بريدة






عـودة للخلف بريدة ستي » بريدة ستي » سـوالـيـف كـشكـولـيـة » سالفة .. ( عيني ) يوم يضربن ولد ......؟؟؟؟؟؟؟؟؟؟؟؟؟؟؟ معاناة الرياض ..

سـوالـيـف كـشكـولـيـة الطرائف و الألغاز - يمنع مشاركة النساء

إضافة رد
 
أدوات الموضوع طريقة العرض
قديم(ـة) 27-06-2009, 02:55 PM   #1
أبو رُبـــــى
مراقب عــام
 
صورة أبو رُبـــــى الرمزية
 
تاريخ التسجيل: Feb 2008
البلد: بريدة ستي
المشاركات: 17,671
سالفة .. ( عيني ) يوم يضربن ولد ......؟؟؟؟؟؟؟؟؟؟؟؟؟؟؟ معاناة الرياض ..

رحت ورديت على موضوع قليل الدسم بالاستعلامات وصار الرد طويل وبالعامية وقلت تدري أغدين أحطه موضوع بذيي .. عند المهابيل ولا أهون ..
..بس تراوه طويل شوي بس ( المخرق عاوز كده ) ..


أسمعوا قصتي ونهب المستشفيات الحكومية الخاصة ..

.. مرة من المراريت طالعين بالـــ ( أخاف بعض ناس يعلق علي ) الوكاد وقاعدن أكسر حطب بالفاس حطب ( إرطأ ) وبالليل .. وطارت كسرة وضربت عيني اليمنى وبعده بديت أشوف اللمبات تقل توي قايمن من النوم .. عرفتوا ؟؟ يعني أشوف اللمبات لهن شعاع طويييييل ..

الوكاد يوم قضينا متعشين وركبت السيارة وأجيب الضواية وأولع على عيني وأناظر بالمراية وأشوف وإلا والله عيني مضروبة مع البئبء ( الدويرة السوداء اللي بوسط العين ) اللي نشوف به .. الوكاد قلت يا الله أن الشكوى لك .. وأروح من بكرى لم مستوصف قوى الأمن وأدخل عليه بواسطه وفيه المصري دكتور العيون ( الله يجزاوه خير ) ذو الدقن الطويلة القديييييم هناك وناظر عيني وقعد يويدز به .. قال ( عينك سليمه مافيهاش حاقه ) بس فيها زربه << ضربه .. خفيفه وحتروح بإزن الله .. قلت بقلبي إيه هين ما عنده سالفه .. الوكاد وأنا أدق على رفيدزي بمستشفى الملك فيصل التخصصي بالرياض قلت تعرف تختور عيون زين قال إيه خابرن لك واحد مزبوط قلت ونهوبه قال بالحرس بس تراوه خاص قلت وشلون يعني بواسطة قال لا الله يصلح يعني بقرووووش قلت هه .. وشلون بالحرس وبقروش ؟؟ قال إيه هم يشتغلون بالليل لحسابهم قلت كذا طيب تدري يالله ما به فايد شف لنا موعد تكفى قال خلاص ويجيك بعد يومين ويدق علي قال ترى الموعد بعد بكرى قلت زين الله يجزاك خير ويزبط هاك الموعد بمستشفى الحرس بالرياض عند الدكتور ( الجبير ) وأنا اشوف إلا به واحد من العيال عاااااطل - مثل بعض ناااااس - واروح من هنا بعد الظهر ترانا برمضان الحتسي وأنا وياوه وتوصيف بالجوال وبعد عناء طويل ومشقة في التوصيف لأني درنقه بالرياض ما أدل شي ، وناصل عنده قال يالله خل ندخل قلت يالله وندخل عليهم .. وأفتح ملف بـ 300 ريال وكشف بـ (900) ريال وأدخل على الدختور .. ويناظرن قلت يا دختور تراي عانين لمك من بريده ابيه يكشف علي مزبوط يقاله يعرفن عاد أنا قلت من الجبير أكيد أنه من نجد ويبي يفزع لي الوكاد مالكم بالطويلة .. قال لازم ناخذ له صورة قلت زين وين اروح الحين يا دختور قال رح لم الاستقبال قلت هم اللي ياخذون صورة قال لا لا رح لمهم وهم يدلونك قلت زين وأروح لم الاستقبال قلت هذي الورقة عطانياه الدختور وقعد يناظره أومير يبدأ يطقطق بالكمبيوتر قال عطنا (1500) قلت وشو قال اقولك عطنا (1500) قلت أهااااااااا واللي توي معطيكم قال هين ذولي حقات الكشف بس ، قلت يعني وش السواة قال عطنا بعد قلت إيييييه طيب .. قلت بقلبي اللي هذا أوله ينعاف تاليه .. طبعاً مهب قعاطه بس تخبر شفط دراهم .. الوكاد .. وانا أناظر يمين يسار أدور خوياي وأشوفهم بآخر السيب قلت عيييييييال ( أصوت لهم ) قالوا هاااااه قلت يالله مشينا .. قالوا هاه خلصت قلت إييييييه ميه بالمية أبشركم بديت أشوف أزين من أول قالوا وش سوالك قلت عطان علاج الله يجزاوه خير وخلاص قالوا بهالسرعة قلت إيه أجل أنا دافعن قروش واببطي عندهم .. الوكاد ما لك بالطويلة << كل هذا ومهب طويلة .. أقولك وأطلع وأجي لبريدة وأقعد اقرأعليه كل يوم وبعد ثلاثة أو اربعة أيام يا الله لك الحمد والشكر وأتعافا ( والله يا نا تعبت من الكتب ) إيييييه عاد الحين ما مثلي الحمدلله ..

