بريدة






عـودة للخلف بريدة ستي » بريدة ستي » ســاحـة مــفــتــوحـــة » جدتي موضي على الهاااااااااااف مون .. سي يو ..

ســاحـة مــفــتــوحـــة المواضيع الجادة ، والنقاشات الهادفة -- يمنع المنقول

موضوع مغلق
 
أدوات الموضوع طريقة العرض
قديم(ـة) 25-02-2008, 02:53 PM   #1
مدحت شوقي بريده
.. وللشطوب نكهة و نكهة ..
 
تاريخ التسجيل: Feb 2002
البلد: هناك
المشاركات: 16,093
جدتي موضي على الهاااااااااااف مون .. سي يو ..


السلام عليكم ..



حيالله شباب منتديات بريدة ستي .. اعضاء وعضوات ..
تماسيح وشباصات .. احياءً منهم واموات ..

اعود اليكم بعد رحلة على الشاطئ الشرقي مع جدتي موضي .. وذلك بعد ان نشبت بحلقي ..
تقول ابشوف هالبحر اللي يقولون انه مالح وغدار ..
وبعدين ودي اسبح بالبحر بس خايفتن من البرد ..


اخذناااااااااااااه ورحنا للشرقية .. ولاوقفنا الا على شاطئ نصف القمر .. ( الهااااااف مون )

عاااااد حنا مانبيه تسبح وقلناه له .. ياميمتي توهم يعبونوه البلدية مابعد امتلى ..
ماتشوفينه مايغطي الا الرجلين ..

قالت ماعليكم من .. مالكم دخلن بي ..
وترى ان ماتركتون اسبح .. والله لاأحرمكم من الميراااااااااث جدتي موضي الهاااااااااااف  ..
بلاااااااااااكم ماتدرون انهم من اول يسمونن الفقمة .. من كثر مااسبح ..:D

اقول لاتخلينا يالميراث .. الله يستمعتس يقول انتس تقسمين ايجارات برج الملكة مع الوليد ..
كل اللي عندتس شنطة هالحديد وحتى البسطة اللي به (دين )


وحنا قاعدين على الشاطئ والا هي تمر من عندنا .. لابستن ثلااااااااث بجامات وفوقهن المايوه جدتي موضي الهاااااااااااف  ..
وتبي تروح تطب بالبحر .. وتنادية امي وتقوله ياخزياااااه وشلون تطبين وهالعالم تناظرتس ..
قالت ماعليتس من انثبري بس اللي يسمعتس يقول اني طابتن مصلوخة جدتي موضي الهاااااااااااف  ..


المهم قمنا وعبينا له ( الطشت ) وقلنا له تعالي هنا اجل ..
وحطيناه بالبركس ( بالمظلة ) وقعدت تطااافش بوه ..


بعد ماطيحة اللي برااااااااااسه وسبحت وطافشت بهاك الطشت ..
طلعت وقعدت عندنا وشافت البحر ماتحرك .. قالت وراهم ماعبوه .. يمكن الدينموا خربان ..
عاااااااااااااااد هي جلست وشغلت الراداااااااااااااار على هالنااااااااااااااس اللي جالسين على الشاااااااطي ..


وهي تتفرج وتطيح عينه على عائلة وقفت بجنبا .. واتسلط علهم ..

ماشاء الله شكلهم معاريس هذولا مامعهم بزاااااااااااااااارين ..
الا والله دوتس الشغالة نزلت شايلتن معه بزر ..

ناااااااااه سلة هالزمزميات اللي معهم .. والله ماتقولين الا سلة اختي مزنة اللي تسد اخذته من الصانع ..

هاللحين وراه هي واقفتن عند البحر .. والرجل والشغالة هم اللي ينزلون العفش ..

ياويلي دوك كرشته اثره حاااااااامل .. واويلي وش هالدبشة .. اوقفي اوقفي لاتطيحين بالبحر ويطيح ولدتس ..

دوك دوك وش يسوونجدتي موضي الهاااااااااااف  .. قاعدن يدحا اثمه بالأكل اقول مير نفرتن تبرزخ جلدك ..
وهي مقطعتن ايديه وراه ماتاااااااااكل هي جعله للمر ..
ياميمتي ماعلينا منهم .. الهي عنهم اتركيهم .. حنا جايين نستانس والا نبلش بالناااااااااااااس ..


عاااااد بذمك دوك وش مسوين بالشغالة ..
ياويلي قاعدتن تحت السيارة وجادعين له الأكل يادافع البلى .. تقول بسة:D ..

وين يبون قااااااموا .. دوكم دوكم ركبت هي بالسيارة والرجال والشغالة ينفضون الفرشة ويضفون العفش .. الله اعلم ان هذا ( شهره ) زاااااد بطنه نااااااازل صاريتن تقول كنغر ..:D


ياميمتي اغدينا نمشي حنا بعد .. اكلنا البرد وانتي اكلتي هالعااااالم ..


