بريدة






عـودة للخلف بريدة ستي » بريدة ستي » سـوالـيـف كـشكـولـيـة » وَأَخِيرَآ وَبَعْدَ خَمْسِ سَنَوَآتْ خَرَجَتْ .....

سـوالـيـف كـشكـولـيـة الطرائف و الألغاز - يمنع مشاركة النساء

إضافة رد
 
أدوات الموضوع طريقة العرض
قديم(ـة) 23-04-2009, 12:50 AM   #1
Bleeder
[ Pharmacist ]
 
صورة Bleeder الرمزية
 
تاريخ التسجيل: Mar 2009
البلد: بريدة
المشاركات: 3,787
وَأَخِيرَآ وَبَعْدَ خَمْسِ سَنَوَآتْ خَرَجَتْ .....

السلاام علاكم

وشرايكم بالموضوع والله ياهو فخم

يصلح أحطه بالساحه >> بس انتبهوا حقوق النسخ واللصق محفوظة

المهم تحداكم وش اللي طلعت ؟؟؟ >> اخلص بسررعه

نبدأ بالسالفه

يوم كنت ورعآ صغيرا في أيام الشباب نلعب أنا وأخوي كورهـ ببيتنا

طبعا الملعب جنبه 3 نخل

وأجي وآنا متحمس أبشوت الكورهـ أبنشب الكورهـ واخوي >> طبعا الشوته بوز

طريقه الشوته كالتالي >>

أجي مطلدزن الآض همن أثبت رجلي اليمنى همن أنقز برجلي اليسرى همن أقبع الكورهـ

السالفه يوم جيت أثبت رجلي اليمنى وآثر الحركه خربت بديت أناقز من الوجع

أخوي يناظرن وهو مستغرررب

مايدري إن الشوكه دخلت برجلي

المهم وآزاعق لي شوي عند أمي بعد خمس دقايق أشوت رجلي

يوم صارت الساعه 9 بالليل إلآ والرجل تنتفخ مهيب معقوله انتفاخته

وآبدآ أزاعق من جديد >> شغلتي صارت مزاعق

وأنطلدز للموتر ويودين السائق الخاص للمركزي ويكشفون عليه ويخربطون به شوي
أحسبهم طهرو رجلي لفو عليه شاشه وقالوا لي توكل على الله

الوجع أظنه راح بعد يومين رجعت لحالتي الطبيعيه

===========

بعد ثلاث سنين من دخلت هالشوكه لعبت كورهـ ومادري وش اللي ضرب رجلي

همير تنتفخ مثل أول >> بس مهيب توجع هالمرهـ >> لآن شنبي طالع

وقعد له منتفخه حول أسبوعين ونسمت من جديد

==========

قبل شهرين من الآن انتفخت ولكنه ماتوجع انتفاخ عادي جدا

بس قبل اسبوعين صارت الورم أزررق رحت لم طبيب عظام بالآسياح

آخذ علي إشاعه وقال بنسويلك عمليه
يقول إنه مجرد تليفات بسبب تلوث الشوكه وهالخرط الفاضي

المهم قال العمليه بعد شهر لآني بآخذ إجازهـ >> رب ضارهـ نافعه

قلت هالشهر بتفرنك برجلي إن زبط فخير وبركه وإن مازبطت قدامك طريقين
إنك تروح للطبيب بعد شهر أو إنك تسوي العمليه بعد شهر

استعنت بجدتي الكريمه

قالت لي حط اطحن رشاد واغطسه بماء لين يغدي عجينه همن حطه على رجلك ولفه بشاشه يوم واحد

