بريدة






عـودة للخلف بريدة ستي » بريدة ستي » سـوالـيـف كـشكـولـيـة » كل هذ يجي منك ياللولو..؟ مسكين يالدحمي..!

سـوالـيـف كـشكـولـيـة الطرائف و الألغاز - يمنع مشاركة النساء

إضافة رد
 
أدوات الموضوع طريقة العرض
قديم(ـة) 18-02-2011, 01:48 AM   #15
GIVENCHY
عـضـو
 
تاريخ التسجيل: Aug 2007
البلد: حَيثُ أكُونْ .. !
المشاركات: 7,121
انا مادري أضحك على موضوعك ذا ولا الي بالساحة
<= على العموم حصل خير



* أشم في طرحك سخريه لبعض الأسماء
<== أجل أشم هههههههههههههههههههههههههههههههههههههههههههههههههه ياحبيلك ياجناح
__________________


http://www.buraydahcity.net/vb/member.php?u=25706
فَقْدُكَ مُوْجِعٌ يَ طيّب القلب : ( !
غفر لك يـ عبدالرحمن وأسكنك فسيح جناته .. : )
GIVENCHY غير متصل   الرد باقتباس
قديم(ـة) 18-02-2011, 03:18 AM   #16
مدير دبرة
عـضـو
 
صورة مدير دبرة الرمزية
 
تاريخ التسجيل: Feb 2011
البلد: ديرة ماثلها ديرة
المشاركات: 249
اقتباس
المشاركة الأساسية كتبها givenchy
انا مادري أضحك على موضوعك ذا ولا الي بالساحة
<= على العموم حصل خير



* أشم في طرحك سخريه لبعض الأسماء
<== أجل أشم هههههههههههههههههههههههههههههههههههههههههههههههههه ياحبيلك ياجناح


لالالالا مالك حق جالكسي..
انت شكلك ودك تنكبنا....
وما ادري اي موضوع تقصد اللي بالساحة...؟
حق الاختلاط...
والا حق الطلاق..؟؟

اذا على الاول
فشكلي الله واعلم بهون عن رايي
لان المكان اللي مابه حريم..... احسه احلى... وازين
لان الحريم... مشكلتهم مشكلتين
الاولى انك منتب قادر تدري وش يبون
والثانية ان الواحد يقعد يتميلح بعض الاوقات عشان يصير وش زينه..

وعلى الاسماء
قلت ابعد عن نسرين ونها ورشا.. لان اكثر بنات هالوقت هذي اساميهن
والدحمي.. يبقى اسم تحفه .. يصلح لمثل هالمواقف..

تسلم اخوي جالكسي...
مدير دبرة غير متصل   الرد باقتباس
قديم(ـة) 18-02-2011, 03:37 AM   #17
مدير دبرة
عـضـو
 
صورة مدير دبرة الرمزية
 
تاريخ التسجيل: Feb 2011
البلد: ديرة ماثلها ديرة
المشاركات: 249
والله اني خايف ان تتحول سالفة دحومي ولولي الى مسلسل مكسيكي..
بس لازم ساعتها نغير اسم دحومي الى دحمونتياوا ولولي الى اسم لوليتانا عشان تمشي مع المسلسلات المكسيكية..
وطارين لي ان ازود الرومانسية شوي في السالفة..
عشان اذا فكرنا نحولها مسلسل تركي نلقى شي لمهند ويحي ونور ولميس يهكون به على البنيات اللي ماغير مصدقات اعمارهن وهن يشوفن هالحب والحبيب..
بس اني محتار وش اختار اسم لدحومي ولولي.. ؟
لان اسامي الاتراك حلوه.. ورومانسية.. يعني نقول دحند.. ينفع.. ولوليس.. فيها شبه من مهند ولميس..

طيب .. طيب
داري اني ابعدت عن الموضوع .. بس وش اسوي هذا طبعي
الشباب يقولون لي لاعمرك تسولف علينا ابد.. لاننا مانفهم وش ودك تقول..
ماغير تدخل بنا لسالفة وتطلع بنا لسالفة ثانية.. وبالاخير ما نستفيد شيء..
ماغير تصج آذاننا وتدوخ روسنا..

المهم شكلكم متحمسين تبون تدرون وش سوى دحومي ..
وعلى فكرة ترى دحومي مهب هين.. وذهين قوة.. وماتمشي عليه هالحركات..
وحنا يوم بمتوسط كنا نسميه أرخميدس خب العوشزية..
لانه ماشاء الله عليه كل مانسبح ببركة والا مسبح تجيه فكرررة خطيرة.. وجهنمية..
اذكر ذاك اليوم كنا نسبح ببركة استراحة واحد من الشباب .. وكان الوقت مسيان..
فجأة لاحظت دحومي يناظر فوق.. وسااااهم... ويوم ركزت فيه.. لقيته يتأمل القمر..
رغم انه كان هلال وبأول الشهر.. بس حسيته منسجم... قلت أكيد بنطلع بقصيدة ألحين.. وبدر عبدالمحسن بيطيح سوقه.. وماراح يلقى احد يسمع له..
وبعد ماطول.. فاجأته وقلت (أحلى يابو الرومانسيات.. هاه كم بيت وصلت..؟) قال وش ابياته أنت ووجهك..
أنا قاعد أتأمل القمر وأفكر باختراع يفيد البشرية.. ووقتها تذكرت اننا في البركة وان حالات الوحي العلمي مايجي دحومي الا بالماء..
حتى انه كان يحب يذاكر بالبركة.. ويوم هو بزر كان يحط بحوش بيتهم طشت ويملاه ماء..
ويقعد يذاكر فيه.. طبعا هالهرج قبل ظهور البانيو.. المهم تدرون وش طلع دحومي يفكر فيه..؟ ي
قول هالحين وكالة ناسا متعبين ارواحهم طالعين نازلين للقمر.. ومكلفين ارواحهم مركبات وصواريخ والصاروخ الواحد يكلفهم 25 مليون دولار.. وانا عندي لهم حل مايخليهم يخسرون الا أقل من 1000 ريال.. وبالكثير الكثير.. خمسة ألاف..!!
ولاني متعود على سوالف دحومي وافكاره الجهنمية.. قلت هات وش تفكر فيه..؟
قال هالحين ليس مايستغلون اول الشهر واخره اذا صار القمر هلال وعلى شكل قوس.. ويربطون فيه حبل قووووي ومتين.. وينزلونه للارض.. وثمن يربطون بالحبل عربة حقت التلفريك.. ويطلعون اكثر من مرة.. ويمكن يغطون تكاليف الصاروخ من رحلات الناس للقمر.. هي صراحة فكرة جهنمية.. بس مشكلتنا اننا ماكنا نعرف رقم ناسا عشان نوصل لهم الفكرة..


طيب .. تبون السالفة
دحومي يوم قالت له لولي ذاك الكلام.. خاصة انها قالته برومانسية ودلال..
وهو ضعيف قدام اغراء الانثى.. وأي انثى اذا صارت مثل لولي..
صح اني ماشفته بس دحومي يقول انها اجمل من جنيفر انستون.. وعيونها اواسع من عيون سميرة توفيق..
وخصرها أطلق من خصر سمية الخشاب.. وبياضها ابيض من لميس شووي..
عاد من الأصل أنا ماصدقته.. لاني متأكد ان مافيه أمل يصير من بناتنا بهالمواصفات أبد..

دحومي على طوووول طقها ذيك الضحكة.. كههههه كهههه.. وعلى طول مسك ايديها..
وضمها لصدره.. ثمن رفعها لفمه وقبلها.... وأخذ زفرررررة عميقة.. وتنهيده سااااخنة.. وقال (بسسسسسسس.... تامرين أمر.. انا كلي لك.. أصلا من عندي غير لولي الدلولي..؟)
ويوم جاء يقوم.. مسكته لولي برقه.. وقالت ( مو الحين.... ) وطبعا ما اقدر اكمل المشهد..
عشان الرقابة ماتلقى علينا شيء ومراعاة لمشاعر المراهقين .........

بس هو صار من بكره الظهر... وبعد مادخل دحومي ومعه لبن المراعي..
وفصخ شماغه.. وحطهن فوق الكنبة.. لقى لولي قاعدة على الكنبة.. ورجليها تحتها..
وقاعدة تشوف مسلسل اجنبي.. ومنسجمة معاه على الاخر.. عاد دحومي من خبرته يعرف ان اكثر البنات ثقافتهن أفلام اجنبية..
وتالي طالعات علينا بالمسلسلات الكورية واليابانية.. المهم دخل يغير ثوبه..
ويوم طلع للصالة لقى لولي قاعده عند الكومبيوتر.. وطاقه ذيك الابتسامه الجنان..
قالت له (تعال هنا حبيبي..) وعرف انها ناويه له على نية.. بس قال انا دحومي والأجر على الله..
وطبعا ماكان فيه الا كرسي واحد عند الكومبيوتر .. فقامت لولي تبي دحومي يجلس.. وجلست هي في حضنه..
قالت له (يالله....!!)
سوا فيها عبيط.. ورد عليها (يالله وشو...؟؟)
قالت (اماك قلت بتخليني اشوف ايميلك..)
قال (آآآآآه... صح.. نسيت..) وأمير يشغل الموديم.. ولولي قاعده في حجره تناظر وتتأمل...
وطبعا مراعاة للمراهقين نتجاوز عن الرومانسيات اللي يمكن تصير

طقطق له بكم حرف.. وقال احفظي هذا ايميلي.. ثمن قال حطي رقم جوالي بمكان كلمة المرور..
واضغطي تسجيل الدخول.. وانتظري لين يفتح الماسن.. وماغير دقايق الا ويفتح الماسن...
واثر مافيه الا ثلاثة نكات.. قالت ببراءة (منهم ذولا..؟) قال (أبد .. ربعي بالاستراحة..)
قالت ايه.. ياحليلهم.. وحليل اساميهم... وأميررر تطق ذيك البووووسة على جبين دحومي
وقالت له.. (يااااااااحبيلك.. والله أني أمووووت فيك..)
وقبل مايتكلم بكلمه.. قالت (ايه .. حبيبي... انا ابي ايميلك ذاااااك... اللي يبدا بـdhl..)
وأميررررر يتغيرررر دحومي.. وينشف حلقه.. وكنه ماشرب ماء من سنة..!!
وعلى طول.. قال (وشو dhl ذا...؟؟ لايصير داخله شركة بريد سريع وغلطانه..؟ )
وبكل حنيه ورقة.. ورومانسية.. أخذت لولي الماوس وضغطت على المستندات.. وفتحتها..
ثمن فتحت.. (سجل محادثاتي) وبداخلها ذيك الحوارات...اللي كانت رحمة ربي كبيرة لدحومي وفرمت الجهاز قبل الزواج بايام... والا كاااااان راح فيها دهنة...!!!

دحومي اول شيء فكر فيه.. وجاء بباله...
قال (وش ذي بنت اللذينا..؟ اثره طلعت ذيبه وأنا ما أدري..)
وبعد تفكير قالها.. (الايميل هذا ناسي رقمه السري بس خلي ابحاول فيه .. بس ترااا راسي مصدع.. أبي بيالة شاهي..)
قامت وقالت له من عيوني.. وقامت..وأمير يجيك دحومي يدخل بالعميق.. ويهديه تفكيره لخطة جهنمية..
وهي انه يحوس اعدادات الموديم.. عشان مايشتغل.. وبحركة وحدة سواها ابو الشباب... ويوم رجعت لولي بعد اقل من دقيقتين
حصلته قاعد يلعن ويسب ويشتم (الله يلعن هالشركة.. يسرقوننا عيني عينك..؟ يخصمون علينا وخدمة زي الزفت..!!)
قالت وش السالفة.. على طول رد عليها (النت عطلالالان..!) ..
طبعا البنية ماقدرت تقول شي.. قالت ماعليه حبيبي وقت ثاني.. بعد مايصلح...

بعد صلاة العصر... واول ماطلع للمسجد... مارجع للبيت.. وعلى اقرررررب مقهى نت..
وهناك وبظرف خمس طعش دقيقة كان الماسن وش حليله نظيف... إ
لا من (الصتيمة وأبو عرب والمحترش .. وشلة الضبان أمثالنا..)
ورااااحت سارونه.. ولميس.. ونونه.. وهيوفه...وووووووو إلى الحذف...
وقبل مايطلع من المقهى رن جواله.. واثاريها لولي قالت له (وينك..؟)
قال بهدوء.. ونفسسسسس عااالي ... (أبد.. جارنا سيارته خربانه ورحت وديته الصناعية.. وهذاني جاااااي....)
ويوم جاء للبيت.. ودخل المسن ابو دي اتش ال...
واول مافتحه له... قال ابروح اسوي شاهي....
ايقاله يبيها تاخذ راحتها...

وستر الله على دحومي.. وفكه من فضيحة قدام زوجته كادت تهدد حياته باول ايامها
مدير دبرة غير متصل   الرد باقتباس
قديم(ـة) 18-02-2011, 05:33 AM   #18
كآيدهمـ
مشرف سواليف كشكولية
 
تاريخ التسجيل: May 2009
البلد: دآخلـ آلكشـ كوووووولـ
المشاركات: 4,863
اقتباس
المشاركة الأساسية كتبها مدير دبرة
هلا والله بكايدهم
انا من راعين الساحة المفتوحة..
بس قال لي بالي... ورا ماتجرب بالكشكول
وكنت خايف اني ما اعود له
بس استقبالكم شجعني

وبتجيك سالفة الدحمي بعد شوي...

مشكور على مرورك...

هلابك اكثر والله

يا حبيلهم حقين الساحة وخاصة الكتاب الكبار

دايم يحفزوونك على الكتابة واعطائك المواضيع والفكر
ولكن هم يكتبونها

ومن ناحية الاستقبال تراه تمام بالكش كوووول
ولكن ان افتكيت من كم شخص من محطمي المواهب .

الشكر لك على الموضوووع .

اقتباس
المشاركة الأساسية كتبها مدير دبرة
طيب .. طيب
داري اني ابعدت عن الموضوع .. بس وش اسوي هذا طبعي
الشباب يقولون لي لاعمرك تسولف علينا ابد.. لاننا مانفهم وش ودك تقول..
ماغير تدخل بنا لسالفة وتطلع بنا لسالفة ثانية.. وبالاخير ما نستفيد شيء..
ماغير تصج آذاننا وتدوخ روسنا..

بهذي صدقو

كتر مخي تالي الليل

ياله بخشبة فهمت الموضوووع بعد ما رجعت لبداية القصة .

اقتباس
المشاركة الأساسية كتبها مدير دبرة
كنا نسميه أرخميدس خب العوشزية..
لانه ماشاء الله عليه كل مانسبح ببركة والا مسبح تجيه فكرررة خطيرة.. وجهنمية..
اذكر ذاك اليوم كنا نسبح ببركة استراحة واحد من الشباب .. وكان الوقت مسيان..


قال هالحين ليس مايستغلون اول الشهر واخره اذا صار القمر هلال وعلى شكل قوس.. ويربطون فيه حبل قووووي ومتين.. وينزلونه للارض.. وثمن يربطون بالحبل عربة حقت التلفريك.. ويطلعون اكثر من مرة.. ويمكن يغطون تكاليف الصاروخ من رحلات الناس للقمر.. هي صراحة فكرة جهنمية.. بس مشكلتنا اننا ماكنا نعرف رقم ناسا عشان نوصل لهم الفكرة..

تصدق ان ازين الافكار تجب بمسيان عاد

عاد فكرتة حلوه انك توز واير من الارض للقمر
المشكلة ان كنت رابط الواير وكبر القمر وصار بدر
تبي تنفك ربطته هذي ما حسبتو لها احساب ابد

اقتباس
المشاركة الأساسية كتبها مدير دبرة
بس دحومي يقول انها اجمل من جنيفر انستون.. وعيونها اواسع من عيون سميرة توفيق..
وخصرها أطلق من خصر سمية الخشاب.. وبياضها ابيض من لميس شووي..
عاد من الأصل أنا ماصدقته.. لاني متأكد ان مافيه أمل يصير من بناتنا بهالمواصفات أبد..



اقووول كل واحد يتكلم عن الي يشووفه بالبيت

ويكفي انها اسعودية وبريداوية هم بع
والله لو هي وحدة من السلق الي قلتهم

يقضي القرقر مع ام جدايل اطووووول

اقتباس
المشاركة الأساسية كتبها مدير دبرة
.. مسكته لولي برقه.. وقالت ( مو الحين.... ) وطبعا ما اقدر اكمل المشهد..
عشان الرقابة ماتلقى علينا شيء ومراعاة لمشاعر المراهقين .........

ياخي راع مشاعر العزوووبية قبل المشرفين
قسم بالله ماهي حاله وقسم
تخيلت اني منجضع بالفراش معهم

اقتباس
المشاركة الأساسية كتبها مدير دبرة
لبن المراعي..

والله لو هو لبن الـ .......>> > حتى ما يقولووون اعلان لناس بالمنتدى

اقتباس
المشاركة الأساسية كتبها مدير دبرة
قال (آآآآآه... صح.. نسيت..) وأمير يشغل الموديم.. ولولي قاعده في حجره تناظر وتتأمل...
وطبعا مراعاة للمراهقين نتجاوز عن الرومانسيات اللي يمكن تصير



اقتباس
المشاركة الأساسية كتبها مدير دبرة

وقبل مايتكلم بكلمه.. قالت (ايه .. حبيبي... انا ابي ايميلك ذاااااك... اللي يبدا بـdhl..)
وأميررررر يتغيرررر دحومي.. وينشف حلقه.. وكنه ماشرب ماء من سنة..!!
وعلى طول.. قال (وشو dhl ذا...؟؟ لايصير داخله شركة بريد سريع وغلطانه..؟ )
وبكل حنيه ورقة.. ورومانسية.. أخذت لولي الماوس وضغطت على المستندات.. وفتحتها..
ثمن فتحت.. (سجل محادثاتي) وبداخلها ذيك الحوارات...اللي كانت رحمة ربي كبيرة لدحومي وفرمت الجهاز قبل الزواج بايام... والا كاااااان راح فيها دهنة...!!!

ان لكيدهن عضيم

وهاذي الي ماتعرف للحاسم سوت كذا
اجل لو تعرف كان طلعت مع فريق هكرز السعووودية
مع سناك والقرصان والشلة >> > وفلان الي معنا بالمنتدى

تسلمو كثير على القصة الحلوه
والله يا انا رحت معهم وطي وخاصة بالحركات
مالت الكبارين
ترانا صغار ارحمنا وقدر مشاعرنا الرهيفة
انت احد اسباب الانحراف والضياع والسبب موضوووعك هذا
كآيدهمـ غير متصل   الرد باقتباس
قديم(ـة) 18-02-2011, 08:20 PM   #19
أبو غــلا
مشرف أخبار بريدة
 
صورة أبو غــلا الرمزية
 
تاريخ التسجيل: Feb 2010
البلد: بريــدة || ~
المشاركات: 3,244
هههههههههههههه ~ .. زيييييييين والله


أما ماجازن له يبن بنات مخصصات ؟


وآصل وآصل فنحن نتآبعك
__________________
قال أحدُ الصالحين :
.. { نسْالُ الله تعالى أنْ يعطينآ ..
فإنْ أعطانا فَرحنَآ مرّةً .. وإن منعَنا .. فَرحنآ . عشرُ مرّآت ..!
لإن العطآء إختيآرُنا .. والمنعُ إختيارُ اللّه .. ~
وإختيار اللهِ . خيرٌ من إختيآرنا .. ! } ..
أبو غــلا غير متصل   الرد باقتباس
قديم(ـة) 18-02-2011, 10:30 PM   #20
[ لــمّــآح ]
مُــدَانْ
 
صورة [ لــمّــآح ] الرمزية
 
تاريخ التسجيل: Apr 2008
البلد: هُـنَـآكْ حَيْثُ الأًلَمْـ '
المشاركات: 5,629
هذا وآنت تشفر بحجره وآنت جآي

رآجع لك برد حلو مثلك ..
__________________
صباح الجرح يا أمتي ..
صباح الأمل بـ عينيّ قتيل ،
صباح القتيل بـ عينيّ صغير ،
صباح الفجعة بقلب أرملة ،
بصدر ثكلى وحقد حنظلة
صباح الشتات !
[ لــمّــآح ] غير متصل   الرد باقتباس
قديم(ـة) 18-02-2011, 11:27 PM   #21
مدير دبرة
عـضـو
 
صورة مدير دبرة الرمزية
 
تاريخ التسجيل: Feb 2011
البلد: ديرة ماثلها ديرة
المشاركات: 249
اقتباس
المشاركة الأساسية كتبها كآيدهمـ
هلابك اكثر والله

يا حبيلهم حقين الساحة وخاصة الكتاب الكبار

دايم يحفزوونك على الكتابة واعطائك المواضيع والفكر
ولكن هم يكتبونها

ومن ناحية الاستقبال تراه تمام بالكش كوووول
ولكن ان افتكيت من كم شخص من محطمي المواهب .

الشكر لك على الموضوووع .



بهذي صدقو

كتر مخي تالي الليل

ياله بخشبة فهمت الموضوووع بعد ما رجعت لبداية القصة .



