بريدة






عـودة للخلف بريدة ستي » بريدة ستي » سـوالـيـف كـشكـولـيـة » .~" رحلة ثلاثة صيادين صباح هذا اليوم + تعليقات + بزعات "~.

سـوالـيـف كـشكـولـيـة الطرائف و الألغاز - يمنع مشاركة النساء

إضافة رد
 
أدوات الموضوع طريقة العرض
قديم(ـة) 22-04-2010, 01:53 PM   #1
الجادي المدوف
كاتب مميّز
 
صورة الجادي المدوف الرمزية
 
تاريخ التسجيل: Mar 2010
البلد: الرياض ~ بريدة
المشاركات: 2,699
.~" رحلة ثلاثة صيادين صباح هذا اليوم + تعليقات + بزعات "~.

[ للفاضيـن والذون يستمتعون بالقصص ]

بسم الله الرحمن الرحيم ،

السلام عليكم ورحمة الله وبركاته ،
الحمدلله الذي كفانا شر ذاك !!
والحمدلله الذي ساق لنا ذلك الدخَّل ويسر لنا اصطياده !
والحمدلله الذي جاب لنا ذاك اللي طلعنا !
والحمدلله الذي نجانا من تلك البزعة ! بل من تلك البزعآآت !

قبل لا أبدأ أبعلمكم رموز الموضوع :
(ي) يعني صديقي قائد المركبة
(ع) يعني صديقي الآخر اللي راكب ورى

بعد هذه المقدمة الطويلة أروي لكم قصة ثلاثة من الصيادين << ما فيه إلا واحد منهم يعرف يصيد لا ويرقل بعد مهنا ذاك الزود والبقية ينتفون الصيد < من كثر الصيد كله دخلة وسووا سالفة

تلقيت اتصالً من صديقي (ي) في عصر يوم الأربعاء 7-5-1431 هـ، وأخبرني أن هناك كشتة صيد من الساعة 10 ليلاً إلى بكرا، قلت له خلاص مهب فاضي لك اللحين أنا مشغول أبدق عليك بعدين
ودقيت عليه عقب المغرب وسألته عن بعض التفاصيل وعلمن

وبعد صلاة العشـاء والدنيا تمطر قعدت أتصفح بريدة ستي ثم تلقيت اتصالاً من (ي) يقول لي تراي عند إشارة جدك شوي وأنا عندك
قلت له طيب ، وطلعت له بعد ما دق علي مرة ثانية لأني كنت مشغول بهالأنترنت
وطلعت له ورحنا نركب حقت الكنود اللي تجي 3 مشغلات، تركب به اللي يشحن الجوال وإن بغيت كنود ،
ومن ثم أمرته بالتوجه للرومانسية
قال إني متعشي ، قلت طيب ؟!
أنا مشتهي الرومانسية متعشي أنت ولا ما تعشيت شي راجع لك
قال أبشر يا خلفهم
يوم قربنا عند الرومانسية ويشطفنا أخوي
قلت لـ(ي) إلحقه خله يجيب مفتاح البيت حقي من البيت لأني طلعت والمفتاح بالبيت
وحاولنا نلحقه لكن الأخ كان مجلعد
قلت ديور بس للرومانسية، وندخل الرومانسية ونطلب نص دجاجة شواية ورز بشوار
و4 لبن و4 ماء وبصله
واخترنا جلسة رقم 33 الظاهر أو حوله
واحتريناو لمين جاب الطلب !
تأخر ولا جاب البصل والمكيف مطفى
وسمع الكلام وجاب بصل لكن المكيف طلعنا وهو ما اشتغل من القهر

