الى متى حالنا هكذا

[هنـادي]

يارب ث ..ب..ت..ن..ي​

وحده معي بالجامعه كانت تلبس عبايه فوق الراس

يوم تزوجت لبست عباية كتف سألته قالت شسوي هو يقولي لاتفشلينن لابسه الخيمه​

قلت ايه هين تقدرين تقنعينه العود من اول ركزه​

استغفر الله مابدي بالتطنز الطنزه اليومين قبل الجمعه ..​

 

[سلطانة الخير]

ههههههههههههههه كثير يسوين نفس حركة صديقتك وتقل الوحد الله يكرمكم بقرتن وانطلق اربطة

 

[رنيم 99]

الله يهديهن يااااارب
مشكووووره ع الطرح

 

[•°انكسار الأماني°•]

مير من تالي عليهم جرائة " أنا أستحي " وهن مايستحن ,​

" أنا أستحي "
يعني صار الحياء للنساء فقط !
لدرجة تستغرب على نفسك الحياء !
الحياء شعبة من شعب الإيمان وكان من سمات الرسول عليه الصلاة والسلام .

عجيبٌ أمركم يارجال الزمن الحاضر !

..​

 

[رمآدآ~|]

الله يعاافييهن ولايبلانا

 

[برفسور ملتمس]

" أنا أستحي "
يعني صار الحياء للنساء فقط !
لدرجة تستغرب على نفسك الحياء !
الحياء شعبة من شعب الإيمان وكان من سمات الرسول عليه الصلاة والسلام .

عجيبٌ أمركم يارجال الزمن الحاضر !

..​

أنا توقعت من خلال " أحلام العاجزين " قلت شكل هذي بتفهم ردي من الفيس " : 12


يعني وشدخل هذي بهاذي ، عقب النوبه لاتلفين قبل العاير..

أنا أتكلم عن السوق وموقف حصل لي مع أهلي وقدام رجال الهيئة ، من وحدة ماتستحي ، يعني وشبرايك أحط اصبعي بفمي واقول يؤؤ + تصير خدودي حمراء = وامشي بطريقي وأنا الولد وهي البنت أفرضي أني اشتغل بالهيئة ، هذا الحياء مثلاً بنظرك !!؟

أفهمي أولاه أعتدنا دائماً بالأسواق والأماكن العامة أن البنت هي الي تستحي كونها متحشمة وأن الرجال ما أقصد أنهم مايستحون ، لا يستحون ولكن اففففف مدري كيف افهمها هذي ..

هيه في فرق بين حياء البنت وحياء الرجل ، بمعنى أن الرجل يرفع صوته عادي ولكن البنت لاا ، غير كذا الجراءة الزايدة في السوق من ناحية اللبس فجرت العادة أن البنت تظهر بهالهيئة بعكس الرجل الي ممكن يظهر صوته وشكله ويضحك وياخذ راحته ولكن هذا مو معناته أنه جليل الحياء : 12​

 

[سلطانة الخير]

عوافي للي مرور وابدو ارائهم

 

[ط´ظ…ط¹ظ‡ ط­ظٹط§طھظ…ط§ظ…ظٹ.]

الله يهــدي الجمــيع
جد شي يضييق الصدر:09::104:

 

[bocy]

والله حالنا هالايام مايسر بس مابيدناشي اذا نصحنها مدتلك بوزها مترين بتهاووش
مااقول الاالله يهديني ويهدي بنات المسلمين

 

[مندبلتن تسبدي]

والله ان دل دل على الثقه الزايده والاهمال .

وانا مايبط تسبدي الا يوم اشوف اربع ولا خمس يدرعمن لحالهن لا معهن لا محرم ولا شي
وتلقين كل وحده تدف الثانيه والبلاك بيري نشبن برقبته يازين والله من خنقه بالحبل اللي برقبته لين تعرف ان الله
حق ولاجت تطلع روحه فكيت الحبل لاكن بكرا لاطاح الفاس بالراس وعضوا اصابع الندم اهله الله لايقوله ويستر على بنات المسلمين قالوا ليتنا وليتنا الله مير يرحم الحال ويستر على بنات المسلمين .
وبعذر الهيئه كل يوم والثاني لامسكوا يماني ولا مصري ولا لبناني بالنخيل بلا والله من دباشة بعض البنات
تجيك وتجدع الماينه وكل شي وخصوص محل وجوه <<< حق العطورات والله يابوه بلاوي مير يارب سترك.
مير بشكل اليوم تلقينه مع السواق وعباة الكتف ومطلعتن عيونه مابقىا الا تفصخ النقاب .
لكن اولاه لاتنزلون مثل هالمواضيع اللي توجع القلب .ولاكن قسم بالله انك احيانا ماودك تطلع مع اهلك للنخيل ولا العثيم
ولا السوق الداخلي والسبب بعض جرائة بعض البنات .

 

[همة تتعدى القمة]

وإنتي وش ضآرٍتس

بـكيفهن

ذنبهن ع جنبهن​

ليش بكيفهن؟؟؟؟؟؟؟؟؟؟؟
ألم يقل الله (وأمر بالمعروف وانه عن المنكر..الأية)لقمان؟

وكلنا نعرف قصة أصحاب السبت لما نهوا عن المنكر فقال لهم المثبطون (وإذ قالت أمة منهم لم تعظون قوما الله مهلكهم أو معذبهم عذابا شديدا قالوا معذرة إلى ربكم ولعلهم يتقون)
المسلمون يدا واحده لإصلاح المجتمع والأمر بالمعروف والنهي عن المنكر فرض

 

[سلطانة الخير]

شاكره لكل من مر وعلق ع موضوعي
وياليت اللي قال لي بجيب لك رم للهيئة جوال مباشر يعطين اياة

 

[الهاوي كروم]

كلن واثق بنفسة

 

[حلآإهم]

وياليت اللي قال لي بجيب لك رم للهيئة جوال مباشر يعطين اياة

اسمحي لي وش دخلك فيهم تفضحينهم ؟؟
الله يستر عليهم ,

من جد فضضاوه !!

--
ياخلفهم انتي
روحي الرياض وجده والشرقيه بعدين تعالي اهرجي ,,

 

[الوساااام]

الغفله والدلال الزائد هو السبب ..
بعض البنات ماتعرف تطبخ اندومي من الدلال ..!!
تسكع ولبس غير محتشم خوذي بنت ..! وغيره يخلف ربك ..!
الله يهديهن بس

 

[احسااس انثى]

جزاك الله خير على طرح المووووضوع
والله بناتنا تغيرن الله يهدينا الحين العجز بدن يلبسن عبايه كتف الوحده معه كوم بزران وانقاب واصل نص الخد استغفر الله تحسبه تطووور
والمشكله اكثرهن معهن ازوجهن ولا يقوله شي مستانس انه كذا او انه يحسبه كشخه اقول لكل اب وام وزوج اتقوا الله في بناتكم وزوجاتكم





تحياتي:f: