ملاحظاتين من زيارتي لبريده امس

[ملاحظتي عليكم]

السلام عليكم

امس القريب كنت في زياره لبريده وللاسف ملاحظتين مزعجتين لكل زائر لها

اولاً .. بعد دخولي لبريده قررت ان افطر على المزروع الواقع بالهديه وللاسف وشيئ مقزز ويدل على اهمال شديد وهو تواجد الجراذي بشكل غير معقوول جدا جدا فهل هذا معقول ؟ المشكله انه مهب جرذي واحد والا اثنين ؟ المشكله هو جيش كااامل منها .. حتى النخل الموجود هنا التمر مقضي عليه تماما منها كنت احسبها من العصافير ولكن عرفت السر وهو الجرذي المملوح :S
فياليت يتم الالتفات لهذا الشيئ ..

ثانياً .. سوق الخضار ببريده وخاصه في الساحه وهي مواطير الكهرب لكل كشك .. ازعاج غير طبيعي وفوضى وتلوث ضوضائي شديد .. معقوله كل كشك له ماطور ؟؟؟ ماتسمع الى طرررررر طررررر طرررررر :i121

فهذه ملاحظتين اتمنى قبولها من زائر لكم واتمنى ان يتم ترتيبها واصلاحها ... وشكراً​

.

 

[0الماس0]

طبيعي جدا جدا المزارع تشوف فيها جراذي اجل وين يروحن ولا بعد طبيعي جدا تشوف حشرات منقرضه وحشرات معمره بالارض عادي جدا ودي اشوف ديرتكم مزارعه وش به شكله عصافير خضر وفرشات يعني الجراذي مافيه الاببريده يادافع البلاء يمكن جايات سياحه ويرحون بالشتاء

 

[! زمرد !]

جزاك الله خير

ان شاء الله يلتفت لـ ملاحظاتك اخوي

تقبل مروري

 

[صوت البحر]

الله يوفق

 

[الكيان الاحمر]

ياصاحب الموضوع انت من سكان بريده وغصب

واضح انك من بريده لاتقول أنا زرت بريده قل أنا من سكان بريده
وانتهينا

 

[معلم مغترب]

فعلا المواطير مزعجة ولكنني لم أرى إلا قليل منها​

​

 

[ملاحظتي عليكم]

طبيعي جدا جدا المزارع تشوف فيها جراذي اجل وين يروحن ولا بعد طبيعي جدا تشوف حشرات منقرضه وحشرات معمره بالارض عادي جدا ودي اشوف ديرتكم مزارعه وش به شكله عصافير خضر وفرشات يعني الجراذي مافيه الاببريده يادافع البلاء يمكن جايات سياحه ويرحون بالشتاء

الطبيعي هو مكافحتها والحرص على المكان .. وليس تواجدها الكثيف

جزاك الله خير

ان شاء الله يلتفت لـ ملاحظاتك اخوي

تقبل مروري

ويجزاك خير

الله يوفق

امين والمسلمين اجمعين

ياصاحب الموضوع انت من سكان بريده وغصب

واضح انك من بريده لاتقول أنا زرت بريده قل أنا من سكان بريده
وانتهينا

وش اللي يخليني اكذب يادافع البلا ؟
اقسم بالله العظيم اني مانيب من سكان بريده ومانيب من سكان القصيم كلها ( عساك تصدق الحين )
لاحول ولاقوه الا بالله

فعلا المواطير مزعجة ولكنني لم أرى إلا قليل منها​

​

تواجدها مزعج جدا ..
وحياك الله

 

[ملك الحنيه]

اولا اهنئك اخي الزائر على الاخلاق العاليه وتقبل الردود الخارجه عن النص ,,
ثانيا مشكور على الملاحظات وصدقوني لو كل مواطن ابدى رائيه باسلوب وكتابات راقيه لاستفدنا فائده كبيره الان عصر التكلولوجيا والنت والتويتر والفيس بك الملفات الخضر سلمولي عليها ... تحياتي اخي الزائر
والفطور طال عمرك وصدقني اقولها من جد لو تبي عند الجرذاان ههههه........

