بريدة






عـودة للخلف بريدة ستي » بريدة ستي » سـوالـيـف كـشكـولـيـة » ♥๑♥๑♥ أم عباس ♥๑♥๑♥ لكل الناس ♥๑♥๑♥

سـوالـيـف كـشكـولـيـة الطرائف و الألغاز - يمنع مشاركة النساء

إضافة رد
 
أدوات الموضوع طريقة العرض
قديم(ـة) 30-06-2010, 11:48 AM   #1
راشدالراشد
عـضـو
 
صورة راشدالراشد الرمزية
 
تاريخ التسجيل: May 2010
البلد: بريدة
المشاركات: 511
♥๑♥๑♥ أم عباس ♥๑♥๑♥ لكل الناس ♥๑♥๑♥






سَلآم عِليـ كُ ـم دآآرقومٍ صالـ حُ ـون أنتِم الـ سَ ـابقُون

ونـ ح ـنُ الآحُـ ق ـونِ









مقدمه :

جت العطله وكثرة العروس العريس يجهز نفسه , والعروس تجهز نفسه
وتجهيز عن تجهيز يفرق .. منول كانت العروس ماتدري بعرسه الاقبله
بيوم أويومين والصبح تشوفه هي وعصاقيله تركض بالساقي وباليل عرسه
والعريس يحصدويخرف والليله عرسه .. أوما الحين العروس أول وحدهـ
تدري بعرسه ويمكن ويمكن تدري قبل مايدري المعرس (تقل سمعت أحد
يقول شيء) وتبدا النصايح من جهة الأم والأقارب ودروس وخطط
سياسيه وبروتوكولات تقل داخلين حرب وباليلة العرس تشوف العروس
أكبرمابه راسه والعريس يحسبه من التشريعه والتاج اللي حاطته علي راسه
مايدري إنه من النصايح والمؤمرات والكتب اللي تقراهن بزعمه تبي تزود
ثقافته وأصلاً هن اللي نفخاتن راسه والمعرس يسمع من هالقصص والمواعظ
ويشري من هالاشرطه والكتب اللي مالهن داعي ..

<~ وش عندوه المصلح الأجتماعي
ومن المعروف إن اكثر الكتب اللي عن الحياة الزوجيه تتكلم عن الرومانسيه
وكيف الرجل مع زوجته وكيف الزوجهَ تتعامل مع رجله ..بكل حب ومن
هالكلام اللي حفظناه بس الغريب إن جاك كتاب يتكلم عن كيف تمتص المرأة
فلوس الرجل أو العكس وهذا الكتاب هو اللي أنا لقيته وإسمه ..
(نصائح ام عباس لكل الناس) وقعدت أقلب صفحاته وبه أبواب كثيره "باب
السياسه " و" باب الاقتصاد" و" باب المجتمع " وباب.. وباب .. الخ
وعلى طول يوم شفت باب الحياة الزوجيه فتحته وبديت اقرا وبه فرعين :
فرع نصائح لزوجات والفرع الثاني نصائح للازواج وأفتح على فرع نصائح
لزوجات (مثقف من يومي ) الاوش اقرا شي يشيب الراس وقول بنفسي لو
كل بنت قرته قبل ماتزوج كان رحنا وطي وهذا الفرع يتضمن على نصائح
أم عباس الجوهريه وانا حسيت والله أعلم إن ام عباس ذي مطلقه عشرين مره
وتبي كل الحريم مثله ..

طبعاًهذا الكتاب يشبه المذكره ونقلت لكم بعض هالنصايح بطريقتي الخاصه
وفيه أشياء مافهمته وفيه أشياء ماتنقال وفي هذا الموضوع نزلت الجزء الاول
وهو نصائح لزوجات( لاحد يتميلح ويقول تسان نزلته ببنت بريدة ) أنا نزلته
بذي عشان تطلعون عارفين الطبخه ومثقفين زيي

<~ تف تف ماشاء الله علي



وأن الله أحيانا نزلت الجزء الثاني نصائح للازواج
في موضوع ثاني .. ( ثاني والا أول ها ها ها )











