بنت جامعيه

[دلع تميم]

السلام عليكم ورحمة الله وبركاته

قبل ايام كنت مجتمعه مع بنات وصار جدال شديد على موضوع دراسة البنات فيه منهم
قالت الوصل لمرحلة الجامعه شي اساسي مهمه حتى لو متزوجه وعندك اولاد او مسؤوله عن اهلك :bad
ولي قالو لا مرحلة الثانوي تكفي لنها بنت وذا تبي تكمل عادي لكن بدون ضغط ابدا عنفسها
ردو عليهم المؤيدين للجامعه الي ما تكمل الجامعه تكون مثل الاميه ما عاد فيه بنات بلبيت ونظرت الناس لها اقل من غيرها

حبيت اخذ رايكم ونضرتكم للبنت الي ماكملت بعد الثانوي؟
وش تايدون ؟ وهل يحدد دراسة البنت مستوا الشخص الي ترتبط فيه ؟

 

[من باعني بعته]

أنا من وجهة نظري الجامعه مو شي أساسي واذا خلصت الثانوي بركه صحيح انوا بالجامعه تعمق بالدراسه ومعلومات جديده مادرستيهاا وتتزودين بالعلمـ حسب القسم اللي انتي مختصه فيه اهمـ شي ننتفع باللي تعلمنااهـ

 

[صاحبة الامتياز]

انا من رائيي ان البنت تكتفي بشهادة ثانوي وكفايه.

ماله داعي جامعه ووجع راس محنا ناقصيـــن ..​

 

[هنـادي]

عاااادي مافيه فرق المرحله الجامعيه عن الثانوي​

المناهج اللي بالجامعه اكثرهم نسخ من كتب الثانوي

وظايف موشحه مااااااافيه

لذا اطالب بالنوووم وتكبير المخده ودبل بطانيه بهذه الاجواء المغريه :113:​

وصلى الله وباركـ​

ياحياة الشقى الصغارين اللي توهم يبدوووون​

 

[سمو احساسي]

الوصول الى مرحلة معينة في الدراسة لايعني الوصول الى القمة نجد في المجتمع امهات جامعيات ولكن للاسف دنو خلق وعدم حسن تصرف وتربية فاشلة للابناء وفي الجانب الاخر هناك امهات ممايحملن الثانويه او دون ذلك وتجدينها دكتوراه في حسن الخلق ورفعة في الذوق وقمة في الادب وحسن تصرف وابناء ع قدر عالي من التربية ولكن من وجهة نظري ان المرحلة الجامعية مهمة ليست في كسب العلوم والمعارف فحسب بل الثمرة التي اقتنيتها هي فلسفة التعامل مع الاخرين ومواجهتهم ودور العلاقات الاجتماعية وتكوين الصداقات <<وجهة نظر والاختلاف في الرأي لايفسد للود قضية

 

[فيري]

^^^

من جدك؟ اصلا انا احس ان دراسة الثانوي خرابيييط

العلم يبدا من الجامعه لان الثانوي دراستهم قليله ومكرره

منو قال لك انهم نفس المناهج؟مناهج ثانوي ولاشي قدام الجامعه

انا اقول كملوا دراستكم طلبووا العلم

 

[هنـادي]

انا اقول كملوا دراستكم طلبووا العلم

ياعمري كملنا وش استفدنا هذانا كل وحده تلعب كيرم مع الثانيه !!​

 

[فيري]

^^

اهم شي تعلمتي مو لازم وظيفه

واذا تبين زياده لفرصة الوظيفه خذي الماستر والدكتوراه

 

[ظ„ط§ظپظ‡ ظ‚ط¨ظ„ ط§ظ„ط¹ط§ظٹط±]

انا من رايي...
دام الظروف مهيأ له انها تكمل فتكمل المرحله الجامعه...
بهزمن ماتنفع البنت غير شهادته...
ولكل شخص راي وفكر مختلف...​

 

[دلع تميم]

تسلمون ع الردود للحين الي يأيدون الثانوي اكثر

 