 

[ابو قلبين]

لا يهمك حبيبي ولا تزعل
زيارتك شرف لنا فأهلا وسهلا بك
ولو الأمر بيدينا كان شفت وانا اخوك اللي يرضيك
وأعتقد فيه ناس كثير يتحسرون يشوفون البلاوي
اللي ممكن اصلاحها وتحسينها بسهوله ،
لكنها في قاموس الدوائر الحكومية تحتاج لمعاملات
واخذ ورد وتكليف و.. و.. انت عارف المسئولين واهتماماتهم
في إيش
حتى في جده على شاطيء الحمراء لا تستطيع الجلوس من الجرذان
والصوارير أكرمك الله .
وفي الرياض القطط حدث ولا حرج
فالأمر يحتاج لدراسة تبنى على تقارير المشرف على المكان
لو كان هناك فرج للإهتمام براحة المتنزهين
لكن أعتقد أن المسألة تنفيذ مشاريع تسمى منتزهات
بتكلفة زهيده مجرد أفغاني يكسر حصى ويصف ، وبير وفرش
ثيل وحنا يالمساكين متشققين من الفرح ونمدح بهم

لكن لو حصل لك زياره ثانيه بحول الله تكون الأمور أفضل
بفضل موضوعك وملاحظاتك المشكوره

فأهلا بك في بريدة ....

 

[hsdt]

السلام عليكم
اخي حيك الله بين اخونك
ومشكور على ابدا ملاحظاتك
واعتذر منك عن التعليقات الطفولية من التعليق 2و5

 

[omms20]

الله يعين ويوفق

 

[أملي رضاء ربي]

حياك بديرتنا

زيين والله قعدت الجراذي بالحدايق ولايقعدن ببيوتنا
ولايهمك ان شاء الله بنقضي عليهن ونحط بدالهن فراشات وبلابل ,,لجيت نوبتن ثانية تشوفهن


​

 

[ـالتُفاحة الورديّة]

^
:41 بالحدائق ولا البيوت :d

الجراذي أكثر من الشعب :42 لكن ماباليد حيلة صعب مكافحتهن

 

[زوم20]

اشو انك ما درت على بريده كلها كان يبيلك دفتر ابو 100 علشان تكتبك كل ملاحظاتك ههههههههههههه
امزح ومشكور على الملاحظات والله يبارك فيك ان شاء الله

 

[اخو دريحم]

اما اكشاك سوق الخضار انتظر حتى ينتهي​

سوق الخضار غرب مدينة التمور المتعهد ​

من تاريخ 1/4/1433هــ ولم نراء صب اي قاعدة ​

رادمية توضع وتدك ثم تحفر مرة اخرى ​

وافضل عمل تلك جامع مدينة التمور شمال مدينة التمور ​

على نفقة فاعل خير جزاه الله خير​

 

[بندر البشري]

ع العموم حيـاك الله في بريدة الحبيبة
ولكن ماقلت لنا وانا اخوك انت من أي منطقة
عشان نزورك وناخذ جولة على مدينتك الجميلة

أما رد / الماس أحسه طالع من قلب
احسه طالع من قلب @_@
​

 

[سعد الريس]

جزاك الله خير

ان شاء الله يلتفت لـ ملاحظاتك اخوي

 

[قيد الحرية]

والخافي اعظم

اخي العزيز حياك الله ببريده .
اسفرت و انورت .
وفعلا ملاحظاتك بمكانها .
و هناك امور اكثر من اللي قلت

 

[اصمع قلب]

ياهلا ومرحبا بالضيف قهوووه يالربع!!

تم الإطلاع على ملاحظاتك طال عمرك ، وسيتم تنفذها بـ أسرع وقت ممكن ، وذالك بعد إنشاء منقاصه بين المقاولين وبعد إعطاء هذا وهاذاك وإرضاء فلان وفلاناك وافهم يافهيم !!لتنفيذها الله يسلمك ، أي شي ثاني طال عمرك ترانا جاهزين.

 

[حافزاوي]

حنا مشكلتنا بالي يجي بدون مايدق يعلمنا
لو انك اتصلت قبل تجي بشوي كان امدانا نمسك الجراذي لين تروح