بريدة






عـودة للخلف بريدة ستي » بريدة ستي » سـوالـيـف كـشكـولـيـة » .. { لاهمّ الا همّ العرس ولا وجع الا وجع الضرس ! : (

سـوالـيـف كـشكـولـيـة الطرائف و الألغاز - يمنع مشاركة النساء

موضوع مغلق
 
أدوات الموضوع طريقة العرض
قديم(ـة) 11-09-2009, 08:30 PM   #1
جيدا
عـضـو
 
صورة جيدا الرمزية
 
تاريخ التسجيل: Dec 2006
البلد: قارب الشجن .. !
المشاركات: 3,235
.. { لاهمّ الا همّ العرس ولا وجع الا وجع الضرس ! : (

1






< شفتوا خشة هالصغنطوط .. كأنها خشتي قبل فتره ..

السلام عليكم ورحمة الله وبركاته ..
يالله حيهم , ياهلا والله وسهلا .. ياهلا والله ومرحبا ,
ياهلا والله باللي مبطين عنهم , ياهلا بخلفاتهم , ياهلا بالوهـ بسـ كلهم ..
والله اني مهيب من عادتي انزل موضوع بالرمضان .. بتلتن معتكف بس مادري وراي ..
>

صباحكم آلام ..
> يسمع بالتحيه !

شسمه ..

قبل الرمضان بفتره لجّ علي ضرسي وبهذلن بهذله , وتوي افطن اقص القصّه ..

انا الصراحه أسمع كثيير بأمثلة كبار السنّ وقراشيعهم وقوانينهم ونظرياتهم وفرضياتهم .. وماآخذ منها كثير .. مدري ليه !

ربما أتبعت هذا القول : نصائح الشيخوخه مثل شمس الشتاء تضيء دون أن تدفئ !

لكن هالمره ابي اخذ , وأبي آخذ بقوه بعد
" لاهمّ الا همّ العرس ولا وجع الا وجع الضرس "
واااااااااااااااو , والله يالمثل هذا بالصميم ,
العرس اولاه بس ..
> !

المهم ..

صباح يوم جمعه كئيب , قمت من النوم وخشتي زي هذا >
مادري ليه ! . قمت ورحت عند الوالده الله يحفظها , ونمت عنده وقومته واقلقت راحته .. لما قامت الله يعطيه العافيه وحلت المشكله ببعض الأدويه الشعبيه !

وفي نفس اليوم , قبل النوم ليلاً , جتّ الجنيه بتوع السنون ..
وااااااااااوك .. آلام مادري من وين ! مافيش تسوّس .. مادري شالقصه !

حاولت انام , اتقلب يمين يسار ,
فكرت , تخيلت , نمت على جنبي الايمن والايسر , استغفرت , لعّنت , فتحت الجوال , ناظرت المقاطع , فتحت الرسائل , قريت قصه ,
اتصلت على 902 , قلبت الفراش , شربت ماء , فصخت القميص , كل شي سويته .. بس مااااااااااش عجزت انام من الوجع !

وكالعاده الوالده الله يخليها ماتروح بعيييد .. جتّ لمي , وعطتني علاج .. وخلتني احط يدي على الوجع واقرأ الفاتحه سبع مرات ..

> دينه الوالده !

المهم خفّ الوجع والحمد لله ونمت وقمت قرير العين > قرير العين ماتحسب , بس جايزتن لي وأبي اقوله ..

وكالعاده مسك علي سنّي بالليل ماادري وش القصه !

قلت مافيها .. ابي اروح المستشفى , شغلت السياره ورحت لمهم , دخلت ولقيت الموظف بالرسيبشن ,

انا : السلام عليكم السلام . الله يخليك ابي عيادة الأسنان ..
الموظف : حياك .. والله ياعمي مافيه دكتور مختص , ولازم تجيب لنا تقرير من المستوصف اللي عندكم !
انا : طيب الله يخليك المستوصف حقنا مسكر الحين , يعني لازم اقمز عليهم , وش الحلّ برايك؟
الموظف : الحلّ تدخل على الدكتور اللي مش مختص يعطيك مسكّن لما يصير بكرا وتجيب لنا تقرير من مستوصفكم !
أنا : اها الله يخليك .. سلام عليكم ..