اللي يبين اقرأ عليه يراسلن بالخاص

وبس وخلصت الحدوته ..

^^

نفر قرقر زيادة ...
__________________
راح الزعيم اللي علينا خسارة .. اللي بحكم الله يمشي القوانين

Sense Designs شكراً

آخر من قام بالتعديل أبو رُبـــــى; بتاريخ 27-06-2009 الساعة 02:59 PM.
أبو رُبـــــى غير متصل   الرد باقتباس


قديم(ـة) 27-06-2009, 03:52 PM   #2
الصباخ
هوية صامتة
 
صورة الصباخ الرمزية
 
تاريخ التسجيل: May 2003
البلد: Buraydah City
المشاركات: 12,515
قصتك طويلة ويبيله قعدة..
بروح أتغدى وأدرس وإن فضيت رجعت لك وقريته ..
__________________

الصباخ | Buraydah City

الصباخ غير متصل   الرد باقتباس
قديم(ـة) 27-06-2009, 04:14 PM   #3
حفيد اعقيل
مجرد عضو ..
 
تاريخ التسجيل: Nov 2002
البلد: في بريدة دار العز ,,
المشاركات: 5,399
.
.
.

فك الله مخباتك يابوربــا ..

حصل معي أن راجعت مستشفى الحبيب بالرياض قالوا إن فيه دكتور

سـعودي منتاز .. والله وأروح لم الرياض وأسكن حول المستشفى

وأجي للطبيب ومير يقول لي عطنا الإشاعات اللي سـبق وأن أخذتوا

(المريض مهب أنا ) .. إني ماودي أخسركم ..

قلت بنفسي ياسلام (يازين الطبيب السعودي) يوم دريت ومير

يتمقل الإشاعة شوي ويناظره .. يناظره .. قال ودي أتأكد زيادة

روحوا خوذوا إشاعة مقطعية تحت ويكتب لنا ورقة

طبعاً حنا قبله فاتحين ملف أظنه بـ200 وتحاليل بـ600

والله ونآخذ إشاعة بـ1250 وثلاث إبر الوحدة 950

وثلاثة أيام مراجعة ويكتمل المبلغ 7500 ريال

ووالله إن تسـان خوي السرور أشوى من هباله فإن مريضي أشوى

المستشفيات الأهلية شــفط للجيوب ..

يعني كود تقلع معك صرافة لاجيت تروح ..

الله يغنينا عنهن ..

والحمد لله على سلامتك يابو ربروب المحبوب ..
.
.
.
.
__________________
.
.

كلن يحب اللي يود ويريدة // والقلب مايآخذ من الناس واجـد
وانا الحبيبة عندي اسمه بريدة // أحبها والله على الحب شاهد

.
.
حفيد اعقيل غير متصل   الرد باقتباس
قديم(ـة) 27-06-2009, 04:18 PM   #4
وحـيــد الـجـزيـرة
 
صورة وحـيــد الـجـزيـرة الرمزية
 
تاريخ التسجيل: Mar 2007
البلد: الـفـُّلـوجـه
المشاركات: 3,069
ياحليلك انت وقصص هههه


اجل يبي 1500 من زود رواتب العالم ياخذون على الصورة 1500


جيت للرياض ولا عطيتنا خبر ههه


ماتشوف شر ياحبيلك
__________________


سيجيءُ يومٌ حافلٌ بجهادِنا *** الخيلُ تصهلُ والصوارم تلمعُ
قدْ طالَ ليل الكفر لكني أرَى *** من خلفِه شمسُ العقيدة تسطعُ

