القرية الشامية .. والسخافة المرتقبة ..!

الحالة
مغلق و غير مفتوح للمزيد من الردود.
المنخرش قال:
نجدعلك ياجاك باور

اجل دزني

حدك عنيزه وتخب

انا مارحت لدزني لكني

انت كد درسة عند الشيخ ابن باز ؟ رحمه الله
لو درست عنده



نم حبيبي نم
تراه عمر ثنين وفرح انك تسوي نقاش وتبي العالم تتفاعل مع حقارتك ياحقير هع
أنقر للتوسيع...



والله الحقير وجهك..:074:
 
تادب بالحوار اخي

ابا سلمان نحن بانتظار اعمالك القادمة ولا يهمك المثبطين من اصحاب العقول المتحجرة

وكاني ارى في الحوار سب للعائلة ؟!!

اتمنى انك تحترم الاعضاء وتبتعد عن الكلمات السوقية

دمتم بود
 
terabayte قال:

أهلا بأخي العاقل :)

لعلمك فقط أن اليحيى تكتب هكذا ( اليحيى )

للاستزادة انظر القرآن صفحة 305-306 آيه رقم (7)،(12)

عندك شي تقولة يا سيبويه :)​
أنقر للتوسيع...

القرآن بالرسم العثماني .. الكتابة التي نتبعها تختلف عن القرآن .. :)
 
2100م قال:
يااخي انت ترضى ان غير ابن البلد يكون في هذا الموقع ماشاء الله المسلسلات السورية موجودة في كل قناة

اذا ماتبي تشوف القرية الشامية .
هذا عيبنا ياالسعوديين مانبي احد منا يطلع على الاقل شجعوهم


لايكون همنا الاول والاخير النقد الجارح

اذا عندك نقد هادف المجال مفتوح

وبعدين وش ذنب اللي يمثلون حاط حيلك فيهم تكلم عن المخرج مو عن الممثلين اذا انت ناوي النقد

وعلى العموم

قال تعالى ((( ما يلفظ من قول إلا لديه رقيب عتيد ))) تذكر هذة الآية الكريمة وفكر في معانيها جيداً وبعد ان تفكر لك المجال لتقول ماتشاء والله ولي التوفيق اخوك : ابو حمود
ماقلت لك الكلام هذا إلا لأني احبك وجزاك الله خيراً
أنقر للتوسيع...



اخوي. .انا ما ابيهم يجيبون ناس من برا .. ;)
انا ابيهم لو يقدمون دورات لهم .. او يعلمونهم التمثيل.. صح ولا انا غلطان ؟!:058:
 
التعديل الأخير بواسطة المشرف:
مهند و قال:
يامحمد ياحبيبي انت غلطان ارجع وتأكد انا رجعت كثير من كتب الإملاء كلها نفس ماسبق أن ذكرت لك
لكن الأمر التبس عليك فحرر المسأله جيدا فبعضهم يقول كما قلت يحيا لكنهم يريدون الفعل وليس الأسم أما في الأسم فهو يحي وأكبر دليل انظر فى المصحف بقوله عن نبي الله (يحي) ذكرها بهذا الرسم لأنه اسم أما في قوله (لا يموت فيها ولا يحيا) فذكرها بهذا الرسم لأنها فعل
تقبل مروري
أنقر للتوسيع...


حبيبنا .. القرآن مرسوم بالرسم العثماني .. وفيه اختلاف بين كتابتنا الحالية ورسم القرآن .. :41
 
رؤيـة قال:
.



.



هلاآ حبيبي حسن . .

كيف حالك مرتآح . . ؟

ورآك عدوآني أنت بشكل مرعب . . الفاآظك كله تهجّم . . !
.
.
ثم و بغض النظر عن كون " اليحيى " أبدع او لم يبدع . .

هذآ لا يعني إنك تتهجم على الأعضاء بالشكل هـذاآ . .

النآس أذوآق والوآن . . يعني أنت الحين لو معك سيآرة صفراآ . . ! مستعد تمشيبه بين النآس . . ؟

بينماآ "أبوحجز " - حفظه الله - يستمتع باللون . . ولو تقوله شي قاآل اسكت ياآصربي . . >> " الصربي = بدوي "

فيآ حبيبي . . ياآغالي . . كلكم صح . . ايه كلكم صح كل واحد على اللون والنمط الي هو ماشي عليه . .

أنت ماتمشي الناآس على ذوقك . . وإذا شغل الرجال ماجاز لك لآ تحضر له أبد . . وخله بحاله . .

لأن اللون الي هو ماشي عليه يخاآلف لونك . . ويضاده اتركه له . . وشف اللي يوافقك . .

وبهذآ أنت تعيش مرتآح . . وهو مرتآح . .

وترآ مايعني إني أخالفك الرأي إني ما احبك . . أو أنت عدوي . . عأآدي جداً أخالفك وأنت صديقي العزيز . .

بعيداً عن التهجم الي شفنآه فووق . . الصرآحة مهزلة حقيقية الي حاصلة بالموضوع . .

