بريدة






عـودة للخلف بريدة ستي » بريدة ستي » سـوالـيـف كـشكـولـيـة » ( وفّـــر ) للسعوديين فقط ..

سـوالـيـف كـشكـولـيـة الطرائف و الألغاز - يمنع مشاركة النساء

إضافة رد
 
أدوات الموضوع طريقة العرض
قديم(ـة) 02-05-2009, 12:48 AM   #1
الضَمَـادَا ®
صورة عـابرة ~ ذذ
 
صورة الضَمَـادَا ® الرمزية
 
تاريخ التسجيل: Jun 2008
البلد: ~ Buraydah City
المشاركات: 4,563
( وفّـــر ) للسعوديين فقط ..


( وفّـــر ) للسعوديين فقط ..

..



..

والله يا إعيال أن العالم هكوا علينا حنا يا السعوديين ,.


..

شف الصورة وأحكم :

هذا العرض بإلكترو طريق الملكـ عبدالله ,.







هاه وش رايكم من 15 ألف إلى 5 آلاف ..

والله يا هم أكبر نطوولين بالعالم ,.

يعني 10 آلاف راحت [BLINK]بالهَبَنّي[/BLINK] ,.


..

ولا شفت اللاب توب ياهو يجيب المرّ ..

لونه أزرق ويبلص ,.

والله أنكـ تعاف نفسكـ لا شفته ,.

..

معليش بروح أنام لأن بكرا دراسة والنوم جان

و لأن أستاذي يقوول :

اللي ينام مبكر يقوم مبكر ,.



فمآن الله ..

للمعلومية : لا يوجد لون لم يستخدم في الموضوع ,.

أوووهـ بكرا أول يوم بالدراسة ,.




__________________

صوت ليس فيه كلفة + كلمات صادقـة = :eek5



الضَمَـادَا ® غير متصل   الرد باقتباس


قديم(ـة) 02-05-2009, 12:57 AM   #2
وسيـع صدر
عـضـو
 
تاريخ التسجيل: Jun 2008
المشاركات: 125
وتوك تدري أن السعوديين مهك
لاطرالهم التجار قالو تخفيضات !
حلووووة هذي
هذي ميب اسمه تخفيضات اسمه سرق على خفيف
لأنه أول سرق بعنف

لمعلوميتك كرتون التفاح يباع بالامارات ب12 ريال سعودي
مر باتسر الجردة وشف بكم يقولون لك
هذا نموذج بسيط والخافي اعظم
وسيـع صدر غير متصل   الرد باقتباس
قديم(ـة) 02-05-2009, 01:04 AM   #3
الضَمَـادَا ®
صورة عـابرة ~ ذذ
 
صورة الضَمَـادَا ® الرمزية
 
تاريخ التسجيل: Jun 2008
البلد: ~ Buraydah City
المشاركات: 4,563
أيه أجل بالإمارات أرخص :

أغدينا باتسر نسير على الإمارات وناخذ لنا كم كريتين ,.

هاهـ تبي حبه على الطاير ,.


.. سالفه ..

اليوم رحت أنا و أهلي لأحد الأسواق و لقوا بيالات زينة ويسألون راعي المحل بكم هوبه :

قال : على واحد وأربعين ..

و أنا أجي و أشوف البيالات وأتذكر أني كد شفت مثلهن على 12 ريال من محل أبو ريالين ..

..

من مزايا محل أبو ريالين :

أنه أول مافتح كل شي رخيص وفضح المحلات اللي يبيعون التقليد وصاروا الناس يشرون منه ..


تحية للي وسيع صدره ,.
__________________

صوت ليس فيه كلفة + كلمات صادقـة = :eek5



الضَمَـادَا ® غير متصل   الرد باقتباس
قديم(ـة) 02-05-2009, 01:07 AM   #4
وسيـع صدر
عـضـو
 
تاريخ التسجيل: Jun 2008
المشاركات: 125
اللي مثلهن ب12 اكيد رديات
الزين غالي
هذي ثقافة الحريم ,,

وهذا اللي خلا تجارنا يسرقون براحة وطمأنينة

تحية للي اسمه الضمادا يعني الخوي على قولة جدته
<== مهوب فضيحة أبد
وسيـع صدر غير متصل   الرد باقتباس
قديم(ـة) 02-05-2009, 01:22 AM   #5
الضَمَـادَا ®
صورة عـابرة ~ ذذ
 
صورة الضَمَـادَا ® الرمزية
 
تاريخ التسجيل: Jun 2008
البلد: ~ Buraydah City
المشاركات: 4,563
اقتباس
اللي مثلهن ب12 اكيد رديات
الزين غالي
هذي ثقافة الحريم ,,

والله إنكـ صاتز ومثل ما قالوا الرخيص مخيس ,.

