخـتـام الله يــوفـقـك
د.غمارة غير متصل  
قديم(ـة) 18-10-2010, 10:26 PM   #9
غريبة الديار
عـضـو
 
صورة غريبة الديار الرمزية
 
تاريخ التسجيل: Jan 2008
البلد: معشوقتي بـــريــــده ~
المشاركات: 1,373
ياويلي الله يرحمكم برحمته ويعينكم
لاقالوا دراسه هذي الدراسه صدز [ سنه تحضيريه ]
الحمدلله اني ما انقبلت به
صدز كل شيء به خيره
__________________
.




أَيَخْذُلُنِي الزَمَانُ وَأَنتَ رَبِيْ

.
غريبة الديار غير متصل  
قديم(ـة) 19-10-2010, 02:07 AM   #10
To be
عـضـو
 
صورة To be الرمزية
 
تاريخ التسجيل: Mar 2010
البلد: بريدة
المشاركات: 330

مشكلة عيالنا ! يبون الشيء بارد مبرد .. !!

شف وأنا أخوك ، أنا متخرج من التحضيرية لي سنة ونص وبحدى الكليات اللي مطلع شمس عنكم

مسألة الاختبار اللي أول يوم ، هذا اختبار تحديد مستوى ما له علاقة بدرجاتك ..
ولا تبيهم يستقبلونكم قهوة وحلى ؟


أما 63 طالب بكل قاعة فـهذا ( غير صحيح ) وأرجوا أن تتثبت قبل ان تكتب !
القاعة فيها ما يقل عن 30 طالب ، هذا في الانجليزي ..
أما الريض ، فيجمعون قاعتين ثلاث ، لأنها صعبة يحطون لـ 35 قاعة و35 دكتور ريض !

المكيفات مشتغلة ، لكن فيها مشاكل وتطفأ أحياناً وهذا خارج نطاق التحضيرية ، إذا تبي تلوم لم الجامعة ..


متنرفزين ؟ ، بالعكس والله ، أكثر من واحد من رفقاي مرتاحين لدكاترتهم ومافي أي مشاكل .. !


إذا جابوا دكاترة أستراليين قالوا ما نفهم عليهم ، وإذا جابوا مصاريا قالوا يتكلمون انقلش مصري ..
بلشوا بكم

اما قضية أبوخلق ، فأرجوا منك احترام الدكاترة ..
من أفضل الدكاترة اللي درسوني طوال 14 سنة ونصف ، هم دكاترة التحضيرية وأقصد الباكستانيين

يا شيخ احترام واخلاق ، ورح لم مكاتبهم شف كيف يخدمونك ويحشمونك !

حتى نجي نزورهم بعض الأحيان ونتواصل معهم .. قمة في الاخلاق ، لذلك لا تعمم بارك الله فيك .


أخوي ، ولـ جميع طلاب السنة التحضيرية ..

اللي تواجهونه بالفترة الحالية ( ضغط ) نفسي عقلي وذهني ،و هذا شيء طبيعي لأنكم أنقلتوا نقلة جذرية من الثانوية للجامعة لذلك تصبروا وحاولوا تتأقلمون مع الوضع ..

وسبق واجهنا نفس ما واجهتوا ، والحمد لله عدت بسلام

To be غير متصل  
قديم(ـة) 19-10-2010, 10:26 PM   #11
التواضع
عـضـو
 
تاريخ التسجيل: Aug 2010
البلد: بريدة
المشاركات: 497
أما 63 طالب بكل قاعة فـهذا ( غير صحيح ) وأرجوا أن تتثبت قبل ان تكتب !
القاعة فيها ما يقل عن 30 طالب ، هذا في الانجليزي ..
أما الريض ، فيجمعون قاعتين ثلاث ، لأنها صعبة يحطون لـ 35 قاعة و35 دكتور ريض !
اسمح لي اخوي منين جايب الخرابيط
مير هو قريب 63 مب مثلك 30 اذا لقيت قاعه مابي اقول 30 قل 50 لك الي انت تبي ولف على سنع
التواضع غير متصل  
قديم(ـة) 20-10-2010, 12:41 AM   #12
To be
عـضـو
 
صورة To be الرمزية
 
تاريخ التسجيل: Mar 2010
البلد: بريدة
المشاركات: 330

يا أبطال مافرقت القاعة به خمسين ولا ألف !

اللي يبي يدرس ما يهمه العدد ، صدقون .. وشوله نتدلع ؟

أجل وشلون لا صرت تبي طب مثلاً ! القاعة به 70 ، يعني خلاص جامعة القصيم تخلف ..

الحياة تبي صراع يا أبطال ، موب جايتك الشهادة باردة مبردة
To be غير متصل  
قديم(ـة) 20-10-2010, 03:13 PM   #13
د.غمارة
عـضـو
 
تاريخ التسجيل: Jul 2010
البلد: إيـجـار فـي الدنـيا الـفـانـيـة
المشاركات: 258
اقتباس
المشاركة الأساسية كتبها To be

يا أبطال مافرقت القاعة به خمسين ولا ألف !

اللي يبي يدرس ما يهمه العدد ، صدقون .. وشوله نتدلع ؟

أجل وشلون لا صرت تبي طب مثلاً ! القاعة به 70 ، يعني خلاص جامعة القصيم تخلف ..

الحياة تبي صراع يا أبطال ، موب جايتك الشهادة باردة مبردة


أصـلا دفـعـة الـطب كـلـه 100 طـالب !!

وشـلـون يـضـيـقـون عـلـى أرواحـهـم ويـحـجـرون 70 بـقـاعـة وحـدة ؟


تـسـمـع بالـطـب يـاحـبـيـلـك
د.غمارة غير متصل  
قديم(ـة) 22-10-2010, 03:53 AM   #14
To be
عـضـو
 
صورة To be الرمزية
 
تاريخ التسجيل: Mar 2010
البلد: بريدة
المشاركات: 330
اقتباس
المشاركة الأساسية كتبها د.غمارة
أصـلا دفـعـة الـطب كـلـه 100 طـالب !!

وشـلـون يـضـيـقـون عـلـى أرواحـهـم ويـحـجـرون 70 بـقـاعـة وحـدة ؟


تـسـمـع بالـطـب يـاحـبـيـلـك


ما أسمع به ولا يحزنون يا بطل

أول ما تجي الدفعة ممكن يصل عدد الطلاب إلى 130
يدرسون وبعدين ينقص العدد إلى 90 تقريباً في السنة الأولى فقط ..
طبعاً فيه قاعتين .. ، في السنة الثانية يصل إلى 80 ، الثالثة 75 وهكذا ..

أي شيء تبيه عن الطب أسألن وأنا أعلمك

To be غير متصل  
موضوع مغلق

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 09:37 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)