بريدة






عـودة للخلف بريدة ستي » بريدة ستي » سـوالـيـف كـشكـولـيـة » سواليف

سـوالـيـف كـشكـولـيـة الطرائف و الألغاز - يمنع مشاركة النساء

إضافة رد
 
أدوات الموضوع طريقة العرض
قديم(ـة) 11-08-2012, 08:52 AM   #1
اجرام باحترام
عـضـو
 
تاريخ التسجيل: Jun 2011
البلد: بريده
المشاركات: 7
سواليف

أول شي الطفل الداشر راح اطلق عليه اسم امممم[ جحلط ]
وكل شي بقوله والله انه صدق ،، ولا تسالوني من هو هالطفل الداشر
,,
التعريف بالطفل :: ولد في احد مدن نجد وكان الطفل مهجن
المهم ان الورع هذا مصرقع وكان معه شباب بعمره وكلهم
يقربون له وكان هو الرئيس حقهم ..!
×××××××××××××××××××××××××××××××××××××
السالفه الأولى ::
مره من المرات تهاوشوا مع عيال
جيرانهم كالعاده المهم انه كان يبي ينتقم منهم لانهم كمخوا ولد اخوه

المهم انه انتظرهم انتظرهم ما طلعوا ..!
.. وكان جيرانهم عندهم حوش غنم ورى بيتهم
قال مالنا الا نطب في حوشهم ونلعب في غنمهم طبوا الدشيره الحوش
الا وهذاك البربري المزيون قدامهم .. المهم كان معهم شروخ وصواريخ
طلب من الزكرتيه الي معه يمسكون البربري حجروله بازاويه ومسكوه قام هو وحط
الصاروخ في مؤخرة البربري وشبه ( " أشعل النار << عشان بعض الناس يفهمون )
والله يالربع ان البربري قام يطامر يطامر
لين انفقع الصاروخ المهم الي معه بدوا يرحمون البربري قالوا حرام يا جحلط
قال اقول امسكوه المهم مسكوه مره ثانيه وقال بحط فيه شرخ هالمرة تعرفونها
الشروخ القديمه الكبار هذيك الي يرسم عليها صورة بطريق المهم حط الشرخ
وشبّه وانفقع الشرخ لين قامت مؤخرة البربري تقوطر دمّان
المهم البربري انسدح على جمبه واللي معه قاموا يهاوشون جحلط
حرام عليك خاف ربك ..!
,
,
,
المهم قال لازم ننهي عليه عشان نريحه اسدحوه على جمبه سدحوه وراح
هو اخذ بلكه ( <-- حجره كبيره ) المهم وقال بفقع راسه وفعلاً نفذ المهمه
بكل نجاح وذبح البربري السالفه هذي صارت الساعه 7 الصبح نام
جحلط ويوم قام المغرب لقا عيال جيرانهم يسحبون البربري المزيون
الملطخ بالدم فـ الشارع
×××××××××××××××××××××××××××××××××××××
السالفه الثانيه ::
مره جحلط كالعاده قاعد بالشارع مع اخوياه وكان قدام بيتهم سكن شركه
المهم ان فيه مصري جايب الديّنا وملبقها وهي حقت عصيرات لـ سوبر ماركت
المهم جوا الدشيرة يبون يشلحونها جحلط والي معه ما قدروا يكسرون القفل راح جحلط وجاب
ماصوره وقال وخروا بس ويصك هذاك القفل الا هو متكسر فتح الباب ولقا انواع
الكراتين المهم ان جحلط يسعبل على العصير اخذ انواع الكراتين عبى ثلاجة
بيتهم وعبى الفريزر المهم يوم خذوا الكراتين وشاف الوضع أوكي راح يركض
لسكن الشركه ويقول فيه ناس سرقوا سيارتكم والله يا شباب ان المصري حق الديّنا
معطيه كرتون يقول هذا هديه لك عشانك علمتني وجحلط المروح خذاه
المهم جاء ابو جحلط فتح الثلاجه لقاها كلها عصيرات قال وشذي يا جحلط
قال بارك لي يبه انا فزت بالدوري وعطوني هالعصيرات هديه ومشاها على ابوه
لان ابوه شايب الله يرحمه ..!
×××××××××××××××××××××××××××××××××××××
السالفه الثالثه ::
مره من المرات ابو جحلط جاء وقوم ولده يصلي الجمعه راح جحلط وابوه يصلون
طلع جحلط من الصلاة طبعاً اول واحد وهو رايح المسجد قرر انه يغير حذيانه
المهم لقا هذيك الحذيان الجديده وش زينها لبسها جحلط سريع سريع وراح بيتهم
يوم جاء الليل اجتمعوا دشيرت الحاره جاكم جحلط كاشخ بالحذيان الا ولد عمه يقول
جحلط الي عليك حذياني صار جحلط سارق حذيان ولد عمه
وبقى جحلط بدون حذيان حافي القدمين تزحلطن عليه القديمه والجديده
المهم جحلط كبر وسبحان مغير الأحوال جحلط الحين صار عاقل وهادي جداً
الي كان يشوفه اول على صياعته ودشيرته ما يصدق ان هذا هو جحلط القديم !
×××××××××××××××××××××××××××××××××××××
السالفه الرابعه ::
مره جحلط تهاوش مع ولد اخته [ شليويح ] المهم ان ولد اخته هذا فزع
معه ولد عمه وطقو المسكين جحلط لانهم جوه غدر مع انه اول ماكان
ينطق وسطروا الضعيف جحلط كان متأثر مره من شي اسمه افــلام
المهم راح عنده اخوه الكبير قال شليويح و ولد عمه طقوني وانا باخذ حقي
قال اخوه الكبير بقسهم ، راح جحلط غرفة أخوه الكبير عاد أخوه الكبير
حق قنص وعنده دربـيـل صغير خذاه جحلط واخذ معه سلسلة وماصوره
وقعد يسحب رجلينه بالشارع يدورهم بالاخير حصلهم بالحديقه كان فيها
ملاهي يروحون يلعبون شوفوا اشلون جحلط متأثر بالأفلام دخل وقعد
ورى الشجر وقعد يـدربـل عليهم يقاله ذيب ينتظر الفرصه عشان
يـهجـم عليهم المهم هجم عليهم جحلط ومغطهم تمغيط بالحديقه راحوا
يصيحون بالبيت وحاقدين على جحلط لما جاء الليل متاخر جاء
جحلط بيدخل البيت وتفآجأ ان العائله قالبه عليه كلهم ليه يصفق
شليويح لانه سطره تسطير الضعيف وقعد جحلط بالشارع قام اخذ بلكه
وحلتها عـ البيت قسم بالله يا شباب انها جت براس [ شليويح ] يقول
جحلط ماكان قصدي اطق احد بس ابي اخوفهم يقول مادريت
الا شليويح طالع علي مفلوق يصيح يستاهل


