بريدة






عـودة للخلف بريدة ستي » بريدة ستي » سـوالـيـف كـشكـولـيـة » من حكايا ألف ليلة وليلة : لن تلعطـ التمر حتى تشرب المرّا .. أو كما قال الشاعر :/ # تم

سـوالـيـف كـشكـولـيـة الطرائف و الألغاز - يمنع مشاركة النساء

إضافة رد
 
أدوات الموضوع طريقة العرض
قديم(ـة) 04-09-2010, 10:20 AM   #1
خوي السرور
عـضـو
 
صورة خوي السرور الرمزية
 
تاريخ التسجيل: Jan 2005
البلد: بريدة ـ الاسكان 4 شرق مسجد كعب الإحبار <<< ييزي ؟
المشاركات: 8,848
من حكايا ألف ليلة وليلة : لن تلعطـ التمر حتى تشرب المرّا .. أو كما قال الشاعر :/ # تم

سيهم بالخير .. منب مسلّم لأني تقل أسلم على هالكرتون اللي بجنبي ما أحد يردّ
<<< وراوهـ بدى يهوش من أوّلهـ ..

شآآآآلوم ؟!

طيبين كل العيال ؟
كل عام وأنتم طيبين بمناسبة العيد اللي بيجي أن شاء الله ..
والله يتقبل صالح الأعمال ويرزقكم دراهم ..


( البنات ممنوع بذا وأي بنت تقرا ترا تبطهـ شوكة وتموت )

يالله اطلعن وروحن شاركن بالكوفي شوب ..

مير خلاص مانب هارج زود يقعد يجيك أحد يقول يتميلح ومايتميلح


الصدز ياعيال أني مانويت أكتب موضوع لكن قلت خل اكتب موضوع أخاف يفقدونن
<<< يقالهـ أحد دري عنكـ أنت وخشمك


وبعدين لاتحسبونن منقطع عشاني أتغلى ولا شي ..

لا لا خبركم رمضان شهر عبادة وقرآن وصلاة مهب مثل غيرهـ من الشهور ..( هنا مصر )


مير على طاري شحط الروح ..
به سالفة بس تراهـ قديمة شوي .. يعني اللي تسد سمع به لايقعد يحطم ويصير حطيمي

يعني سلكوا لي واضحكوا لو مجاملة تراي حساس وعلطول ينجرح شعوري


أيوهـ وين وصلنا

ايه أقولكم ..
هذا مصري سأل خويهـ ..

:أنتا بتحب الصالحين ؟

قال خويهـ : إيوووووووه

قال هالمصري
: أحبك الله الذي أحببتنا فيهـ

تحذير :

من هنا رايح يخطم لغة عربية فصحى ولغة خبوبية فأنتم خلوكم منبثقين ..


المهم خل أقولكم سالفتنا والتي تستحق أن تدخل موسوعة جينيس من أعمق أبوابها والتي كل من سمعها لايملك إلا أن يضع يديهـ على ركبتيه ويبكي بكاءً يقطع الفؤاد ويذيب الجلمود الذي حطه السيل من دمي

كل يوم يجي مخرج أمريكي من هوليود ويقولي بنسوي فلم يحكي قصكـ وهيك لكن أنا أرفض وبشدة
خبركم مانبي الشهرة همن باتسر نقعد نفتي أن الدخان حلال ولا هيك ولا هيك


وذاك اليوم جان هندي من بوليود يقول بنحط فلم .. بس عييت بعد لأني أحس لاشفت فلم هندي أن به ريحة كشنة مادري وراهـ

مير ماسمعتوا عن الفلم الهندي اللي اثنين لقوا بنت صغيرة ضايعة بالشارع .. أخذوه لبيتهم وربّوهـ ويوم كبرت أكتشفوا أنهـ أمهم


نرجع لمحوري حديثنا

قصتنا طول الله عمركم بدأت في السادس من أبريل شباط الثاني من عام 1431
كان الليل هالك وحالك ومالك وعقارب الساعة حقت قريتنا تشير إلى الثانية ليلاً

