ياناس نبغى المدارس مفتوحة برمضان ..~

هل توافق على فتح ملاعب المدارس برمضان ؟

  • مجموع المصوتين
    0
الحالة
مغلق و غير مفتوح للمزيد من الردود.
▪ بــيــتــــر ▪▫

▪ بــيــتــــر ▪▫

New Member
بسم الله الرحمن الرحيم



نبغى على الأقل ثلاث مدارس ببريدة شمال ووسط وجنوب كل سنة برمضان وبعد صلاة التراويح تفتح ملاعبها فقط ، مانبغى مدرسين أو صفوف أو دراسة .. نبغى الملاعب الخارجية فقط ~

كثير من المدارس ملاعبها كبيرة وخارجية ومنعزلة عن المبنى حق الطلاب وفيها اكباس ومخططه وهذا الي ينقصنا برمضان .. نبي نمارس كرة القدم والطائرة وبعض الرياضات عشان نضيع الوقت ولياقة ~

مافيه مكان مخصص للشباب ترفيه ببريدة الا الاستراحات ~ طيب والي ماعنده استراحة ولاصغير وين يروح ؟؟ وهالمدارس فاضيه 24 ساعة نبي نستفيد منها صغار وكبار وتكون تحت رقابة التربية والتعليم ~

ويقام دوريات بين مدرسة ومدرسة .. والله ملينا بهالشوارع دوران ولا النت ولا التلفزيون ومسلسلات ..~

واذا رحنا للسوق طردونا واذا رحنا لحديقة كلها عوائل قالوا انتم ماتستحون ..~حنا شباب عندنا طاقة لابحر ولامراكز ترفيه ولاحياة زي الناس .. وين نروح ؟؟ حتى المرور مستقعد لنا بكل شارع .. ~

واذا كانوا المعلمين يقولون لاتفتحون باب عشان يستانسون بالاجازة حنا نقولهم مانبيكم تجون يكفي لو يكلفون مندوبين يراقب على كل ملعب مدرسة .. ادارة التربية والتعليم تداوم برمضان وماعندها شغل لاوظايف ولاغيره .. خلوهم يكلفون واذا مايبون ترى فيه شباب متطوعين فيهم الخير والبركة ~

(f)

نبغى تفتح هالمدارس ونروح نضيع وقت فيها مو يقولون تربية وتعليم

ماشفنا منها الا التعليم خلونا نشوف التربية ونمارس التربية الرياضة ..~​
 
نحن في شهر رمضان شهر الصيام شهر العبادة والقران
الكورة لها وقتها وشكرا لك​
 
رمضان شهر عبادة تنام واذا قمت قراءة قرآن وصلاة تراويح وقيام وجلسة مع الأهل

والبنت يزيد شي واحد وهو تجهيز الفطور والسحور

تبغون أماكن ترفيه بشهر عبادة وغفران الذنوب

طيب فيه كل حي حديقة وفيه ملعب وراه ماتلعبون فيه ؟؟؟​
 
نايف123 قال:
نحن في شهر رمضان شهر الصيام شهر العبادة والقران
الكورة لها وقتها وشكرا لك​
أنقر للتوسيع...

أخوي نايف كلامكـ صحيح لكن .. من بعد صلاة التراويح إلى قبيل أذان الفجر ..

الشبااب وين يروحون ..

الصرااحه فكرهـ حلووهـ يكون فيه مبارياات وتكون هنااك لجنه مخصصه ..

بوركت على الطرح ..


: 12​
 

نعم نؤيد وبقوة ومن يقول أن ممارسة الرياضة والترفيه برمضان لايجوز ..! (f)

فخلاص .. يقفلون مهرجان العثيم والنخيل بلازا وهالذهب والسيارات والجوائز الي تنقل بالصور ..


وبالمرة قسم [ هاني كريم ] الي فيه دوريات كرة قدم وتقام بمساء رمضان ..!

وخلاص مانبي لامهرجانات ولارياضة وكل واحد بالمسجد وللبيت وصلو وسمو وعينوا من الله خير .. :S



<< يحاول يواكب عقول المتحجرين ..

والسلام عليكم ورحمة الله وبركاته / محدثكم : برفسور (f)​
 
والله ياليت يفتحونها عشان العيال يلهون انفسهم عن مشاهدة التلفزيونات والقنوات الهابطه
ع الاقل يستفيدون بشي حلو ويطلعون طاقتهم بهاللعب
 

أشكر المؤيدين على المرور ، ومن خالفوني أقول لهم لايوجد مبرر لمخالفتكم وكل الموضوع فقط كم ساعة نستفيد منها وهي رياضة وايضا يتم استغلالها لالقاء المحاضرات وغيرها للجماهير وهي بعد صلاة التراويح ~..

(f)​
 
محد سامعك ياخييَ ..

إذا أنت عمرك 18 .. نادي وقت اللياقة يقبلون التسجيل من 18 وفوق ..

فيه ملعب كورة وطائرة وسلة ومسبح .. وسعر الإشتراك رخيص مقارنة بما فيه من مميزات ..

ولو تسجلون مجموعة يكون فيه تخفيض ..

بالتوفيق ..
 
نعم أنا مؤيده لكلامك؛؛​

فعلا فيه وقت طويل بعد صلاة التراويح​

واللي يقولون شهر عبادة هو ماقال ماراح نصلي ومو قارين قرأن​

ولا تنسى نصيبك من الدنيا’​

ويلهون اللي يفحطون أزعجونا​

أشكركـ على أقتراحك؛؛’​
 
.:[dr.love]:.;3134081 قال:
محد سامعك ياخييَ ..

إذا أنت عمرك 18 .. نادي وقت اللياقة يقبلون التسجيل من 18 وفوق ..

فيه ملعب كورة وطائرة وسلة ومسبح .. وسعر الإشتراك رخيص مقارنة بما فيه من مميزات ..

ولو تسجلون مجموعة يكون فيه تخفيض ..

بالتوفيق ..
أنقر للتوسيع...
:41 .. بصراحه مااحد سامعك ولاراح يسمعوون لك ..
مالك حل الا نادي ..
 
الحالة
مغلق و غير مفتوح للمزيد من الردود.
عودة
أعلى