شوارعنا كلها مطينه وبطناج ليش؟؟

الحالة
مغلق و غير مفتوح للمزيد من الردود.
ا

الشبح الأسود

New Member
السلام عليكم ورحمة الله وبركاته


إلى متى شوارع بريدة في هذا الحال الحفريات في كل مكان
والشارع إلى خلصو منه وزفلتوه تلقاه مطينه
شارع الحمر في حفريتين و العليا واحدة
وكلهن زينو الشوارعهن لكن كله بطناج مطينه وسترح أوالمطينه أحسن
وطريق القناة شف وش صار الي عند إشارة المقبرة مرة شفت قلابي يمشي فيه مسرع و الله العظيم إنه مثل الفيل يناقز مناقز ماهو معقول
إلى متى يابلدية بريدة هذي الحفريات البطيئة؟
إلى متى البحث عن الكنز؟
إلى متى شوارعنا بعد الحفريات كذا؟
والله ماصارت
حطو حفريات ماقلنا لا تحطون لكن زينو الشوراع زين بعد إفسادها
أنا مادري ليش كذا ليش؟؟ ليش؟؟
أبي إجابة


الكلام كثير ويطول لكن هذا غيض من فيض
وعذرونا على الإسلوب والله قهر شوارعنا كذا ​
 
كلامك أخوي عين الصواب
موتري تفكك بسبب هذه الشوراع
سيئة التنفيذ يعني الشارع أول مايزفلت
من احسن مايكون بس اصبر عليه اسبوع
شف وش يصير يطلع هويات ومطبات تكسر
الموتر تكسير لكن مانقول إلا حسبي الله ونعم
الوكيل على هؤلاء المقاولين وعزاءانا موصول
لبلدية وأمانة القصيم التي ليس لها من اسمها
نصيب للأســــف !!!!!!!!!!!!!!!!!!!!!!
 
أما شارع القناة فلم يبق منه شئ إلا وحفروه أصبح كله أعمال حفريات ,,,,,


إذا حفرو الآن والله العظيم ما أزمل إلا للسفلته اللي بعد الحفريات مايهمن حفريات لأن أعلم أنه مسألت وقت وتزول لاكن السفلته هي اللتي سوف تستمر مع مرور الزمن وتكسر سيارات المسلمين ( عمل لا متقن وذمم الله لا يبلانا ماهي قد المسؤليه)
 
التعديل الأخير بواسطة المشرف:
انا رحت لم الامارات .قسم بالله يالربع ان شوارعهم احسن من بلاط بيتنا .شوارع على كيف كيفك ودك تنام بهن..
 
ياخي بريدة من زمان منهوبه
ميزانية بالمليارات الله يخلف تنتهي بنخلتين ودوار والباقي الله أعلم
 
ياخي بريدة من زمان منهوبه
ميزانية بالمليارات الله يخلف تنتهي بنخلتين ودوار والباقي الله أعلم
شف شارع الوسيطي
30سنه لم يزفلت اويشجر
كانه شارع من شوارع بنجلادش
 
يارجال هاذي بريده اهله ينطلونه الدوله ماقصرت معهم بالقروش..
انا ابدري وراه الرياض ازين منا والمناطق السياحيه ازين مناشوارع..
وخوينا اللي رايح للإمارات انا جبت ربع وحوض والله العظيم..
كل الطريق وانا بالامارات ولا نقزه ولامنابط ولا شي تقل راكب بانوراما..
واو مادخلت الحدود السعوديه الله لايوريك مساعدين بالهواء...
فالرجاء من البلديه النظر في هذا الامر..وشكرا
 
مع الأسف تتعب وانت تصرخ
لا حياة لمن تنادي
وتتكرر المناشدات دون جدوى

ينبغي أن يكون فيه لجنة من البلدية والمرور
لمتابعة وتمشيط الشوارع اسبوعياً ، ومسائلة وتغريم المقصر
 
الحفريات ليست قريبه من منزل مسؤول كان اتشوف وش يصير الشارع حسبنا الله على التلااعب في تللك المنقصات زاد المشي في الشوارع كأنك تمشي على ظهر بعير.....مطب ...حفريه...نأسف لاازعاجكم ...هذا الازعج عينه بعلمه
 
هذا يسمونه احياء للتراث يالحبيب خخخخخ
يعني علشان الاجيال الحالية والجديدة تعرف كيف كانت شوارعنا ومازالت متمسكة باصالتها خخخخخ الله المستعان

شوف حبيبي المسالة شكلها تجارية بحتة
يعني لو ضبطوا الشوارع ماراح تتفكك السيارات ولا راح تصير حوادث فينزل الطلب على السيارات وايضا يخف الشغل على المستشفيات اطباء مباني ادوية شفت الفلسفة خخخخ
 
.
.
.
والله إذا كان زوجتك حامل وسقطت فالإثم عليهم
والله يصلح الأحوال فيه كركتير يقول
جايين البلدية يزفلتون الشارع وهم في أثناء الزفلته
يقول مسئول الحفريات متى تخلصون على شان نحفر
هههههههههههههههههه

والله صادق راعي الكركتير​
 
الحالة
مغلق و غير مفتوح للمزيد من الردود.
عودة
أعلى