> اروح آخذ مسكّن امي احسن لي .. الفاتحه وحركات ..

طلعت ورحت ووقفت عند صيدليه ودخلت عليه قلت الله لايهينك عندك علاج لسنوني ولا اقلعهن كلهن ؟
واثر البايع مصري يحوم التسبد استغفر الله , قال ياعمي ماتشيلها كلها ياعمي ..

قلت ياملحك بعد , اقول عطن مسكن الله يرضى عليك ..

وعطاني مسكّن وعلاج الصراحه اول مره اشوفه , وانا الصراحه شاكّن بأمر البايع هذا ..

هون :



حسيت ان العلاج اللي هو معطين حبوب حمل !

احد منكم يعرف العلاج ذا ؟

واخذت العلاج هذا ولا فاد ولا شي , ماغير زاد الوجع ..

2

من بكرا الحقيقه أني ماداومت يوم الأحد ولا يوم الأثنين ..
من الوجع , حتى الوجع مايتسلط علي الا قبل النوم أو بعد صلاة الفجر ..

هآآآلمهم ,

صباح يوم الأحد , ذهبت لمستوصف أهلي , ودخلت عليه , وطلع سوري ..

دخلت عليه بعد ماأنتظرت سراء ساعه ونصف ..

> إنتظار ساعه ونصف .. !
صوره مع التحيّه لمصلحة المياه .. صوره مع التحيّه لمكافحة التسوّل ..

> سامعن به ولا ادري وين تقال معليييييش ..

المهم ,

دخلت عليه , وسدحن على الفراش الله يعافيه ..

انا عندي الوجع بأسناني الأماميه , مش الضروس ..
قعدت الدكتور يحفر بضروسي .. قلت لا لا يادكتور الوجع هنا ..

قال ياعمي ماتخليني أشتغل
قلت خلاص بسم الله عليك

هاشن هالداشر ..

والله ياهو نرفزن , هذا بدال ماتراعي شعوري ياخي جاي تهوش علي !
ماكسرت خاطركم الله ياخذ هالخشش عاد ؟!

المهم قال لي الأسنان حقاتك سليمه ولا فيها شي ..
قلت طيب ياعزيزي من وين الوجع اللي بالليل اللي مايخليني انام الا فوق الساعه ثلاث !

المهم اخذت منه عذر للجامعه حق الغياب وحاسبته ,
كان حسابه 50 ريال كشف و 25 ريال علاج ! , ورحت وخليته ..

ورحت لمستوصف ثاني تخصص أسنان فعلاً !
شكل المستوصف اللي رحت لمه الأول مشرحه أو أنه مقصب غنم !
الصراحه مايعرف يشتغل , حتى المبنى استغفر الله فسسسسل بشكل ..

دخلت على المستوصف الجديد وكان الرسبشين كله بنات ..
انا الصراحه يوم شفت الأستقبال طاب الألم , أشويت ..

يالبّى قلبهن بس .. وهـ بس , وش اقول بس !


دخلت على الدكتور , وفحص الوضع وأخذ نص ساعه فحص ,
قال ياخي حالتك غريبه !
يوم قال كذا دخلني الماء , توحشششششششت بشكل !

قلت وش فيه يادكتور ! معقوله أيدز ! :
> عاد ماقلت زي كذا بس تبهير للسالفه !

المهم قال مااقدر احدد لك المشكله .. لازم نسوي فيلم بانوراما للفكيّن بتوعك !
يعني تصوير لخشتي !

قلت مافيش مشاكل , دخلت غرفه وصوروا خشتي !

دخلت صورت عند السساتر خشتي :



عاد مصورن السساتر , اللي يبيهن يراسلن ع الخاص ..

> قوست , اتسذب قسم ..




هآآآلمهم , طلعت الأشعه وجبتها للدكتور وشافها وقرر الحاله !

