بريدة






عـودة للخلف بريدة ستي » بريدة ستي » بــنــت بــريــدة » لا تفوتكم اللعبة للاذكياء فقط.

بــنــت بــريــدة بنت بريدة - القسم خاص بالنساء -- يمنع المنقول

إضافة رد
 
أدوات الموضوع طريقة العرض
قديم(ـة) 24-12-2006, 06:01 AM   #1
دلع الرياض
عـضـو
 
صورة دلع الرياض الرمزية
 
تاريخ التسجيل: Dec 2006
البلد: الرياض
المشاركات: 60
لا تفوتكم اللعبة للاذكياء فقط.

عنديلكم لعبه خطيره ورهيبه وخفيفه وكل شي حلو
واضح انها تعرف تعبر<<<<<<<<<:D
المهم هي للاذكياء فقط ولابأس بمشاركة قليلون الذكاء:D
أيقالي مب قايله الاغبياء<<<<<<<<
وهي عباره عن ذكر مثال شعبي أو عامي ويٌطلب شرحه وتفسير هذا المثل (والله الله بالامثله المعقده)
وعلى العضو اللي يشرحه ويفسره يذكر مثال
اكثر تعقيد.........

والفائز اللي ما احد يقدر يشرح مثاله .

@أتمنى تكون اللعبه أعجبتكم او اعجبتكم@


وأنا راح ابد
ماهو معنى المثل :

من راقب الناس ماتهمن



لكم جزيل شكري.





@ الله اكبر الله اكبر لا اله الا الله الله اكبر الله اكبر ولله الحمد@
دلع الرياض غير متصل   الرد باقتباس


قديم(ـة) 25-12-2006, 12:02 AM   #2
صفاء
عـضـو
 
تاريخ التسجيل: Nov 2006
المشاركات: 58
من راقب الناس مات هماً
شرح المثل يااستاذة دلع (اقول لاتصدقين)
اي الانسان ذلك المخلوق الضعيف عدونفسه (ماكني طولتاوهي قصيره)
المهم هوالذي يهتم بكلام الناس ويلغي شخصيته
انشاالله يكون شرحي صح مع اني اكثرماده اكرههاهي ماده الادب

المثل حقي -ندرو من القفه قعدوعلى اوذانها
ابأؤابلوني لوادرتو تشرحوة
صفاء غير متصل   الرد باقتباس
قديم(ـة) 25-12-2006, 12:44 AM   #3
دلع الرياض
عـضـو
 
صورة دلع الرياض الرمزية
 
تاريخ التسجيل: Dec 2006
البلد: الرياض
المشاركات: 60
لا عاد تونى با المراحل الاولى مش كدا اوي اوي
الصراحه انا ماعرفت اقراه عشان اشرحه


@الله اكبر الله اكبر ولله الحمد@
دلع الرياض غير متصل   الرد باقتباس
قديم(ـة) 26-12-2006, 04:59 AM   #4
الحسناء
عـضـو
 
صورة الحسناء الرمزية
 
تاريخ التسجيل: Nov 2006
البلد: الخلـ بريده ـــيج
المشاركات: 232
صراحه العبه حلوه بس الأمثله صعبه "ماتفهم"
طيب فيه مثل سهل " الي مايطول العنب يقول عنه حامض "
هذا الي ببالي ...
ســـــــــــلام
الحسناء غير متصل   الرد باقتباس
قديم(ـة) 26-12-2006, 06:39 AM   #5
الولهان44
عـضـو
 
صورة الولهان44 الرمزية
 
تاريخ التسجيل: Dec 2006
المشاركات: 17
أخي الفاضل
..
تمنع مشاركة الرجال
..
في غير المواضيع الجاده

آخر من قام بالتعديل بنت الشماسية; بتاريخ 26-12-2006 الساعة 01:47 PM.
الولهان44 غير متصل   الرد باقتباس
قديم(ـة) 26-12-2006, 07:16 AM   #6
المــاســه
عـضـو
 
صورة المــاســه الرمزية
 
تاريخ التسجيل: Oct 2006
البلد: فــــ الغــــربـــه ــــــــي
المشاركات: 283
يوجد شنبات
اين المشرفات :D

***********

اقتباس
الي مايطول العنب يقول عنه حامض

يضرب هذا المثل للذي لايستطيع الحصول على شي ما لانه غير قادر في تلك الحظه فيصف ذلك الشي بإنه غير مناسب وهو في الحقيقه غير قادر عليه ..

اممممممم يعني الي يشوف شي زين بس مايقدر عليه او مايقدر يملكه يقول عنه أن هذا الشي شين ..
اتوقع مثلك سهل :D

لي عوده بإذن الله بعد تحليل مثل صفاء ..

<<<< تراه مهب سأله ابوه ..
__________________
لا اله الا الله محمد رسول الله ...
المــاســه غير متصل   الرد باقتباس
قديم(ـة) 26-12-2006, 05:00 PM   #7
ح ـايلـــيـة
وقع مختلف
 
صورة ح ـايلـــيـة الرمزية
 
تاريخ التسجيل: Feb 2006
البلد: الرِيَاضْ ❤ ,
المشاركات: 5,790
حركاااااااات ..احب هاللعبة :D
اقتباس
ندرو من القفه قعدوعلى اوذانها

هذا المثل بلهجة القصمان يعني(حمبق ما ينبق)<سطرون ان فهمتوا هع

يعني معناته..زي ماتقولون..امممممممم...!!
ايه..:D <توه يوصل الارسال هع..
يعني انت وش انت توك صغيّر ويصير لك راي...