__________________




راشدالراشد غير متصل   الرد باقتباس


قديم(ـة) 30-06-2010, 11:49 AM   #2
راشدالراشد
عـضـو
 
صورة راشدالراشد الرمزية
 
تاريخ التسجيل: May 2010
البلد: بريدة
المشاركات: 511
قسم قبل الملكه



1/بعدتحديدالموعدمع العريس والقدوم الي المنزل يجب عدم فتح الباب له فوراً..!
بعبارةأخري إلطعوه عند الباب الين يخيس وتطلع ريحته وتلسبه الشمس حتي
يقول العيد أمس ويكره نفسه ويدري إن كل شي عندكم عادي وهوماقام
عندكم ولاقعدومهمكم جاء والاماجاء ..,
من هذا المنطلق ( منطلق والا مربوط ها ها ) أي واحد يبي يروح لشوفه
يطق الباب همن ياخذله كم لفه ويوصله كم مشوار ..؛
وعقب ينكس يشوف هم فتحوا والا إنهم ريضين..





2/جعل أحد الاطفال هو من يقوم بفتح الباب وسؤاله ماذا يريد ؟؟
والله من زين الامور بعد هالرصه عندالباب يفتح لك بزقه طوله شبرين
وتبدا المصاله.. وش تبي أنت ؟؟
وإن كان في قمة الادب قالك .. نعم خير ؟؟
أتوقع بذي الحاله عريس الغفله بيمطخ هالبزر الين يتفل العافيه مع إنه مهوب
يواطن بزر يمر من جنبه الابذيك الحزه يجيه حب للمبزره وتحس إن الوحي
نازلن عليه ويبتل يجغف ويقبص بهالبزقه حتي تختفي ملامحه .. لانه عارف
ومتأكد إن سندرلا تقزه ويبي يتميلح عنده وخبركم هالحريم عليهن أماكن
للقزحتي الجني الازرق مايعرفهن ياأنه تقزمن تحت الباب والامن دريشةالمشب
يعني تقزك من راسك الي ساسك وأنت فاتح خشتك ماتدري وش السالفه







3/بعدجلوسه في المجلس لاتدعي أباكِ يتوقف عن الحديث معه أثناء
تقديمك العصير..
الزبدة إنه يشغله ومايدعيه يشوف الاشطف وعلى قولت القايل " اللمحه
ذبحه "وخصوصاً لصارت بنتهم ماينفع معه لا بدكير ولا مناكير ويبون
يحجبون الرؤي عن المعرس ومايدقق وحتي إذا صار شي ومشيات
ومصطت بنتهم الرفله تقدر تدارك الوضع وتهج قبل مايشوفه ..
على طاري الشوفه هذا واحد ( واحد والا اثنين ها ها ها) من الشباب
يقول يوم رحت لشوفه ودخِلت علينا المزيونه تقدم العصير
وبعد ماقضت كانت مسرعة تبي تطلع وهي مدنقه راسه
ومانتبهت للجدار اللي قدامه وطررررخ تصقعه وتطيح ويقومون إخوانه
يسمون عليه ويطلعونه وأنا بطني يدغدغن وماسك الضحكه
ويوم التفت علي أبوه وقال : للامانه تري البنت به طرفه
ووووووووفقع من الضحك ..





4/لايخرج العريس من منزلكم الا وقدتم تحديد موعد الملكه .!!
يعني إمسكوه لايهج ودبسوه بالسالفه وخوذوا منه اللي أنتم تبون
لانه يمكن يطلع ولايرجع وأحسن شي إنكم تحجزون وتعزمون
وتواعدون الجماعه وهو .. توه ماطلع عشان يحتد ويجي ولايسحب عليكم





__________________




راشدالراشد غير متصل   الرد باقتباس
قديم(ـة) 30-06-2010, 11:49 AM   #3
راشدالراشد
عـضـو
 
صورة راشدالراشد الرمزية
 
تاريخ التسجيل: May 2010
البلد: بريدة
المشاركات: 511
قسم بعد الملكه




1/ يضع جواز السفرلشهر العسل في يدك قبل أن يضع الدبله ..!
ياكثر ماتحصل تلقونه وهويكلمه :وش رايتس ياعمري نقضي شهر العسل
بباريس والا وش رايتس بالندن عاد لندن مخططه ولاتركت به داعوس
الاطبيته أقوليتس مشبره شارع شارع (تقل مهوب يلعب عليه)ولجت
الصدزه دوري أحد وبعض هالحريم لقاله رجله:وش رايتس حياتي نروح
لمايزيابشهرالعسل شهقت تقل باخن به بس أسودوقالت:أناأروح لماليزيا
وش تقول عن صديقتي أم العنزين وصديقتي أم القرنين وبعدين
أنامتعوده أروح لجنيف والاروما(وهي بالصدزماعمرة طلعت برآآآآآ بريدة)