ومن هالقبيل بدوا الحريم بعد يهكون علينا ,.

اقتباس
مهوب فضيحة أبد

الله يهديكـ بس أخاف أخاويكـ ثمن تخربن ..

..

كم أنا متشوق ليوم غدٍ كي أملأ جعبتي من العلم وكي أنفع وطني ..

وسيع الصدر ..

أسع صدركـ طول الدهر تكون هنيئا >>خذ الحكمة من براطم المتبجحين .,
__________________

صوت ليس فيه كلفة + كلمات صادقـة = :eek5




آخر من قام بالتعديل الضَمَـادَا ®; بتاريخ 02-05-2009 الساعة 01:34 AM.
الضَمَـادَا ® غير متصل   الرد باقتباس
قديم(ـة) 02-05-2009, 04:45 AM   #6
لك شو هيدا الحتسي
عـضـو
 
صورة لك شو هيدا الحتسي الرمزية
 
تاريخ التسجيل: May 2009
البلد: بريده <فديته
المشاركات: 223
ههههههههههههههههههههههههههههههه
لقيننا يهكون علينا
مشكوووووووووووووور
لك شو هيدا الحتسي غير متصل   الرد باقتباس
قديم(ـة) 02-05-2009, 01:48 PM   #7
خوي السرور
عـضـو
 
صورة خوي السرور الرمزية
 
تاريخ التسجيل: Jan 2005
البلد: بريدة ـ الاسكان 4 شرق مسجد كعب الإحبار <<< ييزي ؟
المشاركات: 8,848
البلد فيه مشاكل !!
__________________
في بريدة ستي .. كانت لنا أيام :

http://www.buraydahcity.net/vb/showthread.php?t=262111

( قلب حب 1 )
خوي السرور غير متصل   الرد باقتباس
قديم(ـة) 02-05-2009, 02:00 PM   #8
.:القيصر:.
عـضـو
 
صورة .:القيصر:. الرمزية
 
تاريخ التسجيل: Mar 2009
البلد: boridah
المشاركات: 1,709
[كم أنا متشوق ليوم غدٍ كي أملأ جعبتي من العلم وكي أنفع وطني :096

هههههههههههههههههههههههههههههههههههههههههههههههههه ههههههه
__________________
[URL="http://www.buraydahcity.net/vb/showthread.php?t=188006"]آآآفضل موضوع بالعالم[/
.:القيصر:. غير متصل   الرد باقتباس
قديم(ـة) 02-05-2009, 02:02 PM   #9
الضَمَـادَا ®
صورة عـابرة ~ ذذ
 
صورة الضَمَـادَا ® الرمزية
 
تاريخ التسجيل: Jun 2008
البلد: ~ Buraydah City
المشاركات: 4,563
اقتباس
البلد فيه مشاكل !!

صحيح يا أبويا ..

..

تسنه جاب شيء جديد .,


__________________

صوت ليس فيه كلفة + كلمات صادقـة = :eek5



الضَمَـادَا ® غير متصل   الرد باقتباس
قديم(ـة) 02-05-2009, 02:12 PM   #10
MEHWAR
عـضـو
 
تاريخ التسجيل: Oct 2008
المشاركات: 1,690
اقتباس
المشاركة الأساسية كتبها خوي السرور
البلد فيه مشاكل !!

انت تعني البلد لالا هين البلد مافيه اي مسكله كللووه كويس

بس الواطن في مسكله تسبيره << انقلب من بنقالي الى خبوبي

اجل انت تسمع الحريم اذا وديتهن للسوق

مادري وشو عليه تخفيض يقلون تخفيض 70 % ومحل .. على تخفيض 55.55%

يلهه عاد خذ من ذا التوليف

المشكله الحريم مصدقات

واذا رجعن من السوق يقولن الا ماشاء الله ذاا صدز مخفض

ذيك البلووزه بس ب20 ريال << عاد تلقا راعي المحل جايبن له 5 اشيا رخيصات

والحريم يحسبنه صدز منزلن السعر

بعدين تروح للي تعرفهم تقول ايه ماشاء الله ذااك منزلن 70% بالمييه

يعني الي ب100 منول خلوه بس20 ريال <<< فاهمتن غلط
__________________
.


