هنـــــا ســــــــــــــــــــــــاهر !

الحالة
مغلق و غير مفتوح للمزيد من الردود.
يارب اجعل مخالفات المسلمين يتعالجون منها من قرر هالنظام الزفت>>وصلت مخالفاتي 900 بعد التدبيل

من وين اسدد اسرق يعني او ابيع السيارة لاوظايف ولاشي الله يعين بس

المشكله هالشيبان الي متعودين ,من طلعوا على الدنيا وسرعتهم ماتغيرت

ياناس ابي جهاز ثقه يلقط ساهر ابن الايه
 
ياشـــــــباب

صحيح ان نظـام سـاهر خفف الحـوادث والاصـابات في مجتمعنـا
لكن موب بهالطـريقه ذي استزاف جيـوب النـاس

والله صار الواحد راتبـه ( هذا اذا ماصار عاطل ) صار مايلحـق راتبـه نص الشهـر

لازم نتعـــــاون ضد هذا النظـام نبيـه يخسررررر

انا عندي اقتـراحات
انه يكـون هنـاك منتدى خـاص بكشف امـاكن نظام سـاهر في بريده
الاقتراح الثاني
اذا كنت أنت تمشي في الطريق بسيارتك وتعرف ان به سـارق خذ ايسررر الطريق مع اللي يمشـون مسرررعين وهد امش على السرعه المطلـوبه وخل اللي وراك يطنب ويكبسسسس ويزاعق ويسوي كل شي بس اذا دري انك مسوي الشي ذا علشان نظام سـارق صدقني يبي يشكرررك ويدعي لك وكثير اسويها انا على طريق الملك عبدالله لاني دائما أمر من عند هالشارع ادري انه به نظام سارق اللي عند النخيل واشوف المسرعين جاين مششششوت يمشي 130 أهدي واحيانا احده وبعدين يتفاجأ مع اللفـه انه به ساررق ( اللي مسوين ذهين حاطين نفسهم بعد اللفه وانت على يمينك النخيل )


والله ملينـا من المخـالفات خصوصا وانا رايح الرياض من كثر ماتجين الفلاشات حسيت نفسي صاحب سمو ملكي مابقى الا أشخـص بس :d​
 
باص ساهر بعدقصر العزيزيه يمين ووجهك شمال موجود من الصبح وأنا مار الساع 30 :11 وهو موجود

+ بص ساهروأنت بـ طريق المدينه قبل الكوبري الثاني يمين
 
ساهر موجود سلمك الله بعد ما تاخذ دوار الهديه رايح للفاخريه ع اليمين قبل عيادات المستقبل

وينتقل بالليل بس آوب دايم يعني لا توهقوون بعد تبريزه بمواقف الزاجل((سابقاً))
 
بعد ما وقفت الدراسة قلت المشاوير

وما ادري وين يكون .. يمكنك صادق .. معطلين مثل العالم


الله اكبر الله اكبر لا اله الا الله

والله اكبر الله اكبر ولله الحمد
 
ابشركم اخذت مخالفة من ساهر :d

والله اني حسيت قبل شوي من نغمة الرسالة إن ماوراها خير

300 ريال :(

ياشماتة الناس فيك ياصمت النار

هذا وانا اللي طول الوقت ادافع عن ساهر

بس شيء واحد ودي اعرفه , وشلون اعرف موقع المخالفة بالضبط

ومن اليوم وطالع اذا شفتوا واحد يمشيء وسرعته 20 اعرفوا انه صمت النار :(
 
الحالة
مغلق و غير مفتوح للمزيد من الردود.
عودة
أعلى