بعد ماقعد يناظر التقرير وشاف حالتي قرر يسوي لي عمليه بسيطه ,
وهي عباره عن حفر للسنّ الأمامي ثم الوصول إلى اللثه ثم إخراج شي من اللثه , ثم حشو
السنّ مره أخرى ..

> يوم قال لي نبي نحفر ومانحفر ومادري أيش ,
قلت في بالي قاضين من حفريات الشوارع تجي تحفر بخشتي !!

لكن قبل ماانهي الموضوع فيه أمر قاله لي الدكتور !

قال ياعبدالمجيد في حالتك ماأشوف أي أثر لضروس العقل من خلال التصوير ,
مافيه أي أثر , ممكن ماتطلع لك .. أو زي كذا قال لي !

قلت يادكتور يعني أنا نفسيه ولا ماهنا عقل ولا وشلون ؟!
قال لا عادي , مرت علي كم حاله مثلك , لاتنزعج عادي !


أجل ماهنا ضرس عقل ! اثري رقله ..
طبعا حسب تشخيصي لحالتي وحسب علمي العميق أتوقع أن هذا تميّز بالشخص
حيث انه مايطلع له ضرس عقل والشغلانات هذي ..

>

أخيراً .. قرر الدكتور العمليه والحفر والقراشيع هذي , ومدتها 45 دقيقه ..

التصوير للفكين قيمته : 150 ريال ..
العمليه اللي بسويها قيمته : 650 ريال ..

خابرين لي مسجد كويس أشحذ به ؟!

أخيراً .. المعذره على الإطاله ..
دمتم وضروسكم وسنونكم وحقاتكم ذوليك أحسن أحد بالدنيا !



__________________


طلبتك كان لي في داخلك بعض الغلا أجفيني
ترى حرّ الجفاء اهون كثير من الوهم لو دآم = ( !

آخر من قام بالتعديل خوي السرور; بتاريخ 11-09-2009 الساعة 10:04 PM.
جيدا غير متصل  


قديم(ـة) 11-09-2009, 09:08 PM   #2
AL RAJHI
عـضـو
 
صورة AL RAJHI الرمزية
 
تاريخ التسجيل: Apr 2009
البلد: ياكليب شب النار ياكليب شبه عليك شبه والحطب لك يجـابي وعلي أنا ياكليب هيـله وحبه وعليك تقليط الدلال العذابي وادغث لها ياكليب من سمرخبه وشبه الى منه غفا كل هـابي بـاغ الى شبـيتها بالمشــبه تجذب لنا ربع سـرات غـيابي بنسـرية ياكليب صـلف مهــبه متكفكفين
المشاركات: 3,366
أعوذبالله وأنا أقرأ بدأ ضرسي يوجعن




هذا العلاج أكلمرة شفته ياكله جدي رحمة الله مضاد للمرض الخبيث فاضي قاعد تصور بعدين هذا مستودع مهب صيدلية
__________________
.
.....
.................
..........................

آخر من قام بالتعديل خوي السرور; بتاريخ 11-09-2009 الساعة 10:04 PM.
AL RAJHI غير متصل  
قديم(ـة) 11-09-2009, 09:33 PM   #3
خوي السرور
عـضـو
 
صورة خوي السرور الرمزية
 
تاريخ التسجيل: Jan 2005
البلد: بريدة ـ الاسكان 4 شرق مسجد كعب الإحبار <<< ييزي ؟
المشاركات: 8,848


قصّ أظافيرك ياوصخ
والشخصية متعوب عليه صراحة .. تقل نا.. الق...بي

لي رجعة ياحلو .. والله يابه بعض الامور مثيرة بهالموضوع
__________________
في بريدة ستي .. كانت لنا أيام :

http://www.buraydahcity.net/vb/showthread.php?t=262111

( قلب حب 1 )

آخر من قام بالتعديل خوي السرور; بتاريخ 11-09-2009 الساعة 10:05 PM.
خوي السرور غير متصل  
قديم(ـة) 11-09-2009, 09:49 PM   #4
عبوود
عضو فعّال
 
