بريدة






عـودة للخلف بريدة ستي » بريدة ستي » سـوالـيـف كـشكـولـيـة » مواقف مضحكة وغريبة وعجيبة والضحك ببلاش يا إخوان

سـوالـيـف كـشكـولـيـة الطرائف و الألغاز - يمنع مشاركة النساء

إضافة رد
 
أدوات الموضوع طريقة العرض
قديم(ـة) 07-01-2011, 03:34 PM   #1
الصباخ
هوية صامتة
 
صورة الصباخ الرمزية
 
تاريخ التسجيل: May 2003
البلد: Buraydah City
المشاركات: 12,515
مواقف مضحكة وغريبة وعجيبة والضحك ببلاش يا إخوان

بسم الله، يالله حي الشباب الكشكوليين واحداً واحداً وكل أبوكم .
تصدقون إني مشتاقن لكم بالحيل، ومبطن ما كتبت عندكم ومثلكم يعذر .
مالكم بالمؤخرة الطويلة العريضة لأني ماحب الرسميات.
سالفة هالموضوع إني منسدح وطاقتن الهواجيس وأفكر ومن كثر التفكير جلست أضحك .
أهلي استغربوا وش به الولد انهبل؟ قلت أبد تذكرت سالفة وجلست أضحك عليه .
طبعاً قبل ما أذكر السالفة هالموضوع يبي يكون للسواليف والمواقف المضحكة والغريبة والعجيبة اللي تمر عليكم، كل واحد يدخل هنا يقرأ مواقف غيره ويسدح لنا موقفه، ولو كل واحد كتب لنا موقف طلع الموضوع فيه عشرات المواقف المضحكة واللي تونس وتوسّع الصدر.
أدري الفكرة يمكن انطرحت قبل وبطريقة أو بأخرى بس من باب التجديد والتنويع والتحسين والتزبيط والأمور اللي مش ولا بد << مقصدي شريف .

الموقف يا سادتي، إنه مرتن من المرات كنت معزب لحالي بالبيت أنا وأخوي الصغير، ومثلكم عارف العزوبية يعني لا وقت منظم ولا أمور مرتبة والدنيا حوسة بحوسة.
وكان الوقت متأخراً بُعيد منتصف الليل بقليل << كيف اللغة بس .
يعني كانت الساعة ثنتين أو ثلاث بهالمحاري، وكنت جالس بغرفتي لحالي إلا واسمع أخوي يصارخ بالصالة ويقول: يا حمار لو أنت رجل انزل، يا كلب لو بك رجوله انزل وواجهن << مسوي عنتر زمانه أبو الشباب قاعدن يهوش.
أنا طلعت أركض وش فيه يابو الشباب؟ سلامات عسى ما شر؟
إلا معه عصى وسكين وقاعدن يلجلج يا بن اللذينا لو بك ذرة رجولة انزل!
أنا بيني وبينكم ارتعت يا ولد وش السالفة؟ لا يصير به أحد وحنا ما ندري؟
قلت وش فيه؟ قال ما تسمع الكلب يمشي بالسطح؟ قلت منه؟
قال حرامي!!
إلا وفعلاً جلست اتسمع وأسمع صوت طقطق بالسطح.
هو أنا بس سمعت الصوت؟ إلا على طول تسدحت من الضحك هههههههه.
وألتفت عليه وأقوله أنت تدري وش هالصوت؟
هو استغرب من سؤالي؟ وسؤالي وضحكي يعني إني فاهم الشغله وعارف من فيه .
قلت هذولي حمام ينامن عند خزان الماء ويتحركن بالليل علشان كذا يطلعن أصوات، ولا عمرك ياخيي تسوي فيها عنتر زمانك وتقعد تهوش، لو إنك رجل كان رقيت وشفت وش هالصوت .
هذا الموقف كل ما شفته وقصيته على أخوي جلسنا نضحك .