واتمنى تكون تتكلم من قلب . . مهوب مثل الزقرتيه حقين اليوتيوب . . الي أشغلونآ بالحآدهم - أو ادعاآئهم الإلحآد - لجلب الأضواء فقط . . !

وفيه نقطة أحب تنتبه له بعدين . .

بمآ إنك تكتب للنأآس . . فلاآزم تراعيهم بكتاباتك . . ولاآ زم تكتب شي يفهمونه ويعيونه . .

أنا كتبت النقظة تعليقاً على كتاآبتك على الصورة الجمآعية . .


عمت مساءً صديقي . .


~



" أتمنى نرتفع بكلاآمناآ . . ونبتعد عن التهجم الفآحش "
​
أنقر للتوسيع...



يا خوي .. انت شف من اللي يبدا يتهجم علي وتعال ..

وبعدين بعض الناس .. من قلة الادب انك تعاملهم بأدب .. لأنهم ما يستحقون الاحترام .. اقرا الردود واعرفهم ..:)
 
آولا :

من معرفتي الخاصة بشخص آو شخصية الآخ " اليحيى " < وعلى شانك " اليحيا " مع ان اليحيى عائلة وتنطق بنطق مختلف عن اليحيا وتنطق بنطق مختلف عن سابقتها ..
اقول من معرفتي للأخ محمد اليحيى اعرف واقتبس من كلامه وشخصيته ذيك الشخصيه اللي فعلا تريد الرقي بالاعمال الترفيهيه بمدينة بريدة ..
آما عن سرقته للأفكار لا اظن انها سرقه ولكن تقدر تقول : يريد الإصلاح فيما اخطأه البعض ..
ولا اظن ان شخص مثل اليحيى يستحق كل ما قلتموه فيه اخي محمد حسن .. فقد اشبعتموه ..

ثانياً :

كلامي وشرهتي عليك أخي الفاضل محمد حسن ،، انك ما حظرت المسرحيه على شان تكون على إلمام كآآمل بالموضوع !
كيف تجي وتكلم عن شي ما شفته انت ولا اطلعت عليه كامل الإطلاع ، احظر المسرحية وتعرف مقاصد اليحيى ووش بغا من هالمسابقة

ثالثا :

كما قال اخوي الرايه .. إذا كان ذوق اليحيى لم يعجبك ،، ما اجبرك احد على الحضور ، انا من الناس اللي كنت اخالف مسرحية الكاوبوي فكرياً مع إني ما حظرته ، ولكن يوم حضرت انبهرت صراحه من الاعمال الجباره ، وحظرت آيضاً القرية النجدية العام الماضي ، والله لا يعوق العام هاذا ابي اكون من تعداد الحضور ..
انت مهيب معجزتك كم ريال للحضور ، ادخل وشف وتعال انتقد على درايه بالموضوع كامل ..~

رابعاً :

الشباب اللي يمثلون واستلمتهم تقول اختلاط ومدري ايش .. هاذا كلام المفروض انت ترتفع فوق مستواهـ وتكون ارقى تفكير ، هاذي الأشكال اخي العزيز مهيب المقياس ان هالاشخاص هاذولا رجال ولا صغارين ..!!
انت اعرف من بحركات الشباب والوقت اللي يمرون فيه ، مهيب مشكله دامه مهوب حرام غض نظرك .. وتكلم عن الفكر العام للمسرحية .

خامساً :

انا اأكد شكري آخي محمد حسن على غيرتك ، وطرح رأيك في منبر بريدة ستي ، ونحن اعضاء بريدة ستي علينا وضع آراءنا ايضا ..

وفي الختام ارجوا تقبل إعتذاري عن آي خطأ .. فما كان من صواب فمن الله وما كان من خطأ فمن نفسي والشيطان ..

والسلام عليكم ورحمة الله ..~
 
المشكلة أن الحاقدين مايحبون أن ينجح غيرهم على الرغم من الملاحظات على اليحي وأعمالة وأخص بذلك (اللهجة المحلية البحتة ) ولكن يجب أن يدعم من المختصين في هذا المجال ويتم صقل مهراتهم .
 
!!!!!!!!!!!!!!!!!!!!!!!!!!!!!الى هالحين الموضوع ماخلص !!!!!......قضينا كل واحد له وجهة نظر تختلف انت طرحت رأيك مو لازم تقنع غيرك فيه ..........................
 
محمد حسن>>>
لوووووووو سمحت انت وراك حاقد ع الناس ماغير تحجرلهم وتهوشهم..
على فكره تقول تبي مسرحيه من تراثنا>>>العام بوه القريه النجديه>>>ماملت عينك>>مع ان اغلب الناس منهبلين عليه وبصراحه انا بنت ولاشفته واتمنى اني اشوفه بااقرب فرصه..
والسنه جاء دور القريه الشاميه>>>علشانك بيغيرون اللهجه عشان ماجازتلك اللهجة المحلية>>مادري من وين الاخ
وترى كثير ناس يحبون يسمعون للهجتنا لانه طعييييييييمه..
بصراحه اعمال اليحيى دايما بالقمه وانا متابعه لاعمال المنطقه كلهن..
 