تصدق ان ازين الافكار تجب بمسيان عاد

عاد فكرتة حلوه انك توز واير من الارض للقمر
المشكلة ان كنت رابط الواير وكبر القمر وصار بدر
تبي تنفك ربطته هذي ما حسبتو لها احساب ابد





اقووول كل واحد يتكلم عن الي يشووفه بالبيت

ويكفي انها اسعودية وبريداوية هم بع
والله لو هي وحدة من السلق الي قلتهم

يقضي القرقر مع ام جدايل اطووووول



ياخي راع مشاعر العزوووبية قبل المشرفين
قسم بالله ماهي حاله وقسم
تخيلت اني منجضع بالفراش معهم



والله لو هو لبن الـ .......>> > حتى ما يقولووون اعلان لناس بالمنتدى







ان لكيدهن عضيم

وهاذي الي ماتعرف للحاسم سوت كذا
اجل لو تعرف كان طلعت مع فريق هكرز السعووودية
مع سناك والقرصان والشلة >> > وفلان الي معنا بالمنتدى

تسلمو كثير على القصة الحلوه
والله يا انا رحت معهم وطي وخاصة بالحركات
مالت الكبارين
ترانا صغار ارحمنا وقدر مشاعرنا الرهيفة
انت احد اسباب الانحراف والضياع والسبب موضوووعك هذا

هلا بك كايديهم..

بس وش تقصد بالكبار..؟
لايصير تقصد الشيبان..
لاني توي بقالي شوي.. وآصل مرحلة الشيبنة..
يعني انا لساتي ب35 ..

واشونك علمتن بخصوص اللي يحطون..
لاني انا كلش ولا يجيك واحد يكسر مجدايفك.. وانت على بالك وش زينك


وترا بناتنا وش زينهن..
مافيه زيهن بالدنيا أبد
مثل الرايد...يو يقولون جمهوره
والرايد مافيه زيه أبد..
وأنا كنت أقصد... انهن أزين من اللي قال
احس ان الدحمي قلل من جمال بناتنا ..
يوم شبههن باللي انا ذكرت..

>> يارب تنفع الترقيعة... وما نبلش..


وترا بعض السواليف وانا اخوك مقصودة..
يقولون البنات كثرن.. ووصلت اعمارهن ال25 وال28 وماجاهن خطاب
فنحاول نهيجكم ونشبكم ... عشان تسترون عليهن ..


شكرا لك يابعدهم على ردك
مدير دبرة غير متصل   الرد باقتباس
قديم(ـة) 18-02-2011, 11:31 PM   #22
مدير دبرة
عـضـو
 
صورة مدير دبرة الرمزية
 
تاريخ التسجيل: Feb 2011
البلد: ديرة ماثلها ديرة
المشاركات: 249
اقتباس
المشاركة الأساسية كتبها أبو غــلا
هههههههههههههه ~ .. زيييييييين والله


أما ماجازن له يبن بنات مخصصات ؟


وآصل وآصل فنحن نتآبعك


حياك ابو غلا

ترا سالفة الدحمي مع اللولو خلصت
واكيد بنوافيكم بسواليفه الثانية..
وعلومه السنعة..
في تغطيات قادة..
مدير دبرة غير متصل   الرد باقتباس
قديم(ـة) 18-02-2011, 11:32 PM   #23
مدير دبرة
عـضـو
 
صورة مدير دبرة الرمزية
 
تاريخ التسجيل: Feb 2011
البلد: ديرة ماثلها ديرة
المشاركات: 249
اقتباس
المشاركة الأساسية كتبها [ لــمّــآح ]
هذا وآنت تشفر بحجره وآنت جآي

رآجع لك برد حلو مثلك ..


اشفر بحجرة..

مافهمت يابعدهم...

بس نفهمها بطلتك الجاية...
ياحلوووو
مدير دبرة غير متصل   الرد باقتباس
قديم(ـة) 20-02-2011, 10:37 AM   #24
اميرالقلوب
عـضـو
 
صورة اميرالقلوب الرمزية
 
تاريخ التسجيل: May 2010
البلد: مدينة الأحزان
المشاركات: 146


والله جو رووومنسي الرجاااال ...
__________________
<<< ///////////////////// // /

\ \\ \\\\\\\\\\\\\\\\\\\\\ >>>
اميرالقلوب غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 07:18 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)