مكرمة ملكية .. ماذا قال عنها الأمريكي ؟

[لؤلؤه430]

من الجماعه ؟؟؟؟؟؟؟؟

ارتقي بفكرك وسلوكك قليلا مع احترامي الشديد.

تعليقي على توقيعك فقط لاغير

 

[بنتها وافتخر]

ياللي ناشر المقطع اتق الله فانت قد تثير الناس الساكته بكلام من لايخااااااف الله...ابحث عن اشياااااء تفيد بالدين والدنيااااااااااااااا...شي عجيب ..

صح صح صح

حكي الكفار مايهمنا​

 

[a m2aa]

شكراً فقط ع التوقيع​

 

[صعصعة]

جميلة شطحات بعض الاعضاء يفكر تفكير عميق جدا :d .. المقطع يتكلم عن مكرمة وانا ماشفت مكارم ويتكلم عن ملايين وحنا ماشفناش حاقة !! قال ايش قال دعم بنك التسليف ودعم البنك العقاري وش يثبت صحة وصول المبالغ المعلنة للبنوك ؟ اشياء غير محسوسة كثيرا ما يعلن عنها ونحن لم نر غير الفلس والدجة ..

 

[نسيم الليل.]

شكرا اخوي المنخرش


​

 

[ibraheem]

مهما حاولنا أن نميع الكلام تمييعاً ليناسب أصحاب البشوت ..

يبقى أن الفساد المالي مستشري بشكل لا يستطيع أن يتغافل عنه عاقل !

أقلّها أنظر للأرقم الفلكية لكل مشروع يقام عندنا ، سرقات على وضح النهار وكأن المواطنين بهايم !

وأكبر مثال على ذلك .. صفقة اليمامة التي ذاع صيتها وعمت فضيحتها الأرجاء وجلبت العار على كل من قال أنا سعودي ..

ولكن حمداً لله بأن كمية الأموال التي هي أشبه بـ الخيالية .. أشبعت شفح الجميع !

انطلوا ولاقصروا .. والباقي أكثر ولله الحمد ، لذلك نحن نقول فقط أحسنوا إدارة باقي فضلتكم ..
​

 

[جنَــاحُ حُلمْ]

المقطع مايشتغل

 

[سر الوجود]

تشششششش مايفتح المقطع

 

[بدون اسم...]

ياناس إفهموا كأنه يقوووول يله ثووروا يالشعب على الملك ...

علشان يجي هو وربعه ونصير زي العراق ....

هذولا اليهود ملعن يبون الامور تنحاس علشان يعيثوا في الأرض فساد ..


لكن لا وألف لا ... ولا لك شغل يالأمريكي الوقح حنا شبعانين وإلا ميتين من الجوع موب شغل لك


حنى راضين عن كل اللي يصير ... ولا تدخل بشؤوننا الخاصه ..


وهذا ملكنا يفداه وطن .......​

:41:41:41



المنخرش مع اني ماشفت المقطع بس ترا فيه ناس على جريف يتأثرون بكل كلمه يسمعونه



* ياليت تشيل الصوره الثانيه بالتوقيع*​

 

[loquacious]

/يكفي ..يكفي مانبي مثل هالكلام /

..الأمريكان يبدون كأنهم يبون يساعدوننا وتهمهم مصلحتنا وهم والله كذاابين يبوننا نختلف حتى يستعمرون الجزيره العربيه وينهبون البترول..
*يحبون المال حباً جما*
((الله يكفينا شرهم.. يارب))



........
× أجل هالأمريكي عاجبه رئيسه ×
........