عطونا مواقفكم الممتعة والمضحكة والجميلة والغريبة والعجيبة، والسواليف ممنوعة والتعليقات السامجة واللي ولا بريال ما نبيه وسلامتكم .
__________________

الصباخ | Buraydah City


آخر من قام بالتعديل الصباخ; بتاريخ 07-01-2011 الساعة 03:42 PM.
الصباخ غير متصل   الرد باقتباس


قديم(ـة) 07-01-2011, 04:23 PM   #2
كآيدهمـ
مشرف سواليف كشكولية
 
تاريخ التسجيل: May 2009
البلد: دآخلـ آلكشـ كوووووولـ
المشاركات: 4,863
هههههههههههههههههههه
لا الصووووت بالسطح
وهو جالس بالصاله تحت
واوك والله ياهو عنتر زمانه بعد

ابو ريم مشتاقين لك يالمتكبر يالي ماترد ابد
وينك ووين ايامك وزمانك وهجولتك بذا القسم
وقسم بالله لك وحشة من كثرها توحشت زي اخوووك << < او مالها دخل ذذ


المهم والاهم هذا الموقف الرهيب والحلو
مرة من المرات ابووووي و امي مرجعين ايام زمانهم
وطالعين ذيك السفرة لحالهم يتذكرووون ايام شهر العسل
ولا رايحين لبريدة البهية عاد انتم تعرفووون قصمان ويبي يطلعوون
من الرياض ويمسكووون طريق بريدة البهية لازم من شرووط
اكتمال السفرية انهم يمرووون محطة طريق القصيم
مدري اهو انتماء للاسم او حب بالمحطة وكل الي فيها قصامين متجمعه

المهم وقفو عند توانكي البانزين مدري عدادات المهم الي تكب بانزين بالموتر
عبو الموووتر وفللو ابوه لين بدا يتاغر وشغل ووقف عند البقاله ووقف بمكان
ونزل للبقاله يجيب اغراض الطريق وخرابيط المشوار
والجلسات الرومنسية مدري الهدوووج << < كلها مطاعم رز ذذ
وامي تناظر بعلها وهو ذاهب للسوبر ماركت وتتمعن بمشيته وهو يبدعد عنها
ويلتفت لها ويعطيها نظرة من تحت النظارة الشمسية ويكمل مسيرة
ويلتف للسوبر ماركت ويدخل وهي عيونها على باب الخروووج تنتظرة يخرج

مر الوقت القليل والى شخص غريب دبيب طاير شماغة وشياطينه تناقز حووولة
يقتحم السيارة ويركب بمكان بعلها وهو يهوووش ومنفعل وكانت معه اغراض
جدعهم على امي المسكينه الخايفة الي ماتدري شنو السالفة
ومافي كلمه او تلعينه الى وهو قالها وتم الخوف يشتد بئمي من غير اي كلام
واثناء هذا الوقت الشخص انخفظ صوته وادرك انه غلطان بالموتر
ونزل وذهب الى موترة وركب موترة وانطلق ويقولك الى الان وهو منطلق

عاد الوالد شايف الموقف وقاد يتفرج وهو ميت ضحك وذهبو الى بريدة البهية ورجعو
وهو يستمتعووون بئغراض الشخص الي مضيع النمرة .
كآيدهمـ غير متصل   الرد باقتباس
قديم(ـة) 07-01-2011, 05:04 PM   #3
العاصف
عـضـو
 
صورة العاصف الرمزية
 
تاريخ التسجيل: Sep 2001
البلد: ((( مدينه المحبين = بريدة = الخضراء )))
المشاركات: 2,438
واللي متعيجز يكتب وش يسوي ..
وأدي أنا أهرج وواحد يكتب عن ..!
الصباخ وين أيامك ..
__________________
رب رمضان رب بقية الشهور اغتنمو مابقي من أيامكم في العمل الصالح ..
العاصف غير متصل   الرد باقتباس
قديم(ـة) 07-01-2011, 09:45 PM   #4
مجودالغلا
عـضـو
 
صورة مجودالغلا الرمزية
 
تاريخ التسجيل: Nov 2009
البلد: القصيم_بريدة _الاسكان
المشاركات: 27
يا سلام على المواقف هع
سلملي على اخوك الي مسوي فيها عنتر هع
تحياتي
__________________
ااااااااااااااه منك منقهرولا بقى عندى صبر
مجودالغلا غير متصل   الرد باقتباس
قديم(ـة) 08-01-2011, 02:32 PM   #5
الصباخ
هوية صامتة
 
