مشاهدة لمشاركة منفردة
قديم(ـة) 25-07-2010, 12:52 PM   #17
بدر بن عبدالله
نسألك يارب غيثاً مغيثاً
 
صورة بدر بن عبدالله الرمزية
 
تاريخ التسجيل: Apr 2008
البلد: الرياض.
المشاركات: 7,025

الأوسمة

حياك أبو غلا وموضوع مهبول وبالصميم،

بعض الجيل السابق من الآباء تلقى هذي طريقتهم بالتعامل ، صعب إنك تتعامل معه كل شيء
هو أنا أبخص، أنت ما تعرف وش فهمك، أنا أكبر منك وعارف بأمور الحياة ومن هالكلام ، ويبي
كل شيء هو يزينه مع إن فيه بعض الأمور خطر عليه مثل تصليح الكهرب ، والكهرب ما ينمزح
معه يمكن يسبب الموت لا قدر الله ، ومثل كبار السن هذولا حياتهم السابقة كانت حياة بسيطة
وغالب اليوم تلقاه يبحث عن لقمة العيش له ولعياله، واستمر على هالحياة سنين، ثلاثين أو
أربعين سنة ثم تغير حال الدنيا وصار فيه تقنية وتسهلت أمور الحياة ولله الحمد، فصار كبير
هالسن هذا الحين عمره خمسين فالآن عياله أفضل منه لأنه صار فيه مراكز تدريب تعلم
الواحد على التقنية، فتخيل هذا اللي عمره خمسين سنة عياله أو أحفاده يفهمون بأشياء
هو ما يفهمه فتلقى ولده عمره صغير مثلاً وفاهم بالتقنية،

وينتج عن عدم إدراك كبير السن لهذه التقنية وهذ التطور أمران هما:

- يبرر كبير السن النقص اللي عنده بمثل هالكلام ( أنت ما تفهم ، أنت وش عرفك ) وتلقاه
يمسك الشيء ويحبرش به وما يوصل لنتيجة أو يصلح الشيء غلط .

- كبير السن تلقاه يصلح الشيء على خبراته السابقة فيحسب اللابتوب مثل الرادو فتلقاه
يفكك اللابتوب يبي يزينه وبالأخير يمكن يخرب اللابتوب زود.

( وليت البعض هنا يعطينا اللي عنده )

- يبقى عليك أنت حسن التعامل والصبر على كبار السن ومسايستهم والتودد لهم وإن كان
في تعاملهم شيئاً من القسوة ، ومنهم تتعلم الصبر والحلم بسبب قسوتهم ، وإن شفت رأيك
هو الأصلح، مثلاً بتصليح كهرب فصلحه وخله يشوفه بعدين إن اقتنع فبها، وإلا تصير أنت
جبت كهربائي متخصص صلح لك الكهرب وبإذن الله تسلم من الأخطار كالتماس وغيره،
وترتاح نفسياً.

ومعليش طولت عليك بكثر القرق، وتسلم لي على موضوعك الرهيب
__________________
.
.

(( مَنْ أَصْبَحَ مِنْكُمْ آمِنًا فِي سِرْبِهِ ، مُعَافًى فِي جَسَدِهِ ، عِنْدَهُ قُوتُ يَوْمِهِ ، فَكَأَنَّمَا حِيزَتْ لَهُ الدُّنْيَا ))
بدر بن عبدالله غير متصل   الرد باقتباس