:d:d:d
معليش ضحكتني كلمة ينهبون البترول منا خخخخ

 

[A . R]

يا حب بعض الناس لتكبير المواضيع وتحميله اكثر مما تحتمل


بيسوون انهم عندهم حنكة سياسية و بعد نظر


يحسبون انهم الامريكان حاطين ايديهم على خدودهم وما همهم الا حنا وانهم بس يتامرون علينا الحين اللي يضحكون ذولا لو بحلف اول مرة يسمعون ساودي اريبيا :d


الخلاصه : حلو الفيديو ​

 

[المنخرش]

نعم تم الحجب ولكن اشوف يتم تنزيله أضعاف مضاعفه

هالمقاطع مثل الشيب .. إذا حذف مقطع نزلن عشرة هههههههههه

[YOUTUBE]59HslmpwA50[/YOUTUBE]

 

[ولد الهلي]

هذا الكافر الزنديق الخنزير العلج وو .. (h)

يارجال ودك بعض الأعضاء مايفكر ..

لايصير عندكم هاجس المؤامرة ..
هذا حطّ يدّه على الجرح .. هذا قال كلام اعلامنا ماقاله ...

تخيلوا لو قايل ( ابشرك حنّا بخير وسلامة لاينشغل بالك يابو متعب ارتاح ..)

كان يجيك وزير الاعلام ويفتح قناة ومايشغل فيها إلا هالمقطع ...

الملك يدفع مليارات للشعب .. وكل وزير ياخذ نصيبه من الكعكة .. وكل مسؤول ياخذ نصيب .. وبالأخير يوصل للشعب على 200 و 300 ريال ..

يحق له يتعجّب ويضحك علينا .. كيف دولة مثل السعودية بعدد السكان القليل نسبيّاً مقارنة بدخل الدولة وفيها فقراء ..!!

//


(f)​

 

[يعجبني تفكيري]

يحبك للاشكال
يانا ودي اكفخه وهو عيونه الحاقده

هذا سممممممممممممممممم علينا يالفرح

 

[Gnon]

الفقر ماهو عيب ..

لكن عندنا صار عيب

 

[بدون اسم...]

اخيرا شفت المقطع والله جابها عالجرح

بس عصبت منه وش دخله فينا ان شاء الله لو نصير عالحديده شعبنا راضي ومانبي مشاكل o​

 

[المنخرش]

شعبنا راضي ومانبي مشاكل o​

لو ذقتي العيشه بالأعشاش في شمال المملكة لما قلتي هالكلمة

 

[جنَــاحُ حُلمْ]

مالومه يوم يقول هالكَـلآم
حنا الواحد يتخفي تحت معرف عشان يبرد كبده
وهذآ ظاهر للعالم كله ويتكلم > ذذ وأتحدآكم يجيه شئ

صدق انه قهر كافر يتكلم علينا بالطريقه هذي بس من جد جابها ع الجرح
وخلون نروح لذكريات برنامج 99 والعائلات الفقيره اللي تنادي وتطالب وللحين
تطلع بالقنوآت ولا منادي


صدقت بكل كلمه يَ كافر

حبيت أضيف انه الملك لو أحلف أنه مايدري باللي
قاعد يصير من التدليس وسوآد قلوب من وضع فيهم الأمانه


حسبي الله على كل من له يد في ذلك
الله يرينا بهم عجائب قدرته

 

[كريّم]

الفقر ماهو عيب ..
لكن عندنا صار عيب

نعم الفقر عيب إذا كان بسبب ظلم وسرقة حقوق

لو ذقتي العيشه بالأعشاش في شمال المملكة لما قلتي هالكلمة

ولا تهون صندقات الجنوب

 

[loquacious]

الفقر ماهو عيب ..

لكن عندنا صار عيب

ارزاق ارزاق ارزاق ...

لكن الواحد ينقهر إذا كان متخرج من الجامعه الفلانية والقسم الفلاني والمعدل الجميل وآخرها يتكّي بالبيت !

مالي حق أطالب بوظيفة تليق بمقام شهادتي !

الحمد الله اللي ابوهاتنا كبار ولاحقين على أيام العز وإلا كان صرنا ملح وتكيّنا عند الإشارات ..

نبي وظيفة صاحية نبي نتزوج ,, بدال ماتدعمون الأنديه الكرويه ادعموا الشباب المساكين

حطوا صندوق لإعانة الشباب على الزواج خلو الشباب يتزوج , ينتج , يحس بالمسؤلية , بلاش يرقص بالتحليه ..​