طبقت اللي قالته

من بكرهـ صار مكان الورم لين شوي وأجيب الإبرهـ وأنقشه الجلد لين راج شي بسيط منه

حطيت عليه رشاد مرهـ ثانيه وقعدت يومين

يوم فكيته بعد يومين ولآ أشوف العجائب

بديت أناقز من الفرحه

ناديت كل العائله الكريمه وشافون وأنا أستخرج الشوكه

طبعا الكل صفق لي واستانس صورت الشوكه وأرسلته وسائط للي أعرفة واللي ماعرفة

طبعا الشوكه حاطه بمنديل كل مالقيت أحد طلعته له ووريته اياو وقلتله السالفه

هذي صوره الشوكة






دامت حياتكم بلا أشواك

تميز + ثبيت + قوست
Bleeder غير متصل   الرد باقتباس


قديم(ـة) 23-04-2009, 01:06 AM   #2
الوابل الصيب
كاتب متميّز
 
صورة الوابل الصيب الرمزية
 
تاريخ التسجيل: Nov 2006
المشاركات: 3,185

حمداٌ لله على سلامتك يابعد معاليق خدود مدحت


أقول إلا على طاري مدحت وراك ناس ماتسير علينا بالمسابقة سير لاتقطع
__________________
كذب المرجف انا ماتقاعسنا وهُنّى || فـ أسال الإيام عنى بـ إسمنا الإقدام غنى
ياليل الظالمين ياهوان العابثين || ياضياع في السنين قد اتى الوعد المبين
بشر الناس بصبح مشرق بالبينات || وبه الفتح تجلى في بطون الظلمات
بجموع وفراد يملؤ الدنيا وداد || يملك اليوم القيادهـ رغم أنف الحاقدين
عدد زوار مواضيعي من تاريخ 1 / 1 / 1432
الوابل الصيب غير متصل   الرد باقتباس
قديم(ـة) 23-04-2009, 01:11 AM   #3
الغلا السامي
عـضـو
 
صورة الغلا السامي الرمزية
 
تاريخ التسجيل: Apr 2008
المشاركات: 959



كل هالسنين الشوكه برجلك

الحمدلله على سلامتك ياخلفهم

واحبيل جدتك بعد بلا دكتور وعمليات بلا هم

سلملي عليه



__________________


وَدَآعَــَـَـَـَـآ أَحٍبَتِــِـِـِـيْ ,,

الغلا السامي غير متصل   الرد باقتباس
قديم(ـة) 23-04-2009, 01:45 AM   #4
sultan
 
تاريخ التسجيل: Dec 2008
البلد: السعودية .القصيم.بريدة
المشاركات: 848
اجل طلعت الشوكه بنفسك وتصيح عند امك بزر عمره3سنين وحنا مادري...!؟!

على العموم شي مؤلم اههههههههههههه
__________________
سابقا:saltun

انت الزائر لردودي ومواضيعي
:p
sultan غير متصل   الرد باقتباس
قديم(ـة) 23-04-2009, 01:49 AM   #5
ولد السوريه
عـضـو
 
صورة ولد السوريه الرمزية
 
تاريخ التسجيل: Dec 2008
البلد: بروده >>تدليعه بريدة
المشاركات: 577
الحمد لله على السلامه انا بي شوكه صغيره من 5 سنوات

الصراحه موضووع فخم وكشخه
__________________
ــــــــــــــــــــــــــــــــــــــــــــــــــ ـــــــــــــــ



اجيد التطبيل لذوي العقول الفارغه..!

آخر من قام بالتعديل ولد السوريه; بتاريخ 23-04-2009 الساعة 02:02 AM.
ولد السوريه غير متصل   الرد باقتباس
قديم(ـة) 23-04-2009, 02:14 AM   #6
خوي السرور
عـضـو
 
صورة خوي السرور الرمزية
 
تاريخ التسجيل: Jan 2005
البلد: بريدة ـ الاسكان 4 شرق مسجد كعب الإحبار <<< ييزي ؟
المشاركات: 8,848
مبروك ، ماشاء الله جدك تصلح تصنع ادوية واعشاب .. تستهل ختم التهنئة بهذه المناسبة ..
__________________
في بريدة ستي .. كانت لنا أيام :

http://www.buraydahcity.net/vb/showthread.php?t=262111

( قلب حب 1 )
خوي السرور غير متصل   الرد باقتباس
قديم(ـة) 23-04-2009, 03:27 PM   #7
حبة فستق
الباش مهندس
 
صورة حبة فستق الرمزية
 
تاريخ التسجيل: Aug 2007
البلد: where I can live comfortably ~~
المشاركات: 5,070
ههههههههههههههههههههههههههههههه

اقتباس
أجي مطلدزن الآض همن أثبت رجلي اليمنى همن أنقز برجلي اليسرى همن أقبع الكورهـ

تخيلتك يالخبل
أشدف وبوز والله من النزع بالشوتة


الحمد لله على سلامك يا خلفهم
__________________
**
من المستحيل أن تعيش حياتك بالطريقة التي تحلم بها ..
لأن الحياة التي تحلم بها يشغلها أناس آخرون !
حبة فستق غير متصل   الرد باقتباس
قديم(ـة) 23-04-2009, 03:54 PM   #8
Bleeder
[ Pharmacist ]
 
صورة Bleeder الرمزية
 
تاريخ التسجيل: Mar 2009
البلد: بريدة
المشاركات: 3,787
اقتباس
المشاركة الأساسية كتبها الوابل الصيب
حمداٌ لله على سلامتك يابعد معاليق خدود مدحت

