بريدة






عـودة للخلف بريدة ستي » بريدة ستي » أخـــبـــار بــريــــدة » أزمة غـاز اليوم في مدينة بريدة ..

أخـــبـــار بــريــــدة كل ما يهم مدينة بريدة

موضوع مغلق
 
أدوات الموضوع طريقة العرض
قديم(ـة) 27-04-2012, 09:53 PM   #1
هاتريك
Registered User
 
تاريخ التسجيل: Feb 2012
البلد: بريدة
المشاركات: 222
أزمة غـاز اليوم في مدينة بريدة ..




وأنا بالإستراحة اليوم الجمعة .. خلص الغاز .. فاضطريت للتعبئة كما يفعله كل مخلوق على وجه الأرض ..

أتجهت لمحل "غاز بالنهضة " مغلق ..

ومن ثم اتجهت إلى محل " غاز بالأفق " مغلق ..

وبعد عمل إحداثيات مع البشكة بالإستراحة عن أقرب محل " غاز " شمال ..

قالو فيه محل غرب الشرطة الشمالية .. عند الدوار " < بدون ذكر أسماء عشان الدعاية > ..

وأخيراً .. وبعد جهد جهيد .. تم العثور على المحل .. ولكن المفاجئة وجود زحمة غير عادية بالسيارات والجميع ينزل بلهفة .. منظر الزحمة .. كأنه ..( نسخة تصويرية لمطعم البيك بمكة ) ولكن الفرق تنزل معك اسطوانات غاز !!!

وبعدما ما لبقت الموتر .. ونزلت .. أشوف الجميع في حالة استغراب واستفهام !! .. قربت أشوف الوضع

" سئلت بالحرف الواحد وقلت : هل يوجد غاز < .. قال وأحد أعرفه بين الزحمة .. أكيد أجل يوجد جبن .. قلت الربع مجتمعين هنا بعد شكل الوضع مزري ..!

المهم رد العامل وقال .. فيه بس تغير شكل الأسطوانة .. قلت كيف !! قال تضطر تأخذ معها ( محول ) ..

قلت .. طيب وغازنا المعروف الي نأخذه بالعادة .. قال هذا غير موجود ؟!!

وأروح أسوي أحداثيات للبشكة بالإستراحة عن " هل أجيب هذا " [ بحكم أني أول مره أشوف أبومحول ]
.. قالي الطباخ .. لا لا موجود عندي أصلاً وماينفع وضعيف وياثر عليه الشمس وسهل الفتح ..

قلت طيب ..والحل ..!! قال شف محل ثاني !!

قلت يالله أطلع لجنوب بريدة .. يمكن .. ألاقي .. طلعت للبصيرية .. قالي نفس الوضع !!

وحصلت مجموعة كالعادة يفكرون ومحتاارين وبعضهم أتصالات ( هاه زين موب زين ) .. يوم جيت أطلع .. قالي واحد لاتروح لمحل عند الأرياف لأني توني جاي منه مافيه .. قلت بعد أنت لاتطلع شمال لأني دايرها .. < ( تبادل مصالح ) ..

الزبدة .. أن اليوم راح .. على الغاز .. وأضطريت أرجع ونكمل على الدافور .. لين ألله يفرجها ..

ملاحظة : طبعاً زين أن بيوتنا موجودة " خزان غاز " ولا كان معاناة .. والله يعين الي ماعندهم أو بعض سكان الشقق والوحدات والمطاعم وغيرهم ، لأنهم يبي يعيشون تجارب مع شركة الغاز كل شوي منزله تجربة على حساب حياة المواطن ..!!



آخر من قام بالتعديل هاتريك; بتاريخ 27-04-2012 الساعة 10:10 PM.
هاتريك غير متصل  


قديم(ـة) 27-04-2012, 09:57 PM   #2
الـــرزة
عـضـو
 
صورة الـــرزة الرمزية
 
تاريخ التسجيل: Aug 2008
المشاركات: 449
واالي ماعنده خزان
__________________
استغفر الله واتوب اليه
الـــرزة غير متصل  
قديم(ـة) 27-04-2012, 10:04 PM   #3
سلمنه
عـضـو
 
تاريخ التسجيل: Mar 2012
البلد: عاصمة التمور
المشاركات: 129
والله مشكلة ..