وحنا نضف عفشنا وقف عندنا الرجال اللي كان جنبنا وقال ..
يالبي خوذو برطم هالعجوز ناسيته عندنا .. من جلسنا وهي جادعتن خشته علينا ..



[GLINT]ياناس ياعالم اللي يطلع للبر والا يروح للبحر .. لايبلش بالناس ..
وينتبه لنفسه ولعياله وللي معه .. ويترك الناااااااااااس ..[/GLINT]


سي يو ..

..........................

معاني الكلمات :

تركتون : هذا بزر يقول دركسون ..


( الشرااااااااااافة ) :

الشرافة لغة :
حسحس شعر ركبتي اذا صار شي قدامك ورحت وانت ماتدري وشو ..

وفي معجم اصول العرب في هرج الكرب ..
يقول العالم المصري : حماده نفسي اجيلك ..
ان الشرافة .. هي الشر.......افة .. ويعني ذلك ان معناها .. آفة الشر ..


دوك دوك :
هذي دعااااااية شمبوا عام 1215 هـ ومعناه ) افرك )
وافرك بمعنى انحااااااااااااش ..


وسلاام ائليكم ..

المصدر: بريدة ستي

__________________
.
.
.

.. قلب البحطلة ينبض ..
ينبض ينبض ينبض ..







.

آخر من قام بالتعديل مدحت شوقي بريده; بتاريخ 25-02-2008 الساعة 02:59 PM.
مدحت شوقي بريده غير متصل  


قديم(ـة) 25-02-2008, 03:02 PM   #2
خوي السرور
عـضـو
 
صورة خوي السرور الرمزية
 
تاريخ التسجيل: Jan 2005
البلد: بريدة ـ الاسكان 4 شرق مسجد كعب الإحبار <<< ييزي ؟
المشاركات: 8,848
إي والله أنك صادز يا أبو أبراهيم ..

عاد حنا يا سكّان الرياض مشكلة ..

تروح بأقصى الثمامة ومعك اهلك تبي تستانس وتخلي أهلك يستانسون همن ماتدري ألا هاك اللي حول يقول وخروا الفرشة لا أطاهـ ..

نعنبوا أبليسك ضاق البر ..

همن عاد تشوف عيالهـ ومرتهـ عيونهم طابتن بالفناجيل ..

وياحول الشغالة هي اللي ماتناظر .. مطنبسهـ ..

متى نتعلم أن كل واحد له خصوصياتهـ ووشسمه ذا ..

يالله سلام ..
__________________
في بريدة ستي .. كانت لنا أيام :

http://www.buraydahcity.net/vb/showthread.php?t=262111

( قلب حب 1 )

آخر من قام بالتعديل خوي السرور; بتاريخ 25-02-2008 الساعة 03:06 PM.
خوي السرور غير متصل  
قديم(ـة) 25-02-2008, 03:14 PM   #3
رجل الثلج
عـضـو
 
تاريخ التسجيل: Mar 2007
المشاركات: 273
حيهلا ...

رحلة وللبحر ومعك موضي , يعني حكمت إلا الهاف مون يامدحت مكان خربوتها حت وحده وطلعتوها باريس ...!
__________________
***إنَّ الصعوبات هي تحدّ خلاق لأنه يستحث الرّد عليها ***
رجل الثلج غير متصل  
قديم(ـة) 25-02-2008, 03:23 PM   #4
!! آحلأم آلقصيم !!
عـضـو
 
تاريخ التسجيل: Jan 2008
البلد: في قلبه نعنبو جده
المشاركات: 12
ههههههههههههههههههههههههههههههههههه

ياحبيل امك موضي ماعليك منه خله تاخذ رااااحته ههههههههههه

فعلآ فيه فئه من الناس مايحسون في انفسهم وهم يتكلمون عن الاخرين
اللهم لا شماته

يسلمووو مدحت ننتظر جديدك
!! آحلأم آلقصيم !! غير متصل  
قديم(ـة) 25-02-2008, 03:28 PM   #5
abo suliman
لحظات مودع ..!
 
