بريدة






عـودة للخلف بريدة ستي » بريدة ستي » سـوالـيـف كـشكـولـيـة » اعطيني 500 ريال وانا اقلك زوجك متزوج ولا .... !

سـوالـيـف كـشكـولـيـة الطرائف و الألغاز - يمنع مشاركة النساء

إضافة رد
 
أدوات الموضوع طريقة العرض
قديم(ـة) 28-06-2007, 01:40 PM   #1
ولد_الصفراء
عـضـو
 
تاريخ التسجيل: Sep 2002
البلد: بريــــــــدة
المشاركات: 3,538
اعطيني 500 ريال وانا اقلك زوجك متزوج ولا .... !

اعطيني 500 ريال وانا اقلك زوجك متزوج ولا .... !

--------------------------------------------------------------------------------





هذه قصة سمعتها ويقول ناقلها انها حقيقية .

تدور القصة حول مديرة مدرسة عزباء غابت عن المدرسة يومين ولما عادت لمدرستها قابلنها المدرسات سلامات وينك يامديرة ؟

قالت لهن باركولي تزوجت .

قالن مبروك يامديرة ولكن منهو زوجك ؟.

قالت لهن بصراحة زوجي هو زوج إحداكن .

المدرسات تكفين علميننا أي وحدة منا ؟

قالت المديرة والله ما أعلمكن .

المهم لزمن عليها فقالت لهن أنا منيب متكلمة اللي تبي تعرف هل هو زوجها وإلا لا تجيب بكرا معها خمسمية ريال وإذا جت توقع تحط الخمسمية على الطاوله واللي آخذ خمسميتها فهي مهو زوجها واللي أخلي خمسميتها على الطاولة ولا آخذها فهو زوجها عيب علي اتزوج زوجها وآخذ بعد منها خمسمية ريال .

وافقن المدرسات على الطريقة .

ويوم جاء بكرا وكل وحدة مزهبه معها الدراهم .

جت الأوله والثانية والثالثة والرابعة حتى العاشرة والمديرة تاخذ الدراهم .

يوم جت المدرسة ال 11 وبدت المديره تأفف المهم حطت الدراهم على الطاولة وقالت لها تكفين خذيها يالمديرة قالت المديرة اعذريني قالت المدرسة كانها قليلة حطيت ألف بدال الخمسمية قالت المديرة أووووووووووووه معليش أثرك أنتي جواهر والله اني آسفه غلطت يوم تنفست المدرسة وقالت الحمد لله يعني بتاخذين الفلوس المهم اخذتها المديرة .

ودخلن بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية .

المهم بقي مدرسة وحدة فقط ماجت يوم اتصلن عليها المدرسات هاه وينك يا استاذه قالت والله اني تعبانه وماني جايه . قالت المدرسة الغايبة : هاه من صار زوجها اللي متزوج المديرة ؟

قالن لين الحين مابين شي والمديرة عيت تاخذ الفلوس لين نحضر كل المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هي ) وقالن المدرسات لازم تجين تكفين .

المهم جت تسحب رجليها بالقوة ويوم جت تدخل المدرسات كل وحده مبسوطة انها مهي هي وبدن يسمن على المدرسة ال 24 عشان ماتنصدم .

دخلت المدرسة الأخيرة غرفة المديرة وحطن باقي المدرسات ايديهن على قلوبهن وحطت المدرسة الخمسمية على الطاولة وضفتها المديرة .

يوم طلعت لقنها عايدية وماصار شي وفلوسها أخذتها المديرة .

قالن يابنات فيه وحده منكن ماخذت المديرة دراهمها ؟

قالن لا والله كلنا اخذت دراهمنا .

ودخلن المدرسات على المديرة وقالن اخذتي الفلوس من كل المدرسات تلعبين علينا منهو زوجك ؟

قالت المديرة المهم الدراهم ( 12000 ريال ) ماراح ترجع وأنا والله لا تزوجت ولا شي لين الحين عزوبية ووالله كنت مريضة هاليومين . ولكني اطلبككن قبل شهر تدفعن على مية ريال نصلح المصلى ولا وحدة منكن دفعت قلت والله لأدفعكن 500 ريال نصلح المصلى ونشتري مصاحف وقف للمسجد .

قالن المدرسات بردها الله بالعافيه فداك الدراهم ولو تبين زود عطيناك هو صدق بس رجالنا ماتزوجوا علينا .

انتهت القصة واتمنى تكون اعجبتكم .

والله حاااله وربي انهن خواافات....
كل هذا عشان زوجها مايتزوج عليها
دنيا عجب .....
بس بصراحة خطة جهنمية من المديرة ....
ولد_الصفراء غير متصل   الرد باقتباس


قديم(ـة) 28-06-2007, 02:05 PM   #2
سفن اب
عـضـو
 
صورة سفن اب الرمزية
 
تاريخ التسجيل: Nov 2006
البلد: ..:: Buraydah ::..
المشاركات: 206

ههههههههههه

بصراحة خطة جهنمية من المديرة
والله ياهاالمديرة ذهينة بعد أجل سحبت خمس مائة ريال مهب مائة ريال
__________________
سفن اب غير متصل   الرد باقتباس
قديم(ـة) 28-06-2007, 02:18 PM   #3
ابوحدبا
عـضـو
 
