بروفيسور أسترالي: لو كنت مريضا لفضلت العلاج في مستشفيات القصيم

الحالة
مغلق و غير مفتوح للمزيد من الردود.
انا مصدق بس مادري عن باقي الاعضاء خخخخخ

ترا كل مستشفيات العالم الاسلامي مكتوب على مدخلها (واذا مرضت فهو يشفين)
الا التخصصي مكتوب عند باب الطوارئ (قل ان الموت الذي تفرون منه فانه ملاقيكم)

دعابه دعابه
 
اذكر قبل سنه كان مدير صحة القصيم مسوي جوله على مستشفيات بريده
وقبلها بأسبوع والناس مدهره تنظيف وتمسيح كان في الممرات فيه لمبات متعطله لها اكثر من ثلاث شهور

ويجون يأخذون من غرف الممرضات عشان يغطون < من الكسل عجزانين يجيبون جديدات

الحين تبوني اصدق هالأسترالي ولا اصدق عيوني

هو لو الموضوع جد بيكون زارهم ثواني وراح
لاكن مايقدرون يضحكون على ناس عاشرتهم :confused:

​
 
ماهقيت إن القصابين فيهم خير ( ليتهم قاصبينه هالأسترالي عشان يعرف التطور اللي بمستشفياتنا )
 
أنا أول ما قريت الخبر بالجريدة مت من الضحك
ههههههههههههههههههههههه
أكيد إنهم إهبلوه بالكلام وصدق المسيكين
أو إنه ناوي يموت

شي مضحك​
 
ايه هيييييين
لا وسمعت بعد انه ناوي يجيب زوجته من استراليا عشان تولد بمستشفى الولادة والاطفال .<<<<خخخخخخخخخ
والله من زين الأمور ...
حدثوا العاقل بما يعقل يا ناااااااااس .
والله لو يتكلم علي ماصدقته .
 
ههههههههههههههه والله ما لي نفس ارد , بس بعد ما قرأيت العنوان قلت لازم احـطمك يا عزيزي مثل ما حطموك باقي الاخوان بالردود ..


بالله يعني يبي يزور المستشفى ويقول ما عجبني ؟

اعتب عليك ياصاحب الموضوع مع احترامي لك , انك تنقل مواضيع مثل كذآ ..


ومثل ما يقول المثل " الشق أكبر من الرقعة " , بنظري لو يجي اوباما ويمدحه ما صدقت .. < عاد ما لقيت إلآ اوباما ..
 
ياناس انتم مافهمتو وش
قال في معنى كلامه لو كنت مريضا ( يعني مهبول او مريض نفسي او سكران )هاكالحين افضل اني اتعالج بمستشفياتكم اما بما اني طيب فأفضل العلاج بأستراليا
فتحو عيونكم
 
أصلآ ماجرب خطأ طبي بزوجته بالولاده يحر كبده

ولا طلعت له جنازة من التخصصي تدمي قلبه

والخرفان الأستراليه ماله سوق ببريده يجي هو يكون له كلمة في مستشفياتنا
 
بابا عبده قال:
اكيد هذا استرالي احول ولكن تذكرو الجمس الا سترالى يتلفت بالبر لا شاف ما حولك احد ينقذك طفاء وهو جديد
أنقر للتوسيع...

جمس استرالي! اذكر به جمس برازيلي قبل عشرين سنه بس شكلك لخبطت انت
اما الاسترالي هذا ما اقوله الا تعال وجرب بنفسك وترى قدامك خيارين
1- إلى ثلاجة الموتى وهي موجوده خلف المسجد بالتخصصي ومليانه والسبب بعد مشيئة الله خطأ طبي,
2-إعاقه دائمه ! وأشوف ان الخيار الأول ارحم لك​
 
المشكله انه يقول مستشفيات القصيم
يعني ان المستشفيات اللي خارج القصيم مايبيهن مهب قد المقام علشان يعالج بهن
هو وخشته
اقول.... كيف الحال ؟؟!!!!
 
الحالة
مغلق و غير مفتوح للمزيد من الردود.
عودة
أعلى