بريدة ستي

بريدة ستي (http://www.buraydahcity.net/vb/index.php)
-   استعلامات بريدة (http://www.buraydahcity.net/vb/forumdisplay.php?f=95)
-   -   نزع الشعر باليزر للابد (http://www.buraydahcity.net/vb/showthread.php?t=238641)

نامي ياحروحي 15-12-2010 05:59 PM

نزع الشعر باليزر للابد
 
السلام عليكم ورحمه الله وبركاته

مساء الخير والاحساس


بنات انا ودي استفسر عن احسن مستشفى ببريده يسوي ليزر(نزع الشعر) وابيه يكون مضمون

ومجرب تكفون باسرع وقت محتاجه له وابي اللي مجربته تكتب تجربته كامله وبامانه

ومين الدكتوره وباي مستشفى وكم الاسعار

منتظرتكم على احر من الجمر

اللي عنده معلومه لاتبخل به علي

نامي ياحروحي 15-12-2010 06:46 PM

خيبتو ضني

معقوله محد يبي يخدمني

إليـن اليـوم..! 15-12-2010 08:31 PM

8

اختـــي
اولا اجهزة مدينة بريده صينية + لإزالة الشعر تكلفه عالية= لا فائده,,,, فعلا هذا الواقع والحاصل<كلام اغلب الاطباء الي اعرفهم ويقربون لي

مالك الا الرياض او جده عند العيادات المتخصصه في هذا المجال الدقيق
وبنفس الوقت الكادر المتميز

تحياتي

نوربريدة 16-12-2010 12:11 AM

انا جربت العناية الراقية هاي كير
وعادي بس يبي لك كل شهر
والناس تمدح انفنتي

ور"جوري"دة 16-12-2010 01:30 AM

ان شاءالله الاعضاء يفيدونك

سوآلف حرف 16-12-2010 02:07 AM

يمدحون انفنتي

أطوي جروحي بضحكتي 16-12-2010 03:34 AM

انفنتي .....وين يقع >>>

** حَـنيـنُ الأُخـوَّة ** 16-12-2010 03:41 AM

أهم نصيحة بهذا المجال أن يكون الشعر المراد إزالته أسود سميك .. و غير هذا الشعر لن تخرجين إلا بخسارة وتعب ومشاوير .

وقبل كل شيء استخيري ...

أتعبني غروري 16-12-2010 04:01 AM

أفضل شي عيادات ديرما بجده أو الرياض
وغيره لاتدورين

نامي ياحروحي 16-12-2010 02:12 PM

يعطيكم العافيه وجزاكم الله خير

كلكم ماقصرتوا بس انا ابي احد مجرب بنفسه وشايف النتيجه بعيونه

نهال 16-12-2010 08:43 PM

بس انا سمعت من دكتوره انه الازالة ماهي للأبد ..
ممكن يطلع الشعر بعد سنتين او ثلاث..
ياليت احد يفيدنا ..

سكري بريدة 16-12-2010 09:17 PM

دكتوره سهام بالصفوه بالراشديات ممتازه مره

نامي ياحروحي 16-12-2010 11:01 PM

اقتباس:

المشاركة الأساسية كتبها سكري بريدة (المشاركة 2688681)
دكتوره سهام بالصفوه بالراشديات ممتازه مره

يعطيك العافيه

بس انتي مجربتها بنفسك

LamoOo 17-12-2010 05:29 PM

شوفي حبيبتي اختي يوم زواجه قبل سنه ونص تقريبا شالت رجلينه باليزر
والى الحين ماطلع سوته عند الحبيب
توكلي على الله وان شاءالله ماتندمين

غرور 17-12-2010 09:00 PM

لموو ياحبيلك بكم سوته اختك ومين الدكتوره؟؟

قصيمية دلع 18-12-2010 02:33 AM

بالنسبة لليزر ....أنا سويت جلستين ليزر عند الدكتورة ابتسام بانفنتى مرااااا حبوبه وتمام التمام
الاسعار 2400 كامل الجسم
وأتمنى اكون ساعدتك

نامي ياحروحي 18-12-2010 04:16 PM

يعطيكم العافيه جميعآ

to be or no‘t to be 18-12-2010 08:49 PM

مرحبا حبيبتي هذي اول مشاركه لي حبيت افيدك بمعلوماتي المتواضعه تقريبا افضل عياده موجوده بالقصيم هي انفنتي واعرف ناس سوت الليزر عندهم ومره كويس لكن بغيت اقول لك انه الشعر يطلع بعد فتره مو ينشال الى الابد