ولا تسمع إلا صوتها وهي تقول : دق دق دق بنق بنق بنق <<< يضعف عزم عقرب الثواني لاجاء يرقى

والهدوء يلفلف المكان فلا تسمع إلا شخير الشيبان اللي نيمين بالسطوح .. وعواء الكلاب التي تحرس الأغنام .. وصوت البط الذي يسبح في ساقي المزرعة .. ومكينة مزرعة أبو علي الديزل


<<< آوالله هدوء

في ذلك الوقت كنت أتقلب يميناً ويسرهـ .. يسرهـ ويمين .. أفكر كم بقى لي وأصير كبر أبوي ويعطونن الرجال فنجال قهوة لاصرنا قاعدين مهب يسحبون علي ولا يعطونن شي

إلا وأسمع صوت باب بيتنا يدق بقوة ..

طرع طرع طرع .. جك جك جك <<< هذا صوت المفتاح يدق الباب

نقزت منهبلاً وقلت بس أكيد بقرة جيراننا ولدت وجايين يعطونن ولدهـ

وأركض وأركض وأركض للباب وأركض وأركض وأركض
<< مهب حوش ذا طريق المدينة على كل هالركض ..


ويوم وصلت للباب وأعطيه خقلة حتى ينفتح ..

وأثرهـ أبو شباصة طايراتن عيونه ويلهث ..

أنا : وش بك الله يقلعك هبلتن .
أبو شباصة : آآآآفففف ها ها <<< قاعدن يلهث تراوهـ

أنا : أحسن الله عزاااااااااك متى مات أبوك ؟

أبو شباصة وبعد ما أسترد أنفاسهـ وخف لهاثهـ
قال :لا مابه ألا العافية أبوي الظاهر هالشايب بموت قبلهـ وهو توهـ يلعب كارتيه
أول مرة أشوف واحد له عشرين حفيد ويمارس يوغا

المهم اسمع أنا طرت لي فكرة وجيت أبيك تنفذهـ معي ..

أنا : وشي ؟

أبو شباصة وهو يلتفت يمين ويسار : قررت أصير أنا وياكـ تجار ..

أنا : موافق من زمان ودي أصير تاجر

المهم جلسنا طول الليل انا وأبو شباصة نطور الفكرة ونتناقش لين قررنا أننا نفتح محل ..
واشترط أبو شباصة أن نصيبه كل شهر 71 % من الأرباح لأنه هو راعي الفكرة

طس لبيتهم وأنا رحت أنام وفي الصباح كان أبو شباصة مسنتر عند باب بيتنا ومعه وميضه ..

رحنا لم جارنا أبو فهد .. واتفقنا معه نستاجر المحل اللي بعمارتهـ

وركبنا لوحة المحل :



وافتتحنا محلنا ..

إلى هنا نتوقف وبإذن الله بكمل بالجزء الثاني الليلة بإذن الله لأن الساعة الحين 9 الصبح ولا بعد نمت ..

وبالجزء الثاني بإذن الرب :

ـ العامل اليماني وهوشتنا معهـ وطردهـ
ـ وميضه يقول هونت
ـ افتتاح كاشيرات نسائية بمحلنا
ـ صور التوصيل السريع لمحلنا


*** الجزء الثاني ***

نكمل لكم الجزء الثاني والأخير من حكايتنا العظيمة ..

افتتحنا المحل وجو أهل القرية كلهم لحفل الافتتاح وشربوا قهوة وأكلوا فطاير من اللي حنا جايبين

وراحوا ولا شروا ولا بريال قطعن يقطعهم

وهذي صورة محلنا بعد تركيب اللوحة :




المهم كان به مشفوح القرية جت الساعة وحدهـ وهو لهالحين جالس يقحن شاهي

يامدير يالله بنصك ياعم يالله ياصديق ترا قضت الحفلة

لدرجة أني قعدت انا وأبو شباصة ووميضه قدامه ونقول له تسذا ( ) بس مااااااااش مافهم ..

ومير نصك ونخليه لباتسر نفتح لهـ

راحت أيام ولا جانا ولا زبون ..