وحتى بدون مقدمات ولا دعايه ولا تجربه

الله يكون بالعووون ...... بس !!!
__________________

سلمنه غير متصل  
قديم(ـة) 27-04-2012, 10:11 PM   #4
ـالتُفاحة الورديّة
مميّزة
 
صورة ـالتُفاحة الورديّة الرمزية
 
تاريخ التسجيل: May 2010
البلد: ...............
المشاركات: 4,856
أسطوانات الغاز الجديدة رديئة لا تنفع للحالات الطارئة < من تجربة
اقتباس
البشكة

هل تكرمت بتوضيح معنى هذه الكلمة ..؟؟ وأنتابني ورودها مرتين ..!!
__________________
لاتعود نفسك أن يرق قلبك إلئ شيء أعظم من القرآن , المغامسي
ـالتُفاحة الورديّة غير متصل  
قديم(ـة) 27-04-2012, 11:38 PM   #5
غــرور انـثـى
عـضـو
 
صورة غــرور انـثـى الرمزية
 
تاريخ التسجيل: Dec 2010
البلد: بريده
المشاركات: 220
يعني معقوله مخلص الغاااز ياكاافي بس
__________________
يارب قل لاامنيااتي كوني فتكون

يارب حقق حلميوسهل امري وارزقني من حيث لااحتسب
غــرور انـثـى غير متصل  
قديم(ـة) 27-04-2012, 11:56 PM   #6
اخو دريحم
مشرف أخبار بريدة
 
صورة اخو دريحم الرمزية
 
تاريخ التسجيل: Jan 2007
البلد: القصـ بريدة ـيم
المشاركات: 11,062
المحول الايطالي أقوى اما

المحول الجديد ردي بالحيل ووسيع صدر الغلاية أقوى منه

__________________
اخو دريحم غير متصل  
قديم(ـة) 27-04-2012, 11:58 PM   #7
أبو رانسي
عـضـو
 
صورة أبو رانسي الرمزية
 
تاريخ التسجيل: Nov 2011
البلد: بريدهـ
المشاركات: 452
في أغلب الدول الفقيرة يوصل زية زي الماء عندنا .
__________________
كثيرون يتحرزون من رشاشة النجاسة ولا يتحاشون من الغيبة
أبو رانسي غير متصل  
قديم(ـة) 28-04-2012, 12:15 AM   #8
ابو وليد المدينة
عـضـو
 
تاريخ التسجيل: Jun 2010
البلد: المدينة المنورة
المشاركات: 163
اقتباس
المشاركة الأساسية كتبها ـالتُفاحة الورديّة

هل تكرمت بتوضيح معنى هذه الكلمة ..؟؟ وأنتابني ورودها مرتين ..!!


البشكة بمعنى الاصدقاء او الاخوياه
ابو وليد المدينة غير متصل  
قديم(ـة) 28-04-2012, 12:41 AM   #9
هولستن نعناع
عـضـو
 
تاريخ التسجيل: Nov 2010
البلد: بريده
المشاركات: 142
اليوم خلص الغاز عن قهوة العصريات

رحت للمحل اللي عند النفسيه لقيته مسكر بعدها رحت للابديه قالي مافيه ورحت للفايزيه وقالي بعد مافيه اضطريت اروح للنقع الشرقي وحصلت زحمه عنده بس الحمد لله حصلت طلبي عنده


الحق على النقع الشرقي بتحصل فيها
هولستن نعناع غير متصل  
قديم(ـة) 28-04-2012, 12:52 AM   #10
الرادو
عـضـو
 
تاريخ التسجيل: Sep 2011
البلد: نهر الأمازون
المشاركات: 94
ياجماعة الخير الغاز ماخلص لكن الشركة تجبر الواحد لاجا يبدل الغاز
يشري محول اخضر مثل اللي نزله اخو دريحم وقيمته 19ريال هذا
اللي شفته بالضاحي اليوم
الرادو غير متصل  
قديم(ـة) 28-04-2012, 01:09 AM   #11
م صناعي
عـضـو
 
تاريخ التسجيل: Apr 2012
البلد: القصيم
المشاركات: 9
مع التحية للجميع
لا يوجد ازمة غاز اليوم ولكن المشكلة تكمن في عدم تقبل الناس للمنظم الجديد والذي للأمانه يعتبر أفضل من المنظمات المتوفره بالسوق وذلك للأسباب التالية :
1- عامل آمان أعلى بإذن الله وذلك لوجود صمام تنفيس يمن إنفجار الأسطوانة في حالة تعرضها للحريق لا سمح الله.
2- مطابق للمواصفات السعودية والخليجية والعالمية.
3- سهل التركيب والفك وليس هنالك حاجة لآي معدات إضافية عند التركيب.
4- يمنع تسرب الغاز نتيجة وجود جلدة مانعة للتسرب داخل الصمام.
5- مطبق بأكثر دول العالم وكذلك دول الخليج.
6- لا يحتاج البيت سوى لمنظم واحد.
7- شعلة الفرن زرقاء كاملة الإحتراق فلا يؤدي الى تلوث البيئة بالغازات السامة.
8- يوفر في استهلاك الغاز.
9- الضغط المعتمد للغاز المنزلي طبقا للمواصفات السعودية والعالمية هو 30 ملي بار وأي منظم أخر فهو غير مصمم للإستخدام المنزلي.
10- المنظم الأصفر الموجود بالسوق يحمل ضغط 60 ملي بار وهو مصمم للإستخدام التجاري فقط مثل المطاعم الكبيرة.
11- المنظم الأزرق الموجود بالسوق ضغطه 4000 ملي بار وهو مصمم للإستخدام الصناعي مثل اللحام.
هذا ما لزم توضيحه
ويمكن الإطلاع على مواصفات المنظم على موقع الشركة gasco.com.sa
أو أفتصال على الشركة على رقم 3221300
م صناعي غير متصل  
قديم(ـة) 28-04-2012, 01:33 AM   #12
هاتريك
Registered User
 