اجرام باحترام غير متصل   الرد باقتباس


قديم(ـة) 11-08-2012, 08:42 PM   #2
الدختور
عـضـو
 
تاريخ التسجيل: Oct 2011
البلد: بريدة
المشاركات: 646
ههههههههههههههههههههههههه
صدق ان شليويح مقروود ودورة القرآدة
تسلم تسلم يآمجرم باحترام
__________________
.
الدختور غير متصل   الرد باقتباس
قديم(ـة) 12-08-2012, 03:18 AM   #3
اجرام باحترام
عـضـو
 
تاريخ التسجيل: Jun 2011
البلد: بريده
المشاركات: 7
شكرا

شكرا
اجرام باحترام غير متصل   الرد باقتباس
قديم(ـة) 24-08-2012, 06:18 AM   #4
متفائل1
عـضـو
 
تاريخ التسجيل: Aug 2012
البلد: بريدة
المشاركات: 11
هههههههه مصردزع ذا ..
أوووما سرق العصيرات وراح يعلم .. <<< أقترح تحطها سيناريو وتمثيل تضضضضبط

مشكوووور ي بعدي
متفائل1 غير متصل   الرد باقتباس
قديم(ـة) 05-09-2012, 08:03 PM   #5
الاحنف بن قيس
عـضـو
 
تاريخ التسجيل: Sep 2012
البلد: بريدة
المشاركات: 30
مصردزع متعوب عليها
الاحنف بن قيس غير متصل   الرد باقتباس
قديم(ـة) 05-09-2012, 08:04 PM   #6
الاحنف بن قيس
عـضـو
 
تاريخ التسجيل: Sep 2012
البلد: بريدة
المشاركات: 30
فية احد بيسولف
الاحنف بن قيس غير متصل   الرد باقتباس
قديم(ـة) 05-09-2012, 09:57 PM   #7
سليمان الرياعي
عـضـو
 
تاريخ التسجيل: Aug 2012
البلد: بريده
المشاركات: 44
الله العالم انه اللي يسولف علينا والا وش جاب العلوم الخاصه وتسذا ..
الا تسان جحلط كابن عشاوه ..

تسلم يدينك وسعت صدورنا ..
والله يانا تذكرت مواقف بس لو منب باسمي قلتهن لكم<<فضايح ..
سليمان الرياعي غير متصل   الرد باقتباس
قديم(ـة) 10-09-2012, 03:27 AM   #8
ابراهيم الفليحي
عـضـو
 
تاريخ التسجيل: Sep 2011
البلد: ببريده
المشاركات: 29
قصه حلوه

بس سالفة البربري

الله يعينه بسسسس
ابراهيم الفليحي غير متصل   الرد باقتباس
قديم(ـة) 10-09-2012, 03:27 AM   #9
ابراهيم الفليحي
عـضـو
 
تاريخ التسجيل: Sep 2011
البلد: ببريده
المشاركات: 29
سوولف يابن قيسس

وخلك مثل راعي الموضوع
ابراهيم الفليحي غير متصل   الرد باقتباس
قديم(ـة) 10-09-2012, 06:48 AM   #10
girnaaas
عـضـو
 
صورة girnaaas الرمزية
 
تاريخ التسجيل: Feb 2012
البلد: القصيم
المشاركات: 230
°
°
مشكور على هالموضوع الحلو يا حلو
شكرا يا إجرام
°
°
__________________
°° girnaaas alyaaami °°
girnaaas غير متصل   الرد باقتباس
قديم(ـة) 23-09-2012, 01:50 AM   #11
ريان الرشودي
عـضـو
 
صورة ريان الرشودي الرمزية
 
تاريخ التسجيل: Sep 2012
البلد: القصيم
المشاركات: 21
ريان الرشودي غير متصل   الرد باقتباس
قديم(ـة) 14-10-2012, 04:21 PM   #12
مسكين الي ماله بريدة
عـضـو
 
تاريخ التسجيل: Aug 2012
البلد: بريدة
المشاركات: 84
(f )

كلها ً لك
مسكين الي ماله بريدة غير متصل   الرد باقتباس
قديم(ـة) 30-10-2012, 11:39 PM   #13
المدلع بكفوف
عـضـو
 
صورة المدلع بكفوف الرمزية
 
تاريخ التسجيل: Sep 2012
البلد: بريدة
المشاركات: 89
منسم هالولد
المدلع بكفوف غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 11:19 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)