نامي ياحروحي 20-12-2010 06:24 PM

يعطيك العافيه يالغلا على المعلومه

أم جوانا 21-12-2010 09:41 AM

اقتباس:

المشاركة الأساسية كتبها to be or no‘t to be (المشاركة 2692519)
مرحبا حبيبتي هذي اول مشاركه لي حبيت افيدك بمعلوماتي المتواضعه تقريبا افضل عياده موجوده بالقصيم هي انفنتي واعرف ناس سوت الليزر عندهم ومره كويس لكن بغيت اقول لك انه الشعر يطلع بعد فتره مو ينشال الى الابد



احم حبوبة انتي جربتي وووطلع الشعر والا سمعتي تكفين افيدينا

عزتي في عفتي 21-12-2010 02:18 PM

اقتباس:

المشاركة الأساسية كتبها قصيمية دلع (المشاركة 2691185)
بالنسبة لليزر ....أنا سويت جلستين ليزر عند الدكتورة ابتسام بانفنتى مرااااا حبوبه وتمام التمام

الاسعار 2400 كامل الجسم
وأتمنى اكون ساعدتك



كامل الجسم بــ 2400
..معقول أختي ؟؟ متأكده ؟؟
أللي اعرف أن منطقه محدده من الجسم سواءاً يدين أورجلين بهذا السعر

زودينا أختي بارك الله فيك بالمعلومات الكافيه ؟؟
*هل أكتفيتي بالجلستين فقط ؟؟
أللي اسمع انا عنه أن كل شهر جلسه إلى ان تضعف البويصله وتموت..

*وهل سبب لكـ آثار جانبيه ؟؟


شكرا لكـِ مقدما..


to be or no‘t to be 21-12-2010 02:47 PM

انا ما جربت بس فيه ناس اعرفه جربت شوفي اذا شعرك سميك وكثير حلو انك تسوين ليزر لكن اذا خفيف ما انصحك لانه اول خطوه تسويها تحلق لك بالموس عشان يكثر ويسود شعرك عشان تقدر تشيله بالجهاز
واذا على طلعته >>نعم يطلع بعد فتره اذا شعرك من النوع الي يطلع بسرعه معناتها بتتنعمين بجسم صافي لمده تتراوح بين 6 الى 7 شهور وعقبه بيطلع واذا شعرك خفيف ممكن توصلين السنه ما طلع بس طبعا لما يطلع يكون بشكل اخف من ما كان عليه بالسابق
وحتى تكون اجابتي وافيه اكثر احب اذكر لك نقطه انه ممكن تشيلين بشكل دوري يعني كل شهر او كل ما طلع رؤس الشعر ترجعين للعياده مره ثانيه وتشيلين

sami_riy 23-12-2010 03:57 AM

السلام عليكم :


ان من بريده وساكن لي فتره بالرياض

ان رحت لاكثر من مركز بالرياض وخصوصا مراكز كبيره مثل ادمه ومركز الزلال الطبي وغيره كثير ولكن ماستفدت الا يوم رحت لمركز ميدكا وكان الصرحه روعه استفدت منه مره لاني جلست معهم 4 جلسات وبعدها لم يظهر الشعر نهائيا

د.هنا 23-12-2010 04:17 AM

^^
بكم زينت الجلسه عندهم؟

sami_riy 25-12-2010 03:29 AM

ان كنت اسوي الجلسه ب 300 ريال واعتقد انهم يسوون خصم لو سويت اكثر من جلسه

التواقه 25-12-2010 03:54 AM

انا سويته في الرياض بس لساتي في البدايه
ومعروف الليزر ماينهي الشعر مره مره بس يخففه
ويكون من عدة جلسات
وكل جلسه لها سعر
مثلا الجسم كامل يكون بـ 2500 للجلسه الوحده
والجلسه الثانيه لها مبلغ اخر
واللي اسمعه انه في القصيم غالي وفي الرياض ارخص
واتوقع انا انه نفس السعر
لان القصيم يعطونك السعر النهائي للجلسات كامله على ماظن بينما الرياض يحسبون لك بالجلسه الوحده

غير كذا انتبهي تشيلين كامل جسمك لان الشعر الوبري الخفيف يرجع يطلع ويثقل ويسود
لان عدسة الليزر مخصصه للشعر السميك الاسود وماعدا ذلك فهو يخربه بدال مايصلحه
واشوفهم يمدحون مساعد الزلال وابانمي في الرياض لكن مااعرف

أحلى صبية 25-12-2010 01:21 PM



انفنتي والحبيب هم اللي افضــل شي هنا,,,

بالنسبه للأسعااااار غاليه بالنسبه للرياااض طبعا عيادات الرياض
أفضل بكثير ..مثل ديرما الزلال الاستشاري معروفين بالليزر...