قال علي بن ابي طالب رضي الله عنه ( البر شيء هين: وجه طليق ولسان لين. )

.
MEHWAR غير متصل   الرد باقتباس
قديم(ـة) 02-05-2009, 02:25 PM   #11
الضَمَـادَا ®
صورة عـابرة ~ ذذ
 
صورة الضَمَـادَا ® الرمزية
 
تاريخ التسجيل: Jun 2008
البلد: ~ Buraydah City
المشاركات: 4,563
^^

اللي يهوّل أن الكمبيوتر اللي مصورّه منول بخمس طعش ألف واللحين أربع ألاف و تسعين ,.

يعني العشرة وينه ,.
__________________

صوت ليس فيه كلفة + كلمات صادقـة = :eek5



الضَمَـادَا ® غير متصل   الرد باقتباس
قديم(ـة) 02-05-2009, 04:51 PM   #12
الإخطبوط المرعب
عـضـو
 
صورة الإخطبوط المرعب الرمزية
 
تاريخ التسجيل: Jun 2008
البلد: بريدة
المشاركات: 543
انا نفسي اعرف وشوله 4.999

وراه ماقال 5000وخلصنا
__________________
الإخطبوط المرعب غير متصل   الرد باقتباس
قديم(ـة) 02-05-2009, 05:28 PM   #13
مـغـتـرب
.. فُــرٍجَـــتْ ..
 
صورة مـغـتـرب الرمزية
 
تاريخ التسجيل: Nov 2008
البلد: خارج الخدمة مؤقتا-أعتذر
المشاركات: 3,100
ياحبيبي يالضمادا

معروف ان الزين غالي

والتاجر ماقصر جدع هالعشرة آلاف تعاونا مع المواطنين ومراعاة لهم...
__________________
سبحان الله وبحمدهـ
مـغـتـرب غير متصل   الرد باقتباس
قديم(ـة) 02-05-2009, 06:04 PM   #14
دار حاتم
عـضـو
 
صورة دار حاتم الرمزية
 
تاريخ التسجيل: Jun 2006
البلد: مع نبع الحنان بصين خروشيما خروشيما بلاد التمور
المشاركات: 573



انا ما يدبل سسبدي.,
غير هالحريم. مع احترامي وتقديري لي امي العزيزه احسهن بسوق ما معهن عقل يادافع البلاء منثرات مهن مصدقات انهن بسوق الا امي وامهاتكم واخواتكم وحريمكم <- ماخليت احد

والوالده الله يحفظها حـآلفه اني ما أروح معها لسسوق.,,
كل شوي نـآقز لهـآ., نقزات يلعبون عليتس يا ميمتي .,[ أنزززززززح ورآك] هع هع

\
وع الطاري اذكر رحت للمدينه انا واهلي .,
وعقب الصلاه مرينـآ ع حقين المحلات .,
ولقيت للعبه حليله ـه ج ـآزتلي قلت خلني افرح صدر هالوغد الي عندنا
قلت كم هاللعبه قال ثتين 3ريال.,؟! عــوذه
قلت ولحالها طيب قال بريال ., يا حليلك[ مـآر عينك عينك] شاريها بلجمله ويربح خمس ريال <- خبره

قلت مـآبيه : قال ماتحصل كلهم بنفس السعر .,
قلنا اها مانبيه ونلاقي بسعره احسن
وينشبوون بحلقي المدام : وش بلاك خذه كله عشان الريال قلت ايه عشان ريال
والله ندور من اخوياه الي سافطين ., وانا القاء نفس اللعبه بنفس سعره ع ريال
وينبسط احجاجي\ والتفت علي الحرمه قلت هـآه ما صدقتيني ., هذولا العاب اشلون لو هو المـآس
وش رايتس أرجع واقوله [ حمقريره ., حـرررره ع سبدك] بس رحمته عقب



اي والله مالكم بطوله
حلها راعي الموضوع والله احس اني ثقيل عقب هالقصه
دار حاتم غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 01:17 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)