تاريخ التسجيل: Feb 2012
البلد: بريدة
المشاركات: 222
اقتباس
مع التحية للجميع
لا يوجد ازمة غاز اليوم ولكن المشكلة تكمن في عدم تقبل الناس للمنظم الجديد والذي للأمانه يعتبر أفضل من المنظمات المتوفره بالسوق وذلك للأسباب التالية :
1- عامل آمان أعلى بإذن الله وذلك لوجود صمام تنفيس يمن إنفجار الأسطوانة في حالة تعرضها للحريق لا سمح الله.
2- مطابق للمواصفات السعودية والخليجية والعالمية.
3- سهل التركيب والفك وليس هنالك حاجة لآي معدات إضافية عند التركيب.
4- يمنع تسرب الغاز نتيجة وجود جلدة مانعة للتسرب داخل الصمام.
5- مطبق بأكثر دول العالم وكذلك دول الخليج.
6- لا يحتاج البيت سوى لمنظم واحد.
7- شعلة الفرن زرقاء كاملة الإحتراق فلا يؤدي الى تلوث البيئة بالغازات السامة.
8- يوفر في استهلاك الغاز.
9- الضغط المعتمد للغاز المنزلي طبقا للمواصفات السعودية والعالمية هو 30 ملي بار وأي منظم أخر فهو غير مصمم للإستخدام المنزلي.
10- المنظم الأصفر الموجود بالسوق يحمل ضغط 60 ملي بار وهو مصمم للإستخدام التجاري فقط مثل المطاعم الكبيرة.
11- المنظم الأزرق الموجود بالسوق ضغطه 4000 ملي بار وهو مصمم للإستخدام الصناعي مثل اللحام.
هذا ما لزم توضيحه
ويمكن الإطلاع على مواصفات المنظم على موقع الشركة gasco.com.sa
أو أفتصال على الشركة على رقم 3221300

+ هدف مادي وأخطر من الي قبل ..

من جدك .. طيب ليش ماسوت دعاية وتوعية قبل ماتفاجئ الزباين بالمحلات ، حتى الهنود الي يبيعون مايعرفون يربطونها أو على الأقل لوحة بمحل غاز وتعريف فيه .. إذا كان من أجل سلامة المواطن ..

كل عمر أبو جدي .. والغازات الحديد موجودة .. وتدربيها المطاعم وبالشموس وعند الخبابيز بعد .. وماشفنا الي شافوه محلات .. غازكو ..

وبعدين أسهل لهم .. هم عند التركيب .. عشان مايفك ويربط واجد .. ويرفعون السعر لمحلات الغاز بحجة أنه سهلنا لكم ..

ووين الغازات البلاستيكية الي جايبينها من أوربا .. قالو ايش عن سلامتكم .. وأخر شي بعد فترة تجارب .. قالو ماش ماتصلح هذي .. يالله نغيرها < شفت أن شغلهم تجارب على المواطنين وليس دراسات ..

ومع أحترامي لأكبر مهندس بشركة غازكو .. لو يفتحون موضوع هنا عن طرح أفكار لوسائل الحماية للغاز .. لعلق المنتدى من كثر الأفكار الموجودة والسهلة .. هه ويمكن بعد تتشعب الأفكار ونصير نستغني عن الغاز كله بكبره ..

عموماً .. فيه أزمة اليوم بالغاز ونصهم مقفلين والنص الثاني مالقى الا أبومحول .. ومايعرف له وأصلا خطر جدا ..

ملاحظة : المحول هذا خطر جداً جداً جداً .. ومدري وين عقولهم يفكرون ..