هذا تفسيره والله اعلم:D


مثلــــــــــــــــــــي..

اللي يدري يقول حلبة واللي مايدري يبحل به

يالله ورون ذكائكم:D


تحياتي..

حايليه وكرم طائيه
__________________




ما من رُوحْ ما تُروح !


ح ـايلـــيـة غير متصل   الرد باقتباس
قديم(ـة) 27-12-2006, 01:21 AM   #8
..هوجــااس..
عـضـو
 
صورة ..هوجــااس.. الرمزية
 
تاريخ التسجيل: Jun 2006
البلد: [ قصيمية الكلمات والصمت .. بريداوية الميلاد والموت ]
المشاركات: 1,474
اقتباس
اللي يدري يقول حلبة واللي مايدري يبحل به

دنــــــّي أولاااه
تخربطين علينا انتي <<<<ماعرفته وحطت حرته بتس
__________________
..هوجــااس.. غير متصل   الرد باقتباس
قديم(ـة) 28-12-2006, 06:16 AM   #9
الحسناء
عـضـو
 
صورة الحسناء الرمزية
 
تاريخ التسجيل: Nov 2006
البلد: الخلـ بريده ـــيج
المشاركات: 232
اللي يدري يقول حلبة واللي مايدري يبحل به

وش انتي حاطه ياحايليه

شكلك تقصدين المثل "اقول تيس يقول احلبه"بهذي سهله كلهم يعرفونه,,

وتفسير المثل الأول شكلك تخربطين وحنا ياعمري نصدق>> تلعب علينا

ســــــــــــلام
الحسناء غير متصل   الرد باقتباس
قديم(ـة) 28-12-2006, 11:14 PM   #10
the hunter
عـضـو
 
تاريخ التسجيل: Dec 2006
المشاركات: 1
hi woman هلا والله
the hunter غير متصل   الرد باقتباس
قديم(ـة) 30-12-2006, 12:11 AM   #11
ترانيم
عـضـو
 
تاريخ التسجيل: Jul 2005
المشاركات: 32
اقتباس
اللي يدري يقول حلبة واللي مايدري يبحل به

اتوقع هذي ياطويلة العمرررررر

انه تابع لمثلن قبله
وهو اقول تيسن يقول احلبه
وهو انه مثلا جابوا له عنز وقلوا احلبيها حلبتيها وانتهينا

واللي مايعرف يبحل بها مايدري وش يسوي هو يغسلها
يكد شعرها والا وش يسوي بالضبط<<<<< تراه ماعندها ماعند جدتي مير اسمحوا لنا

واااااا تسبديييييييييه جو اهلي من السوق مازينت قهوة
ترانيم غير متصل   الرد باقتباس
قديم(ـة) 30-12-2006, 01:13 AM   #12
فاصله
عـضـو
 
تاريخ التسجيل: Dec 2006
البلد: بيتنا وهو حصني
المشاركات: 524
«®°·.¸.•°°·.¸¸.•°°·.¸.•°®»كل عام وانتم بخير...وعيدكم مبارك ...وتقبل الله طاعاتكم «®°·.¸.•°°·.¸¸.•°°·.¸.•°®»
حايلية تهكين علينا انتي ..
اما مثالتس فاااا مسكت أجل اللي ما يعرف الحلبه يبحل به ...
خوذي انتي والغاليات هالمثل ..
(النخلة العوجا بطاطه بغير حوضه
)...
فاصله غير متصل   الرد باقتباس
قديم(ـة) 30-12-2006, 03:05 AM   #13
بنت الشماسية
مشـرفة سـابقة ..
 
صورة بنت الشماسية الرمزية
 
تاريخ التسجيل: Feb 2006
البلد: الريـاض ~
المشاركات: 3,059
أتوقع والله العالم
..
انها تشبيه بالرجل اللي يصير رايه عوج مايفيد نفسه

مثل النخله العوجا اللي تكون رطبها برى حوضها ..

بنت الشماسية غير متصل   الرد باقتباس
قديم(ـة) 30-12-2006, 04:55 AM   #14
فاصله
عـضـو
 
تاريخ التسجيل: Dec 2006
البلد: بيتنا وهو حصني
المشاركات: 524
بنت الشماسيه عليك نور
...لكن ليش حددتيها بالرجل ، لأن اي راي عوج ، ما يسهل الامور حتى من الحريم ...
لكن تصدقين معك حق لأني كثير ما أتذكر هالمثال اذا شفت الرجل اللي كرمه الأخلاقي وسخاؤه العاطفي خارج أسوار بيته ..
و النخلة العوجاء يتبطبط تمرها بحوض غيرها
..
بنت الشماسيه ما عطيتينا مثال يالسنعه ترى شرط اللعبه بعد الشرح تحطين مثال ..
شكلتس عجلتن بالحيل وانا فاضيتن بالحيل فابحط عنتس مثال وهو
(أما عجاجتن اتسيامه ، ولا ما تذرى الطحين )...
,,,الاوين كرم طائييه تتفلسف علينا؟؟,,,
فاصله غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 10:53 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)