بريدة






عـودة للخلف بريدة ستي » بريدة ستي » ســاحـة مــفــتــوحـــة » مطلوب المشاركه من الجميع و بصراحه ( هل تقبل الزواج من خطيب أو خطابه )

ســاحـة مــفــتــوحـــة المواضيع الجادة ، والنقاشات الهادفة -- يمنع المنقول

موضوع مغلق
 
أدوات الموضوع طريقة العرض
قديم(ـة) 08-09-2013, 07:01 PM   #1
نصراوي عسل9
عـضـو
 
تاريخ التسجيل: May 2012
البلد: بريده سيتي
المشاركات: 227
مطلوب المشاركه من الجميع و بصراحه ( هل تقبل الزواج من خطيب أو خطابه )

السؤال للجنسين ولد و بنت هل تتزوج عن طريق خطيب أو خطابه
وماهو السبب إن كنت ترفض أو ترفضين ؟

أنا متردد تاره أقول ما فيها شي ممكن لي شروط بفتاة ما ألقاها إلا عن طريق خطيب أو مكتب
خيري موثوق هدفه جمع راسين بحلال
طيب سؤال أنا ما أعرف غير ثلاث بنات من قراباتنا يعني لا زم أتزوج حداهن ؟
الموضوع جاد إخوان وأخوات نبي المشاركه حسب قناعه شخصيا
والله يوفق شبابنا وبناتنا ويجمع بينهم بخير
نصراوي عسل9 غير متصل  


قديم(ـة) 08-09-2013, 07:22 PM   #2
مواطن شبة مغترب
عـضـو
 
صورة مواطن شبة مغترب الرمزية
 
تاريخ التسجيل: Jul 2012
البلد: القصيم
المشاركات: 230
اقتباس
المشاركة الأساسية كتبها نصراوي عسل9
السؤال للجنسين ولد و بنت هل تتزوج عن طريق خطيب أو خطابه
بالطبع لا
وماهو السبب إن كنت ترفض أو ترفضين ؟
لأن غرضهم مادي ،، وقد سمعنا قصص غش حصلت بسبب خطابة نقلت صورة غير صحيحة للرجل أو للمرأة ،، وبعضهن (ضعيفات النفوس) يحصلن على صور شخصية للبنات بقصد عرضها على الزوج المتقدم للخطبة مبدئياً
أنا متردد تاره أقول ما فيها شي ممكن لي شروط بفتاة ما ألقاها إلا عن طريق خطيب أو مكتب
خيري موثوق هدفه جمع راسين بحلال
طيب سؤال أنا ما أعرف غير ثلاث بنات من قراباتنا يعني لا زم أتزوج حداهن ؟
أمك -إحدى أخواتك - جيرانك - قريباتك ووالخ تكون حلقة وصل بينك وبين أهل زوجة المستقبل إن شاء الله ،، والبحث عن طريق أحد أفراد عائلتك (أحد الحريم القريبات لك) أفضل من شخص ليس بينك وبينه إلا هذا الموضوع وتنتهي
الموضوع جاد إخوان وأخوات نبي المشاركه حسب قناعه شخصيا
والله يوفق شبابنا وبناتنا ويجمع بينهم بخير

هذا رأيي الشخصي ، واسأل الله لك التوفيق ، وأن يبارك لكما ويجمع بينكما بخير
مواطن شبة مغترب غير متصل  
قديم(ـة) 08-09-2013, 09:57 PM   #3
نصراوي عسل9
عـضـو
 
تاريخ التسجيل: May 2012
البلد: بريده سيتي
المشاركات: 227
اقتباس
المشاركة الأساسية كتبها مواطن شبة مغترب
هذا رأيي الشخصي ، واسأل الله لك التوفيق ، وأن يبارك لكما ويجمع بينكما بخير