اتمنى اخي محمد حسن ان تقبل وجهة نظري الشخصية بصدر رحب :




أولاً : نعم من حق كل شخص أن ينتقد ويبدي رأيه لكن بحدود الإطار الفني


فأخي محمد حسن أريد أن أسأل ماهي المؤهلات لديك الفنية التي تبدي رأيك فيها بخصوص هذه المسرحيه



ثانياً : مالمانع أن تكون لدينا مسرحية شامية وتحكي عن التراث الشامي .. نحن عرب .. ببلاد واحده ومجتمع واحد ( وهنا أتكلم بمحدود الشعوب وليس بمجال السياسة حتى لا تبتعد بتفكيرك ).


1ـ إن كنت تعرف الصورة الجماعيه لأي عمل .. فأنت تعلم بالتاكيد أن الصورة الجماعيه ليست بالضرورة ان يخرج بنفس لبس العمل بل يلبس ما يحلو له وله حرية الاختيار .


3ـ إن كانت تعليقاتك بهذا المستوى فانا أنصح لك نصيحه خاصه ( احتفظ بتعليقاتك لنفسك ) لأنها تبين مدى تفكيرك .. ولا اتمنى ان يكون تفكيرك بمستوى تعليقاتك .




تبقى هذه هي وجهة نظري الشخصية .




تحياتي لكـ​
 
التعديل الأخير بواسطة المشرف:
الصراحه كاتب الموضوع يريد ان تكون ردوده او موضوعه يكون فيه كميه من المشاهدة
والردود لابد ان يستثير الناس
وكاتب الموضوع العارف بالاملاء ماشاء الله عليه
حقق مناه
انا اشهد شهادة حق انك ذكي
ياخي كيف جذبت الناس لمك
هعههعهعهعهعههعهعهعهعهعهعهعهعهعهعهعهعههعهعههههههعهعههعهعههعهعههعهعههعهعههعهعههعهعههعهعهههعه
 
انا مااعرف مين اليحيى

ولا حظرت المسرحية

لكن اتمنى اني يوم واحد ادخل المنتدى واشوف مدح لاي شي
 
قريت لين صفحه 3 وحامت تسبدي منكم

بالله وش تحسون فيه !!

اولا.. كلمه لصاحب الموضوع..يااخي العزيز اسلوبك جدا غير لائق
اوكي انا معك ماحب اتابع المسرحيات وكذا وماتعجبني ولي عدة ملاحظات لكن هنا احنا نطلب النقد الهادف
بعيدا عن الالفاظ البذيئه ..موضوعك صار ساحه للرشق بالكلمات وبيّن حسن اخلاقكم ياحلوين
واذا اليحيى مفشلك..حتى انت وغيرك سواء هنا بالمنتدى بالشارع بالتلفزيون كلكم حبايبي تمثلون القصيم بلهجتكم واخلاقكم وتفكيركم مو مسرحيه اللي تظهر المدينه وترفع من مستواها او تنزله .
ثانيا ..لك ولغيرك..لاتنتقدونه على اللهجه..هذي لهجتنا تبونه يتخلى عنها و يتكلم لبناني مثلا لانك انت وغيرك والله متفشلين منها..بالله ليه مافيكم ثقه!! ليه مستحين من لهجتكم عكس كل المدن؟؟
جدا عادي تمسكه بلهجته القصيميه واحييه على هالشئ الحلو اللي انتم متفشلين منه وان دل على شئ يدل على كومة عقد النقص اللي عندكم.


اظن انت وغيرك محتاجين للرقي بتفكيركم مو اليحيى..عالاقل اليحيى محترم نفسه وغيره ومااغتاب احد

واذا على موضوع المسرحيه هي مو لي ولا لك .. اليحيى مااستمر من فراغ الا ان له متابعين وجمهور
ومثل ماقالو لك البعض كل سنه يحط موضوع والعام حطلك نجديه ولازم يغير عشان المجتمع يطلع على ثقافات مختلفه
يعني انت عندك خلفيه لانك تتابع التلفزيون لكن كثييير وخاصه اهل بريده الملتزمين مايتابعون التلفزيون وماعندهم خلفيه فـ يستفيدون ويستمتعون جدا بالعرض

واذا على اقتباس الافكار..مااشوف فيها حاجه..مصر ام الفن
مخرجين وممثلين كبار مو يقتبسون الا ياخذون الفكره كـ كل من افلام ومسلسلات اجنبيه
وتتابعون ومبسوطين
وقفت عليه!!

واخيرا..نصيحه لوجه الله..اذا مااعجبكم شئ او لفت انتباهكم شئ صدوو
والله منتداكم صار مجمع نميمه وغيبه ..ماغير تشهير وتطنز وتعليق..اتقو الله في انفسكم وصدو عن الخلق
واللي مايعجبكم فوتوه


اعتذر للاطاله احبائي :)
 
التعديل الأخير بواسطة المشرف:
الحالة
مغلق و غير مفتوح للمزيد من الردود.
عودة
أعلى