الصبح والظهر والعصر أجلس أنا بالمحل

والمغرب يمر أبو شباصة على المحل

ومن عقب العشاء لين نصك يقعد به وميضهـ


طبعاً أبو شباصة قلنا لهـ ليش أنت بس المغرب يقول فكرتي ولا فكرتكم

ولو نقول له : طيب ليش تاخذ 71 % من الأرباح وحنا نتقاسم الباقي ؟ وانت ماتقعد ألا المغرب

يقول : ترا أبهون عن فكرتي ولا أعلمكم به


المهم بعد مامر أسبوعين قالي وميضه :

شف يابو سرّ .. الحقيقة أنا أحس أن أبو شباصة يلعب عينا <<< لهالحين يحسون هالثورة ما اكتشفوا

لكن شف .. خل نقوله بنجيب يماني يقعد بالمحل
وراتبه يصير مقسوم بيننا

أبو شباصة يدفع 71 % منهـ
وأنا وأنت ندفع الباقي ..


قلت : والله ياوميضه أنك جبتهـ ..


فاتحنا أبو شباصة بالموضوع وبعد برهة من الوقت أقتنع .. لكن قال :

أنا بدفع 16 % من راتبه .. تبون ولا بكيفكم ..

حنا : خلاص خلاص موافقين


المهم .. راح شهر ولا بعنا ألا ليفة سباحة لعجوز .. وبعد يومين رجعّهـ ولدهـ .. يقول أنه ماتت قبل تفكهـ ولا نبيه ..


وبعد مرور 43 يوم على افتتاح المحل .. قال اليماني خلاص مانب مشتغل عندكم ؟

وميضه : ليش ؟!

أبو يمن : أنتو وجيه فقر ما إنتو وجيه تجارة .. أنا مالي شغله ألا أقتل الذبان من الفراغ مافيه زباين مافيه حركه .. خوذوا المفاتيح وهيا انقلعوا جني شلك أنت وياهـ


أنا : تكفى أقعد
وميضه : لا تكفى ودي أقعد مع اخوياي بالاستراحة بعد العشاء

أبو شباصة : ياسلالالالالالالام أخيراً افتكينا من هالعلة


راح اليماني ورجعنا نشتغل حنا بالمحل .. وفي يوم من الأيام
وبينما كنت جالسن في المحل بعد العشاء ..
طبعاً تقولون العشاء وقت وميضه .. لكنه لاعبن علي كل يوم يقول أمي مريضة ولازم أقعد عندهـ تكفى يابو سر ياشنب يا أحسن واحد بالحارة أقعد بدالي هالنوبة بس .. وكل يوم على هالحالة وأنا ياحول على نياتي

المهم نرجع للقصة .. وأنا جالسن بالمحل وكالعادة ماهنا مبيعات

وأنا ماسكن العود وأغني : هلا باللي لفاني ياهلا به


ألا ويجي واحد من بعيد وكل ماله يقرب
ياولد شكله هذا حرامي

<<< ماتعود يجي زبون للمحل

المهم أثرهـ أبو ناصر الشايب اللي بجنبا هذا علماني القرية حقتنا
.. جاين يدور سيم عشان يربط به معلاف البقرة :/

يوم جاء يطلع قال : ألا ياوليدي ألاحظ أنك بتله بالمحل .. مهب أنتم ثلاثة وين الباقين ؟
أنا تنهدت وبقوة وقلت : إيييييييييه ياعم لاتقلب الهم وأنا كلي جروح ..

تعبت تعبت ياعم لكن أن شاء الله أبلقى فكرة ازين من فكرة أبو شباصة وأصير أنا أخذ 71 % من الراتب

قال أبو ناصر : انا عندي الفكرة .. ورا ماتجيبون لبنانيات وتخلونهن كاشيرات بمحلكم ؟!

<<< لاحظوا كاشيرات والمبيعات 0 %

طرحت الفكرة على وميضه قال : ماضنتي يوافق أبو شباصة .. نسيت اليمني ؟
أنا : ألا أن شاء الله بيوافق .. يقول لاحياة لمن تنادي مدري لاحياة مع اليأس أو حول هالحتسي

يوم قلنا الفكرة لأبو شباصة قال : موااااااااافق موافق .. وأنا أبصير مراجع الكاشير وأمر كل وقت أشوف الوضع ..