كانت النية إننا نطلع لم الطوقي بالليل ونستانس لكن صديقي (ع) كان عنده عزيمة ولاهب جاي إلا بتالي الليل
توجهنا للملعب اللي بجنب مسجد إسماعيل
وشاي وسواليف حتى جت الساعة 12 مدرينا إلا تلك الكامري التي ماغطة (مسرعة)
ومشغل الفلشر وينطل يمين ويسار وكم عقدة ويروح
ويجيب شوط ثاني وأربع عقد
المهم بدينا نتدارك وضعنا نمشي ولالا ؟!!
وجلسنا شوي ومدرينا إلا الكامري بالشارع اللي قدامنا وصلنا
قلنا يا ولد الهجة لا يقلط معن هاللحين ونشغل ونمشي
والحمدلله الذي كفانا شره !
مشينا ودقينا على خوينا (ع) قال أنا بالبيت هاللحين
قلنا اطلع من الحماس
ومريناو وتوجهنا إلى الطوقي
ووقفنا عند محطة خزام فرأينا مواتر صافة
يوم ناظرنا أثر به تخميس
فنزل اثنان من أعضاء الرحلة وجابوا المتطلبات
وكملنا الطريق ووصلنا ولله الحمد
وجلسنا بالنفود وسواليف لمين أذن الفجر وأذنت أنا << يا سعدي
وصلينا الفجر، تبون أعلمكم وش قرأ الإمام ؟
وبعد الصلاة ضفينا عفشنا ومشينا ندور الطيور
وتوجهنا لإحدى الشعبان وقمنا بعملية الصيد وصدنا دخلة وحدة !
المهم حنا أبعدنا عن السيارة وراح خوينا صاحب المركبة بيقربه
أثره تعلق ذيك العلقة اللي يحبه قلبك
ونحاول نحاول ولا طلعت ولا فكرت بنا
كأننا يأسنا قلنا محد جاينا بذا !
ودق على أخوي ولا يرد
وبعد عدة محاولات قلت عطونا العزبة وصلحت شاي
وأنا أصلح الشاي إلا وأرى ذاك الهدد
وانهبل من شدة الفرح ناديت صاحبي قلت (ي) هدد !
قال (ي ) أبوعلي فزعتكم
<< مدري منين جايب أبوعلي لكن الظاهر أخطأ من شدة الفرح
المهم وينتلنا الله يجزاو خير
وطلعنا الموتر لمكان آمن
وبدأنا بالتشاور نمشي نقعد ؟
وآخر شي صفت على إننا نمشي ومشينا
ومسكنا خط الرياض الساعة 8 ونصف تقريباً صباحاً
وحنا بطريق الطوقي راجعين معروف المسار واحد رايح جاي
جت قدامنا تريلة ! (ولست أنا سواقه)
فدخل قائدنا على المسار الأيسر !
وإذا بهايلكس مجلعد ووراو موتر آخر !!
ياللهول ماذا نفعل !!
الموت أمامنا إن لم نتصرف !
فقد نتصادم وجهاً لوجه
فقلت للقائد اصفط يساااار
ويدخل يسار
فماذا حصل ؟!!!
راعي الهايلكس انخب ومسك مساره !
ثم بعد أن تعديناهم صفطنا يمين ! وكملنا الطريق
فالحمدلله الذي نجانا من تلك البزعة
وطولنا المسير للرياض
وجدعنا كل واحد ببيته
يوم جاء بيجدعن وأتذكر إني ناسي المفتاح << ابلش
وأدق على البيت ولا رد أحد، وأدق على أخوي ويرد ويفتح لي
وكنت حاطن الشماغ فوق العقال ومتلطم وحالتي حالة
فقال لي أخوي : جاي تهريب ؟!
وقضت الرحلة
والحمدلله .

ختاماً :
أتمنى إن الجميع استانس << والله ما أتوقع على هالتفاصيل
وترى الموضوع للوناسة فقط لاغير وللاستفادة من الخبرات << واثق
ولاعمركم تبزعون ترى البزعات مهب زينة

ومع السـلامة ..