2/عندمايطلب التحدث معك عبرالجوال عليك التعذرمنه وذلك بإنك
لاتملكين جوال الان وذلك حتي يقوم بشرائه لكِ ..!
عادهو من زود الخقه والطفاقه يبي يشري له أطلق جوال ويطلع له أطلق
رقم وكل خمس دقايق يرسله شحن (الطفه ومادراك ماالطفه) ولمرت
دقيقه ونسي يرسله جته رساله منه:
سلامات حبيبي مرت دقيقه ومارسلت لي شحن بصراحه أناخفت عليك
قوة وبغت تجين صدمه نفسيه من كثرالخوف وياليت ترسلي شحن عشان
إتطمن عليك والحين مع السلامه ياحياتي كان ودي أدق عليك بس مامعي
شحن يكفي ..(وين راح المهر يابنت اللذين ؟؟)
وهويتسذب عليه وهي تسذب عليه وبزعمهم إنه لكلمه والا كلمته
يتعرفون علي بعض اكثر والدعوي كله خرطي بخرطي وكل واحد
أتسذب من الثاني ..( ثاني والا أول)









3/يفضل أن تكون حفلة الملكه في فندق خمس نجوم أو قصر
وأن تكون الشبكه من الالماس الخالص ..!!
وفيه شي نست تقوله المملوحه أم عباس أو أنه سقط سهواً
إن البلاط (السراميك)لازم يكون من ذهب عشان يمشون
عليه أهل العروسه ..لانهم ماتعودوا يمشون علي سراميك عادي
(عادي والا توماتيك)..والنجفات تكون من لؤلؤ والكرسي اللي
تبي تقعد عليه بنت العز لازم يكون من حرير مرصعن به ياقوت
لان أهله معودينه علي العز والدلال .. ومتاكل الابملعقة ذهب
( والله لوهو بياخذحوريه نازله من الجنه ) ..




__________________




راشدالراشد غير متصل   الرد باقتباس
قديم(ـة) 30-06-2010, 11:50 AM   #4
راشدالراشد
عـضـو
 
صورة راشدالراشد الرمزية
 
تاريخ التسجيل: May 2010
البلد: بريدة
المشاركات: 511
قسم ليلة الدخلهـ..






1/في ليلةالدخِله وبعدذهاب الاهل إطلبي منه الخروج من الغرفه وذلك
لتغير ملابسك ومن ثم قومي بقفل الباب والنوم هنيئاً..!!
^
ياله من شريره أم عباس تلك ..
عاد تخيلوا العريس واقف عند الباب ويفرك يدينه يحتريه تفصخ وتفتح له
وتمر ساعة وساعتين وسنه وسنتين <~ يقولون إن البهارات مفيدة للجسم
وهو ياحولي يحتريه ..وكل ربع ساعه يطق الباب بشويش : هآآآآه
خلصتي وهي ماترد عليه .. وطول الليل وهو يطق ويويز من تحت
الباب ويترجآآه : ياحبيليتس أفتحي .. تكفين حياتي ..
أفتحي ياعمري خلاص المزح (يحسبه تمزح معه) ..
وهي معطته الخامس .... هذا إن ماصارت تشخر

بعد مازرطت نص الطورطه ... وقحنت نص العصير.!!
وهو مغير يتدحوس عند الباب تسنه بس مضيع أمه <~ أصلح أشبه
ولامنه قامت الاميره الناعسه الصبح .. وسمعت حس أهله فتحت له
وأنا اكتب جت على بالي قصة شايب .. يقول : باليلة عرسي يوم دخلت
على المرأة وفصخت عباته .. الاوش أشوف ذاك الجسم المغزلي ( كولا)
وأستانس يوم ناظرت .. أثر المرأة ماخلت سروال بالعالم مالبسته
وكل الليل وأنا وهالسراويل ,,












2/في الصبحيه وبعد ذهاب أهلك من عندك قومي بالبكاء مما يدعوه الي
أخذك في نزه قصيره ..!
وهي ماتعرف تكلم يعني لازم تصيح عشان ياخذه يمشيه..

أم عباس ذي ياعليه طلعات مادري وش تبي ..

