بريدة






عـودة للخلف بريدة ستي » بريدة ستي » أخـــبـــار بــريــــدة » استعلامات بريدة » محلات مطابخ بريدة واسعارهم ، اللي يعرف بالمطابخ يدخل !!!

استعلامات بريدة يمنع وضع العروض والطلبات الخاصة ..

إضافة رد
 
أدوات الموضوع طريقة العرض
قديم(ـة) 27-04-2014, 02:00 AM   #1
*ميم*
عـضـو
 
تاريخ التسجيل: Jan 2014
البلد: بريدة
المشاركات: 22
محلات مطابخ بريدة واسعارهم ، اللي يعرف بالمطابخ يدخل !!!

السلام عليكم

مريت مطابخ اللي مدحوها بالنت لأن ماعندي احد يعرف للمطابخ
وكتبت هالموضوع ابي مساعدتكم لان صاير السوق كله غش

رحت لكافكو وشبكة المطابخ والعليان / اسعارهم غاليه اسعارهم فوق ال 2000
مع انهم عجبوني بس الاسعار غاليه

ورحت السلام ... اللي عنده نفس السوق بس هو سعره للمتر 1600
وتقريباً نفس المواصفات الموجوده عنده لقيتها بالمحلات الثانيه على 1200 !!!


المهم اللي فكرت فيها واسعارها مناسبه لي بكتب اسامي المحلات عاد ابيكم اذا تعرفونها
تنصحوني وش اسوي وجزاكم ربي الجنه

الرقي للمطابخ ، المعرض الدولي للمطابخ ، الدولي الأمثل او العكس ضيعت

طبعاً كلهم الالمنيوم وطني
الرقي والأمثل الدولي الرخام صناعي جولد استون ، امريكي ،
والمعرض الدولي للمطابخ رخام صناعي مواد خام كوري مصبوغ بالسعوديه

اللي يعرف شي عن هالمحلات الثلاث ياليت يكتبه ووش تنصحوني
عشان محد يغشني وآخذ حذري
محلات مطابخ بريدة واسعارهم اللي

المصدر: بريدة ستي

*ميم* غير متصل   الرد باقتباس


قديم(ـة) 27-04-2014, 05:06 AM   #2
أبو علي 156
عـضـو
 
تاريخ التسجيل: Oct 2013
البلد: ببريدة
المشاركات: 152
المصنع الدولي فصلنا عنده قبل ثﻻث سنوات وكل المحﻻت قالوا بعد شهر بس الدولي قالوا ان المحﻻت الثانية غشاشين يقولون بعد شهر وﻻ يخلص اﻻ بعد اربعة اشهر المهم وقالوا شهرين وهو عندكم المهم بعد اربعة اشهر من اللح والاتصاﻻت جاؤا فاذا المقاسات غير مناسب نهائي وياخذون المقاسات من جديد وقالوا بعد اسبوع يخلص بعد اسبوع جابوا قطعتين وبدوا كل اسبوع يجيبون شوي مرة اللي فوق ما ضبط مرة اللي تحت ما ضبط مرة جاهز بس مشغولين ما نقدر نجيبه المهم بعد ستة اشهر من المعاناة وارتفاع الضغط خلص وليس بشكل كامل باقي بعض القطع بس ملينا من الشجارات وتركناه مع اﻷخذ في ا عتبار اننا كنا ساكنين البيت في تلك الفترة لكن الحق يقال انه اﻵن كالجديد اﻻ انه كان فيه كسر برخام المجلى والماء صار ينزل على الدواليب اللي تحته ومن شهرين طلبنا صيانة للمجلى وكل يوم اتصاﻻت ولكن ﻻحياة لمن تنادي وقبل كم يوم اتصلوا بيجون يزينونه يوم جا ا قالوا ﻻ موب حنا اللي مسوينه وﻻ نشتغل بهالنوعية هذي مؤسسة ثانية ياللهول
أبو علي 156 غير متصل   الرد باقتباس
قديم(ـة) 27-04-2014, 07:49 AM   #3
الـعـابـر
وفي حياتي مشاعل
 
صورة الـعـابـر الرمزية
 
تاريخ التسجيل: Dec 2008
البلد: بين حنايا ذاك القلب
المشاركات: 3,920
المشكلة كل السوق ابويمن و ابويمن حتى الكلام اللي يتكلمه عليك بايعه عليك وبالاخير ياليت كل شي يجي على الكيف وعلى حسب الاتفاق
اذا احتديتم فتشرطوا ومثل ما انه يكتب بالعقد كامل حقوقه بالعقد
ايضا يحق للزبون ان يضمن حقه من ناحية مدة التركيب
يعني يكتب بالعقد ان يتم التركيب خلال شهر واذا اخل الطرف الاول بذلك يتم الخصم من المبلغ ويكون مبلغ متفق عليه اما نسبة او مقطوع او ع الأقل لاتدفع مقدم واجد بالكثير خمسمية
اتحداك يوافق ابويمن لأنه عارف نفسه انه يبي يماااااااااااااطل
الشيء الأخر اغلب الموجود بالسوق يرجعون لمصنع واحد عشان كذا نشوف كل الزبائن ومن كل المحلات يعانون من التأخير و المماطلة
يعني كلهم مجرد معرض ولا يملك مصنع واذا سألتهم وين مصنعكم ؟ قال على طريق عنيزة وهو نصااااااااب
اهم شيء ضمان الشغل و ضمان المده والمحل اللي يرفض تحديد مدة وعند التأخير يتم خصم من المبلغ فهذا نصاااب
اللي شغله مضبوط يكون ضامن نفسه اساساً ولا يهمه شي
المصنع الوحيد للمطابخ ويشتغل بذمه يوجد بالرس محل اسمه الحصيني
اما هنا فَ ابويمن باسط بضاعته كأنه باسط خيشة مساويك و ضارب بالاسعار اعلى شيء واذا جيت تفصل بدأ يتفلسف عليك و كأنه هو اللي مكتشف ذرة علم المطابخ وهو كل عمرة عايش بعزبة بديرته
الـعـابـر غير متصل   الرد باقتباس
قديم(ـة) 27-04-2014, 08:16 AM   #4
مسوقه35
عـضـو
 
تاريخ التسجيل: Dec 2013
البلد: في أرض الله الواسعه
المشاركات: 5
فيه محلات بالسوق الداخلي
بنفس صفت محلات الذهب اخرها
مسوقه35 غير متصل   الرد باقتباس
قديم(ـة) 27-04-2014, 07:20 PM   #5
*ميم*
عـضـو
 
تاريخ التسجيل: Jan 2014
البلد: بريدة
المشاركات: 22
ابو علي ، العابر جزاكم الله خير

مسوقه المحلات اللي بالسوق الداخلي مااعرفهم ولا احد مدحهم انا رحت للمحلات اللي شفت
لها تعليقات زينه بالنت بس ابي راي كل من يشوف موضوعي وبتوكل على الله وبفصل ��

انتظر تعليقاتكم ....
*ميم* غير متصل   الرد باقتباس
قديم(ـة) 02-05-2014, 04:48 AM   #6
ابو ابرااهيم
عـضـو
 
تاريخ التسجيل: Apr 2014
البلد: بريدة
المشاركات: 41
انا متعامل مع مطابخ الشملان بطريق السالميه من 10 سنوات ولي سعر خاص عندهم وشغلهم للامانه لا يعلى عليه


اي خدمه حاضرين
ابو ابرااهيم غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 06:43 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)