عندما ( لا يوجد ماء ) في ( جامعة القصيم ) .. !

الحالة
مغلق و غير مفتوح للمزيد من الردود.
To be قال:


زين والله ، بوه ناس يعرفونن بالمنتدى :d
قولتك قاعد تتفلسف علينا :d:d:d
شكلك ودك تقول أنت متناقض بس ما قدرت تعبر عن شعورك :d

(f)​
أنقر للتوسيع...

هلا حمّودي .. هلا بـ عيال الطب كلهم (h):d
< أورّيك إني أعرفك :113:


ياخي تهون المسألة عند العيال !
لا صار شسمه يروحون لأقرب محطة :113:
المشكلة عند الـ female-side .. هن اللي يبلشن بأعمارهن بهالحالة :)

الحمد لله إني أداوم بالمستشفى الحين ولا أجي للكلية إلا يوم الثلاثاء :d
c u my sir (f)
 
لا :i125
من جد :p
وين الميزانيات والدراسات :060: :018:
لكن باذن الله تفرج لكم عن قريب
والحمد الله اني اطبق بالمستشفى ولا اجي للجامعة :067:

برايفت تو :
تو بي (f)
انتا :41 :058:
 
التعديل الأخير بواسطة المشرف:
طالب طب قال:
هلا حمّودي .. هلا بـ عيال الطب كلهم (h):d
< أورّيك إني أعرفك :113:
ياخي تهون المسألة عند العيال !
لا صار شسمه يروحون لأقرب محطة :113:
المشكلة عند الـ female-side .. هن اللي يبلشن بأعمارهن بهالحالة :)
الحمد لله إني أداوم بالمستشفى الحين ولا أجي للكلية إلا يوم الثلاثاء :d
c u my sir (f)
أنقر للتوسيع...

هلا والله بصديقيني كلهم :d (h)

عاد لا جيت الثلاثاء أثرهم مرووين ، بس الحكي السبت والأحد :(
تصدق صليت أمس بالبهو مابوه جماعةً أبد :d​
 


ماأعتقد فيه أحد بيبلش إذا إنقطع الماء في ظل وجود كافتيريا تبيع العلبة بريال ..
لكن المشكلة الغير قابلة للتحمل هي عدم ضبط التكييف , في الصيف التكييف حار أو مسكر بعبارة أصح ,
وفي الشتاء يفتحون التكييف البارد فترة طويلة ثم يتذكرون أن الأجواء باردة ويسكرونه ..
بصراحة أيام كانت صعبة الله يسامحهم بالذات إذا حر ووقت إختبارات ..


والمشكلة الثانية وهذي أقل حدوثاً .. إنقطاع الكهرباء ..
إذا كنت في المصعد بيرصونك على الأقل نص ساعة ( هذا إذا قرمين وسنعيين ) ..
وإذا عندك محاضرة ( شبكات ) أو ( معامل ) بتلغى وأقعد به ياللي عاني من بيتكم علشان هالمحاضرة ..


لابأس طبق على نفسك قانون الجذب وتخيل أن خدمات الجامعة رائعة وعلى مستوى رفيع وكذا بتعيش حياة حلوة فيها ..


يالله بالتوفيق , مابقى بالدارسة كثر مامضى ..


..​
 
حتى كلية التربية للبنات نفس المشكلة بس على الأقل عندكم مكتوب على الباب
لا يوجد ماء.
 
ههههه
الله يكرمكم لفتحت باب دورة المياه طاحن عليك قورير الماء ..
هي اصلا ماتدرون انتم .. جايبين كمية كبيرة علب ماء وبلش بهن الكفتريا
وهذي افضل وسيله ل ترويجهن < تفكير منطقي ذذ

عندك الماء والكهرب والمكيفات يبي لهن ادارة صح ولا ننسى الرواتب بعد :$
 
^^

والله إني أستهبل بردي لكن جايبه من باب عذر أقبح من ذنب :)

أنا نفسك رحت لدورة المياه أبي أتوضى لـ الصلاة يوم دريت أثر ما به ماء فقلت خلن أروح لم البهو الرئسي وما لقيت ماء نفس الفكره قلت مالي إلا المطعم وأروح أشري ماء وأنا طالع أشوف العالم اللي توهم متغدين ماكلين تبن :113:
 
معالي المدير بالصين
والناس هنا بلشين

هي أول مرة عشان نصرفها
مافيه خدمات زي الناس

لا ماء لا تكييف لا مطعم يفتح النفس

الله يعين​
 
أفريكانو قال:
معالي المدير بالصين
والناس هنا بلشين

هي أول مرة عشان نصرفها
مافيه خدمات زي الناس

لا ماء لا تكييف لا مطعم يفتح النفس

الله يعين​
أنقر للتوسيع...

صحيح بالصين ؟؟ هه
قبل ثلاث سنوات منعوا القهوة في الجامعة وصرنا نتصل على عميد من هالعمداء الله يستر عليه بحيث يشوف لنا صرفه ..
ونتصل ونتصل ماحولنا أحد غير هالسكرتير اللي يصرفنا وكل ماأتصلنا قال بيجي بعد شوي ,
يوم شافنا ملزمين قال والله يابنات العميد كاشت وش أسوي لكن يعني ؟ أجيبه هع باللهجة ذي يقول كاشت ..
كاشت ياعيني بس , لابعد شكله مخيّم الأخ في الله لمدة أسبوع أو أسبوعين وحنا ضايعين بالطوشة ماغير ندق والمكتب فراغ ..

أصلاً مافي أحد يسمع في هالجامعة , لذا ماعلى كل طالب وطالبة غير التسليم والرضى والله يعين ..


..​
 
الحالة
مغلق و غير مفتوح للمزيد من الردود.
عودة
أعلى