بريدة






عـودة للخلف بريدة ستي » بريدة ستي » بــنــت بــريــدة » يا زوجك او الأنترنت !!

بــنــت بــريــدة بنت بريدة - القسم خاص بالنساء -- يمنع المنقول

إضافة رد
 
أدوات الموضوع طريقة العرض
قديم(ـة) 14-05-2011, 03:03 AM   #1
عزتي في عفتي
عـضـو
 
صورة عزتي في عفتي الرمزية
 
تاريخ التسجيل: Jun 2010
البلد: فِيّ دُنْيَاَ زَاَئِـَـَلَهَ}~
المشاركات: 793
يا زوجك او الأنترنت !!



الجوهره: ياحصيصه افهمين افهمــين ,انا إنسانه متعوده على النت اغلب وقتي عليه اشرف على الأقسام اللي انا مشرفه به , يكفيك منتدى بريده ستي ما اطلع منه ابد دايم به لو يجين يوم ما ادخله احس اني منب على العالم وهذا غير صديقاتي اللي ما اتواصل معهن الا بالمسن وأشياء كثير كثير ياحصيصه ...

حصه
: يا بنت الحلال لازم تعودين نفسك وتهيئـنه لحياتك الجديده خلاص راح تكونين تحت جناح زوجك , هو اللي يامرتس وينهاتس

الجوهره : ما اقدر مااقدر.. انتي تدرين يا حصيصه ان النت شي مهم بحياتي !! ..

حصه
: عاد انتي ما تدرين عن الرجل يمكن انه عادي عنده انك تدخلين النت , بس انتي هيئي نفسك انه بيمنعك عشان ما تنصدمين وتقعدين تصيحين علينا ..

الجوهره : تصدقين يا حصيصه يا ام قصيصه , اني افكر اني ما اتزوج عشان هالقضيه هذي



حصه : هــــاو مهبوله انتي !! لا البنت جنت وقعدت

الجوهره : والله لو يفهمن ويشوف وش توجهاتي بالنت ويشوف المنتديات اللي انا مشتركه به ويشوف مواضيعي ويشوف اميلي تسان افرح لأن الحمد لله ما اسوي شي خطأ , بس استغفر الله مجتمع تفكيره معقد رابطين مفهوم النت بمفهوم الخراب والفساد الله لا يبلانا..

حصه
: اقول يا بنت الحلال تعوذي من بليس وفكري بجهازتس وخلاقينتس اصرف لتس مير ونهوبه فصلتي فستان زواجكـ ؟! جزمتي على ذاك الموديل ؟!...


***
الجوهره مقدمه على حياته الجديده وخايفه من وضعه بعد زواجه والتغيرات اللي بتلحقه بعد الزواج وخايفه من زوجه يمنعه من النت ويقول له (ما نبي بنات راعيات نت)!!

هل تتوقعن ان هذا السبب سيقود للخلاق ومن ثم الإنفصال لا سمح الله ؟!

دعونا نتناقش في هذا الأمر ,,


__________________
عزتي في عفتي غير متصل   الرد باقتباس


قديم(ـة) 14-05-2011, 04:44 AM   #2
روح غاليها
عـضـو
 
تاريخ التسجيل: Apr 2011
البلد: السعوديه
المشاركات: 35
اولا : الزوج والبيتال وحياة المستقبليه اهم من النت.
ثانيا: لو رفض صدقين بيوم من الايام راح يرضى
انا مثلا كنت اول ادخل نت وتزوجت وصار هو مايبين ادخل
ويتضايق اذا رحت لاهلي ودخلت النت
طلبت منه يشري لي لاب توب رفض وبقوه لدرجه اني خلاص ايست
لكن مع مرور الايام وانوجدت الثقه وعرف وش انا وش تفكيري وعرف اهتماماتي
مادريت الا يوم دخل علي شاري لي لاب توب والله انه ماكد شاف وش ادخل و وش اسوي او فتشه
روح غاليها غير متصل   الرد باقتباس
قديم(ـة) 14-05-2011, 04:17 PM   #3
نجود
عـضـو
 
صورة نجود الرمزية
 
تاريخ التسجيل: Dec 2008
البلد: بريدة ديرتي
المشاركات: 2,026
انا عادي كنت اقعد على النت بشكل غير طبيعي لاني اول مرة استخدمه وطفه به

والحين قليل ادخل على النت متى مافضيت دخلت تراي غير متزوجه
__________________
hp?t=261973
نجود غير متصل   الرد باقتباس
قديم(ـة) 14-05-2011, 04:51 PM   #4
انسه سالي
عـضـو
 
صورة انسه سالي الرمزية
 
تاريخ التسجيل: Feb 2011
البلد: بريده الغاليه
المشاركات: 396
طبعاً النت لاحقتن عليه وخرابيطه...
بس لازم تزبط حياته وتتعود ع فراق النت لو ع السنه الاولى من حياته الزوجيه وهمن تكلمه وتناقشه هل هو عيب البنت تدخل النت وزي كذا وتشوف تفكيروه وزي كذا واذا شافت تفكيروه اوكيه مزبوط تقوله اني اسوي كذا وكذا بالنت وتعلمه كل شي كل شي لاتخبي عنه شي..
وتشوف اذا هو موافق او لا...

