بريدة






عـودة للخلف بريدة ستي » بريدة ستي » سـوالـيـف كـشكـولـيـة » اياااااااام التسدح على القنــــــــــــاة الاولىـــــــــــــ

سـوالـيـف كـشكـولـيـة الطرائف و الألغاز - يمنع مشاركة النساء

موضوع مغلق
 
أدوات الموضوع طريقة العرض
قديم(ـة) 23-11-2009, 08:42 PM   #1
البرنسسسسسسسسسسسسس
عـضـو
 
صورة البرنسسسسسسسسسسسسس الرمزية
 
تاريخ التسجيل: Nov 2009
البلد: بريدة
المشاركات: 3
اياااااااام التسدح على القنــــــــــــاة الاولىـــــــــــــ

هلا والله وغلا فيكم يالله ان تحييهم


المهم انا اليوم سالفتي ياطويلين العمر عن القناة الأولى

ياحبي لها بالتلفزيون السعودي ايام الطفولة والبراءة
:
:
:
يوم كنت صغير كنت أقوم مع العصافير

وأجلس قداام التلفزيون قبل ماتفتح القناة الأولى اشووف الألوان كانها فوطة الوالد الله يطول بعمره
0000000

وبعدها أجلس أغني بصوتي العذب
مع السلام الوطني << ياعيني عالوطنيه

بعد السلام الوطني أجلس احتري القــرآن يخلص واذا خلص قلت صدق الله العظيم << هذا اللي حفظته
واذا بدا الكرتووون أرووح فيها وافتح هالكشره

وماسكرها الا اذا قطعوا علي الفيلم وقالو الإعلانات التجاريه
يرفعوووووووون الضغط

المهم انا اجلس اقلب لي مجلة ماجد الين تخلص هالإعلانات


المهم بما اني مدمن افلام كرتون ايام الطفووله ولي ذوقي الخاص << اقوول اعقل يالكبير

<< احلى ياذووووووق بس لاينط لك عرق
اخترت لكم بعض الافلام اللي حفظتها صم من كثر ما شوفها

(( الكابتن ماجد ))

مدري وشلون يتشقلب في الهوا كم قلبه وبعدها يسدد الهدف
ويطيح عالارض ومايجيه شي ماشاء الله<< مصدق
يلعن بليسه كل ماجيت العب كوره ابتشقلب مثله مايمديني ارفع رجلي الا واهبد عالارض
والا حركة التوأم منير وأنور اللي كأنهم قرووود هههههههههههههههههههههههههه
بس اللي مشينها اننا عارفين انه فايز فايز بالمباراه حتى لو بأخر ثانيه يسجل ثلاث اهداف المهم يفوز
بس والله كنت اتحمس معه تحمس مهوب طبيعي واقعد ارفس اللي قبالي

((بشار))

هالفاهي اسميه ( بيض عيووون) جابلي الضغط وانا صغير
على كبر عيوونه امه تمر من جنبه ومايشووفها
وانا عاد من زود التحمس اصااااااارخ اقوله امك ياغبي التفت الي يشووفني يقول يسمعني


والله حلقه وهو يدووووور امه


((سـالـي))

عاد تجيكم سيدة الشاشه الكرتونيه سالي يالبلى قليبها >> والله انها مزيونه
هالبنت قطعت قلبي
حته حته من تبدأ الحلقه ا لين تنتهي وانا صياح واهلي يجون يسألوني
وشفيك من طقك فيك شي يوجعك وانا مانيب يمهم دموعي اربع اربع
بس كانت تقهررررني بشي واحد
يهااوشونها وهي ساااكته ويكرفونها وهي منطمه
ولاعاد تجيكم بنت التسلب آنسه منشن ياكرهي لها هالنجسه

((هـايـدي))

عاد هاذي اللي صدق بعدو عني اذا جت اخش جووو بقووه ولعلمكم ترى هالايام الظهر تجي في القناة الأولى
هايدي فتاة جبال الألب والعنزااات والخرفااان
ياحبي لها هي وبيتر
كلير <--- المشلوله الحمدلله ابشركم مشت
وجدها الشديد <-----<-----بس اخر الايام هجدت شياطينه صار حليل
وجدت بيتر العجوز المنتهيه
ولا تهون عنزتها ويكي
بس تقهرني هايدي اذا فصخت الحياء و فصخت فستانها وراحت تطامر مع بيتر فوق التلال>> واخزياه


((عدنان ولينا ))<<< ياعيني عالرومانصييييه يانااس
هذاا للحين عندي اشرطته من اول شي الى اخر شي
عدنان ذا الي من اول حلقه ماغير لبسه واخر حلقه تكشخ وجاب العيد
ههههههههههههههههههههههههههه
والا صديقه عبسي (للمعلوميه عيارتي يوم اني صغيرعبسي لانه هو قدوتي في تسريحات الشعر)<===امحق قدوه
ههههههههههههههههههههههههههه
وهو كشته وماغير دايم اصبعه بخشمه
<<<< ترى بهالشي مهوب قدوتي
هههههههههههههههههههههه
ولينا ذي الحساسه مهيب مثلنا خاليات من الاحساس والدسم
وعلام الشرير
ياكرهي له هو وجهه المربع
والا احلى شي لما انطق عدنان بدل عبسي وحمًرت .....

الله يادنياا الحين كبرنا وصرنا نتابع الأفـلام وتوم كروز وأفـلام هنديه وشاروخ خان خخخ

مير الحين القناة الاولى مانقرب حولها (بس انا فيني وطنيه شوي احب اشوف الاخبار )
ههههههههههههههههههههههههههههه
المهم مالكم بالطويله بس حبيت اعيد ذكريات الماضي << احلا يالماضي
وايام الطفوله التي لنا انساها ولن انسى ابطالها
<<< لايكثر هرجي>>>

بـــس اللحين تتطوورت وصــرت اتاابع mbc


وشكراً على حسن أستماعكم وأنصاتكم


منقوووووووووووووول
البرنسسسسسسسسسسسسس غير متصل  


قديم(ـة) 23-11-2009, 08:50 PM   #2
أبو شهـــــد
عـضـو
 
صورة أبو شهـــــد الرمزية
 
تاريخ التسجيل: Nov 2008
البلد: الــريــاض
المشاركات: 4,003
اقتباس
منقوووووووووووووول

متحمس الذيب ..
__________________
قلت الوداع وجاوبـت دمعـة العيـن
تجـرح بساتيـن الخـدود النديـه
واغضت وشفت بعينهـا الحزن حزنيـن
وصاحت على الفرقا انـا مـو قويـه
وجاوبتها ارجـوك تكفيـن تكفيـن
والله دمعك يشعـل النار فـيّـه
وقالـت تعاهدني عـهـاد المحبـيـن
الله يخـون اللـي يخـون بخويّـه
أبو شهـــــد غير متصل  
موضوع مغلق

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 06:51 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)