الله يجزاك خير على التجاوب السريع وتستاهل بستان ورد
وبالنسبه للبنت اللي تعطي الخطيب أو الخطابه صوره أكيد خبله
وبالنسبه لأهلي يعني أقول دورو على البيوت شوفو لي بنت على طلبي
أشوفها صعبه إذا فيه مصدر زي الخطيب والخطابه أو مكتب موثوق وش المشكله
وبعدين البنت ما تكلم الخطيب بالأصل أبو البنت يروح للخطيب ويقول له ترى عندنا بنت
إذا لقيت له زبون قصدي شاب صالح ترانا حاجزينه
وعسى الله يكتب التوفيق للجميع
نصراوي عسل9 غير متصل  
قديم(ـة) 09-09-2013, 03:42 AM   #4
loquacious
أمنية
 
صورة loquacious الرمزية
 
تاريخ التسجيل: Jun 2009
البلد: الرياض , وفيها بدايتي ونهايتي
المشاركات: 2,548
البحث عن زوجة عملية مش محتكره على الأهل !
انت قولهم مواصفاتك .. وياكثر اللي يدور يبي الأجر ..
ممكن امك او خواتك يسألون قريبات او جيران او صديقات .. وهكذا
ممكن تسأل أصحابك عندهم خوات او بنات عم او عمه او او ...
لا تجعل كل همّك الشكل .. ابحث عن الروح جميله الساكنه بين أرواح طيبين ..

الله يوفقك ويحقق لك مبتغاك ..
واذا تأزم حالك , احنا مستعدين نساعدك , لا نريد منكم سوى الدعاء ..
__________________
كيف السبيل إلى وصالك دُلني .. يامن هواه أعزّه وأذلني ...
loquacious غير متصل  
قديم(ـة) 09-09-2013, 11:05 AM   #5
أبو رُبـــــى
مراقب عــام
 
صورة أبو رُبـــــى الرمزية
 
تاريخ التسجيل: Feb 2008
البلد: بريدة ستي
المشاركات: 17,671
وش رأيك تخطب لي وأخطب لك ..

هج عن الخطابات كله علشان المادة .. ويمكن تقع بمشاكل
أخرى كما سمعت من أحدهم .. !!

ولا هوب شرط تتزوج من قرايبك .. لكن خل خواتك وأمك يدورون لك على بنت الحلال
من بعيد ومن قريب .. وعطهم المواصفات اللي تبي ..
ولكن تذكر كلامي ..

لن تجد المواصفات اللي تبي لأنك في النهاية تبي تمل من كثر ما يطردونك
وتقول يا معود أبي مرة تسترن .. ههههه

لكن أوصيك بوصية الرسول صلى الله عليه وسلم .. فاظفر بذات الدين تربت يداك .. !

ذات الدين تصونك وتصون نفسها وأولادها وبناتها وتربيهم على طاعة الله والوالدين ..

والله يوفقك ..
__________________
راح الزعيم اللي علينا خسارة .. اللي بحكم الله يمشي القوانين

Sense Designs شكراً
أبو رُبـــــى غير متصل  
قديم(ـة) 09-09-2013, 11:35 AM   #6
دفا..
عـضـو
 
تاريخ التسجيل: Mar 2011
البلد: !
المشاركات: 824
ما اعتقد تحصل بنت بكر عند الخطاب او الخطابه
الا في اضيق الحدود يمكن لثقتهم في الخطابه
ومع ذلك لازم تاخذ الحذر وتتعرف على العائلة



والمثل يقول اسال عن أمــــــــــة قبل تضمه ؟؟؟؟؟!!!!!



تنبيه للاعضاء

راعوا مشاعر البنات ترى التاثير ياتي من التعليق والتحطيم
بالاخير البنت اما اختك او خالتك او عمتك وعيب تجلس تستهبل
وان تناقض امور الزواج

الله سبحانه وضع العصمه بيد الرجل لسبب رجاحة عقله

موهب خفت عقله وتجلس تتميلح وتحطم بنات الناس



ولعلمكم ترى فيه بنات عشان تتزوجه حب كوعك عشان توافق عليك

مشكلة بعض الرجال يحسب اذا يبي يتزوج البنات يطيحون عليه

ياااناس اصحوا

بنات الناس محشومات ومعززات ومكرمات
موهب سيارة تشتريه ومن بكرا تقول ما ابيه


اعيد واكرر

ترى بعض الرجال يتعب ولايقدر ياخذ البنت المحترمة والله لو يدفع دم قلبه مايقدر

على هوينكم يااااشباب تفشلونا

ترى عندنا بنات بالاعضاء

متعلمات اكثر منكم ويعرفون اكثر منكم والله لو يعطونهن فرصه

بيصير اغلب الرجال الموظفين سواق عنده او مستخدم يصب لها شاي
طبعا موهب من فراغ لسبب العلم ورجاحة العقل