آخر من قام بالتعديل الجادي المدوف; بتاريخ 22-04-2010 الساعة 02:18 PM.
الجادي المدوف غير متصل   الرد باقتباس


قديم(ـة) 22-04-2010, 02:55 PM   #2
GIVENCHY
عـضـو
 
تاريخ التسجيل: Aug 2007
البلد: حَيثُ أكُونْ .. !
المشاركات: 7,121
محلوفن علييك تحط بكل سطر فيييس ..
__________________


http://www.buraydahcity.net/vb/member.php?u=25706
فَقْدُكَ مُوْجِعٌ يَ طيّب القلب : ( !
غفر لك يـ عبدالرحمن وأسكنك فسيح جناته .. : )
GIVENCHY غير متصل   الرد باقتباس
قديم(ـة) 22-04-2010, 03:22 PM   #3
المدلهم
عـضـو
 
صورة المدلهم الرمزية
 
تاريخ التسجيل: Feb 2010
البلد: بريدة سيتي
المشاركات: 532
الحمد لله الذي نجاك من كل هالبزعات أنت و ي و ع













.
__________________
.
..
...
....
لاإلـــــه إلا الله
....
...
..
.
المدلهم غير متصل   الرد باقتباس
قديم(ـة) 22-04-2010, 03:56 PM   #4
أبو شهـــــد
عـضـو
 
صورة أبو شهـــــد الرمزية
 
تاريخ التسجيل: Nov 2008
البلد: الــريــاض
المشاركات: 3,999
من قل الرجال صرت رجل ..

تميز يا خلفهم ..
__________________
قلت الوداع وجاوبـت دمعـة العيـن
تجـرح بساتيـن الخـدود النديـه
واغضت وشفت بعينهـا الحزن حزنيـن
وصاحت على الفرقا انـا مـو قويـه
وجاوبتها ارجـوك تكفيـن تكفيـن
والله دمعك يشعـل النار فـيّـه
وقالـت تعاهدني عـهـاد المحبـيـن
الله يخـون اللـي يخـون بخويّـه
أبو شهـــــد غير متصل   الرد باقتباس
قديم(ـة) 22-04-2010, 04:03 PM   #5
نـــــــــــــــواف
Registered User
 
تاريخ التسجيل: Apr 2010
البلد: فـيـ ربـيـع الـشـمـالــ skaka
المشاركات: 390
تميز على ايش
نـــــــــــــــواف غير متصل   الرد باقتباس
قديم(ـة) 22-04-2010, 05:15 PM   #6
[ لــمّــآح ]
مُــدَانْ
 
صورة [ لــمّــآح ] الرمزية
 
تاريخ التسجيل: Apr 2008
البلد: هُـنَـآكْ حَيْثُ الأًلَمْـ '
المشاركات: 5,629
اقتباس
توجهنا للملعب اللي بجنب مسجد إسماعيل

مسجد إسمآعيل والرومآنسية ..
الرومآنسية بالستين .. ؟!



الحمدلله على السلآمة ..
__________________
صباح الجرح يا أمتي ..
صباح الأمل بـ عينيّ قتيل ،
صباح القتيل بـ عينيّ صغير ،
صباح الفجعة بقلب أرملة ،
بصدر ثكلى وحقد حنظلة
صباح الشتات !
[ لــمّــآح ] غير متصل   الرد باقتباس
قديم(ـة) 22-04-2010, 07:25 PM   #7
D7EEM-designer
عـضـو
 
تاريخ التسجيل: Apr 2010
البلد: القصيم
المشاركات: 290
ياخي وراه (ع) ماله حس
__________________
التوقيع مخالف
D7EEM-designer غير متصل   الرد باقتباس
قديم(ـة) 22-04-2010, 09:08 PM   #8
dr.weekend
عـضـو
 
صورة dr.weekend الرمزية
 
تاريخ التسجيل: Feb 2009
البلد: جَسَدِـے هُنَا وقلبےْ هُنَاڪ،
المشاركات: 528
اقتباس
قال إني متعشي ، قلت طيب ؟!