تاريخ التسجيل: Dec 2008
البلد: ( آنآ لي قلب , مـآيحقد ۈلآيحسد ۈلآيغتآب’ لأن آلنآس من تخطي ؛ لهآ رب [ يجآزيهآ ] !)
المشاركات: 2,570
ههههههههههههههههه

الله لا يبلان بوجع الضرس

محد قالك لا تفرش اسنونك كل قبل نومه

هالمره عدت على خير الله يعينك من الي جايات






"
__________________
1/1/1431هـ
عبوود غير متصل  
قديم(ـة) 11-09-2009, 10:51 PM   #5
ابــو صــدام
عـضـو
 
تاريخ التسجيل: May 2009
البلد: بريده
المشاركات: 406
×××××××××××××××

قل خيراً أو اصمت

آخر من قام بالتعديل خوي السرور; بتاريخ 12-09-2009 الساعة 12:54 AM.
ابــو صــدام غير متصل  
قديم(ـة) 11-09-2009, 11:06 PM   #6
جـلـوكـوز
عـضـو
 
صورة جـلـوكـوز الرمزية
 
تاريخ التسجيل: Jul 2009
البلد: حولكم
المشاركات: 1,913
اقتباس
دخلت على المستوصف الجديد وكان الرسبشين كله بنات

وووينهوبه المستشفى ذا , أبيك توصفه لي عقب الرمضان >>
__________________
ا
جـلـوكـوز غير متصل  
قديم(ـة) 11-09-2009, 11:41 PM   #7
AL RAJHI
عـضـو
 
صورة AL RAJHI الرمزية
 
تاريخ التسجيل: Apr 2009
البلد: ياكليب شب النار ياكليب شبه عليك شبه والحطب لك يجـابي وعلي أنا ياكليب هيـله وحبه وعليك تقليط الدلال العذابي وادغث لها ياكليب من سمرخبه وشبه الى منه غفا كل هـابي بـاغ الى شبـيتها بالمشــبه تجذب لنا ربع سـرات غـيابي بنسـرية ياكليب صـلف مهــبه متكفكفين
المشاركات: 3,366
^^



بس تراهم مايعدلون سنون الخبوبيين
__________________
.
.....
.................
..........................
AL RAJHI غير متصل  
قديم(ـة) 12-09-2009, 12:38 AM   #8
مـغـتـرب
.. فُــرٍجَـــتْ ..
 
صورة مـغـتـرب الرمزية
 
تاريخ التسجيل: Nov 2008
البلد: خارج الخدمة مؤقتا-أعتذر
المشاركات: 3,100
اقتباس
المشاركة الأساسية كتبها جيدا
دخلت على المستوصف الجديد وكان الرسبشين كله بنات ..

خابرن ضرسي يوجعن

وصف لي هالمستشفى شكله يصلح للضروس

اقتباس
المشاركة الأساسية كتبها جيدا

أجل ماهنا ضرس عقل ! اثري رقله ..

وللهجة عنوان..
__________________
سبحان الله وبحمدهـ

آخر من قام بالتعديل مـغـتـرب; بتاريخ 12-09-2009 الساعة 12:46 AM.
مـغـتـرب غير متصل  
قديم(ـة) 12-09-2009, 01:25 AM   #9
طارق العتيق
عضو اللجنة الإعلامية
 
صورة طارق العتيق الرمزية
 
تاريخ التسجيل: Mar 2008
البلد: buraydahcity
المشاركات: 3,895







يا ساااتر وش المصري .. هذا يبي يموتك ..

علاج قوووي مفعووله الله يستر لا يجيك شي من الحبووب

امززح معك يا خلفهم هذا اخبره مسكن للالم ..