تاريخ التسجيل: May 2007
المشاركات: 14
اهاهاهاهاهاهاههههاهاهاهاههههاهاهاهاها


يسلمو
تقبل مروري
ابوحدبا غير متصل   الرد باقتباس
قديم(ـة) 28-06-2007, 02:34 PM   #4
قصيمي كوم
عـضـو
 
تاريخ التسجيل: May 2007
البلد: تحت ظل ابو متعب
المشاركات: 516
هههههههههههههههههههههههههههههههههههههههاي
__________________
[center][/align


هذا التوقيع اهداء من اخيAJMN جزاك الله خير

سأنقطع عنكم 20يوما:bad

: 12 الى اللقاء: 12
قصيمي كوم غير متصل   الرد باقتباس
قديم(ـة) 28-06-2007, 05:57 PM   #5
الشاكي
عـضـو
 
صورة الشاكي الرمزية
 
تاريخ التسجيل: Mar 2007
البلد: ..ו buraydah •×..
المشاركات: 2,563
اللي فوقي يستذب ماقرا الموضوع بس شاف الردود قال اغدينا نكتب زيهم
شكلك ياقصيمي كوم ودك تكثر مشاركاتكـ
الشاكي غير متصل   الرد باقتباس
قديم(ـة) 28-06-2007, 07:01 PM   #6
بريماكس
كـاتـب قـديـر
 
صورة بريماكس الرمزية
 
تاريخ التسجيل: Aug 2002
البلد: buraydah city
المشاركات: 6,352


هذه تستحق أن تكون مديرة مدرسة

قصة حلوة ، شكراً لك
__________________
بريماكس غير متصل   الرد باقتباس
قديم(ـة) 28-06-2007, 10:09 PM   #7
شعيب
عـضـو
 
تاريخ التسجيل: Jun 2006
البلد: لوس انجلوس
المشاركات: 59
شكله بريداويه ذي
شعيب غير متصل   الرد باقتباس
قديم(ـة) 28-06-2007, 11:29 PM   #8
د.قلم
عـضـو
 
صورة د.قلم الرمزية
 
تاريخ التسجيل: May 2005
البلد: في قــلــب كــل مـــحــب
المشاركات: 639
خخخخخخخخخخخخخخخخخخخخخخخخ
وينه ذي نروح نتزوجه والله ياهي ذهينه ماشألله عليه!!!!!!!!!!!!!!!!
__________________
[CENTER]
د.قلم غير متصل   الرد باقتباس
قديم(ـة) 30-06-2007, 06:20 AM   #9
صوت الفجر
عـضـو
 
تاريخ التسجيل: Apr 2007
المشاركات: 354
إذا كانت القصه حقيقيه فانا مستعد أسويها لأنها بصراحه مجديه
صوت الفجر غير متصل   الرد باقتباس
قديم(ـة) 30-06-2007, 06:47 AM   #10
:: رويــال ::
عـضـو
 
تاريخ التسجيل: Feb 2007
المشاركات: 638
ماينفع معهن الا كذا (الحرب خدعه)أدري أنه ماله دخل
بس كيفي أكتب اللي ودي

تحياتي
همس المحبه
__________________
أجمل مافي الألم أن حروفه مصنوعة من الأمل


الآن
جميع الأجزاء

:: صور من رحلتي الى صلالة ::
:: رويــال :: غير متصل   الرد باقتباس
قديم(ـة) 30-06-2007, 07:00 AM   #11
سرُّ مباح
عـضـو
 
صورة سرُّ مباح الرمزية
 
تاريخ التسجيل: Oct 2006
البلد: متغربه انا !!!
المشاركات: 570
وش دعوه يعني الاستخفاف وتخيل عقول النساء ..وسذاجتهن وصل الى هالدرجه يعني؟؟
هل يعقل ان ثمان وعشرين معلمه مافيهن ولا وحده واعيه فاهمه تفكر على القل هذا استخافاف
والقصه ماتخش الراس الى متى وهالقصص ذي تنتشر وتلعبون على عقول مين بالله
يكفي ارتقو بعقولكم وتفكيراتكم ..
ان لله وانا إليه لراجعون والله اموت بغيضي لمااشوف هذي المواضيع ماتنتشر الا بالمنتديات الملتزمه شي فعلا يقهر ويؤلم

اعذروني على صراحتي طبعي صريحه
__________________
سرُّ مباح غير متصل   الرد باقتباس
قديم(ـة) 30-06-2007, 02:41 PM   #12
الشجاع
عـضـو
 
صورة الشجاع الرمزية
 
تاريخ التسجيل: Sep 2002
المشاركات: 2,621
يااااااااذهنه هالذهينة

وراهـ مايحطونه وزيرة معارف بعد :s
__________________


هذا التوقيع إهداء من غندر - رحمه الله -




المــ O.EC @ HoTmAiL . COM ـاسنجر
الشجاع غير متصل   الرد باقتباس
قديم(ـة) 01-07-2007, 02:02 AM   #13
مستر فلة
عـضـو
 
صورة مستر فلة الرمزية
 
تاريخ التسجيل: Jun 2007
المشاركات: 32
هههههههههههههههههههههههههههههههههههههههههههههههههه ههاي







والله خطة منتااااازة





مشكووور
__________________
****** ياضايق البال ****** وسع الخاطر ******
مستر فلة غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 02:27 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)