والا يعنني أحب أهلي وماودي أفارقهم وهي قبل ماتعرس
فاقعتن مرارت أهله وماغير ملاسن مع أمه وهواشهم يسمعه القاصي
والداني ولوأمه تقوله : شيلي البياله قومت البيت وقعدته : مانيب
شغاله عندكم .. متي أفتك منكم وتقل مهيب كل يوم بعد صلاة
الفجر تقعد بمصلاه وتدعي وتقول :
يارب إرزقني بالزوج اللي يفكني من أهلي


وتري هالدموع والحركات ذي كله بس عشان
تعلم رجله انه انسانه حساسه .. والاموب زود حب لاهله .,












3/قبل السفر يجب عليك الذهاب الي أهلك وتوديعهم ثم المرور
بالسوق لشراء بعض الاشياء الضروريه لسفر .؟؟
غريبه ماكتبت قومي بالبكاء بعدتوديع اهلك .. والا الدعوه
به سوق .. والحين أبفهم قبل العرس ماتدري إنه بتسافر وراه
ماولمت قشه والا لكاعه .. ( بعض هالحريم حـ ق ـ ن ـه )

تذكرت كلام أحد المشايخ يقول : بعض هالحريم ماتروح
لسوق مرتن وحده وتشري اللي هي تبي وخلاص .. لا ..
تطب أول مرة إستكشاف وتشوف وش عندهم وماعندهم
وتطبه مرتن ثانيه مع خواته وبنات عمه وتشاورهن وتاخذ
رايهن .. وتطبه مرة ثالثة ورابعة وخامسةوهي للحين
ماشرت اللي عي تبي وبعد موب سوق واحد والا مكان واحد
تروح لاكثر من مكان وتطب اكثر من سوق ..!

حتي لقضت مشتريه تروح لسوق عشان لشافت بنت
جيرانهم تدري منين شاريه الثوب اللي عليه .. وبكم ..
(يعني بك بك السوق شرت والا ماشرت ) ..






__________________




راشدالراشد غير متصل   الرد باقتباس
قديم(ـة) 30-06-2010, 11:50 AM   #5
راشدالراشد
عـضـو
 
صورة راشدالراشد الرمزية
 
تاريخ التسجيل: May 2010
البلد: بريدة
المشاركات: 511
قسم شهر العسل





1/ كوني بإتصال .. دائم مع أهلك ..!
أزين شي إن كل واحد ياخذ ام زوجته معه لسافر بشهر العسل ..
ويفك عمرة من الصياح فوق راسه كل ليله ويسمع الموال المعتاد :
أنا مشتاقه لامي .. أنا مشتاقه لابوي
المشكله انه لو تركه تكلم أهله تبي تزود .. وبدال ماهي تشاهق
تبدا تجعر .. وهو يقوله : خلاص ياعمري نرجع باتسر ..
تقوله : لاماودي أرجع .. أجل وش تبين بالضبط .؟؟
وكل ليله على هالحاله حتي توصل مع أبو الشباب الي مرحلة
الجنون .. ماتشوفون الموظفين لرجعوا من شهر العسل تحس إن بهم
حالة هستيريه .. وكل الدوام وهو يهوجس ويكلم نفسه
ولسئلته عن شهر العسل .. قالك شهر بصل موب عسل ..!

ومن هذا المنبر ..
<~ جاكم الخطيب
أنصح كل الشباب اللي يبون يسافرون ويستانسون بشهر العسل
لابدت مرتك تصيح وتهي تهي وماتهي .. صـح مثله نعم صح مثله
تطبيقاً للمثل اللي يقول " واجه الصراخ بالصراخ تسلم " .











2/عند حزم أمتعت العودة عليك شراء بعض الهدايا لاهلك ..!!
أنا بعرف شي واحد ( واحد والا أثنين ها ها ها ) ..
<~ يرحم أمك خلاص بياخه ..
هو متزوجة والا متزوج أهله .. وكل ماطق عود بعصي قالت :
أهلي وأهلي .. وهو أهله بالطقاق اللي يطقهم ويرضهم ..!
أجل أهل الرجل يسمون " حموله " وأهل المرأه " نسايب "
شوفو وشلون الفرق ..؟
وهنا سؤال يبطح نفسه ليش سمو أهل الرجل حموله ؟؟
يعني مثلاً لساقن الحريم وجت الوحده تبي تنزل ام رجله وخواتهُ
ودقت عليهِ امه تقول : يمه اصبري ابنزل الحموله ..!
<~ أولاه لاتفكر..