صورة الصباخ الرمزية
 
تاريخ التسجيل: May 2003
البلد: Buraydah City
المشاركات: 12,515
270 مشاهدة للموضوع والردود بس ثلاثه .
الشرهة مهب عليكم، الشرهة علي إني منزل عندكم موضوع يا سلنتح .
__________________

الصباخ | Buraydah City

الصباخ غير متصل   الرد باقتباس
قديم(ـة) 08-01-2011, 03:05 PM   #6
خوي السرور
عـضـو
 
صورة خوي السرور الرمزية
 
تاريخ التسجيل: Jan 2005
البلد: بريدة ـ الاسكان 4 شرق مسجد كعب الإحبار <<< ييزي ؟
المشاركات: 8,848
^

عاد لاتقول سلنتح ..
__________________
في بريدة ستي .. كانت لنا أيام :

http://www.buraydahcity.net/vb/showthread.php?t=262111

( قلب حب 1 )
خوي السرور غير متصل   الرد باقتباس
قديم(ـة) 08-01-2011, 04:17 PM   #7
أبو غــلا
مشرف أخبار بريدة
 
صورة أبو غــلا الرمزية
 
تاريخ التسجيل: Feb 2010
البلد: بريــدة || ~
المشاركات: 3,244
اجل يسمع صوت مشى الحمام ؟
شكل سقفكم زنك .. ذذ
__________________
قال أحدُ الصالحين :
.. { نسْالُ الله تعالى أنْ يعطينآ ..
فإنْ أعطانا فَرحنَآ مرّةً .. وإن منعَنا .. فَرحنآ . عشرُ مرّآت ..!
لإن العطآء إختيآرُنا .. والمنعُ إختيارُ اللّه .. ~
وإختيار اللهِ . خيرٌ من إختيآرنا .. ! } ..
أبو غــلا غير متصل   الرد باقتباس
قديم(ـة) 08-01-2011, 07:50 PM   #8
العاصف
عـضـو
 
صورة العاصف الرمزية
 
تاريخ التسجيل: Sep 2001
البلد: ((( مدينه المحبين = بريدة = الخضراء )))
المشاركات: 2,438
شد عليهم الصباخ ... عطهم العين الحمراء
__________________
رب رمضان رب بقية الشهور اغتنمو مابقي من أيامكم في العمل الصالح ..
العاصف غير متصل   الرد باقتباس
قديم(ـة) 08-01-2011, 08:58 PM   #9
روقــآن
إلى اللقاء ، سأشتآق
 
صورة روقــآن الرمزية
 
تاريخ التسجيل: Aug 2008
البلد: حيث وجدت لنفسي راحة ~
المشاركات: 3,757
بعض الأيام تمر بحالات همن إذا فكرت به بعدين تقول لروحك والله يا أنا سطل


اقتباس
عطونا مواقفكم الممتعة والمضحكة والجميلة والغريبة والعجيبة



أذكر مره مشغل مقطع بجوالي يوم قعدت شوي أمر أبدا أدور الجوال وهو بيدي وقلت أبي أفكر وين أنا حاطه وأجي أبي أصك المقطع علشان أركز أمر وألقى الجوال بيدي ذذ

أدري من عقبه أني مامن أمور

+ تميز
__________________
تويتر ، انستقرام
s_196

آخر من قام بالتعديل روقــآن; بتاريخ 08-01-2011 الساعة 08:58 PM. السبب: حاطن بلص تميز وأثري موخر عن الإشراف ذذ
روقــآن غير متصل   الرد باقتباس
قديم(ـة) 08-01-2011, 09:04 PM   #10
إبراهيم الضبيعي
عضو اللجنة الإعلامية
مـشـرف أفراح واحتفالات
 
تاريخ التسجيل: Jul 2004
البلد: بريدة
المشاركات: 6,638
الصدز قعدت ادور موقف مالقيت بحم اني ذكي ماشاء الله علي موب مثل السبيكة الي فوقي

بس الصباخ نبي موااقفك انت مع الهواش والنقاش بتاعك
عاد انت عد واغلط من المواقف

تمييز
__________________
.