__________________
،
،
،
دفا.. غير متصل  
قديم(ـة) 09-09-2013, 12:10 PM   #7
تهاني...
عـضـو
 
تاريخ التسجيل: Nov 2010
البلد: ليالي نجد ♡
المشاركات: 302
اقتباس
ولكن تذكر كلامي


اقتباس
في النهاية تبي تمل من كثر ما يطردونك



اقتباس
وعطهم المواصفات اللي تبي


اجل سمعت من احدهم واضح انك خبره

سؤال / هل الدين يسجَل عندهم ~ احس كبيره كبر بريده !
تهاني... غير متصل  
قديم(ـة) 10-09-2013, 10:23 AM   #8
A-R
عـضـو
 
تاريخ التسجيل: Aug 2012
البلد: ---------
المشاركات: 65
معروف ان الرجل ما يلجأ لخطابه الا به بلاء وما لقى وحده ترضى به


A-R غير متصل  
قديم(ـة) 10-09-2013, 04:34 PM   #9
دفا..
عـضـو
 
تاريخ التسجيل: Mar 2011
البلد: !
المشاركات: 824
اقتباس
المشاركة الأساسية كتبها a-r
معروف ان الرجل ما يلجأ لخطابه الا به بلاء وما لقى وحده ترضى به



وشلون به بلا

يعني كلامك اللي عند الخطابات بهن بلا

ممكن تقولي لنا نتعلم ونستفيد
__________________
،
،
،
دفا.. غير متصل  
قديم(ـة) 10-09-2013, 06:15 PM   #10
نصراوي عسل9
عـضـو
 
تاريخ التسجيل: May 2012
البلد: بريده سيتي
المشاركات: 227
وأنا أدور موضوعي هذا ماخليت له محل وأثره بذا
وراك ماعلمتن إنك جاين بذيا , بغيت أعلن عنك
نصراوي عسل9 غير متصل  
قديم(ـة) 10-09-2013, 06:19 PM   #11
نصراوي عسل9
عـضـو
 
تاريخ التسجيل: May 2012
البلد: بريده سيتي
المشاركات: 227
اقتباس
المشاركة الأساسية كتبها loquacious
البحث عن زوجة عملية مش محتكره على الأهل !
انت قولهم مواصفاتك .. وياكثر اللي يدور يبي الأجر ..
ممكن امك او خواتك يسألون قريبات او جيران او صديقات .. وهكذا
ممكن تسأل أصحابك عندهم خوات او بنات عم او عمه او او ...
لا تجعل كل همّك الشكل .. ابحث عن الروح جميله الساكنه بين أرواح طيبين ..

الله يوفقك ويحقق لك مبتغاك ..
واذا تأزم حالك , احنا مستعدين نساعدك , لا نريد منكم سوى الدعاء ..


كلامك صح ولكن البنت المقصوده قد لا تكون قريبه من الأهل
لاقلت لاهلي قالو ( كثيرات قليلات مالقينا ومن هالكلام
أعرف شباب تزوجو عن طريق خطابين رجال والحين زي الفل
وجزيتي كل خير
نصراوي عسل9 غير متصل  
قديم(ـة) 10-09-2013, 06:25 PM   #12
نصراوي عسل9
عـضـو
 
تاريخ التسجيل: May 2012
البلد: بريده سيتي
المشاركات: 227
اقتباس
المشاركة الأساسية كتبها أبو رُبـــــى
وش رأيك تخطب لي وأخطب لك ..

هج عن الخطابات كله علشان المادة .. ويمكن تقع بمشاكل
أخرى كما سمعت من أحدهم .. !!

