مدرسةمتوسطة خب القبر تعااااني من الحررررر؟؟؟؟

[@shosho@]

--------------------------------------------------------------------------------

السلام عليكم و رحمة الله وبركاته ......


ويــــــــــــــــن إدارة التعليم عن مدرسة المتوسطه الاولى

نعيش في عــــــــــــذاب من الحـــــــــر ........ المتوسطة الـ الاولى بخب القبر ببريدة .. لا إدارة ولا مبنى ..


فصل ثاني (أ) فصل كبيــــــــــــــــــــــــــــــــــــــــــــــــر و مافيه الامكيف واحد و خربان وانواع الروائح

حتى ثالث يشتكون من مكيفهم

وقسم بالله شي يقهر


المعلمات ماعليهن .. لكن الإداره .. استغفر الله العظيم .. ما نقدر نقول شي ..


وين التربيه و التعليم عننا ؟!



لا والمشكله قلنا للاداره نبي نشري مكيف قالو ما علينا من كم
بالله عليكم هذي مدرسه ... !!!!!!


الله يعيننا و يصبرنا على هالابتلاء ..والموووووووت والحررررررر


تكفوووون يا بنــــــــــــــــــــــــــــــــــــــــــــــــــــــــــــــــــــات تفاعلووو معي

أتمنـــــــــــــــــــى ما يحذف هالموضوع .. .....


؟! حســـــــــــــــــوا بلحر الي نحسبوه \

 

[ديرتي انا القصيم]

صاااااااااااااااااادقه

مدرسة بنات خلاتي حتى يشتكوووون منه

حرام عليكم بلي تسونه بهم

 

[طموح مشرق]

والله المفروض يهييء الفصل ويكون مريح لأبعد حد لكن..........مشكلة ماأحد يسمع لنا؟؟؟إلى متى..؟؟
ربي يكون في عونكم​

 

[توام ظغوطات الحياه]

ايه صادقه والله يارررب تعينكم على هالمدرسه بالصراحه المبنى مررره قرف يحوم الكبد :i121 الله يسهل عليكم ياررب ..حتى الاداره مافيه ابد لا ادراة ولا شي بس بالاسم بس المعلمات صراحه روووعه وربي معلمات شي (h) .. طالبه سابقا,,....:fh)

 

[Leader.20]

الله يعينكم . لقد اسمعت لو ناديت حيا ,,,,,ولكن لا حياة لمن تنادي .​

 

[ابرا كدبرا]

الله يعينكم​

 

[ياحبيلتس يانا]

لاتدرسن قاطعن المدرسه لما يحطون مكيفات ازين حل خخ

 

[ابـــوســلــــووومـ]

السلام
ايه والله متنا من الحر والله نحتري الدرس
لاكن الله يكون بلعون :094::094:

 

[فديت القصيم]

الله يكون في عونكم

 

[@shosho@]

شاكرين ع المرور

 

[ـالتُفاحة الورديّة]

انا عندي حل لكن غيبن لمدة اسبوع كل الفصل

وكتبن على السبوره نبغى تصليح المكيفات

ان شاء الله اكون اني افدتك


هههههههههههههههههههههههههههههههههههههه

لا عاد صدق الله يكون بعونكم

 

[ملكه بلا مملكه]

ايه والله انك صاادقه لا مبنى ولا مكيفااات حرراام والله عليهم واذا قلنا لهم شي قالوا تدافعو بلاهي هاذي مدرسه ولا حووش غنم .. حتى اول متوووووسط والله اني ارحمهم يترااشقووون بالماء من الحرر وين الوزااره عنهم والمشلكه عللى كبر خب القبر ما فيه غيره اتمنى التفااااااعل من طااالباات المدرسه حتى يصل الى الوزااره وانا وحده منهن

 

[خمائل مختاله]

ههههههههههه تصدقين ذكرتين بسالفة صارت لي وخوذي منها العبره

مرتن من المريرات هع كنا ندري بالكليه مير الباص حقنا مثل مدرستكم يتقوطر العرق تقل دش:d

الزبده صبرنا سنه سنتين وماش عجزنا نتحملo

بالاخير اجتمعنا يجي لنا 35بنت قالن خلن نسوي احتجاج ونرفض نركب الباص

وفعلا ساحات الباص صارت خاليه على قولة العرب هع

ومير يجي حق الحركة قال يالله تحركن :i121

طبعا حنا مكبوتين ومير ننفجر بخشته لا لا لا ماحنا براكبين لين تصلح المكيف او تغير الباص

وساعه شيل وحط لين استسلم يوم شاف اننا قويات هعهع :d قصدي لساننا طويل قصدي هع

انه رحمنا وحس بمعانتنا بس عقب ماذلنا الشايب :i121

بالاخير حصلنا مانريد فقط بألسانتنا واجتماع كلمتنا هعهع <<صارت خطبه:41

 

[..دينجر..]

إجتمعوا وخلكم يد وحده .. والله يوفق الجميع

 

[@shosho@]

يا الله يا بنات المدرسه اشتكو على هذه المدرسه علشان يوصل الا الوزاره

 

[فــوـوفــوـو]

ايييييييييه والله صدقتي شوشووو وقسسسسسسسسسسسسسم نغلسس من الحححر..


<<بسس ما نقوول إلا الله يعيييين ..

 

[صغيره]

الحمد الله ركبو موكيفات واخيرن بس اول مركبولهم مع انه فصلهم فرن

يسلمو شوشو ع الموضوع

 

[البرفسوره]

مرحبا
يازين المدرسه الاولى اللي هي بيت الخريف مكيفات على كيفك
جربت مدرستكم فقط ثالث متوسط تحوم الكبد
يازين المدرسه الاولى ويازين الخطه الاولى
انا طالبه من طالباته عام 1425

 

[دبلوماسيه]

الله يعين ع هاالمدرسه بس

مااقول الا الله يعين >>>>اشتكينا وسوينا كل الي نقدر عليه بس مافاد يقولون اصبرو نبي ننقل >> وش يصبرنا حنى بالحر "؟ الله يعين بس

يسلمو ع الموضوع يعطيك ربي العافيه

ووودي ..