LG ـــ SAMSUNG ــــ iphone 4

[الصباخ]

بحثت عنه ولا عرفت وش نظامه، لكن ما أعتقد مثل نظام اللي نتحدث عنه.
لأن اللي نتحدث عنه نظامه أندرويد، واللي معك أعتقد نظامه شيء ثاني.

 

[الصمت الهادئ]

بحثت عنه ولا عرفت وش نظامه، لكن ما أعتقد مثل نظام اللي نتحدث عنه.
لأن اللي نتحدث عنه نظامه أندرويد، واللي معك أعتقد نظامه شيء ثاني.

يعني ابيعه وارتاح منه مع ان مميزاته نفس ايفون
ابتأكد من نوعه وارد عليك
بارك الله فيك​

 

[ابـو صـالـح]

تبون الصراحه انا عندي شخصياً

مقتنع بسامسونج


مواصفاته تغطي ع الايفون

والله العالم ضالمين سامسونج

مادري ليش

 

[الصباخ]

السامسونج حلو، خصوصاً مع الجالاكسي ومواصفاته الخرافيه، إضافة إلى النظام المستخدم هو الأندرويد التابع لشركة Google.
باختصار يا رجّال، أي شيء تدخل فيه Google ماعليه خوف :d.

 

[ابـو صـالـح]

صدقت والله قوقل تخلي الفاشل ينجح


بسئلك الايفون وشو نظامه

 

[الصباخ]

مدري بس نظام خاص بشركة Apple يعني محتكر لهم.

 

[الصمت الهادئ]

سامسونق ليندي وبالرابط صورته​

http://www.arabmobile.mobi/c/cell/img-samsung-m5650-lindy-3110.htm

 

[بولوهي]

اولا السلام عليكم ورحمة الله وبركاته
بالنسبه للي قال ان سامسونق ماله صيانه فانت غلطان يابعدي له ضمان على ما اظن 10 سنوات من الوكيل .. وضمانه دولي ..
المنخرش الله يهديك بس
الحين سامسونق افضل من الايفون بمراحل عدة ... وادري انه صعبه تعترف لان معك ايفون .. ولاكن دوك هالفيديو ...
[YOUTUBE]HODhXCfcf4c[/YOUTUBE]
[YOUTUBE]Y0BMBiYEKVE[/YOUTUBE]

وبالنسبه للكميرا في الجالكسي نفس اللي بالايفون كلهن HD .. ولكن عيبه بدون فلاش .. وبتصفح الافلام الجالكسي افضل ... 4 انش الشاشه .. ولاحظ الدقيقه 3.44 في المقطع الثاني تشوف الفرق بالعرض ..
وترا الكاميرا موب كل قياسه بالبكسل ..اهم شي الحساس والقراشيع ذي ..
وبالنسبه لكميرته اذكر حاطين مقارنه بينه وبين n8 ومخلين n8 مزوم ..انواع التوليف بالمقارنه ..

ودعم قوقل لايمكن مجاراته ابدا اشترت قوقل اندوريد على ما اعتقد عام 2006 وقبل كذا كان موب معروف
يوم وصل الايفون 100 الف تطبيق .. وصل الاندرويد 25 الف .. والحين تخطى 200 الف تطبيق ... بسرعه هائله ولا تقارن باي جهاز ... ..
بطاريه اعلى وقابله للتغير .. وذاكره ايضا
الى الان تسطيع انك تشري جالاكسي اس 16 قيقا وتشري له ذاكرة 32 قيقا خارجيه .. واذا طلع اكثر من 32 اشره .. وهذي من اهم المميزات .. للي يبي افلام وقراشيع ولكنك عكسته ...

 

[المنخرش]

بولوهي
والله انك عجيب وغريب
هههه

المنخرش الله يهديك بس
الحين سامسونق افضل من الايفون بمراحل عدة ... وادري انه صعبه تعترف لان معك ايفون

هالحين انت شايلن علي حمله يوم احط موضوع عن الاي فون

شف نقاشي وردي على ابو صالح .. هل انا قلت الاي فون أفضل او الجالكسي أفضل ؟
هههههه
والله انك تنسيم

حبيبي بالنسبة لتقييمك الأفضل جالكسي بمراحل عدة ليست انت ولاانا من يقول هذا

انا قلتها لابو صالح

ان الشخص يشوف وش متطلباته وياخذ جهاز الأقرب لمتطلباته واحتياجاته سواء كان جالكسي او اي فون او نوكيا

انا بالنسبة لي ويحق لي ان يكون لي وجهة نظر .. ان الآي فون ( لدي أنا ) انا يالمنخرش ولا اتكلم بأي لسان أحد اخر إنما اقول لي ( انا شخصياً ) انا أفضل الآي فون