ولا هوب شرط تتزوج من قرايبك .. لكن خل خواتك وأمك يدورون لك على بنت الحلال
من بعيد ومن قريب .. وعطهم المواصفات اللي تبي ..
ولكن تذكر كلامي ..

لن تجد المواصفات اللي تبي لأنك في النهاية تبي تمل من كثر ما يطردونك
وتقول يا معود أبي مرة تسترن .. ههههه

لكن أوصيك بوصية الرسول صلى الله عليه وسلم .. فاظفر بذات الدين تربت يداك .. !

ذات الدين تصونك وتصون نفسها وأولادها وبناتها وتربيهم على طاعة الله والوالدين ..

والله يوفقك ..


ماعندي مانع بشرط أنت تخطب لي قبل وإذا أعرست أنا أدور لك
( ناوي يغدر ببو ربا
خطابات ما ضنيت لأني أخاف منهن
لكن خطيبين موثوقين ما أشوف مشكله أعرف كم واحد ( أثنين )
متزوجين عن طريق ( خطافين ) أقصد خطابين
وهل حين ماشاء الله عسى الله يستر عليهم حالتهم حاله
عسى الله يرزق كل شاب بنت صالحه وكل صالحه شاب صالح
وجزاك الله خير
نصراوي عسل9 غير متصل  
قديم(ـة) 10-09-2013, 06:28 PM   #13
نصراوي عسل9
عـضـو
 
تاريخ التسجيل: May 2012
البلد: بريده سيتي
المشاركات: 227
اقتباس
المشاركة الأساسية كتبها دفا..
ما اعتقد تحصل بنت بكر عند الخطاب او الخطابه
الا في اضيق الحدود يمكن لثقتهم في الخطابه
ومع ذلك لازم تاخذ الحذر وتتعرف على العائلة



والمثل يقول اسال عن أمــــــــــة قبل تضمه ؟؟؟؟؟!!!!!



تنبيه للاعضاء

راعوا مشاعر البنات ترى التاثير ياتي من التعليق والتحطيم
بالاخير البنت اما اختك او خالتك او عمتك وعيب تجلس تستهبل
وان تناقض امور الزواج

الله سبحانه وضع العصمه بيد الرجل لسبب رجاحة عقله

موهب خفت عقله وتجلس تتميلح وتحطم بنات الناس



ولعلمكم ترى فيه بنات عشان تتزوجه حب كوعك عشان توافق عليك

مشكلة بعض الرجال يحسب اذا يبي يتزوج البنات يطيحون عليه

ياااناس اصحوا

بنات الناس محشومات ومعززات ومكرمات
موهب سيارة تشتريه ومن بكرا تقول ما ابيه


اعيد واكرر

ترى بعض الرجال يتعب ولايقدر ياخذ البنت المحترمة والله لو يدفع دم قلبه مايقدر

على هوينكم يااااشباب تفشلونا

ترى عندنا بنات بالاعضاء

متعلمات اكثر منكم ويعرفون اكثر منكم والله لو يعطونهن فرصه

بيصير اغلب الرجال الموظفين سواق عنده او مستخدم يصب لها شاي
طبعا موهب من فراغ لسبب العلم ورجاحة العقل



طيب إذا مالقيت اللي أبي عن طريق أهلي خلاص ما أتزوج
وأقعد بالبيت متلطم
صحيح فيه بنات نحب عراقيبنا وأكواعنا لو نلقاهن دلنا تكفى
وابشر بهديه عطر فرنسي فاخر من أبو ريالين
الله يوفق ويجزاك خير
نصراوي عسل9 غير متصل  
قديم(ـة) 10-09-2013, 06:30 PM   #14
نصراوي عسل9
عـضـو
 
تاريخ التسجيل: May 2012
البلد: بريده سيتي
المشاركات: 227
اقتباس
المشاركة الأساسية كتبها A-R
معروف ان الرجل ما يلجأ لخطابه الا به بلاء وما لقى وحده ترضى به




طيب لو راح لخطيب يصير مابه بلاء ؟
نصراوي عسل9 غير متصل  
موضوع مغلق

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 03:37 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)