الله يسلمك يابعد معاليق إذاني

وش أبي بمعاليق مدحت والله إن معاليقك أفخم ياخلفهم >> تراو مايتمصلح

اقتباس
أقول إلا على طاري مدحت وراك ناس ماتسير علينا بالمسابقة سير لاتقطع

والله إن مسابقتك فخمه

استانست به أول ماشاركت جبت 3 نقاط صرت أحسن أحد

بس حاسة علينا الغلا السامي

ياويل أحدن يشوفه غير أبو وبل

8
8
أغديك ترسلي الآوقات اللي تحط بهن الصور

مرورك جازلي
Bleeder غير متصل   الرد باقتباس
قديم(ـة) 23-04-2009, 03:57 PM   #9
Bleeder
[ Pharmacist ]
 
صورة Bleeder الرمزية
 
تاريخ التسجيل: Mar 2009
البلد: بريدة
المشاركات: 3,787
اقتباس
المشاركة الأساسية كتبها الغلا السامي
كل هالسنين الشوكه برجلك

مادريت به إلا يوم أخذت إشاعه بالكمبيوتر
قعد يحوس برجلي لين لقاه

اقتباس
الحمدلله على سلامتك ياخلفهم


الله يسلمك ياخلفاتهم

اقتباس
واحبيل جدتك بعد بلا دكتور وعمليات بلا هم

اقتباس

سلملي عليه



يبلغ إن شاء الله

كم حسابك

مرورك ونِّسَنْ
Bleeder غير متصل   الرد باقتباس
قديم(ـة) 23-04-2009, 03:58 PM   #10
Bleeder
[ Pharmacist ]
 
صورة Bleeder الرمزية
 
تاريخ التسجيل: Mar 2009
البلد: بريدة
المشاركات: 3,787
اقتباس
المشاركة الأساسية كتبها saltun
اجل طلعت الشوكه بنفسك وتصيح عند امك بزر عمره3سنين وحنا مادري...!؟!

ياخلفهم أصيح وأنا بعمر الزهور مهوب عمري 3 سنين

اقتباس
على العموم شي مؤلم اههههههههههههه

لا والله إن ماتوجعن أبد >> إحلق شنبي اللي فرحن به

مرورك كويس يا سلطان الخير
Bleeder غير متصل   الرد باقتباس
قديم(ـة) 23-04-2009, 04:00 PM   #11
Bleeder
[ Pharmacist ]
 
صورة Bleeder الرمزية
 
تاريخ التسجيل: Mar 2009
البلد: بريدة
المشاركات: 3,787
اقتباس
المشاركة الأساسية كتبها ولد السوريه
الحمد لله على السلامه انا بي شوكه صغيره من 5 سنوات

هذي فائدهـ واحدهـ من الموضوع

الله يطلع شوكك بالسلامه

اقتباس
الصراحه موضووع فخم وكشخه

تسلم ياخلفهم على المديح

مرورك فخم وكشخة
Bleeder غير متصل   الرد باقتباس
قديم(ـة) 23-04-2009, 04:02 PM   #12
Bleeder
[ Pharmacist ]
 
صورة Bleeder الرمزية
 
تاريخ التسجيل: Mar 2009
البلد: بريدة
المشاركات: 3,787
اقتباس
المشاركة الأساسية كتبها خوي السرور
مبروك ، ماشاء الله جدك تصلح تصنع ادوية واعشاب .. ..

الكشف عندهـ بــ 500 ريال ولآنك مشرف ببلاش

اقتباس
تستهل ختم التهنئة بهذه المناسبة

تسلم ياخلفهم

الفرحه صارت فرحتين

تهنئتك زادت الصفحة إشراقا
Bleeder غير متصل   الرد باقتباس
قديم(ـة) 23-04-2009, 04:07 PM   #13
Bleeder
[ Pharmacist ]
 
صورة Bleeder الرمزية
 
تاريخ التسجيل: Mar 2009
البلد: بريدة
المشاركات: 3,787
اقتباس
المشاركة الأساسية كتبها حبة فستق
ههههههههههههههههههههههههههههههه



تخيلتك يالخبل
أشدف وبوز والله من النزع بالشوتة

كل هالموضوع وآخرته خبل
تراي موب أشدف أشوت بكل الرجلين

اقتباس
الحمد لله على سلامك يا خلفهم

الله يسلمك ياخلفهم

عاد يالله وش نحط مرورك

مرورك خلفهم ياخلفهم
Bleeder غير متصل   الرد باقتباس
قديم(ـة) 23-04-2009, 04:19 PM   #14
R.B.j
عـضـو
 
تاريخ التسجيل: Mar 2009
المشاركات: 282
ههههههههههههههههههه
هههههههههههههههههههههه

ماشاء الله عليك ولك خمس سنين مقرط ولاحتسيت عن اللي برجلك
الله يخلف عليك بس

عاد هانت عليك الشوكة تكرشه من رجلك ذي عشرة عمر .. كانت معك بالسراء والضراء<<أعجبتن ذي

ماتشوف شر
والحمدلله على سلامتك
R.B.j غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 05:50 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)