صورة abo suliman الرمزية
 
تاريخ التسجيل: Aug 2006
البلد: بريدهـ-
المشاركات: 4,130
ههههههههههههههههههههههههههههههههههههههههه
هههههههههههههههههههههههههههههههه

أجل عليه ثلاث بجامات هههههههههههههههههههههههههههههههه

ياحبيلك يأبو براهيم .. وموضوع ( بالصميم )
__________________
,
,
,
abo suliman غير متصل  
قديم(ـة) 25-02-2008, 04:02 PM   #6
S A L M A N
عـضـو
 
صورة S A L M A N الرمزية
 
تاريخ التسجيل: Apr 2007
البلد: RYAEDH
المشاركات: 463
يا حبيلك و يا حبيل جدتك موضي
__________________
S A L M A N غير متصل  
قديم(ـة) 25-02-2008, 04:06 PM   #7
غريب وبين أهله
عـضـو
 
صورة غريب وبين أهله الرمزية
 
تاريخ التسجيل: Jul 2007
المشاركات: 185
وين حقنا من السمك ؟

موضوع اكثر من رائع



شكرا لك
غريب وبين أهله غير متصل  
قديم(ـة) 25-02-2008, 05:37 PM   #8
ميغا
عـضـو
 
صورة ميغا الرمزية
 
تاريخ التسجيل: Aug 2007
البلد: جــــدهــ
المشاركات: 2,236
هههههههههه

يا مدحت .... المرة الجاية أبروح معك البحر ..... وعلى فكرة شكلك نسيت أن توضح كلمة ( وش هالدبشة ) ...

في كتاب معاني الكلمات الذي لا يزال تكمله تأليفه ....

تحياتي لك ....
ميغا غير متصل  
قديم(ـة) 25-02-2008, 05:55 PM   #9
حبة فستق
الباش مهندس
 
صورة حبة فستق الرمزية
 
تاريخ التسجيل: Aug 2007
البلد: where I can live comfortably ~~
المشاركات: 5,054


يجب على كل إنسان أنه لا يكون شَرُوْف ..

ليس له همٌّ إلا البَجَاحَة ومشاهدة الخلق وهم بالكشتة اللي وش اسمه ذا ..

ثم إنه مهب لازم أن الإنسان يذهبُ إلى الهاف مون عندما يريد أن يكشُت .... والسبب أنه ماتلقى ناسن زيُّك يَتَبَيْجَحُون ويَقْعُدُون يناظرون اللي ذهب واللي عاد .... أعتقد أن هذه الأسباب تيزي لكي يعلم الإنسان أن المثابرة والجد شيء لابديدا منه ..


..




ألف تحية حبيب ألبي أبو إبراهيم ..
__________________
**
من المستحيل أن تعيش حياتك بالطريقة التي تحلم بها ..
لأن الحياة التي تحلم بها يشغلها أناس آخرون !
حبة فستق غير متصل  
قديم(ـة) 25-02-2008, 07:55 PM   #10
ولدالقصيم
عـضـو
 
تاريخ التسجيل: Apr 2005
البلد: الرياض
المشاركات: 118
هههههههههههههههه


يعطيك العافية يامدحت

والحمدلله على سلامتكم

وسلامت جدتك موضي
ولدالقصيم غير متصل  
قديم(ـة) 25-02-2008, 08:39 PM   #11
موهوب تميم
عـضـو
 
تاريخ التسجيل: May 2007
البلد: حيّ النسيم السياحي .. }
المشاركات: 615


ههههههههههههههههههه .. !

يألبي قسمن مهبووووولهـ جدك موضي , شكراً أخ مدحتوه , دمت لنا
موهوب تميم غير متصل  
قديم(ـة) 25-02-2008, 09:49 PM   #12
هدد 2007م
عـضـو
 
صورة هدد 2007م الرمزية
 
تاريخ التسجيل: Nov 2007
البلد: في ديرة العز والشموخ
المشاركات: 106
وهـ بس وهـ ...


ياحبيلكـ انت وجدتكـ موضي ..


والحمدلله على السلامة يالبي ..
هدد 2007م غير متصل  
قديم(ـة) 25-02-2008, 10:24 PM   #13
~{ الوسـامـ ..
عـضـو
 
صورة ~{ الوسـامـ .. الرمزية
 
تاريخ التسجيل: Dec 2006
المشاركات: 2,075
هههههههههههههههههههه

هههههههههههههههههههه


عليه ثلاث بجامات وتسبح والله يا جدتك رهيبه

ياحوووبيلك يامدحتوه انت وجديدك تـ(غـ)ـبل مروري العطر<<والله ياهو واثق
__________________



[آسـد الجـهاد ]


لـنـ، نبكيكـ، فمـا زلـتـ، حيـاً فـيـ، قلـوبـنـا ...
~{ الوسـامـ .. غير متصل  
قديم(ـة) 25-02-2008, 10:38 PM   #14
عـزتي في سمـو ذاتي
عـضـو
 
صورة عـزتي في سمـو ذاتي الرمزية
 
تاريخ التسجيل: Dec 2007
البلد: buraydah
المشاركات: 832
افااااا تجي للدمام ولا تسير علي انا ساكن بالدمام ولي 15 سنة بهم شرافة وبعدين هاذي بحق
عـزتي في سمـو ذاتي غير متصل  
موضوع مغلق

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 04:55 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)