لان معك ايفون

ههههههههههه نكته كلامك

انا بصراحة ماكد شفت شخص طاق جوال وهو ماأقتنع فيه
بالله عليك يعني .. نضرب مثال بأبو صالح

راح شاف وفتش وقارن وطق جالكسي

همن اجي أقوله وش الأحسن اي فون ولا جالكسي .. وش راح يقول ؟
اكيد جالكسي لأنه ما اشتراو إلا هو مقتنع فيه

وإذا مضيق صدرك إني معجب بالاي فون ومتكدر خاطرك .. بالعكس تراه صحتك اهم بالنسبة لي
لا والله أحب جالكسي وسامسونق وقوقل بألف مره وجوالي اببيعه بعد كم يوم لعيونك هههههه

ياحبيلك بعد

---------------------

نرجع للموضوع

جربت جالكسي وتطبيقاته
وجربت الآي فون وتطبيقاته

جالكسي روعه وفيه مواصفات تفوق الآي فون بل ويتميز بأدوات وبرامج
كما هو الحال في الآي فون
بالضبط ..

وانا لدي رغبات واحتياجات في الآي فون ومرتاح له جداً جداً

ومثل ماقلت للصباخ

لو طلع سامسونق على اي فون

راح اشتريه أكيد ..
لكن خلهم يتنافسون .. وحنا المستفيدين او المستفيدون ههه

ترا اتكلم على لساني ولا امثل احد ههههه

شيكرن لك

 

[بولوهي]

ترا اتكلم على لساني ولا امثل احد ههههه

شيكرن لك

هذا اهم كلام ممكن كنت تقوله بالرد وتوفر علي ..
بالرد الاول ...
وكل واحد له وجة نظر خاصه به ولابد يذكره ...

​

 

[المنخرش]

يابولوهي يابعد قلبي

شف ردي الأول .. واقتبس لي اني تكلمت على لسان الجميع

حتى اني مابينت لابو صالح ان الاي فون افضل انا خليته هو يحكم لأنه هو يبي يشتري مو انا

لك مني اجمل تحية ياغالي

 

[بولوهي]

^
اجل اسفين اذا اخطيت وانفعلت اكثر من اللازم وكان لازم اقرا الرد بتمعن

 

[المنخرش]

ياحبيل قلبي

ماصار شي قلبي

 

[ابـو صـالـح]

انا سمعت عن الجالكسي انه اسرع واخف معالج

هل هذا صحيح

 

[الصباخ]

انا سمعت عن الجالكسي انه اسرع واخف معالج

هل هذا صحيح

لا غير صحيح، لأن المعالج الموجود في الآي فون هو نفسه الموجود في السامسونج.
وأصل هالمعالج مصنوع من شركة سامسونج.

 

[بولوهي]

المعالج الموجود في الآي فون هو نفسه الموجود في السامسونج.
وأصل هالمعالج مصنوع من شركة سامسونج.

اسمح لي بالمداخل
معالج الايفون والجالاكسي يختلفن
معالج الايفون \
Apple A4 بسرعة 1 جيجاهرتز.
وفيه ناس يقولون انه اقل من واحد قيقا كاسروه سيتف جوبز كسر الله راسه ..
معالج ARM Cortex A8 بسرعة واحد قيقا 1GHz هو الأسرع حتى الآن .
​

 

[Engineer]

السلام عليكم ورحمة الله وبركاته

صراحة مبطي عن المنتدى
ولكن يوم دخلت اليوم انصدمت

من الصورة الشخصية بتاع الصباخ
وحواركم السابق

في الماضي لا ارى اي موضوع لاندرويد

وخصوصا اني من معجبي قوقل

واصحابي كلهم ايفونيين
فالمشاكسات يوميا بيني وبينهم 1/10 فدائما مغلوب
مب اني ما اقنعهم بس الكثرة تغلب الشجاعة

عموما وبلا خرط فاضي
فيه تحسن على الاقل فيه كتابه عن الاندرويد

واريد ان أسالكم سؤالين

اين اجد جالكسي اس في الرياض او بريدة وكم سعره؟

 

[بولوهي]

^
ادخل على موضوع جهاز n900 وتلقى برامج وحركات حلوه له ..

بالنسبه لجالكسي اس تلقاو بالرياض بـ2300 لـ16 قيقا عند مؤسسة رصيدكم على الانترنت وتاكد من الاتصال عليهم ان الضغاطات الثلاث الموجوده بالجهاز تعلم لان فيه اجهزه انغشو فيها ناس من بعض البياعين ولانها تاتي من بريطانيا للاسف ..
و8 قيقا ب،1995 ريال ..