تكفون ياهل الخبره حسابي بتويتر الظاهر تهكر

A

albndre

New Member
السلام عليكم ورحمة الله وبركاته.
هذي اول مشاركه لي بالمنتدى وياليت من يساعدن وربي يفرج له همه وويدخله الجنه
حسابي بتويتر مدري وش صاير عليه. أحاول ادخله مايطيع. مدري وينه فيه الخلل
طلبت الباسورد وجاء الإيميل بس ادخل الرابط ويردني لصفحة طلب الباسورد من جديد
تبهذلت وانا أحاول وبكل مره ارد للبدايه.
سويت طلب للدعم الفني بتويتر ولاجا خبر
الحساب قديم ولا ابي اخسره. من يعرف يساعدن استرده
أدخل عليه احصل الأرقام تتغير بالفولو والفولورز مدري وش سالفته تعبت. تكفون ساعدونن
 
عليكم السلام ورحمة الله وبركاته

اليك الشرح بالتفصيل الممل ركزي وطبقي نفس ماهو بالشرح وانشاءالله يضبط معاك

واحب انصحك قبل : لاتفتحي اي روابط مشابهه ل صفحه تويتر لانها قد تكون صفحات مزوره وهميه وهي من اجل سرقه الباسورد والايميل كيف؟؟ - : مثلا يجيك شخص يقولك هاذي الصفحه فيها وفيها ويعطيك رابط مثلا كذا www.twittr.twittr.com مثل هذا الرابط هذا مجرد تمثيل وانتي تفتحي الرابط يطلع لك صفحه مثل صفحه تويتر بالضبط يطلب منك الباسورد والايميل يقولك سجلي دخولك مثل تويتر بمجرد ماتدخلين الاسم والباسورد يوصل الاسم والباسورد للهكر الي يبي يخترقك لذلك .. اذا صادفتي مثل هاذي الروابط وفتحتيها وشفتيها تطلبك مثل هاذا الشيء تاكدي اولا من الرابط وتاكدي من شكل الصفحه هل رابط او اللينك حق الصفحه مثل الرابط حق تويتر اذا كان مختلف ف اعرفي انها صفحه مزوره لاتسجلي فيها نهائيا واذا كان نفس الرابط بالضبط عادي

-2 لاتقبلي اي رسائل عشوائيه من ايميلك ولاتدخلي اي مواقع مشتبهه بالقصد انك تبحثين عن برنامج او اي شيء ينفعك في جهازك او بحوث او اشياء وطحتي بموقع فيه ناس اطفال ينزلون برامج وهي بالقصد باتشات - اي فيروسات يتيح له التحكم بجهازك عن بعد مو الكل ولاكن المشتبه مثلا دخلتي تبحثين عن برنامج في بالك وحصلتي واحد يقول هذا البرنامج اي الي هو مقصودك وحملتي البرنامج ونزلتيه على جهازك وفتحتيه بدون ماتتاكدي او عن طريق المسنجر يعطيك ملف او غيره لذلك تجنبي هذا وركزي على المكافح هل هو محدث او غير محدث قد يساعدك في الامور هاذي


والحين نجي للشرح

اولاً ادخلي من هنا على رابط اعاده تعيين كلمة المرور لتويتر

https://twitter.com/account/resend_password

الحين تابعي الصور
















الحين نتاكد من ان تم تغيير الباسورد الي حطيناه الجديد هل هو صالح ام لا! تابعي













انتهـــى الشــرح


اتمنى ان ينال رضائك ..

(f)
 
التعديل الأخير بواسطة المشرف:
ياهلا والله حبيبة قلبي.
جزاگ الله خير الجزاء.
گل هاللي قلتي عنه انا مسويته من قبل اگتب الموضوع
بس مشگلتي بإن الرابط يرجعني لنفس الصفحه اللي طلبت منها الباسورد.
ومع هذا رديت وجربت عقب قريت. ردك. وهي هي نفس المشكله
الرابط يوصل ادخله يرجعن للبدايه
 
رد

albndre قال:
ياهلا والله حبيبة قلبي.
جزاگ الله خير الجزاء.
گل هاللي قلتي عنه انا مسويته من قبل اگتب الموضوع
بس مشگلتي بإن الرابط يرجعني لنفس الصفحه اللي طلبت منها الباسورد.
ومع هذا رديت وجربت عقب قريت. ردك. وهي هي نفس المشكله
الرابط يوصل ادخله يرجعن للبدايه
أنقر للتوسيع...

----------------

ياهلا بك زود

اولاً اشكرك على مرورك العطر

شوفي اختي تاكدي من كلمة المرور ممكن تكون غير متطابقه او انك حاطه الكيبورد بالعربي تاكدي من هذا الشيء

أو
ممكن ترفقين لي صوره من المشكلة عشان اشوف لك حل ثاني

تقبلي تحياتي (f)
 
أنا نفس مشكلتك بالظبط

والحممد لله زان
بعد 'الات' @ >الي هو أسمك<
خلي كل الأحرف صمول ومتأكدة أن شاء الله راح يفتح معكك
 
هلاا ياقلبي... ومشگورين عالمحاولات والمساعده
حاولت احط لگ صوره من الشاشه تشوفين اللي اقصده بس ماعرفت وشلون..
المهم انا ابشرحلتس
الصفحه اللي ارسل بها طلب الباسورد اللي هي صفحة الفورقيت.بعد ماارسل الطلب تجين رساله بالايميل بها الرابط نفس اللي بالشرح اللي كتبتيه.. اذا دخلت علرابط مايوديني لصفحة تغيير الرقم السري بالعگس يرجعن لصفحة الفورقيت.ويطلب ارسال الطلب مره ثانيه. وانا الى الحين يمكن عشرين محاوله مافي فايده

...........
اختي دونع
ياهلا وغلا.. يالباتس
والله ياعمري حاولت بكل الطرق مازان.. مدري وش سالفته..بديت افقد الامل..
حتى من اللاب توب حاولت مابوه فووود

ادعيلي ههههههههههه
 
تفضلي اختي سويت لك شرح بالفيديو حملي من هنا

http://www.mediafire.com/?b0i1p6zhzqsguqh

ولاتنسي ركزي على الشرح

واذا سويتي نفس مافي الشرح وماضبطت تاكدي ان الخلل في جهازك مو من تويتر ولو كان المشكلة مستقره كان عمت على جميع الناس ف لذلك تاكدي وغيري المتصفح غير متصفح اكسبلور العادي شوفي غيره او جربي من جهاز ثاني وشوفي النتيجه والشرح عندك بالفيديو راح يساعدك اكثر

تحياتي لك

(f)
 
التعديل الأخير بواسطة المشرف:
يجب تسجيل الدخول أو التسجيل كي تتمكن من الرد هنا.
عودة
أعلى