بريدة






عـودة للخلف بريدة ستي » بريدة ستي » سـوالـيـف كـشكـولـيـة » يوميات902

سـوالـيـف كـشكـولـيـة الطرائف و الألغاز - يمنع مشاركة النساء

إضافة رد
 
أدوات الموضوع طريقة العرض
قديم(ـة) 13-03-2002, 07:00 PM   #1
الريف
عـضـو
 
تاريخ التسجيل: Feb 2002
البلد: الرياض
المشاركات: 13
يوميات902

يوميات موضف 902
هذه قصة موظف يعمل في شركة الاتصالات السعوديه وانا لمن قرأتها في احد المواقع قلت أبغا اخليكم تقرؤها وانشالله تعجبكم
...........................


انااكتب لكم هاللحين معناتي ومدري هوانااكتب بالكيبورد ولاالكيبورد يكتبني
انااشتغل في 902 شركة الأتصالات السعوديه ..الجوال

في صباح كل يوم مشرق اقوم مصحص ومبسوووط واضحك وفرحاااااااان ،، وافطرواروح للعمل

في طريقي للعمل اسوق سيارتي اللي تحتضنها شوارع الرياض..اللي مافي امل تلقى فيها مطب اوقف عنداول إشاره واشوف عربجيه،دينه،محمله عمال !! واصيح بأعلى صوتي واااااااو ياالله هنووود ياحليلهم

واقعداتأمل هالهنود واحس بمشقة الحياة في وجوههم واحس ان لذة الحياة في مشقتها وتعبها والسعي وراء لقمة العيش...يلعن كذا

وبعدماتولع الأشاره خضرا ادوس بنزين بكل هدوء واوقف عند الأشاره الثانيه واشوف هايلكس اللي يسوقه شايب ومعه عجوزه وثالثهم تيسهم والشايب مسوي حفريات

واجلس اتأمل! كيف جار الزمان على هذا الشائب الكبير

واسئل نفسي ياولد تتوقع انك بكرى تكون شايب؟؟

لالالالالالا بسم الله علي

الله ياخذني قبل مااوصل ال 60

المهم اوصل للشركه وادخل للقسم

بعدكذا البس السماعه وانتظر اول إتصال في صباح هذا اليوم المشرق

ترن ترن ترن ترن

انا:الجوال...طلال ال؟؟!!!.....السلام عليكم

هو:لاهلا و لا مرحبا انتم يوم انكم تقطعون جوالي ليييييييه؟؟

انا:يالله صباح خير..اخوي اكيد ماسددت راجع فاتورتك

هو:الله يفتر عظامك بلا الله يفتر عظامك ياقليل الحيا

مااقدر اهاوشه لأن الخط مراقب

انا:اخوي عطني رقمك اتأكد من فاتورتك

هو:خوى جنمبك بلى خوى جمبك انت ماتعلمني وش تبي برقمي ياللي ماتستحي؟؟ بعدين كيف ماتعرف رقمي وانامشتريه منكم بعشرتلاف الله لايحللكم ولايبيحكم..طوط طوط طوط

........................................


الأتصال الثاني صوت ناعم

انا:الجوال..طلال الفلاني...السلام عليكم

هي:مرحباا طلال صباح الخير تراني مدرسه بحي الريان وعندنا بنات من عائلتكم

انا:اختي لو سمحتي وش بغيتي؟؟

هي:بسم الله الرحمن الرحيم اقول يااآخ وش فيك زعلان؟؟

انا:اسف اختي اناماني زعلان بس عندي اتصالات كثيره

هي: ههههههههه منتب عاقل يارزان مغربي

انا ميت من الضحك بس مااقدر المكالمه مراقبه : اوكي اختي شكرا على اتصالك

طوط طوط طوط

.................................


المكالمه الثالثه ولد فاهم ودمه خفيف

انا:الجوال..طلال الفلاني...السلام عليكم

هو:هلا طلووووول ياعسل باختصار شديد ابي اعمم الجوال انت عارف الصيف جا ولازم نسافر ولازم نعمم الجوال افرض احد يبينا منا ولامنا انت عارف

انا:اوكي اخوي معك البطاقه؟؟

هو:يارجال مابينا بطايق دوك الرقم 05440000000

انا:اسف اخوي مااقدر اخدمك الا ببطاقه

هو:والله ماهقيتها منك ياطلال...خخخخخخخخ ماهقيت ان البراقع يفتتني خلاص ابفطر واتصل عليك مره ثانيه عشان الجوال بسم الوالد ولامعي بطاقته خخخخخخ بعدين تعال لاتخلي خويك ثقيل الدم يرد علي تراني مادانيه بعيشة الله !!! اسمه عبدالله

انا:شكرا اخوي على اتصالك

طوط طوط طوط
...............................

ومره كنت مستلم الورديه باخر الليل واتصل علي واحد شكله كان سكران وتوه صاحي

انا:الجوال ..طلال الفلاني السلام عليم

هو:آآآآآآآآآآآآآآآوووووووووووووه،يتثاوب، هلا طلال متى يذن الفجر؟؟

انا :حلوه ذي؟ يابوالشباب متصل على الجوال عشان تسئل هالسؤال ؟؟

هو:معليش والله مامعي ساعه ولاابي اتصل على ساعة الهاتف عشان ماتاخذون ربع ريال

انا:الساعه 1:30 شكرا على اتصالك اخوي
.........................
ومره كلمني واحد يسئلني عن نتيجة الهلال والنصر ومن فاز ..لأنه كان نايم ولاشاف المباراة

والمواقف اللي تصير كثيييييييييييير كثييييييييير والاحراج اللي يصير من بنات وشباب اكثر واكثر

ولو بنعطي الموضوع ثلاث صفحات ماخلصنا

على فكره ترى القصص كلها صدقيه والله وحاصلتلي شخصيا

بس الحمدلله نقلت من 902


للبــــــعض..
902 هي مركز خدمات مشتركي الهاتف الجوال في السعودية





أخــــــــــــــــوكــــــــــــــم
الـــــــــــــــــــريـــــــــــــف

:D :D :D :D :D :D
__________________
الر يـــــــــف
الريف غير متصل   الرد باقتباس


قديم(ـة) 14-03-2002, 02:38 AM   #2
&..@الخطير@..&
عـضـو
 
تاريخ التسجيل: Feb 2002
البلد: الصومال
المشاركات: 275
؟؟؟؟؟؟؟؟؟؟؟؟؟؟؟؟؟؟؟؟؟

منقول
منقول
منقول
الموضوع منقول %100
انا كني قاري الموضوع قبل
بس انهم الاستعلامات..........905
؟؟؟؟؟؟؟؟؟؟؟؟؟؟؟؟؟؟؟؟؟؟
ــــــــــــ________ــــــــــــــ
ولا انا غلطان.........؟
&..@الخطير@..& غير متصل   الرد باقتباس
قديم(ـة) 16-03-2002, 01:04 AM   #3
الريف
عـضـو
 
تاريخ التسجيل: Feb 2002
البلد: الرياض
المشاركات: 13
نـــــــــــــــــــــــــــــــــــعـــــــــــــ ـــــــــــــــــــم

كتبته في منتدى المواضيع المميزه



أخــــــــــــــــــوك
الـــــــــــريـــــــــف
__________________
الر يـــــــــف
الريف غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 01:46 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)