والله يوفقه يارب..
__________________
بعض الاحيان لاقلت { آنا بخير }
ودي شخص يتأمل نظرة عيوني..
ثم يضمني حيييييييل لصدرهـ..
بأقوى حنـــــانه وهو يقول:
{ وربك ادري انك اوووب خير }
انسه سالي غير متصل   الرد باقتباس
قديم(ـة) 14-05-2011, 04:57 PM   #5
وداد الشوق
عـضـو
 
صورة وداد الشوق الرمزية
 
تاريخ التسجيل: Dec 2010
البلد: لاتكابر اخرتها مقابر
المشاركات: 739
اقتباس
المشاركة الأساسية كتبها روح غاليها
اولا : الزوج والبيتال وحياة المستقبليه اهم من النت.
ثانيا: لو رفض صدقين بيوم من الايام راح يرضى
انا مثلا كنت اول ادخل نت وتزوجت وصار هو مايبين ادخل
ويتضايق اذا رحت لاهلي ودخلت النت
طلبت منه يشري لي لاب توب رفض وبقوه لدرجه اني خلاص ايست
لكن مع مرور الايام وانوجدت الثقه وعرف وش انا وش تفكيري وعرف اهتماماتي
مادريت الا يوم دخل علي شاري لي لاب توب والله انه ماكد شاف وش ادخل و وش اسوي او فتشه


__________________
***
بتهدي خطيبك زوجك ابوك اخوك أفخم الهدايا الرجاليه من الماركات العالميه..جفنشي-دنهل..بالصور.. تفضل/ي بموضوعي

***
وداد الشوق غير متصل   الرد باقتباس
قديم(ـة) 14-05-2011, 04:59 PM   #6
راجية رضوان ربي
عـضـو
 
صورة راجية رضوان ربي الرمزية
 
تاريخ التسجيل: Apr 2011
البلد: عــــــــــــــــآبره الى جنة الخلد بإذن الله
المشاركات: 363
زي تفكيري الجوهره انا كثير على النت وجلوسي عليه بس افتح بريده ستي ومنتديات معروفه ...

بس خايفه يجين رجل مايبي شيء اسمه نت ...>>>>مصيبه والله
__________________

O?°رب اجعلني مقيم الصلاة ومن ذريتي ربنا وتقبل دعاء°?o
راجية رضوان ربي غير متصل   الرد باقتباس
قديم(ـة) 15-05-2011, 01:08 PM   #7
هايين
قبس دائم
 
صورة هايين الرمزية
 
تاريخ التسجيل: Jul 2008
البلد: في ارض الله الواسعه
المشاركات: 12,860
لا كلش الا النت
انا لازم لزوم امر عليه باليوم
والرجل اذا عارف شخصيه زوجته ماراح يمانع
اما اذا رفض
فهو ابدا
الله يوفق جواهر ويتمم لها بخير

..
__________________
آللہم إن ّبين أضلعي [ أمنيـة ]
يتمناهآ/ قلبي , وروحي , وعقلي . .
​
يآاااارب
إنّ أمنيتي تنبض في قلبٍ هو مُلگگ
 فَلا تحرمني من ( فرحة تحقيقہآ )

فَإنگ آلوحيد القائل للشي:
 " كـنّ . . فَيكون "
سبحانك
...
هايين غير متصل   الرد باقتباس
قديم(ـة) 15-05-2011, 02:49 PM   #8
ღ..خـوآطـر..ღ
عـضـو
 
صورة ღ..خـوآطـر..ღ الرمزية
 
تاريخ التسجيل: Dec 2010
البلد: بـريـده
المشاركات: 144
..