موقع الشيخ حمود العقلا الشعيبي: http://www.al-oglaa.com/
وحـيــد الـجـزيـرة غير متصل   الرد باقتباس
قديم(ـة) 27-06-2009, 05:28 PM   #5
خوي السرور
عـضـو
 
صورة خوي السرور الرمزية
 
تاريخ التسجيل: Jan 2005
البلد: بريدة ـ الاسكان 4 شرق مسجد كعب الإحبار <<< ييزي ؟
المشاركات: 8,848
اقتباس
يعني كود تقلع معك صرافة لاجيت تروح ..

قايلن لكم هالشايب مادري متى بيتطور .. الحين خلاص مايحتاج صرافة .. تشخط البطاقة بجهاز صغير ( كبر الرادو اللي تسمع به إذاعة لندن ) وتدخل الرقم السري وخلاص تصير سددت ..

<<< هذا الرد رديته رداً على ماخططته أيها الجد باللون الأحمر وإن عدتم عدنا والسلام
__________________
في بريدة ستي .. كانت لنا أيام :

http://www.buraydahcity.net/vb/showthread.php?t=262111

( قلب حب 1 )
خوي السرور غير متصل   الرد باقتباس
قديم(ـة) 27-06-2009, 08:31 PM   #6
الصباخ
هوية صامتة
 
صورة الصباخ الرمزية
 
تاريخ التسجيل: May 2003
البلد: Buraydah City
المشاركات: 12,515
أبوربـــــــا أجل الجبير يبي يلعب عليك..
شكله مادري إنك من القصيم ..
بعدين وراك ما تدق علي أنت وخشتك!!!
مامليت عينك ..
تراه بيتنا قريب من خط القصيم أول ما تدخل الرياض لا جتك جريدة الرياض على اليسار حنا بالحارة اللي على اليمين ..
شفت شلون إننا قريبين لبريدة ..
__________________

الصباخ | Buraydah City

الصباخ غير متصل   الرد باقتباس
قديم(ـة) 27-06-2009, 09:02 PM   #7
GIVENCHY
عـضـو
 
تاريخ التسجيل: Aug 2007
البلد: حَيثُ أكُونْ .. !
المشاركات: 7,121
اقتباس
بـ 300 ريال وكشف بـ (900) ريال

منسق ..!


والله يا أنت قاايله من قـلب ..!







لي عـودة .!
__________________


http://www.buraydahcity.net/vb/member.php?u=25706
فَقْدُكَ مُوْجِعٌ يَ طيّب القلب : ( !
غفر لك يـ عبدالرحمن وأسكنك فسيح جناته .. : )
GIVENCHY غير متصل   الرد باقتباس
قديم(ـة) 27-06-2009, 09:39 PM   #8
أبو رُبـــــى
مراقب عــام
 
صورة أبو رُبـــــى الرمزية
 
تاريخ التسجيل: Feb 2008
البلد: بريدة ستي
المشاركات: 17,671
اقتباس
ووالله إن تسـان خوي السرور أشوى من هباله فإن مريضي أشوى

ههههههههههههههه تنسيييييييم حفيدوه ..

مرورك عطر صفحتي << يقالي بالساحة
__________________
راح الزعيم اللي علينا خسارة .. اللي بحكم الله يمشي القوانين

Sense Designs شكراً
أبو رُبـــــى غير متصل   الرد باقتباس
قديم(ـة) 27-06-2009, 09:40 PM   #9
أبو رُبـــــى
مراقب عــام
 
صورة أبو رُبـــــى الرمزية
 
تاريخ التسجيل: Feb 2008
البلد: بريدة ستي
المشاركات: 17,671
اقتباس
المشاركة الأساسية كتبها وحـيــد الـجـزيـرة
ياحليلك انت وقصص هههه


اجل يبي 1500 من زود رواتب العالم ياخذون على الصورة 1500


جيت للرياض ولا عطيتنا خبر ههه


ماتشوف شر ياحبيلك

يقول ابي 1500 يسمع بدفع الدراهم ..

