مطــابخ الألمنيــــــــــــوم كم تكلف ؟؟

رجـاوي

رجـاوي

New Member
السلام عليكم ..

بنات انا افكر افصل مطبخ
ابي اعرف اللحين كم تكلف مطابخ الألمنيوم يعني تقريباً بكم ؟؟؟او بكم المتر ؟
وش احسن المحلات من ناحية الاسعار ؟؟
وهل يركبون لي مجلى مع المطبخ يعني مجلى نفس لون المطبخ او لا ؟؟
تكفون يا بنات ويا حريم لا تطنشوني
بدعيلكم ترى ..


والف شكر لكم مقدماً
 
على حسب الجودة
في مطابخ بـ 7000 وفي بـ 40000
يعني أنتِ وميزانيتكِ
+ الله يدبركِ على الكويس و الرخيص
 
اسعار المتر في مطابخ الالمنيوم تبدا تقريبا من ٤٠٠الى١٤٠٠بس اهم شي الجوده
من خبرتي ان مطابح العليان جيده
بس انا فصلت مطبخي من خلده روعه والتفصيل على كيفك يعني جيبي التفصيل الي تبينه وعندهم كتالوجات وتصاميم وفيه عندهم مصممين يساعدونك
الله يعينك واتمنا اكون ساعدتك
 
عُباب قال:
على حسب الجودة
في مطابخ بـ 7000 وفي بـ 40000
يعني أنتِ وميزانيتكِ
+ الله يدبركِ على الكويس و الرخيص
أنقر للتوسيع...
الله يجزاك خير ما قصرتي ..
وانا تحديداً أسأل عن الالمنيوم ، فيه المنيوم يوصل لـ هالسعر

فروحي قال:
اسعار المتر في مطابخ الالمنيوم تبدا تقريبا من ٤٠٠الى١٤٠٠بس اهم شي الجوده
من خبرتي ان مطابح العليان جيده
بس انا فصلت مطبخي من خلده روعه والتفصيل على كيفك يعني جيبي التفصيل الي تبينه وعندهم كتالوجات وتصاميم وفيه عندهم مصممين يساعدونك
الله يعينك واتمنا اكون ساعدتك
أنقر للتوسيع...
طيب وينهو فيه العليان وخلده
طيب في خلده عندهم اسعار رخيصه مع التصاميم الحلوه
وهل المجلى يكون عندهم او نجيبه من مكان ثاني ..
وهل التصميم يرفع في السعر ..
الله يوفقك ردي علي ..
 
التعديل الأخير بواسطة المشرف:
التفصيل كامل مع المطبخ " المجلى" حوظ أوحوظين حسب السعر والتكلفة رخام أو ستيل لكم الخيار.

كم سبق من الاخوة والاخوات من أربع مية الى الفين حسب الاختيار والجودة ووووو.

في طريق الملك عبد العزيز "المدينة" في المنتزة. كلة محلات مطابخ .

أنا ركبت من العليان "شركة أصلة في الرياض" وليس علين بريدة .

جودة في التصميم الاتزام في كل شي . بس السعر شوى عالي ؟؟؟وكل أكسسوار يزيدون السعر .

قبل مسجد أبن باز طريق المدينة مقابل مجمع الامير سلطان التعليمي.
 
شوفي رجااااااااوي انا من خمس وعشرين رمضان
وانا ادور المحلااات
واخذت نصايح من بريده ستي ...مثل ادراج هدروليك وطاوله العمل رخام طبيعي ارخص
والصاج افضل من الفيبرمع الالمنيوم
لما لفيت لقيت الاسعاااار تتفاوت!!
محلات تبيع الفيبر اغلى اذا المحل على قد حاله
ومحلات ارخص
المجلى يصنعونه مع الرخام الي تبغين بس الطبيعي الظاهر مايجي معاه مجلى نفسه
المجلى سعره 300 ممكن تجيبينه او هو يجيبه لك
بس الافضل انتي تجيبينه
اذا كان اسستيل وانا افضل الاستيل
لان الرخاااام ينخدش عن تجربه
واذا قال لك ان هذا المطبخ الماني كذاااااااااااااااااااااااااااااااااب
بس الشكل تقليد المااااني!!
ولا سوري ووطني والداخلي هندي والهندي افضل شي
عندك العليااان كذاااب من الدرجه الاولى الفيبر عنده المتر بـ1200ريال
والي غيره مايتعدي الـ600ريااال
والموديلات اغلبها قديم عندهم
كاااااافكو الي بشارع المدينه قريب من العليااان لاتروحين له
لاتك بتزعلين من المطابخ
مرررررررررره فخم ويبيعون لك المطبخ من مجااااميعه
واقل سعر بــ47الف ريال
واذا تقدرين الله يهنيك ويقويك
وعندك الشملان بشارع الملك عبدالعزيز او طريق عنيزه
راعي ذمه نوعا ماااااا
وعند السلاااام كمااان ومطابخ النخبه
بس الى الان مابعد فصلت !!
حذرومن الامين وورده المطابخ وواحد نسيته


ياااااااليت تقولوا لي وين مكان خلده الله يجزاكم خير
​
 
فارس القوافي
جزاك الله خير ما قصرت ..

..
اشراقة فجر @
الله يجزاك خير ويجعلها في ميزان حسناتك
استفدنا من تجربتك
وهذا واجب الكل انهم يحذرون من النصابين

والله انها شغله كيف نعرف الامينين
حتى سمك الفيبر يغشون فيه
وما بيعون إلا 2 ملم هلى حسب ما سمعت
مع انو فيه 3 و 4 ملم ..
 
طيب وينهو فيه العليان وخلده
العليان بطريق المدينه
وخلده بصناعيه الرواف
المجلى من عندهم
لا التصميم لايرفع السعر الا اذا كان مبالغ فيه او فيه اكسسوارات

لاتحطين ٤ملم حطي ٢ملم بس دورين يعني طبقتين وهو على حسب اختيارك وشوفيهن كلهن
 
التعديل الأخير بواسطة المشرف:
اشراقة فجر@ قال:
تصدقين عاد اني متخوفه اسوي مطبخ من كثر الغش
يقولون ينزل لك بالسعر ويدبل الامتار !!
أنقر للتوسيع...
الله يعين ..
عاد ماندري كيف يحسب المتر هو طول متر الجدار وإلا الأدراج اللي تحت واللي فوق ..
شكل مافيه فكه من الغش ..

فروحي قال:
طيب وينهو فيه العليان وخلده
العليان بطريق المدينه
وخلده بصناعيه الرواف
المجلى من عندهم
لا التصميم لايرفع السعر الا اذا كان مبالغ فيه او فيه اكسسوارات

لاتحطين ٤ملم حطي ٢ملم بس دورين يعني طبقتين وهو على حسب اختيارك وشوفيهن كلهن
أنقر للتوسيع...
الله يجزاك خير ما قصرتي ..

الموناليزا قال:
موفقة
أنقر للتوسيع...
مشكوره ..
 
الله يعينك

أنا ما كد جربت أفصل مطبخ في بريده وما أعرف في محلاتها

بس أبحثي أكثر قبل لا تفصلين قبل سنتين أحد أقاربي فصل مطبخ كلف عليه أكثر من

15000 ريال الحين متخفس كله
 
يجب تسجيل الدخول أو التسجيل كي تتمكن من الرد هنا.
عودة
أعلى