أنا استانست .. اخيراً أبفتك من القعدهـ بالمحل ؟

بعد يومين من شغل الكاشيرات صارت مظاهرة بالقرية وطالبوا أننا نوقف الانفتاح هذا ولا نغرب القرية ونسوي زي الكفّارين







طبعاً رجعت للمحل وصرت أنا اللي أقعد به كالعادة


وبعد فترة وانا قاعد بالمحل وفي الساعة التاسعة مساء .. دخل وميضه المحل
وقال : شف يابو سرّ انا قررت قرار لارجعه فيه ..

انا : وشو بترجع تقعد بالمحل عقب العشاء ؟

وميضه : لا .. قررت آخذ دراهمي وأترك الشراكة معكم ..

انا :

وميضه : يالله أبروح لأبو شباصة وأصفي الحساب

أنا : لا تكفى أرجوك أرجع عن قرارك

وميضه : وخر بس لا ألفعك

أنا جان انهيار عصبي وقعدت طول الليل أصيح بالمحل .. وطبعاً ماجاء أحد يهدين لأن كالعادة مابه زباين

عاد طول الليل وأنا أصيح وقلت بيتين بمناسبة مفارق وميضه وماسكن العود وأقولهن طول الليل :

إيه ياعين هلي صافي الدمع هليهـ *** وإن قضى التانكي من السعابيل صبيه

إيه ياوميضه رحت عني وخليتني ليه *** من بعد ماحشمتك وكل شي تقوله أقول إيه




ومن بكرا الصبح وبينما أنا بالمحل جالس ..
دخل أبو شباصة وقال : شف يابو سرّ .. هذي عشرين ألف ريال وأبيك تتنازل عن حقوقك معي
أنا : موافق
<<< عشرين ألف وراه مايوافق

وتركت المحل وصار أبو شباصة يدهر به .. وبعد فترة تحول من فتحة إلى سوبر ماركت كبير

وأنا ووميضه نقعد قدام المحل ومستغربين وشلون حقق هالنجاح ؟

ومن قوة المبيعات حط أبو شباصة توصيل :

( هذي صورة لأحد الطلبيات رايحن يوصله العامل )




وبعد سنة صار للمحل فروع وانتقل ابو شبص للعيش بالمدينة

وانا ووميضه ماغير تسدح بملحق بيتنا

وماسكين العود

ونغني :

يلا يلا ياله ... أبكي حظي وش جرالهـ

إنتهت

نشوفكم بالعافية وسامحونا على القصور


اديب بن أبيه

آخر من قام بالتعديل عبدالرحمن الشايع; بتاريخ 06-09-2010 الساعة 10:41 AM.
خوي السرور غير متصل   الرد باقتباس


قديم(ـة) 04-09-2010, 11:52 AM   #2
Bleeder
[ Pharmacist ]
 
صورة Bleeder الرمزية
 
تاريخ التسجيل: Mar 2009
البلد: بريدة
المشاركات: 3,787
ههههههههههه أجل ماعندكم ايفون
راح سوقكم ياولد ..


اقتباس
ـ افتتاح كاشيرات نسائية بمحلنا

ترى هالعالم شابين على هايبر بندة لمين دج ..
ماله داعي شسمة ..

اقتباس
ولا تسمع إلا صوتها وهي تقول : دق دق دق بنق بنق بنق <<< يضعف عزم عقرب الثواني لاجاء يرقى

تصليييييييييييييع ..
Bleeder غير متصل   الرد باقتباس
قديم(ـة) 04-09-2010, 02:06 PM   #3
إبراهيم الضبيعي
عضو اللجنة الإعلامية
مـشـرف أفراح واحتفالات
 
تاريخ التسجيل: Jul 2004
البلد: بريدة
المشاركات: 6,638
بعدي والله ابو سر
اجل دكان الدعوى كفو لا تبطي علينا ترى للحين ما مسكنا علم

اقتباس
البنات ممنوع بذا وأي بنت تقرا ترا تبطهـ شوكة وتموت

الملاحظة هذي ليتك تكرره بكل ردودك خبرك لازم تكرار عشان اشسمه

تمييز يا ألبي
__________________
.