__________________




راشدالراشد غير متصل   الرد باقتباس
قديم(ـة) 30-06-2010, 11:52 AM   #6
راشدالراشد
عـضـو
 
صورة راشدالراشد الرمزية
 
تاريخ التسجيل: May 2010
البلد: بريدة
المشاركات: 511
قسم بعد العسل






1/عدم القيام بالاعمال الشاقه ..!!
الله يخلي هالشغالات مادري وش بيصيرفينا لو يمنعون دخول الشغالات


تسان أول المتضررين حناآآآ ..

( حنا والا سدر ) <~ سماجه <~انجز <~ لاتنفخ <~ وراه ذا بتل

*مره من المرات وأنا قاعد بالمستشفي وجنبي بزر حقير ولف لمي واحد
يسئلن : اسم الحبيب .. قلت له : راشد ..
قال البزرالحقير: راشد والابالغ ها ها ها .. واسكت عنه
ويسئلن الرجل نوبتن ثانيه : متي دورك .. قلت : دوري
أبشوف الورقة .. ويتكلم البزر الحقير : دوري والا ودي ها ها ها
ويقولون وراء الشغالات على البزارين يسحرونهم ويمهنون كترهم
أنا لاشفت بزقه أحس مكتوب على جبهته اكفخ تؤجر ..

* مره من المرات جاي من السفر دايخ وأدخل البيت وش أشوف
شحنة بزارين من اللي يحبهم قلبك واكرشهم من اولهم الي اخرهم
بالشارع .. وقبل ماحط راسي على المخدة رن الجرس
ويوم فتحت اثره ابو الجيران يقول : ذولا عيالكم ضفوهم عن
الشارع الله يجزاكم خير ..
<~ يقاله ماكان بزر .!!
بس بصراحه يوم كنا صغار كان مهنا ملحنا ومايسمع لنا حس
وبقمة البرائه لدرجة انه ..
* مره من المرات ( ايه توي حافظه عندك شي ) كان معنا
أم صتمه بعد ناطلينه من بيت عمي وموصينا ولد عمي
على حمامه يقول : انتبهولهن لايجي البس وياكلهن


أبروح اصلي واجي .. ونقوله : ابد ارقد وامن

ويوم راح من هنا حنا نطلقهن ونبدا نصيدهن واكثر واحد يفوز ..














قسم عند زواجه الثاني





فيه سؤال مرهق تفكيري ومالقيت له جواب ..
الحين ليش المرأة تحمق لتزوج عليه رجله ؟؟
Why the angry if the wive mary ALyh
ولاشافوا إثنين يتناقرون قالوا : تقل جارات ..
وهذا سؤال ثاني مرهق تفكير تفكيري .. ليش الجارات
دايم يتناقرن ..؟؟
حتي بشريط المجد يتناقرن ..!!

أبقولكم وش سالفة هالشريط وأنا قاعدن أقلب بقنوات
المجد ورسيت بالأخير على شريط قناة المجد للاطفال
وأتابع هالشريط وكلام رايح وكلام جاااي
أدعولي أتزوج اليوم قبل بكرة - عايشه في عز أبوها -
ودي أتزوج لوقطاع عشره - المزيونه -
انصح المتزوجين إنهم يتزوجون مره ثانيه - الزوجه الثانيه -
يالزوجه الثانيه احترمي نفسيتس وعن قلة الادب -الزوجه الاولي-
ويبدن يتناقرن وهواش وتمعيط شوش وعجزوا يفكونهن عن بعض
قامت الحرب العالميه الثالثه بالشريط والاخوان وراء
الكنترول مستانسين حتي ذاك اليوم ماشفت كلمتهم المعتاده
"نص مفقود " الوالده تقولي هو للحين مالقوه ..؟؟
قلت : وشو ؟؟ قالت : النص المفقود ( اميمتي تحسبه
نص ريال ضايع) <~ ام راشد أقلاع حتي الاشباع ..





__________________




راشدالراشد غير متصل   الرد باقتباس
قديم(ـة) 30-06-2010, 11:52 AM   #7
راشدالراشد
عـضـو
 
صورة راشدالراشد الرمزية
 
تاريخ التسجيل: May 2010
البلد: بريدة
المشاركات: 511
الخاتمة




ماحب لحظات الوداع يوجعن قلبي
<~ هذا الللي تستفيده من الجلسه مع الحريم ..