مآ آتوقع آنه بيَرفُض دخول آلنت بآلبيَت
آذآ هو وآآثق منه ..
بس آلمشكله بآللي كِل وقَته مع هآلْنت وسَآحبتن عَليْه >>هذآ مَعْه حَق لَو منْعه مَنه

..
__________________
قد أنسسى من ضـפـك معيـﮱ مـــررة ..
.. لكنيـﮱ لآ أستطيع أن أنسسى من بكى معيـﮱ مـــررة .. !
ღ..خـوآطـر..ღ غير متصل   الرد باقتباس
قديم(ـة) 16-05-2011, 12:34 AM   #9
goOory
عـضـو
 
صورة goOory الرمزية
 
تاريخ التسجيل: Jan 2009
البلد: حايـل ديأاري
المشاركات: 365
عادي البنات متزوجات يدخلن النت بكل اريحيه
بس عاد مايطولن عليه عشان مايجيب مشاكل
__________________
goOory غير متصل   الرد باقتباس
قديم(ـة) 16-05-2011, 03:49 AM   #10
روح غاليها
عـضـو
 
تاريخ التسجيل: Apr 2011
البلد: السعوديه
المشاركات: 35
نسيت اضيف حاجه تر البنت سبحان الله
تتغير بعد الزواج بشكل فضيع لدرجه ان نفسه تستغرب
اهتماماته وتفكيره وهواياته
انا كنت قبل شي ويوم تزوجت تغيرت 180 درجه
كنت قبل متابعه لشعر واقرا وادور القصايد دواره واحتفظ بهن
والحين ماذكر متى قريت قصيده
والنت من الاشياء الاساسيه عندي وتزوجت وعادي استغنيت لي 6 سنوات متزوجه ومابديت ادخل الا من شهرين شوفي تاريخ تسجيلي قبل شهر وشوي تقريبا
وتزوجت وتحول الاهتمام بزوجي وفبيتي وبعد ه اولادي
اكيد مو علطول بتتغيرين اول سنه الربع والي بعده يتدرج التغير
روح غاليها غير متصل   الرد باقتباس
قديم(ـة) 29-05-2011, 11:16 AM   #11
صاحبة الامتياز
عـضـو
 
صورة صاحبة الامتياز الرمزية
 
تاريخ التسجيل: Nov 2010
البلد: |~ للـتـميـــز عـنــــوان ~|
المشاركات: 5,002











اتوقع الزواج راح يغير اشياء كثيرة

لأنها يوم كانت عند اهلة قمة الفضاوه

فحطت وقتة كلة بنت اذا تزوجت وادركت المسؤليه

راح تتغاضى عنه بعض الشي وراح يكون شي عادي

باالنسبه له

هنااسجل اعجابي بطريقة الطرح للموضوع

تحياتي بعبق من الجوري والياسمين

***
__________________



إلهِي أظلّنِي بـ بُذورِ الأَمل وَ حثيثِ الدّعاءْ .!
صاحبة الامتياز غير متصل   الرد باقتباس
قديم(ـة) 29-05-2011, 05:59 PM   #12
بنت قماشه
عـضـو
 
صورة بنت قماشه الرمزية
 
تاريخ التسجيل: Mar 2011
البلد: في روح اميمتي وابيي
المشاركات: 443
esy

اذا الزوج يبي يملي عليه دنيته , والله ان تشيل اللاب بكبره وترنع به الأرض


واذا هي ماش ماتابت عن النت , تبي تعرف من اول يوم اذا زوجه عادي النت والا لا ؟ فراح تتقبل غصب على فرخ خووووشااااييييماااه ... وبعدين تتعود على الفرقى , انا ماقدر على الفرقا تررييررريي هع
بنت قماشه غير متصل   الرد باقتباس
قديم(ـة) 30-05-2011, 10:02 AM   #13
• إلـيـزآبـيـث •
عـضـو
 
صورة • إلـيـزآبـيـث • الرمزية
 
تاريخ التسجيل: Jan 2011
البلد: فِيْ قَصْرِ الحُكُمْ ,, ۩
المشاركات: 226
اصلا هي ماتلقى وقت بعد الزواج ,
ويصير دخوله للنت علشان الطبخات والخلطات وأشغال الحريم وعاد إذا حملت تبدأ تفرفر بأقسام الحمل <--
أنا الصراحة ماصرت أدخل النت بكثرة عقب الزواج إلا بعد سنة ونص تقريباآ حيث ان الزوج ينشغل والحرمة بدت ترتب وضعة وتستقر ,,

وشكرآ يابعدي على الموضوع ,
__________________
.

عينآكَ بَحْرٌ والجُفُونُ شَوَاطِئٌ
والّدمْعُ أَمْوَآجُ عَلَىْ خَدّيكَ
والعَآشِقُ الوَلهَآنٌ أمْسَىْ مُبْحِرَآ
مَا أجْمَلَ الإبْحَآرَ فِيْ عَيْنَيْكَ




.
• إلـيـزآبـيـث • غير متصل   الرد باقتباس
قديم(ـة) 30-05-2011, 10:23 AM   #14
MEA
عـضـو
 
تاريخ التسجيل: Mar 2011
البلد: السعوديه
المشاركات: 286
لاعاد كلش ولا النت...مستحيل نستغني عنه
وزوجها اذا واثق منها ماراح يمنعها بس بدون تقصير ف حقوق الزوج >يعني تسحب عليه والله راح يكسره ع راسهااا خخخخخ
MEA غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 06:36 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)