لتصوير الحفلات والزواجات والإجتماعات والمناسبات
المراسلة على الخاص
0505435500

.
إبراهيم الضبيعي غير متصل   الرد باقتباس
قديم(ـة) 04-09-2010, 04:36 PM   #4
أبو رزان
** B a d e r **
 
صورة أبو رزان الرمزية
 
تاريخ التسجيل: May 2005
البلد: Oo buraydah city oO
المشاركات: 4,079
هههههههههههههه الله يقلع إبليس خويك أبو الشبص ننتظر الجزو الثاني ,,
أبو رزان غير متصل   الرد باقتباس
قديم(ـة) 04-09-2010, 05:30 PM   #5
[ لــمّــآح ]
مُــدَانْ
 
صورة [ لــمّــآح ] الرمزية
 
تاريخ التسجيل: Apr 2008
البلد: هُـنَـآكْ حَيْثُ الأًلَمْـ '
المشاركات: 5,629
اقتباس
أبو شباصة وبعد ما أسترد أنفاسهـ وخف لهاثهـ
قال :لا مابه ألا العافية أبوي الظاهر هالشايب بموت قبلهـ وهو توهـ يلعب كارتيه
أول مرة أشوف واحد له عشرين حفيد ويمارس يوغا

هههههههههههههههههههههههههه يخرب بيته وش يعرفه لليوغا


نحتري الجزو الثآني ..
[ لــمّــآح ] غير متصل   الرد باقتباس
قديم(ـة) 04-09-2010, 05:37 PM   #6
الجادي المدوف
كاتب مميّز
 
صورة الجادي المدوف الرمزية
 
تاريخ التسجيل: Mar 2010
البلد: الرياض ~ بريدة
المشاركات: 2,699
اقتباس
المشاركة الأساسية كتبها خوي السرور

ـ افتتاح كاشيرات نسائية بمحلنا



ما به أسماء مقترحة لإشغالهم في هذه الوظائف الشاغرة ؟
__________________




الجادي المدوف غير متصل   الرد باقتباس
قديم(ـة) 04-09-2010, 05:51 PM   #7
وزير دفاع
Registered User
 
تاريخ التسجيل: Dec 2009
البلد: بريده ستي
المشاركات: 609



الا اقوووول

شباط الثاني وش هو من لحيه ؟؟؟

وزير دفاع غير متصل   الرد باقتباس
قديم(ـة) 04-09-2010, 05:53 PM   #8
أبو غــلا
مشرف أخبار بريدة
 
صورة أبو غــلا الرمزية
 
تاريخ التسجيل: Feb 2010
البلد: بريــدة || ~
المشاركات: 3,244
أعلمك خويك ذا عليه وقت مخمخه .. أجل الساعه 2 بالليل
طيب يوم إن له 71 % يبقى انت ووميض كم لكم !

اقتباس
مير خلاص مانب هارج زود يقعد يجيك أحد يقول يتميلح ومايتميلح

وفوق هالتميلح ذا شي ؟؟ ذذ

اقتباس
قال هالمصري
: أحبك الله الذي أحببتنا فيهـ

هههههههههههههههههههههههههههههه بصرآآحه ذا المصري مقلع


يعطيك العافيه وبإحترائك
__________________
قال أحدُ الصالحين :
.. { نسْالُ الله تعالى أنْ يعطينآ ..
فإنْ أعطانا فَرحنَآ مرّةً .. وإن منعَنا .. فَرحنآ . عشرُ مرّآت ..!
لإن العطآء إختيآرُنا .. والمنعُ إختيارُ اللّه .. ~
وإختيار اللهِ . خيرٌ من إختيآرنا .. ! } ..
أبو غــلا غير متصل   الرد باقتباس
قديم(ـة) 04-09-2010, 08:21 PM   #9
عبدالرحمن الشايع
عضو اللجنة الإعلامية
مشرف أخبار بريدة
 
صورة عبدالرحمن الشايع الرمزية
 
تاريخ التسجيل: Nov 2006
البلد: buraydahcity
المشاركات: 9,568
,

هههههههههههههههههههه لبى قلبك يآ آديب
آمممم هذآ من الي قلت لي آنتظر ؟
والله يانا دخلت جو مع الرواية
ياحبيلك ننتظر الجزء الثآني
__________________
.