بربرت عليكم الين إستدار راسي وإنلحس مخي

<~ انت والاهم

وعجزن اعيد على الموضوع من جديد فإنتم سلكوا ولادققون
واللي عنده نصيحه للمعرسين والمعرسات أو اللي توهم ماعرسوا
يشوته بذا ولايكثر سطر او سطرين يتسفي ..
تطبيقاًللمثل القائل : خير الكلام ماقل ودل

وعن التنكيت أنت ويااااه ..

أنا ~> انكت ~> أعلق ~> ميخالف ~> موضوعي وحر ..
أنتم ~> لا ~> NO ~> نهي نهي
__________________




راشدالراشد غير متصل   الرد باقتباس
قديم(ـة) 30-06-2010, 11:53 AM   #8
راشدالراشد
عـضـو
 
صورة راشدالراشد الرمزية
 
تاريخ التسجيل: May 2010
البلد: بريدة
المشاركات: 511
الردود المتوقعه :.




جيفنشي : تسيف الحال ..
لماح : سلم لي علي ام عباس ..
ابراهيم : نفس الفكره ..
كايدهم : تقبل مروري ..
سواق تريلهـ : كم التاريخ اليوم ..
شلقه : هذا تسميه موضوع ..
كريتيف : سواق تريله اسئل ابو مهند ..
المقدام : عجزن اقرا ..
الدعساوي : لي رجعه ..
على الساقي : إذا تكرر تحريضك ضد المشرفين سيتم إيقافك ..
__________________




راشدالراشد غير متصل   الرد باقتباس
قديم(ـة) 30-06-2010, 12:09 PM   #9
الــمِــقــدآم
مشرف الصوتيات والمرئيات ~
 
صورة الــمِــقــدآم الرمزية
 
تاريخ التسجيل: Feb 2010
البلد: ae.5
المشاركات: 2,554
الموضوع طويل وكسل أقرآ .. برجع أقرآآه بوقت لآحق

لي عودهـ ...
__________________
كرت الصوت
الــمِــقــدآم غير متصل   الرد باقتباس
قديم(ـة) 30-06-2010, 12:33 PM   #10
وهــــم
عـضـو
 
صورة وهــــم الرمزية
 
تاريخ التسجيل: Jun 2010
البلد: بريدة
المشاركات: 8
ههههههههههههههههههههههههههههههه
تنسيم المقدآم
وهــــم غير متصل   الرد باقتباس
قديم(ـة) 30-06-2010, 12:36 PM   #11
CREATIVE
عـضـو
 
صورة CREATIVE الرمزية
 
تاريخ التسجيل: Jul 2009
البلد: بوريده
المشاركات: 1,939
__________________

" مَن لَم يَقَعُ في الحُبِّ سَيقَعُ الحُب فيه
قاهر الروس
CREATIVE غير متصل   الرد باقتباس
قديم(ـة) 30-06-2010, 01:02 PM   #12
كآيدهمـ
مشرف سواليف كشكولية
 
تاريخ التسجيل: May 2009
البلد: دآخلـ آلكشـ كوووووولـ
المشاركات: 4,863

والله تنسيم احجبيبي راشد
من قوه التنسيم وقفنا الشغل بالمكتب وتجمعو على الشاشة يقرون معي
طبعاً مديري المباشر وزميلي بالمكتب

وبعد ما قرى موضوعك قلتلة ابي امشي لبريدة
قالي صل وتوكل على الله

وزي ماقلت ابي اقول
تقبل مروري لموضوعك
كآيدهمـ غير متصل   الرد باقتباس
قديم(ـة) 30-06-2010, 02:22 PM   #13
قلم جريء
عـضـو
 
صورة قلم جريء الرمزية
 
تاريخ التسجيل: Dec 2009
البلد: [][][]جزر الكناري[][][] البشره:[][][] حـنـطـي[] [][]
المشاركات: 1,977
جزاك الله خير على هالكورس
قلم جريء غير متصل   الرد باقتباس
قديم(ـة) 30-06-2010, 05:04 PM   #14
عبودي اللي ما يوذي
عـضـو
 
صورة عبودي اللي ما يوذي الرمزية
 
تاريخ التسجيل: Jun 2009
البلد: بريدة
المشاركات: 43
ههههههههههههههههههههههههههههههههههههههههه



صرحهـ موضوع تنسيم


مشكووووووور


ودي واخلاصي كله لك انت لحالك لا تعلم احد اتفقنا >> ههه فاظي
عبودي اللي ما يوذي غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 01:11 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)