والله يا بو عبدالله أني مادريت إنك بالرياض ولا تسان باليك
__________________
راح الزعيم اللي علينا خسارة .. اللي بحكم الله يمشي القوانين

Sense Designs شكراً
أبو رُبـــــى غير متصل   الرد باقتباس
قديم(ـة) 27-06-2009, 09:41 PM   #10
أبو رُبـــــى
مراقب عــام
 
صورة أبو رُبـــــى الرمزية
 
تاريخ التسجيل: Feb 2008
البلد: بريدة ستي
المشاركات: 17,671
اقتباس
المشاركة الأساسية كتبها خوي السرور
قايلن لكم هالشايب مادري متى بيتطور .. الحين خلاص مايحتاج صرافة .. تشخط البطاقة بجهاز صغير ( كبر الرادو اللي تسمع به إذاعة لندن ) وتدخل الرقم السري وخلاص تصير سددت ..

<<< هذا الرد رديته رداً على ماخططته أيها الجد باللون الأحمر وإن عدتم عدنا والسلام


خارج عن صلب الموضوع يحذف
__________________
راح الزعيم اللي علينا خسارة .. اللي بحكم الله يمشي القوانين

Sense Designs شكراً
أبو رُبـــــى غير متصل   الرد باقتباس
قديم(ـة) 27-06-2009, 09:42 PM   #11
خوي السرور
عـضـو
 
صورة خوي السرور الرمزية
 
تاريخ التسجيل: Jan 2005
البلد: بريدة ـ الاسكان 4 شرق مسجد كعب الإحبار <<< ييزي ؟
المشاركات: 8,848
أبو ربا فطنتن أرد على موضوعك اللي حطيت به خشتي تقول ناظروا خوي السرور ..

تصدق أني نسيت .. لكن جاري كتابة موضوع يالدبي ..
__________________
في بريدة ستي .. كانت لنا أيام :

http://www.buraydahcity.net/vb/showthread.php?t=262111

( قلب حب 1 )
خوي السرور غير متصل   الرد باقتباس
قديم(ـة) 27-06-2009, 09:44 PM   #12
أبو رُبـــــى
مراقب عــام
 
صورة أبو رُبـــــى الرمزية
 
تاريخ التسجيل: Feb 2008
البلد: بريدة ستي
المشاركات: 17,671
اقتباس
المشاركة الأساسية كتبها الصباخ
أبوربـــــــا أجل الجبير يبي يلعب عليك..
شكله مادري إنك من القصيم ..
بعدين وراك ما تدق علي أنت وخشتك!!!
مامليت عينك ..
تراه بيتنا قريب من خط القصيم أول ما تدخل الرياض لا جتك جريدة الرياض على اليسار حنا بالحارة اللي على اليمين ..
شفت شلون إننا قريبين لبريدة ..

يوم أن عدت نعد ..

والله يا بو ريم قبل ما أعرفك يعني يوم أنت صغيرون هالحتسي قبل ثمان سنين

لكن إن شاء الله لا حذفني المسير يم الرياض أبسير عليك << يتلغوا بصوت خشن

صدز أثركم حول بريدة يعني قريبين ..

عاد تصدق إني لا طلعت من الرياض ومسكت خط القصيم إني أحس إني بوسط بريدة من الوناسة ...
__________________
راح الزعيم اللي علينا خسارة .. اللي بحكم الله يمشي القوانين

Sense Designs شكراً
أبو رُبـــــى غير متصل   الرد باقتباس
قديم(ـة) 27-06-2009, 09:46 PM   #13
أبو رُبـــــى
مراقب عــام
 
صورة أبو رُبـــــى الرمزية
 
تاريخ التسجيل: Feb 2008
البلد: بريدة ستي
المشاركات: 17,671
اقتباس
المشاركة الأساسية كتبها خوي السرور
أبو ربا فطنتن أرد على موضوعك اللي حطيت به خشتي تقول ناظروا خوي السرور ..

تصدق أني نسيت .. لكن جاري كتابة موضوع يالدبي ..


صح النوم خخخخخخخخخخخخخخ تنسيم والله أنه صادز حفيدوه باللي قال بالخط الأحمر .. خخخخخخخخخخخ
__________________
راح الزعيم اللي علينا خسارة .. اللي بحكم الله يمشي القوانين

Sense Designs شكراً
أبو رُبـــــى غير متصل   الرد باقتباس
قديم(ـة) 28-06-2009, 12:36 AM   #14
عم حنضل
عـضـو
 
تاريخ التسجيل: Jun 2009
البلد: بسريري ابو نفر ونص
المشاركات: 212
هههههههههههههههههههههههههههههههههههههههههههههههههه ههههههههههههههههههههههه اجل دفعك1500 سلامتك يا دب هع
عم حنضل غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 09:55 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)