ترى مايقطع الشعر كلش لا يعني مع السنوات بيرجع واعتقد اقل شي

تسوين جلسات 4 وعلى حسب شعر جسمك احد من مرتين وأحد يحتاج أكثر,,

قصيمية دلع 06-01-2011 05:46 AM

اقتباس:

المشاركة الأساسية كتبها عزتي في عفتي (المشاركة 2698131)

كامل الجسم بــ 2400
..معقول أختي ؟؟ متأكده ؟؟
أللي اعرف أن منطقه محدده من الجسم سواءاً يدين أورجلين بهذا السعر

زودينا أختي بارك الله فيك بالمعلومات الكافيه ؟؟
*هل أكتفيتي بالجلستين فقط ؟؟
أللي اسمع انا عنه أن كل شهر جلسه إلى ان تضعف البويصله وتموت..

*وهل سبب لكـ آثار جانبيه ؟؟


شكرا لكـِ مقدما..

اهلين حبيبتى
اييه متاكدة انا مسويه الجسم كامل بدون البطن والظهر لانه خفيف وسوت لى جلست رتوش مجانية وبين كل جلسه وجلسه من شهر لشهر ونص و ترى ابتسام اللى عنده ب2400 لانها تسوى عروض وبرامج وافضلهم بالليزر و مو كل اطباؤهم اسعارهم واحد وتوى ماكملت جلساتى لكن النتيجة تمام والحمد لله للحين مافى اى اثار وشغلها محترم واذا جربتيها لا تنسيني من دعواتك
وبالتوفيق

زهور بريدة 06-01-2011 03:35 PM

هلا اختي
حبيت افيدك من تجربه شخصية والنتيجه الحمدلله مره تمام
انا سويت ليزر مايقارب 8 مرات من سنه ونص في مراكز متعدده وماشفت اي نتيجه بل بالعكس ظهر لي علامات حروق في اطراف اليدين وشعر طويل ومتين في الرجلين
ورحت قبل 3شهور لعيادات القصيم الطبية مقابل النخيل بجنب سامرة مسوين عروض خاصه لليزر ورحت للطبيب سامي (سعودي )ونصحني اسوي تحت اشرافه والي تسوي ممرضة فلبينية تبعه يدها خفيفه مره وشكيت للدكتور حالتي فسالني سؤال واحد هل كنت تحت اشراف طبي قلت لا قال علشان كذا ظهرت الحروق لازم الدكتور يحدد لك مقياس معين حسب طبيعة الشعر ولون الجلد وسويت ونصحني بعد كذا بجلسة تسكير المسام وسويتها وبعد كذا الحمدلله شفت النتيجه الي كنت اتمناها بدون حروق وشعر
انصحك اختي تروحين له
:41

loquacious 07-01-2011 07:06 PM

^^
يعني كانت تجاربك الأولى بمراكز مش طبية ؟؟

أول مره اشوف أحد صاره له نتائج عكسية حروق : (

أفيدينا جزاك الله خير : (

رزه مرتزه 07-01-2011 07:20 PM

مستشفى أدمه بـ الريــآض<<مونتـــــــــــــآز

أحن امرأه بالعالم 08-01-2011 05:01 AM

المركز الاستشاري على طريق الملك عبدالله بالرياض

عند الدكتوره فاطمه

دموع ناسك 08-01-2011 12:20 PM

ملاحظه.....

انا سمعت ان الشعر اللي يشال بالليزر خطيييييييييييييييير
لان الشعر ينموا تحت الجلد

زهور بريدة 09-01-2011 01:49 AM

تجاربي كانت بمراكز طبية (بدون ذكراسماء)لكن بدون اشراف طبيب يعني كنت ادخل الاستقبال وعلى طول يحولوني على ممرضة تسوي الليزر لكن يوم اني صرت تحت اشراف الدكتور صرت مرتاحه بحيث ان اي مضاعفات يعالجها لك الدكتور وسوا لي جلسة اخيره تسكير المسام والحروق الي كانت عندي صرف لي كريم مبيض وا لحمد لله اختفت انصحك تروحين له

loquacious 09-01-2011 04:12 AM

^^

ماتشوفين شر يابعدي

والله يجزآك الجنة اللي نبهتينا (h)


الساعة الآن +4: 01:57 AM.

Powered by vBulletin® Version 3.8.6
Copyright ©2000 - 2022, Jelsoft Enterprises Ltd.