يكفي لو فيه بزر عمره 4 سنين .. فر الفرارة السوداء .. وأنفتح الغاز .. بتقولي فيه لي طيب فيه عائلة حاطه المحول بدون لي أو عندها أكثر من محول أو نزلت الغازات بمحول وطلعت من البيت وفيه بزران !! .. " وين التوعية يالشركة الواعية "

.. بعكس القديم الي ممكن تكربه وصعب فتحه لأنه يحتاج إلى قوة إضافية ..

آخر من قام بالتعديل هاتريك; بتاريخ 28-04-2012 الساعة 02:01 AM.
هاتريك غير متصل  
قديم(ـة) 28-04-2012, 01:47 AM   #13
هاتريك
Registered User
 
تاريخ التسجيل: Feb 2012
البلد: بريدة
المشاركات: 222
اقتباس
واالي ماعنده خزان

كثير ماعندهم لأنه يحتاج إلى مساحة كبيرة .. ويمكن بعض المتزوجين يقول الغاز الصغير يجلس عندي شهر بعكس العائلة ، وبعض سكان الشقق والوحدات ، والمستاجرين ايضاً لايحتاجون إليه ..

اقتباس
والله مشكلة ..

وحتى بدون مقدمات ولا دعايه ولا تجربه

الله يكون بالعووون ...... بس !!!

صدقت وهالشركة ماغير عايشه .. تجارب .. على حسابنا ..


اقتباس
هل تكرمت بتوضيح معنى هذه الكلمة ..؟؟ وأنتابني ورودها مرتين ..!!

وضحها الأخ أبو وليد .. ولكن نضيف من عندنا .. " ألشلة + الأصدقاء + الأصحاب .....إلخ "

اقتباس
يعني معقوله مخلص الغاااز ياكاافي بس

لا ماخلص .. بس المواطن يخاف يجيب لبيته قنبلة من دون مايعرف طريقة عملها في ظل شركات التجارب ..

اقتباس
المحول الايطالي أقوى اما

المحول الجديد ردي بالحيل ووسيع صدر الغلاية أقوى منه

كلامك صحيح .. ولكن المحول الجديد أو ماشابهه .. يكفي لو عندك صغير بالبيت .. شغله وهو يمشي لأن فتحه سهل مو مثل القديم إذا كربته ماقدر أحد يشغله من الصغار .. بل هذا الجديد راح يفتح لنا مشاكل في الجرائم .. بل حتى صناعتها رديئة ..

اقتباس
في أغلب الدول الفقيرة يوصل زية زي الماء عندنا .

هذا وحنا نصدر الغاز ..

اقتباس
البشكة بمعنى الاصدقاء او الاخوياه

يسلموو .. ع التوضيح ..

اقتباس
اليوم خلص الغاز عن قهوة العصريات

رحت للمحل اللي عند النفسيه لقيته مسكر بعدها رحت للابديه قالي مافيه ورحت للفايزيه وقالي بعد مافيه اضطريت اروح للنقع الشرقي وحصلت زحمه عنده بس الحمد لله حصلت طلبي عنده


الحق على النقع الشرقي بتحصل فيها

الله يعين ياشيخ والله شي يرفع الضغط .. تخيل عندك ضيوف وصارت معك مثل هذا الموقف والمشكلة الجديد خطر أيضا ًاذا عندك أطفال لأنه سهل الفتح ،
اقتباس
ياجماعة الخير الغاز ماخلص لكن الشركة تجبر الواحد لاجا يبدل الغاز
يشري محول اخضر مثل اللي نزله اخو دريحم وقيمته 19ريال هذا
اللي شفته بالضاحي اليوم

القديم غير موجود ونص المحلات مقفلة وش معناته ( معناته الغاز في أزمة ) ، وعلى قولتك تجرب الزباين من دون أي توعية مسبقة أو حتى توجيه أو حتى طريقة التشغيل وتبغى الزباين والمواطنين يجيبون هالقنابل في بيوتهم ويحطونها عند عيالهم مقابل ماتدفع 19 قيمة المحول هه .. ويدعون أن الطريقة أسهل من الي قبل وبينما لو أقرب صغير يتعلق بالغاز لعب بالفرارة السوداء السهلة واشتغل .. ويالله عاد اذا اشتغل وانت ماحطيت لي ومعك بالسيارة هه وش موقفك !!!
هاتريك غير متصل  
قديم(ـة) 28-04-2012, 02:04 AM   #14
أبورامي
عـضـو متفاعل
 
صورة أبورامي الرمزية
 
تاريخ التسجيل: Jan 2009
البلد: بريدة
المشاركات: 8,228
+ سرقة جديدة مثل الغاز الفيبر قلاس
أبورامي غير متصل  
موضوع مغلق

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 06:31 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)