تحياتي / abo yosef


.
طارق العتيق غير متصل  
قديم(ـة) 12-09-2009, 01:27 AM   #10
أبو رزان
** B a d e r **
 
صورة أبو رزان الرمزية
 
تاريخ التسجيل: May 2005
البلد: Oo buraydah city oO
المشاركات: 4,079



تآآآآآآ ,,, هااا << فاتح إثمه

الحمد لله على الرسبشين اللي به بنات << مغيم مع سالفة الرسبشين

آآآآآ عفوا حمداً لله على سلامة ضرسك



<< هذا مثل سالفة الشايب اللي يبي يروح لسوريا يركب ضروس بنية الطلاق

عساوهـ سمح الرجل إيه زين يوم مشت أمورك << ماهو مع السالفة أبد


على طاري لاهم إلا هم العرس .. ولا وجع إلا وجع الضرس << قالوا

إن الضرس إذا أوجعك وقلعته أشويت ..

والعرس إذا أعرست خلاص إنتهى الهم وكله سويعات وانت وشسمه إيه



لكن قالوا :

لا هم إلا هم الدين .. ولا وجع إلا وجع العين

^^
هذا اللي مابه طب







موضوع راااااااائع جداً يستحق القرائه بتمعن << يلزي مع حقين الصوتيات <> وش يبي ذا




..
__________________




تويتر : AboRazan_3@




أبو رزان غير متصل  
قديم(ـة) 12-09-2009, 01:51 AM   #11
mr.muhmmed
عـضـو
 
صورة mr.muhmmed الرمزية
 
تاريخ التسجيل: Feb 2008
البلد: ,’, بـريدهـ ,’,
المشاركات: 4,148
اقتباس
حسيت ان العلاج اللي هو معطين حبوب حمل !






.. ـهههـ



ياحبيلكـ يا جيدا .. آثركـ على الشيلة ..
__________________
* *

يغفر الله لكم و هو آرحم الراحمين .. : (


* *
mr.muhmmed غير متصل  
قديم(ـة) 12-09-2009, 02:15 AM   #12
مرعب النفوس
عـضـو
 
تاريخ التسجيل: Oct 2008
البلد: القصيم
المشاركات: 24
هههههههههههههههههههههـ ,,

الحمد للله هلى سلامك

وين المستشفى اخوي سنونه توجعه

خخخخخ
مرعب النفوس غير متصل  
قديم(ـة) 12-09-2009, 02:37 AM   #13
دريم
عـضـو
 
صورة دريم الرمزية
 
تاريخ التسجيل: Sep 2007
البلد: في الأحلاآآآآآمـ
المشاركات: 1,057
مشششششآء آلله ض0 .. جيدا منزل موضوع !
المووضوع طويل و آنا عجل
برب .. لي رجعه إذا وصلت الريآض
و تراي نسيت آنسخ السي دي .. ايه اللي صبرت كل هالمدهـ اصبر يومين
__________________
~ أصعب ( حـُلم ) ذلك الذي يبدأ دون أن نعرف لـه نهايـة .؟!
موضوعي قبل الآخير ذذ ..
【ツ】●• النظرهـ الآلآلآولى لك حلآآآآل عليك .. والثآآآنية لـ إبليس انتبه يلعب عليك •●【ツ】
موآآآضيعي ذذ الآخيرات في ..
【ツ】●• دروميآآآآآآآآآآآآآت •●【ツ】تمت اضافة 5-5 بموضوع مستقل
<<- موب معقول كلش ممنوع .. ايميل روابط .؟! مير راجع الملف الشخصي
دريم غير متصل  
قديم(ـة) 12-09-2009, 03:10 AM   #14
د/الفـهـد
عـضـو
 
صورة د/الفـهـد الرمزية
 
تاريخ التسجيل: May 2009
البلد: لاأنت وردة ولا قلبي مزهرية من خزف صدفة وحدة جمعتنا شوفي ويش لون الصدف ألتقينا في مدينة وفرقتنا ألف مينا أغفري للريح والموت والسفينة كانت الرحله حزينه .~
المشاركات: 4,896
اقتباس
المشاركة الأساسية كتبها جيدا
دخلت على الدكتور , وفحص الوضع وأخذ نص ساعه فحص

ههههههههههههههههههههه


متاااكد بس نص ساعه يالبي


...
__________________
د/الفـهـد غير متصل  
موضوع مغلق

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 05:55 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)