[هايين]

الثانويه شئ اساسي
والي تقدر تكمل وعندها مؤهلات وامنيات
افضل ولكن الثانويه كفايه
لتعليم اطفالها

وعن الاميه والثقافه هناك نساء يحملن المتوسطه
وتعطينها الدكتوراه بالمعرفه والتصفح
اما اذا تبي تتوظف ياليت
..​

 

[*ألمـاس*]

اهلا عزيزتي


من وجهة نظري أنا
الجامعة فقط للي تبي اسم شهادة
والثقافة مو دليل انها من الجامعة
أعرف وحده ماكملت ابتدائي وماشاء الله تقولين (معلمه) من ثقافته
تبارك الله...ooo1
والجامعة مافيها زود...العلم والثقافه مو محصورة بالجامعة
تقبلي وجهة نظري

 

[ـالتُفاحة الورديّة]

السلام عليكم ورحمة الله وبركاته

وعليكم السلام ورحمة الله وبركاته

ردو عليهم المؤيدين للجامعه الي ما تكمل الجامعه تكون مثل الاميه ما عاد فيه بنات بلبيت ونظرت الناس لها اقل من غيرها

ياحلوه على حسب المجتمع اذا كانو مواصلين تعليمهم الجامعي بينظرون للي ماكملت الجامعه نظره شينه او انها تبغى الزواج

حبيت اخذ رايكم ونضرتكم للبنت الي ماكملت بعد الثانوي؟

ما احب البنت اللي ماكملت الجامعه دراسه الجامعه صح انها صعبه حيل بس لها طعم )

تقبلي وجهة نظري يادلع تميم

 

[بنت السعود]

انا من وجهت نظري الجااامعه شي اسااسي ..لانه خلالاص قليل الي ماايكمل الجامعه بالعكس كثير الحيين يكملون ماجستير ..وجهة نظر

 

[@وردة الجوري@]

والله من وجهة نظريooo1
ان البنت اذا كانت متزوجة مايلزم له انه تكمل الجامعه تكفي الثانويه:d
اما اذا عاطله ماتزوجت تكمل الجامعه :41
وش وراه ماعنده شي تكمل وتستفيد:re
بلا النووم والكسسسل​

 

[خمائل مختاله]

ياعمري كملنا وش استفدنا هذانا كل وحده تلعب كيرم مع الثانيه !!​

وش رايك نسوي دوري كيرم :d:d:d

اخذتي جامعه او ثانوي كلها سواء ياقلبي ..بلا وجع قلب اقعدي بدارتس اذا معرسه حدها ثانوي

واذا عزابيه تكمل لتوسيع الصدر فقط :d ..ام كمستقبل فهو هرجن فاضي :eek5

واذا على الثقافه..اعرف بنات ماعتبن باب المدرسه ومشاء الله احسن مني ثقافه يالجامعيه ..

وسلامتكم

 

[دلع تميم]

مشكورين ع مروركم الرائع الله يوفقكم جميعا

 

[هيفا بنت القصيم]

غاليتي دلع تميم أنا من وجهة نظري إذا كملت الجامعة خير و بركة و إذا وقفت على الثانوي بعد خير و بركة لأن تعامل الشخص نفسه وطريقته الراقية و الواعية تكسبه حب الطرف المقابل ,,, إحترامي لك

 

[ذكرى حزينه]

غاليتي دلع تميم أنا من وجهة نظري إذا كملت الجامعة خير و بركة و إذا وقفت على الثانوي بعد خير و بركة لأن تعامل الشخص نفسه وطريقته الراقية و الواعية تكسبه حب الطرف المقابل ,,, إحترامي لك

ما أزود على كلام الأخت هيفاء كفت ووفت جزاه الله خير
والثقافه مو باالشهاده

 

[أتعبني غروري]

من وجهة نظري آن دراسه الجامعه مهمه ..
وفيه فرق بين اللي معه شهاده ثانوي واللي معه شهاده بكالوريس

وبعد لو تكمل آلماجستير أفضل​