لتصوير الحفلات والزواجات والإجتماعات والمناسبات
المراسلة على الخاص
0505435500

.
إبراهيم الضبيعي غير متصل   الرد باقتباس
قديم(ـة) 08-01-2011, 09:17 PM   #11
[ لــمّــآح ]
مُــدَانْ
 
صورة [ لــمّــآح ] الرمزية
 
تاريخ التسجيل: Apr 2008
البلد: هُـنَـآكْ حَيْثُ الأًلَمْـ '
المشاركات: 5,629
هذا الموضوع يؤدي لـ سوآليف
الصبآخ أخآف إنك دزآلبن الأشخآص أنت الي تصآرخ وأخوك هو الي فوق ..
__________________
صباح الجرح يا أمتي ..
صباح الأمل بـ عينيّ قتيل ،
صباح القتيل بـ عينيّ صغير ،
صباح الفجعة بقلب أرملة ،
بصدر ثكلى وحقد حنظلة
صباح الشتات !
[ لــمّــآح ] غير متصل   الرد باقتباس
قديم(ـة) 08-01-2011, 10:58 PM   #12
يربش بريده
عـضـو
 
صورة يربش بريده الرمزية
 
تاريخ التسجيل: Oct 2010
البلد: تعرف اشاره النجر الي هدموها بعدها بي حلتت عصا
المشاركات: 2,166
يا سلام على المواقف
__________________
موضيعي دااااااااااااايم تربشبس لو نفتك من المسح كان حنا بخير
يربش بريده غير متصل   الرد باقتباس
قديم(ـة) 08-01-2011, 11:08 PM   #13
بولوهي
تقنية حديثة 3>
 
صورة بولوهي الرمزية
 
تاريخ التسجيل: Feb 2007
البلد: القصيم _-_ بريدة
المشاركات: 4,599
الصدز تنسيم اخوك
تسنه واحدن هاج عن واحد ويقوله تسانك رجل الحقن


هذا موقف تسد صاري من ضمن الكثير ..

مرتن من المرات طلعت من المسجد حق الحاره وارتسب سيارتي < الله من العجز

عاد كنت احتري ولد الخاله يصلي وابطى الصدز احسبه يصلي صلوات اسبوع كامل

عاد وانا بطريقي للسياره به سياره واقفه وملدزيتن مقفاه عاد اللقافهه لزوم قعد اطبل بالبدي وبالقزاز تقل عمري 10 ما ادري وش الجني اللي جان هاذيك الحزه المهم
يوم وصلت القزازه اللي قدام وانا اشوف ذاك الاسود اللي منداخل اوه يا إالهي ماهذا اللذي حدث يوم تمقلت ولا هاذيك المره اللي بالسياره والى الحين وانا اركض من ذيك السالفه ...
من الفشيله تركت سيارتي ورحت للبيت رجل

^
ما اقول الا ياكثر الابتسامات المرتزات
__________________
لاتحرمون انفسكم من هذا الموضوع

لم نرفض الموسيقى والإيقاع لنسمع المؤثرات (البشرية الموسيقية)
1. الأناشيد الصافية [بدون مؤثرات] تُريح الضمائر .
2. الأناشيد الصافية [بدون مؤثرات] تُوضح إمكانيات المنشد الحقيقية .
3. الأناشيد الصافية [بدون مؤثرات] تُرضي جميع الإعتقادات .
4. الأناشيد الصافية [بدون مؤثرات] أقل تكلفة من بقية النسخ ، إن لم تكن مجانية .

جميع مواد الشيخ محمد المنجد


بولوهي غير متصل   الرد باقتباس
قديم(ـة) 09-01-2011, 01:57 AM   #14
GIVENCHY
عـضـو
 
تاريخ التسجيل: Aug 2007
البلد: حَيثُ أكُونْ .. !
المشاركات: 7,121
صدقن أخوك منسم ..
__________________


http://www.buraydahcity.net/vb/member.php?u=25706
فَقْدُكَ مُوْجِعٌ يَ طيّب القلب : ( !
غفر لك يـ عبدالرحمن وأسكنك فسيح جناته .. : )
GIVENCHY غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 02:35 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)