إني متعشي أجل ..
dr.weekend غير متصل   الرد باقتباس
قديم(ـة) 22-04-2010, 09:52 PM   #9
الجادي المدوف
كاتب مميّز
 
صورة الجادي المدوف الرمزية
 
تاريخ التسجيل: Mar 2010
البلد: الرياض ~ بريدة
المشاركات: 2,699
اقتباس
المشاركة الأساسية كتبها GIVENCHY
محلوفن علييك تحط بكل سطر فيييس ..

لا ما حلف علي

اقتباس
المشاركة الأساسية كتبها المدلهم
الحمد لله الذي نجاك من كل هالبزعات أنت و ي و ع

.

إيه والله يالله لك الحمد، ولا تخاف مسلسل البزعات لن ينتهي إذا كان (ي) أحد أعضاء الرحلة فأعتقد أن شعاره ابزع تؤجر

اقتباس
المشاركة الأساسية كتبها شلّقـــــــــــة
من قل الرجال صرت رجل ..

تميز يا خلفهم ..

تسلم والله يا أبا شهد
والقـادم أحلى يا حلو


اقتباس
المشاركة الأساسية كتبها نـــــــــــــــواف
تميز على ايش

بعض الناس تقل مغصوبين يردون

اقتباس
المشاركة الأساسية كتبها [ لــمّــآح ]
مسجد إسمآعيل والرومآنسية ..
الرومآنسية بالستين .. ؟!



الحمدلله على السلآمة ..

الله يسلمك
إيه الرومانسية اللي بالستين الله يخليه
اقتباس
المشاركة الأساسية كتبها D7EEM-designer
ياخي وراه (ع) ماله حس

فرحن بجواله مغير يقلب بهالمقاطع
الجادي المدوف غير متصل   الرد باقتباس
قديم(ـة) 22-04-2010, 09:53 PM   #10
الجادي المدوف
كاتب مميّز
 
صورة الجادي المدوف الرمزية
 
تاريخ التسجيل: Mar 2010
البلد: الرياض ~ بريدة
المشاركات: 2,699
اقتباس
المشاركة الأساسية كتبها dr.weekend
إني متعشي أجل ..

أوكلمة نحوها
الجادي المدوف غير متصل   الرد باقتباس
قديم(ـة) 22-04-2010, 11:10 PM   #11
البيضة
عـضـو
 
صورة البيضة الرمزية
 
تاريخ التسجيل: Feb 2008
البلد: القصيم
المشاركات: 1,435
وش صار على القميرية(( الدخلة)) ههههههههههههههههههههه مطبوخة مع الشاهي #
__________________
ييض الصعو نسمع به ولا نشوفه !!
البيضة غير متصل   الرد باقتباس
قديم(ـة) 22-04-2010, 11:51 PM   #12
قصمنجي بحت
Registered User
 
تاريخ التسجيل: Jan 2010
البلد: يــحــول يــالـي مالـــه بــــريــــــدة
المشاركات: 386
قعدن تسولف على اخوانك الصغار
قصمنجي بحت غير متصل   الرد باقتباس
قديم(ـة) 23-04-2010, 12:13 AM   #13
ابن الإسلام
عـضـو
 
صورة ابن الإسلام الرمزية
 
تاريخ التسجيل: Jan 2002
البلد: حيث أكون
المشاركات: 2,590
ما يستفاد من القصه

يوم رحنا ويوم جينا وتعشينا وكامري يدور
وتعلقت السياره ونسيت المفتاح

شكرن كل القصة
ابن الإسلام غير متصل   الرد باقتباس
قديم(ـة) 23-04-2010, 03:58 AM   #14
عجيب!تذبحني همن عاد
عـضـو
 
تاريخ التسجيل: Mar 2010
البلد: بريده
المشاركات: 25
ياسفابي يومن قريته
عجيب!تذبحني همن عاد غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 02:10 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)