هذا حل كل ( المفحطين )

الحالة
مغلق و غير مفتوح للمزيد من الردود.

فليفه

New Member
السلام عليكم ورحمت الله وبركاته

اخواني الي كل ن يسمع او يقراء هاذا الموضوع جزاكم الله خيرالكل يشتكي من الفحطين والتهور عند الشباب
كل من سئلتة قالي نفس الكلام الشباب يبون ميداااان مخصص لتفحيط
طبعا الميدان يكون محصور وا محدد عليه رقابه ولجنه وا وسائل السلامه
له موقت محدد مهب بي تالي الليل يزعج الناس النايمه
ايضا يكون فيه سبقات وا تحدي وامدرجات كي يفضفض وا يتفاعل معه كل مفحط من الطاقه المكتومه وا المفرغه بي شكل عشوائي خطير الحين يفحطون بسرعه جنونيه بشكل موطبيعي وا مميت شف المقاطع المنتشره والله توجع القلب وا مؤلمه خله يدخل الميدان وايطلع الطاقه لين يمل بس تكون بشكل منضم وامعقول

ملاحضه : ان شالله يبدا يخف التهور والسرعه مع ذلك تخف المطبات اللي كسرت سيراتنا .
الله يهديهم ويصلحهم كلهم

هذا الكلام اكثر المفحطيييين :41:41
 
ايه والله زي الاماارات ..

اعرف وااحد ولده رااعي تفحيط وهبال المهم هو عنده ارض بعييده عن بريده . وايضا كبيره .

زفلتها كلها وجاب ولده وقال طلع كل حرتك هينا ..

تــحــيــآتي
 
ربعك مايبون زي الاماراتيين دائرة مشبكينه واقعد خمس ...

يبون لهم دائري او شارع طوله 10 كيلو يجيك مطلقن الارض ونطلتين ويقعد يعقد <<<حبتين
هذا اللي يبون ام التخميس ما اظنه يافي بالغرض
 
.


* لا أعتقد أنَ هذا حال كُل المفحطين !

لا أوفقك بوضع ميدان لـ التفحيط

وهل التفحيط - هوايه !
 
اكثر واغلب المفحطين اصحاب سوابق ----- مخدرات-----
واضيف اغلب المفحطين يفحطون عشان فلان وفلان بالعربي بزرنجية
ولو تبي تحط حلبه ما هو جاي لان فلان مو جاااي
 
طيب وراه مايحطون عماره طويلة والي يبي يطب يطب في كلا الحالتين انتحار سواء التفحيط او القفز مرفراً من العمارة الشاهقة الارتفاع ..
اجل التفحيط هواية الله يعافيهم ولا يبلانا
 
ياااخي ولله لو سوو الطريق ذي ماراح يجي احد
وانا اعلمك ليه

اولا :وش فاايدة التفحيط اذا كان بساحه كبيره (يعني مافيه صبات يشطفهن ولا تريلات يطوفهن)
ثانيا: وش فايدة التفحيط اذ صار مافيه دوريات (يلاحقون ويجي المفحط يستهبل بهم) وكل ممنوع مرغوب
ثالثا: ترا بمواكب التفحيط فيه بلاوي مايعلم به الله (مخدرات وسلاح وشراب وبنات وعيال وغيره الكثير)
رابعا :مراح يجي احد يفحط لان اغلب الي يفحطون يجون على سيرات مسروقه او اجار
واذا حطو مثل ماقلت ساحه اكيد ما راح يجي احد سواء مفحط او متجمهر لتواجد الأمن
ولو صار فيه اي قضيه جنائه رااح يطبون الدوريات على الي بالموكب ويضفونهم كلهم


وبالنسبه للي يقلون نبي سااحه هاذيا علثه بس وعارفيين انه ماراح تطبق
وبنفس الوقت علشان يحطون انهم مهب غلطانيين

تقبل مروري
 
ايه والله زي الاماارات ..

اعرف وااحد ولده رااعي تفحيط وهبال المهم هو عنده ارض بعييده عن بريده . وايضا كبيره .

زفلتها كلها وجاب ولده وقال طلع كل حرتك هينا ..

تــحــيــآتي

ليت الحكومة مثله كن تشوف التفحيط يقل بالديرة
 
اعتقد ان المفحطين كلهم بدون استثناء لهم رغبات شيطانيه وليست المسأله هوايه ولو سلمنا جدلا انها هوايه فعلا فأنا مع إقامة نادي للتفحيط كما قلت لكن الامر واضح واغلب اللي سمعنا يفحطون راعين حبوب وبزران وإسألوا الداعيه سلطان الدغيلبي عنهم ولا ينكر هذا إلا سفيه طمس الله على قلبه فأعمى بصيرته
تحياتي لصاحب الموضوع
 
ابو رامي انا الحمدالله منب منهم لاكن تتطعيس ايه
لاكن شف وش سوو التفحيط الان سرقه وبياعه مخدرات وا انتحار وا عالم اخر تخيل ولدك يدخل ضمن الشله هاذي
راح تنقهر ليش لان مهب تحت نضر احد مسول بي هشي مع ناس استغفر الله
لاكن لوكان يفحط عند لجنه وا وسائل سلامه واخالي من الخرابيط اللي معروفه عادي تتدري
الان يروحون يسرقون سياره ويعطونه واحد مايعرفونه ويعطونه اقروش وسياره بشرط انهم يركبون معه وذا صدم هج وفرك واللي معه مادري عنهم من السؤل في هاذا الحال

والله وتنشد اللي يفحطون تنغث وتنلهد
 
الحالة
مغلق و غير مفتوح للمزيد من الردود.
عودة
أعلى