لتصوير الزواجات والحفلات / 0569499222

حسابي بالإنستقرام | @Dhoom06

تويتر |
http://twitter.com/abdulrahman_06


.


،
عبدالرحمن الشايع غير متصل   الرد باقتباس
قديم(ـة) 04-09-2010, 08:29 PM   #10
قلم جريء
عـضـو
 
صورة قلم جريء الرمزية
 
تاريخ التسجيل: Dec 2009
البلد: [][][]جزر الكناري[][][] البشره:[][][] حـنـطـي[] [][]
المشاركات: 1,977
اقتباس
المشاركة الأساسية كتبها خوي السرور
سيهم بالخير .. منب مسلّم لأني تقل أسلم على هالكرتون اللي بجنبي ما أحد يردّ



وعليكم السلام
اقتباس
المشاركة الأساسية كتبها خوي السرور
ايه أقولكم ..

اقتباس
المشاركة الأساسية كتبها خوي السرور
هذا مصري سأل خويهـ ..

اقتباس
المشاركة الأساسية كتبها خوي السرور

:أنتا بتحب الصالحين ؟

قال خويهـ : إيوووووووه

قال هالمصري
: أحبك الله الذي أحببتنا فيهـ


ههههههههه شكل انت ذا



لاتــــبــــطي علينا
قلم جريء غير متصل   الرد باقتباس
قديم(ـة) 04-09-2010, 08:33 PM   #11
الـدعساوي
أبتاه ، فقدك آلمني ..!
 
تاريخ التسجيل: Jan 2008
البلد: لا إلى هؤلاء ولا إلى هؤلاء
المشاركات: 5,960
اخبر ابوشبآصة قد وآفته المنية
منين طلع يالكلاك
الـدعساوي غير متصل   الرد باقتباس
قديم(ـة) 04-09-2010, 08:58 PM   #12
ŔǺỶĀЙ
عـضـو
 
صورة ŔǺỶĀЙ الرمزية
 
تاريخ التسجيل: Oct 2009
البلد: 20/10/2010 تآريخ مهم . . .| | كونو على الموعد | |
المشاركات: 1,548
هههههه الله يقلع ابليسك ..




ابوسر عندكم جوال بالمحل , زي ذاء HTC Touch Pro ..



بإنتظار الجزء الثاني يا آديب


ŔǺỶĀЙ غير متصل   الرد باقتباس
قديم(ـة) 04-09-2010, 09:12 PM   #13
هاوي الربع
Guest
 
تاريخ التسجيل: Feb 2010
البلد: بـــــريــــــــدة
المشاركات: 851
هههههههههههههههههههههههههه

اجل لغه خبوبيه وفصحآآآ يآآآحبيلكـ تستاهل التميز يا خلفهم .... تحياتي لكـ<<<<<<هاوي الربع
هاوي الربع غير متصل   الرد باقتباس
قديم(ـة) 04-09-2010, 09:12 PM   #14
كآيدهمـ
مشرف سواليف كشكولية
 
تاريخ التسجيل: May 2009
البلد: دآخلـ آلكشـ كوووووولـ
المشاركات: 4,863
وش ذا الموضوع من زمان ما شفا اشياء حلوه وفيها تصلع

فاقدين المواضيع من بعد ما انفقدو الاخوان الله يفك اسرهم

الموضوع رهيب يابو سر ونحتري الاكشن مع ابو يمن بالجزى الثاني



مداخلة بسيطة (( لاقافة )) لا تنزل الاجزاء ورى بعض
خلنا نشتاق لك ولمواضيعك يعني كل يومين او كل ثلاثة ايام
نزل لنا جزى ويبي يكون رائع لا انه من اناملك يابو سر
كآيدهمـ غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 05:29 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)